مەملەكەتتىك ەمدەۋدى قامتاماسىزداندىرۋ مەكەمەسى ءدارى – دارمەك سالاسىنداعى سەنىمنەن ايرىلعان 25 كاسىپورىندى اشىق جاريالادى
2024.05.06 14:38 كەلۋ قاينارى : حالىق تورابى
جۋىردا مەملەكەتتىك ەمدەۋدى قامتاماسىزداندىرۋ مەكەمەسىنىڭ ءدارى – دارمەك باعاسى جانە مەردىگەر شاقىرۋ – ساتىپ الۋ قىزمەتىنە جەتەكشىلىك ەتۋ ورتالىعى 2024 – جىلى 3 – ايدىڭ 31 – كۇنىنە دەيىن ءارقايسى ولكەلەر سەنىمنەن ايرىلۋ دارەجەسى ”ەرەكشە اۋىر دارەجە“ جانە ”اۋىر دارەجە“ دەپ بەلگىلەگەن كاسىپورىنداردىڭ جاعدايىن جاريالادى، مۇنىڭ ىشىندە ءدارى – دارمەك سالاسىنداعى 4 كاسىپورىننىڭ دارەجەسى ”ەرەكشە اۋىر دارەجە“ بولعان، ءدارى – دارمەك سالاسىنداعى 21 كاسىپورىننىڭ دارەجەسى ”اۋىر دارەجە“ بولعان.
تانىستىرۋعا قاراعاندا، باعاسى بويىنشا ساتىپ الۋ سەنىمدىلىگىنىڭ دارەجەسىن باعالاۋ، باستىسى، پارا بەرۋ سوماسى، باعاداعى ۇيلەسىمسىز ارەكەت، شوعىرلى ساتىپ الۋ ءتارتىبىن ءبۇلدىرۋ قاتارلىلاردىڭ دارەجەسىنىڭ اۋىر – جەڭىلدىگىنە قاراي تۇراقتاندىرىلادى. مىسالى، ءبىر رەتتە ون مىڭ يۋاننان جوعارى سومادا پارا بەرسە، ”جاي“ دارەجە بولىپ تۇراقتاندىرىلادى، ءبىر رەتتە 100 مىڭ يۋاننان جوعارى سومادا پارا بەرسە ”ورتاشا دارەجە“ بولىپ تۇراقتاندىرىلادى، ءبىر رەتتە 300 مىڭ يۋاننان استام پارا بەرسە، ”اۋىر دارەجەدە“ بولىپ تۇراقتاندىرىلادى، ءبىر رەتتە 2 ميلليون يۋاننان جوعارى سومادا سومادا پارا بەرسە، ”وتە اۋىر دارەجە“ بولىپ تۇراقتاندىرىلادى.
ءدارى – دارمەك سالاسىنداعى كاسىپورىنداردىڭ سەنىمدىلىك دارەجەسىن باعالاۋعا ساي، قاتىستى تاراۋلاردىڭ كەڭەس بەرۋ، حاۋىپ – قاتەردى ەسكەرتۋ، سەنىمەن ايرىلعانداردىڭ ينفورماتسياسىن اشىق جاريالاۋ، سول كاسىپورىننىڭ ءدارى – دارمەكتەر مەن ەمدەۋگە پايدالاناتىن ماتەريالداردىڭ دەلوعا قاتىستى بولىگىن نەمەسە بارلىعىن ينتەرنەتكە شىعارۋ، مەردىگەرلىككە قاتىناستىرۋ نەمەسە جەتكىزىپ بەرۋ تولىمدىلىعى قاتارلىلاردى شەكتەۋ نەمەسە توقتاتۋ قاتارلى ءبىرجاقتى ەتۋ شارالارىن قولدانۋىنا بولادى. مىسالى، سەنىمنەن ايرىلۋ دارەجەسى ”اۋىر دارەجە“ بولىپ بەلگىلەنگەن كاسىپورىنعا دەلوعا قاتىستى ونىمدەردى ينتەرنەتكە شىعارۋ جانە جەتكىزىپ بەرۋ تولىمدىلىعىن كۇشىنەن قالدىرۋ قاتارلى ءبىرجاقتى ەتۋ شارالارى اتقارىلادى؛ سەنىمنەن ايرىلۋ دارەجەسى ”ەرەكشە اۋىر دارەجە“ بولىپ بەلگىلەنگەن كاسىپورىندارعا ونىڭ بارلىق ونىمدەرىن ينتەرنەتكە شىعارۋ جانە جەتكىزىپ بەرۋ تولىمدىلىعىن كۇشىنەن قالدىرۋ سىندى ءبىرجاقتى ەتۋ شاراسى اتقارىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
