- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ساياحاتتاعى ايگىلى قالاشىق قۇرۋعا كۇش سالدى
2014.05.13 13:04
«التاي گازەتىنىڭ» ءتىلشىسى يان شۋەجيە حابارلايدى. (اۋدارعان) جارقىن ياسۋكەي ۇلى
«جاقىنعى جىلداردان بەرى، كوكتوعايعا ساياحاتتاي كەلەتىندەردىڭ اياعى ۇزىلمەدى، ساياجايىمنىڭ دا ساۋداسى جاقسى. بيىل ساياجايىمنىڭ كولەمىن كەڭەيتىپ، ساياحاتتاعى ايگىلى قالاشىق قۇرۋعا ءبىر كىسىلىك ۇلەسىمدى قوسسام دەيمىن»، ـ دەدى 30 ـ ساۋىردە كوكتوعاي اۋدانى كوكتوعاي قالاشىعى «شياۋچياۋ رىنجيا» ساياجايىنىڭ قوجايىنى لي سۇڭباۋ.
لي سۇڭباۋ تىلشىگە بىلاي دەدى: «ساياجاي اشقانىما 7 جىل بولدى، بىلتىر مامىردا ساياجايىم اۆتونوميالى رايونداعى ءۇش جۇلدىزدى ساياجاي بولىپ باعالاندى، كوكتوعاي قالاشىعىنداعى بىردەن-ءبىر جۇلدىز دارەجەلى ساياجايعا اينالدى، ساياحاتشىلاردىڭ كوبەيۋىنە ساي، شاعىن تۇسەلحانا اشۋمەن بىرگە، جاھۇت مانەرلەۋ جانە ساتۋمەن اينالىستىم. قازىر كوكتوعاي اۋدانىندا ساياجايىمنىڭ وزىندىك اتى بار، بىلتىر شاعىن تۇسەلحانامنىڭ جالپى كىرىسى 200 مىڭ يۋاننان اسسا، جاھۇت ساۋداسىنان 500 مىڭ يۋاننان استام پايدا تاپتىم».
ۇعىسۋعا قاراعاندا، قازىر كوكتوعاي قالاشىعى ساياحاتتان ۇلگى كورسەتەتىن ءوڭىر نىسانىن بەلسەنە اتقارىپ جاتسا، ال، «شياۋچياۋ رىنجيا» ساياجايى وسى جوباداعى ۇلگى كورسەتەتىن ءوڭىر ەكەن. مىنە، بۇل لي سۇڭباۋعا تىڭ دامۋ ورايىن بايقاتتى. لي سۇڭباۋ بىلاي دەدى: «قالاشىق ۇكىمەتتەگى كادر ماعان بىلتىر قالاشىق ساياحاتتاعى كۇتىپ الۋ قۇرىلعىلارىن قۇرۋ نىسانىنان 15 ىنە قول قويىسقان، قازىر يۋانفاڭ ساياحات سەرىكتەستىگى تۇسەلحاناسى، جيچىن اعاش ءۇيى قاتارلى 9 ساۋداگەر شاقىرۋ نىساندارى جۇمىسىن باستادى. وسىنشاما كوپ ساياحاتقا قىزمەت وتەيتىن كاسىپورىندار قالاشىققا ىرگە تەپتى،ەگەر قالاشىقتىڭ دامۋ اياق الىسىنا ىلەسە الماساڭ، ساياجايىڭ ارتتا قالادى عوي دەگەن بولاتىن. تاياۋدا، قاتىستى تاراۋلارمەن بايلانىس جاسادىم، ساياجايىم جونىندە جاقسىلاپ جوبا جاساماقشىمىن».
