شي جينپيڭ ساياحات قىزمەتى جونىندە ماڭىزدى نۇسقاۋ بەرىپ بىلاي دەپ باسا دارىپتەدى
وسى زامانعى ساياحات كاسىبى جۇيەسىن كۇش سالا كەمەلدەندىرىپ، ساياحاتتا قۋاتتى ەل قۇرۋدى جەدەلدەتىپ، ساياحات كاسىبىنىڭ ساپالى دامۋىن، ورنىقتى قاداممەن الىسقا جەتۋىن ىلگەرىلەتۋ كەرەك
2024.05.20 16:21 كەلۋ قاينارى : حالىق تورابى
«حالىق گازەتى»، 5 – ايدىڭ 17 - كۇنى، بەيجيڭ (ءتىلشى جاڭ شو). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ساياحات قىزمەتى جونىندە ماڭىزدى نۇسقاۋ بەرىپ بىلاي دەپ اتاپ كورسەتتى: رەفورما جاساپ، ەسىك اشقاننان بەرى، اسىرەسە، پارتيا 18 - قۇرىلتايىنان بەرى ەلىمىز ساياحاتىنىڭ دامۋى جەدەل ارناعا ءتۇسىپ، دۇنيە جۇزىندەگى ەڭ ۇلكەن ەل ءىشى ساياحات بازارى قالىپتاسىپ، حالىقارالىق ساياحاتتاعى ەڭ ۇلكەن جولاۋشى قاينارى ەلىنە جانە باستى نىسانالى جەرگە اينالدى، ساياحات كاسىبى كىشكەنەدەن زورايىپ، السىزدەن كۇشەيىپ، كۇن سايىن جاڭادان گۇلدەنگەن ستراتەگيالىق تىرەكتى كاسىپ سالاسىنا جانە ءداۋىر ەرەكشەلىگىنە يە حالىق تۇرمىسى كاسىپ سالاسىنا، باقىت كاسىپ سالاسىنا اينالىپ، وزىندىك ەرەكشەلىككە يە جۇڭگو ساياحاتىن دامىتۋ جولىمەن ءساتتى ءجۇردى.
شي جينپيڭ مىنالاردى باسا دارىپتەدى: جاڭا ءداۋىر، جاڭا جورىقتا ساياحاتتىڭ دامۋى جاڭا ورايعا، جاڭا سايىسقا ءدوپ كەلدى. جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا دامۋ ۇستانىمىن تولىق، دۇرىس، جان - جاقتى دايەكتىلەندىرىپ، دۇرىس جولدان جازباي، جاڭالىق اشۋدا، ساپانى جوعارىلاتىپ، ونىمدىلىكتى ارتتىرۋدا، توعىسپالى دامۋدا تاباندى بولىپ، ۇكىمەت پەن بازاردى، قامداۋ مەن قاجەتسىنۋدى، قورعاۋ مەن اشۋدى، ەل ءىشى مەن حالىقارانى، دامۋ مەن حاۋىپسىزدىكتى ءبىر تۇتاس جوسپارلاپ، وسى زامانعى ساياحات كاسىپ سالاسى جۇيەسىن كۇش سالا كەمەلدەندىرىپ، ساياحاتتا قۋاتتى ەل قۇرۋدى جەدەلدەتىپ، ساياحات كاسىبىنىڭ تاماشا تۇرمىسقا اناعۇرلىم ويداعىداي قىزمەت وتەۋىنە، ەكونوميكانىڭ دامۋىن جەبەۋىنە، رۋحاني مەكەن قۇرۋىنا، جۇڭگو وبرازىن ايگىلەۋىنە، وركەنيەتتىڭ ءوزارا ۇلگى الۋىن كۇشەيتۋىنە مۇمكىندىك جاساۋ كەرەك. جەر - جەر، تاراۋلار قىزمەت جاۋاپكەرشىلىك سەزىمىن، بورىشتىلىق سەزىمىن شىنايى كۇشەيتىپ، جۇمىس ءبولىسى بويىنشا سەلبەسىپ، تياناقتاندىرۋدى مىقتى يگەرىپ، ساياحات كاسىبىنىڭ ساپالى دامۋىن، ورنىقتى قاداممەن الىسقا جەتۋىن ىلگەرىلەتۋ كەرەك.
مەملەكەتتىك ساياحاتتى دامىتۋ جينالىسى 5 - ايدىڭ 17 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق ۇگىت ءبولىمىنىڭ باستىعى لي شۋلەي ماجىلىستە شي جينپيڭنىڭ ماڭىزدى نۇسقاۋىن جەتكىزدى ءارى ءسوز سويلەپ، مىنانى ءبىلدىردى: باس شۋجي شي جينپيڭنىڭ ماڭىزدى نۇسقاۋى مەن ساياحاتتى دامىتۋ جونىندەگى ءبىرقىدىرۋ ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، مادەنيەت ارقىلى ساياحاتتى سومداۋدا، ساياحات ارقىلى مادەنيەتتى ايگىلەۋدە تاباندى بولىپ، وزىندىك ەرەكشەلىككە يە جۇڭگو ساياحاتىن دامىتۋ جولىمەن ءجۇرۋ كەرەك. ساياحات كاسىبىنىڭ ساپالى دامۋىن ىلگەرىلەتىپ، ساياحاتتا قۋاتتى ەل قۇرۋدى جەدەلدەتىپ، جۇيەلى جوبالاۋ مەن عىلمي ورنالاستىرۋدى كۇشەيتىپ، مادەنيەت مۇرالارى مەن ەكولوگيالىق بايلىقتى قورعاپ، قامداۋ دەڭگەيى مەن قىزمەت وتەۋ ساپاسىن جوعارىلاتىپ، حالىقارالىق ساياحات اۋىس - كۇيىسى مەن سەلبەستىگىن تەرەڭدەتىپ، ساياحات دامۋىنىڭ جاڭا جاعدايىن ۇزدىكسىز اشۋ كەرەك.
مەملەكەتتىك كەڭەستىڭ مۇشەسى چىن ي - چين ءماجىلىستى باسقاردى ءارى قورىتىندى ءسوز سويلەدى.
مادەنيەت جانە ساياحات مينيسترلىگىندەگى، سىرتقى ىستەر مينيسترلىگىندەگى، جاراتىلىستىق بايلىق مينيسترلىگىندەگى، قاتىناس - تاسىمال مينيسترلىگىندەگى، حيلۇڭجياڭ ولكەسىندەگى، جىجياڭ، حۋنان، گۇيجوۋ ولكەلەرىندەگى جاۋاپتى جولداستار پىكىر اۋىستىرىپ، ءسوز سويلەدى.
ولكە، اۆتونوميالى رايون، توتە قاراستى قالالارداعى جانە تەتە ولكە دارەجەلى قالالارداعى، شينجياڭ ءوندىرىس - قۇرىلىس بيڭتۋانىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى، مەملەكەت مەنشىگىندەگى ءبىر ءبولىم ماڭىزدى تىرەكتى كاسىپورىندارداعى، قاتىستى مادەنيەت جانە ساياحات كاسىپتىك قوعامدارىنداعى، كاسىپورىندارداعى جاۋاپتى جولداستار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
