- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءۇرىمجى قالالىق قوعام حاۋىپسىزدىك مەكەمەسى سارى الاپات، قۇمار جانە ەسىرتكىنى الاستاۋ، قىلمىستىلارعا ارناۋلى سوققى بەرۋ ارەكەتىندە دەلولاردى تەكسەرىپ انىقتادى
2014.05.13 15:01 كەلۋ قاينارى : شينجياڭ حالىق راديو ستانسياسى تورابى
تاياۋدا، ءۇرىمجى قالالىق قوعام حاۋىپسىزدىك مەكەمەسى 3 ايعا جالعاسقان سارى الاپات، قۇمار جانە ەسىرتكىنى الاستاۋ، قىلمىستىلارعا ارناۋلى سوققى بەرۋ ارەكەتىندە 223 دەلونى تەكسەرىپ انىقتاپ، قۇمارعا تىككەن 640 مىڭ يۋاننان استام اقشانى تاركىلەدى. بۇل جولعى سارى الاپات، قۇمار ويناۋ جانە ەسىرتكى تۇتىنۋ زاڭسىز ارەكەتىنە سوققى بەرۋ ارەكەتى 20-اقپاننان 30-ساۋىرگە دەيىن جالعاستى. ارناۋلى سوققى بەرۋ ارەكەتىنىڭ ۋاقىتىنىڭ ۇزاقتىعى، سوققى بەرۋ تەبىنىنىڭ كۇشتىلىگى ءۇرىمجى تاريحىنداعى ەڭ قاتاڭ سوققى بەرۋ ارەكەتى بولدى.ءۇرىمجى قالالىق قوعام حاۋىپسىزدىك مەكەمەسى قوعام اماندىعىن باسقارۋ تارماق اتىرەتى 2-ۇلكەن اتىرەتىنىڭ باستىعى جيا جياڭشىڭ: «تارماق اتىرەتىمىز ىلگەرىندى-كەيىندى تيانشان رايونى، سايباق رايونى، جوعارى-جاڭا تەحنيكا رايونى، شۇيموگۋ رايونى، ميچۋان-دۇڭشان رايونى جانە تۇتىنحى رايونىنداعى 68 كوڭىل اشۋ ورنى مەن ساۋنا ورىندارىن تۇتقيىل تەكسەردى. مۇندا ءبىز 4 ءتۇرلى شارا قولدانىپ، جاسىرىن تەكسەرۋ مەن شۇعىل تەكسەرۋدى ۇشتاستىردىق، ءار قايسى ساقشى بولىمشەلەرى تەز اڭىس قايتارىپ بەلسەنە سايكەستى؛ ءتۇيىندى ورىنداردى ءتۇيىندى نىساناعا الىپ، سارى الاپاتقا قاتىستى زاڭسىز ارەكەتتەردى ارناۋلى تەكسەرىپ، قاتاڭ سوققى بەردىك»،-دەدى. ۇعىسۋعا قاراعاندا، وسى جولعى ارناۋلى سوققى بەرۋ ارەكەتىندە ءتۇرلى ويىنحانا، تانساحانا، ساۋنا سياقتى كوڭىل اشۋ ورنىنان 6 مىڭنان استام ورىن تەكسەرىلىپ، زاڭعا قايشى 29 ورىن كۇشىنەن قالدىرىلىپ، 40 ورىنعا تيجاراتىن توقتاتىپ رەتكە سالۋ ۇقتىرۋى تۇسىرىلگەن، 138 ىن شەكتى مەرزىمدە رەتكە سالىپ وڭايتىن بولعان. سارى الاپاتقا، قۇمارعا، ەسىرتكىگە قاتىستى 223 دەلو، 15 قىلمىستىق ىستەر دەلوسى تەكسەرىپ انىقتالعان؛ زاڭعا قايشى قىلمىس كۇماندىلارىنان 836 ادامدى ۇستاپ، ونىڭ 25ىن قىلمىستىق ىستەر بويىنشا قاماي تۇرعان، 640 مىڭ يۋاننان استام قۇمارعا تىككەن اقشا تاركىلەنگەن، 479 قۇمار ويناۋ ماشيناسى جيناپ الىنعان. جيا جياڭشىڭ بىلاي دەدى: «وسى رەتكى ارناۋلى سوققى بەرۋ ارەكەتى ارقىلى، ءۇرىمجى قالاسىنىڭ ءىشىنارا رايوندارىنىڭ سارى الاپات، قۇمار ويناۋ، ەسىرتكى تۇتىنۋ سياقتى زاڭعا قايشى قىلمىستىق ارەكەتتەرىنە ءونىمدى تيىم سالىندى».
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