«جوبا بويىنشا قالاشىقتىڭ سولتۇستىگى تاريحي كورىنىستىك ءوڭىر، نەگىزىنەن جوندەۋ، رەتكە سالىپ وڭاۋدى نەگىز ەتىپ، تاريحي سيپاتتى كورىنىستەردى ساقتاپ قالادى؛ ال، قالاشىقتىڭ وڭتۇستىگىندە ساياحاتقا قىزمەت وتەيتىن كۇتىپ الۋ رايونىن قۇرىپ، ساۋدا كوشەسى سالىنادى. جەرگىلىكتى ورىنداعى بۇقارانى، ساۋداگەرلەردى ەرەكشە تۇسكە يە ساياحاتتاعى ايگىلى قالاشىق قۇرۋعا بەلسەنە ات سالىسۋعا شابىتتاندىرۋ ءۇشىن، قالاشىقتا جىل سايىن اقىسىز ساياحاتقا قىزمەت وتەۋگە تاربيەلەۋ كۋرسىن اشىپ، شارتقا ۇيلەسەتىن ساۋداگەرلەردى جوعارى ولشەمدە ساياجاي، تۇسەلحانا سالۋعا بەلسەنە جەتەلەپ، سايكەستى ساياساتتىق جاقتان سۇيەمەلدەدى. بيىل سالىنىپ جاتقان جاياۋلار كوشەسىندەگى دۇكەندەردى 6 دا 8 گە ءبولىپ، قارجىسى تاپشى بولعانىمەن، تەحنيكالىق ونەرى، ويلامى بار تۇرعىندارعا اقىسىز بەرىپ، كاسىپ جەتىلدىرۋ بازاسىن قۇرماقشىمىز»، ـ دەدى كوكتوعاي قالاشىق پارتكومنىڭ شۋجيى جۋ جيدۇڭ.
ۇعىسۋعا قاراعاندا، بيىل كوكتوعاي قالاشىعى كاسىپورىن ساۋداگەرلەر قوعامىن، وزەن جاعاسى كەشكى بازارى، ەۆروپا ۇلگىسىندەگى ساياحاتتاپ تاماشالايتىن ات اربا قوسىنىن قۇرۋ، جىلجىمالى جايما ورنى نىسانىنا ءوتىنىش ەتۋ قاتارلى تاسىلدەر ارقىلى ساياحاتتاعى ايگىلى قالاشىق قۇرىلىسىن كۇش سالا جەبەيدى. سونىمەن بىرگە، حالىققا تيىمدىلىك جەتكىزەتىن قاتىستى ساياساتتارمەن ۇشتاستىرىپ، جەرگىلىكتى ورىنداعى تۇرعىنداردى ساياحاتقا سۇيەنىپ كاسىپتەنىپ، سول ارقىلى يگىلىككە كەنەلۋگە جەتەلەيدى ەكەن.
جۋ جيدۇڭ بىلاي دەدى: «‹كوكتوعاي دەربەس كەن رايونىن ۋنيۆەرسال باسقارۋ قىزمەتىنىڭ تۇلعالىق جوباسى› تالابى بويىنشا كوكتوعاي قالاشىعىن سەيىل ـ سەرۋەن قۇرىپ تاماشالاۋ، عىلىم ـ تەحنيكانى جالپىلاستىرۋ بازاسى، كوڭىل اشۋ، زات ساتىپ الۋ قاتارلىلار ءبىر تۇلعالانعان ساياحاتتىق الەۋمەتتىك قىزمەت وتەۋ تۇلعالىق قۇرىلىسى مەن سەيىل ـ سەرۋەن قۇرۋ ونىمدەرىن اشۋ، كەن مادەنيەتى ساياحاتى مەن ەرەكشە تۇردەگى ساياحات قيمىلدارىن وزەك ەتكەن ءتۇيىندى ونەركاسىپ ساياحاتىنان ۇلگى كورسەتۋ ورنى ەتىپ قۇرىپ شىعىپ، بۇكىل ەلدەگى ەرەكشە تۇسكە يە ساياحاتتاعى ايگىلى قالاشىق جانە جوعارى دەڭگەيدەگى ساياحاتتاعى كوزدەلى جەرگە اينالدىرامىز».
كەلۋ قاينارى؛ «التاي گازەتى» - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
