جۇڭگو جىلقى شارۋاشىلىعى بىرلەستىگى شينجياڭنىڭ جوعارى ورەدەگى ىلە تۇلپارى بايگە ماركاسىن قالىپتاستىرۋىنا قولداۋ كورسەتەدى

2024.04.25 14:34 كەلۋ قاينارى : حالىق تورابى

　　سۋرەتتە: 4 – ايدىڭ 22 – كۇنى جۇڭگو جىلقى شارۋاشىلىعى بىرلەستىگىنىڭ باس حاتشىسى يۋە گاۋفىڭ (سولدا) شينجياڭ جىلقى شارۋاشىلىعى بىرلەستىگىنىڭ باستىعى ياۋ شينكۇيمەن (سولدا) بىرگە كەلىسىمشارتقا قول قويۋدا. سۋرەتتى جۇڭگو جىلقى شارۋاشىلىعى بىرلەستىگى بەرگەن

　　انار بۇلت \ شينجياڭ گازەتىنىڭ ءتىلشىسى ما بويۇي حابارلايدى. ءتىلشىنىڭ 4 – ايدىڭ 24 – كۇنى شينجياڭ جىلقى شارۋاشىلىعى بىرلەستىگىنەن ۇعىسۋىنشا، جۇڭگو جىلقى شارۋاشىلىعى بىرلەستىگى مەن شينجياڭ جىلقى شارۋاشىلىعى بىرلەستىگى 4 – ايدىڭ 22 – كۇنى بەيجيڭدە سەلبەستىك كەلىسىمشارتىنا قول قويىپ، ءۇش جىل ۋاقىت ىشىندە جوعارى ورەدەگى ىلە تۇلپارى بايگە ماركاسىن قالىپتاستىرۋدى، ىلە تۇلپارىنىڭ سپورتتىق ساپاسىن باعالاۋ جانە ءنومىر قويۋ جۇيەسىن كەمەلدەندىرۋدى، وتاندىق ات بايگەسى ەرەجەسىنىڭ حالىقارامەن توعىسۋىنا ۇلگى كورسەتۋدى، جەتەكشىلىك ەتۋ جانە ونى ىلگەرىلەتۋدى، ىلە تۇلپارىنىڭ شينجياڭنان اتتاپ شىعىپ، الەمگە قادام تاستاۋىن جەدەلدەتۋدى جوسپارلاعان.

　　بيىل جۇڭگو جىلقى شارۋاشىلىعى بىرلەستىگى شينجياڭ جىلقى شارۋاشىلىعى بىرلەستىگىنىڭ جىلىنا شينجياڭدا كەمىندە 45 رەت قىسقا ارالىقتى بايگە، جورعا جارىس جانە ۇزاق ارالىقتى بايگە قاتارلى ىلە تۇلپارىنا ارنالعان جارىستاردى وتكىزۋىنە قولداۋ كورسەتەدى. 2024 – جىلعى تۇڭعىش رەتكى جارىس 5 – ايدىڭ 3 – كۇنى كورلا قالاسىندا باستالادى.

　　شينجياڭ جىلقى شارۋاشىلىعى بىرلەستىگىنىڭ القالار باستىعى، شينجياڭ اۋىل شارۋاشىلىعى داشۋەسى جىلقى شارۋاشىلىعىن زەرتتەۋ مەكەمەسىنىڭ باستىعى ياۋ شينكۇي پروفەسسوردىڭ تانىستىرۋىنشا، شينجياڭدا قازىر جەرگىلىكتى جىلقى ناسىلىنەن 6 ءتۇرى بار، بۇل بۇكىل ەلىمىزدەگىنىڭ جەتىدەن ءبىر بولىگىن ۇستايدى. شينجياڭ قازىر اۆتونوميالى رايون دارەجەلى اسىل تۇقىمدى جىلقى فەرماسىنان بەسەۋىن، تاڭداۋلى اسىل تۇقىمدى جىلقى ءوسىرۋ فەرماسىنان جيىرمادان استامىن، مەملەكەت دارەجەلى ءناسىلدى تۇقىمدى قورعاۋ فەرماسىنان بىرەۋىن، اۆتونوميالى رايون دارەجەلى ءناسىلدى تۇقىمدى قورعاۋ فەرماسىنان ەكەۋىن سالىپ بولعان. سونىمەن بىرگە، جىلقى ۇرىقتاندىرۋ پۋنكتىنەن 60 نەشەسىن سالىپ، تاڭداۋلى ءناسىلدى جىلقىنىڭ 10 نەشە ءتۇرىن ەنگىزىپ، بۋدانداستىرۋ ارقىلى ءناسىلىن جاقسارتىپ، جەرگىلىكتى ورىنداعى جىلقىنىڭ ءوسىمتالدىعىن ارتتىرعان.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved