- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇلتتار ىنتىماعى جونىندەگى اڭگىمە ءماجىلىسى اشىلدى
2014.07.03 14:48
ايماعىمىزدىڭ ۇلتتار ىنتىماعى جونىندەگى اڭگىمە ءماجىلىسى 1- شىلدەدە اشىلدى. ۇلتتار ىنتىماعىنداعى وزات ۇلگىلەر مەن از ۇلت قايراتكەرلەرىنىڭ ۋاكىلدەرى كەڭەسكە شاقىرىلدى. ماجىلىسكە قاتىناسۋشىلار ورتالىقتىڭ شينجياڭ قىزمەتى جونىندەگى ەكىنشى رەتكى اڭگىمە ءماجىلىسىنىڭ رۋحى مەن ج ك پ اۆتونوميالى رايوندىق 8- كەزەكتى كوميتەتى جالپى مۇشەلەرىنىڭ جەتىنشى رەتكى كەڭەيتىلگەن ءماجىلىسى رۋحىن دايەكتى تياناقتاندىرۋ جانە ۇلتتار ىنتىماعى قىزمەتىن ءالى دە تىڭعىلىقتى ىستەۋ جونىندە ءوز ويلارىن ورتاعا سالدى.
قازاق قيسا- داستاندارىنىڭ مۇراگەرى بولعان قازىم المەن ۇلى بىلاي دەدى:
ىنتىماعى جاراسقان قارا شاڭىراق سانالاتىن وتانىمىزدا ءار ۇلت جۇرتشىلىعى بەرەكەلى بولىپ بىرگە جاساسىپ، الاڭسىز تۇرمىس كەشىرۋدە. وتانىمىزدىڭ بارلىق جەرىندە بەرەكەلى بەينە جارىققا شىقتى. قازىر ات توبەلىندەي بوگدە نيەتتى ادامدار ۇلتتار ىنتىماقتى، قوعام ورنىقتى بولعان تاماشا جاعدايدى بۇلدىرۋگە ۇرىنعانىمەن، ولاردىڭ ويى ىسكە اسپايدى. پارتيا مەن ۇكىمەتتىڭ تۋرا باسشىلىعىندا وتانىمىزدىڭ دامۋ بەتالىسى ايتارلىقتاي بولۋدا. مۇنى ەشكىم دە بۇلدىرە المايدى. قازاق قيسا- داستاندارىنىڭ مۇراگەرى بولعان مەن ءوز ارتىقشىلىعىمنان پايدالانىپ ۇلتتار ىنتىماعى مەن پارتيانىڭ ساياساتىن ءناسيحاتتاپ، وتان تۇتاستىعى مەن ۇلتتار ىنتىماعىن قورعايمىن.
بۋىرشىن اۋدانىنداعى جەكە كاسىپكەر ليدا پەرۋاي قىزى «ۇلتتار ىنتىماعى العاباسارلىعىنىڭ مەملەكەتتىك ۇلگىسى» بولعان. مەيىربان انالار قاتارىنداعى ليدا 6 ۇلتتان قۇرالعان قيىنشىلىعى بار بالالاردى باعىپتى. ليدا بىلاي دەدى: ساقا پارتيا مۇشەسى بولعان مەن مەيىربان انا بولۋدى ماقتانىش سانايمىن. ۇلتتار ىنتىماعى قوعام دامۋىنىڭ ىرگە تاسى ەسەپتەلەدى. ءار ۇلت جۇرتشىلىعى تىزە قوسا ىنتىماقتاسقاندا عانا قوعام سايكەسىمدى داميدى. ۇلتتار ىنتىماعى قىزمەتىن تىڭعىلىقتى ىستەۋ بارىسىندا ءار ادام ءوز رولىن ساۋلەلەندىرىپ، ۇلتتار ىنتىماعىن دارىپتەسە، زورەكەر لاڭكەستەردىڭ قاسكۇنەمدىگى مەن سۇرقيالىعى ىسكە اسپايدى.
ايماقتىق پارتكومنىڭ شۋجيى دىڭ جاڭۋ اڭگىمە ماجىلىسىندە مىنالاردى اتاپ كورسەتتى: جۇڭگو كوممۋنيستىك پارتياسىنىڭ قۇرىلعانىنا 93 جىل بولعان ءدال وسى قاسيەتتى كۇندە ۇلتتار ىنتىماعى قىزمەتى جونىندەگى اڭگىمە ءماجىلىسىن اشۋىمىزدىڭ ەرەكشە ءمانى بار. قوعام ورنىقتىلىعى مەن باياندى تىنىشتىق قازىرگى شينجياڭ قىزمەتىنىڭ كوزدەۋ ءتۇيىنى مەن كۇش سالۋ ءتۇيىنى ەسەپتەلەدى. وسى نىسانانى ىسكە اسىرۋ ءۇشىن ۇلتتار ىنتىماعىن مىقتاپ يگەرۋىمىز كەرەك. كوپشىلىكتىڭ لەبىزىنە قۇلاق تۇرسەك، بارلىقتارىڭىز ۇلتتار ىنتىماعى ايماعىمىزدىڭ گۇلدەنىپ- دامۋى مەن ورنىقتىلىعىندا ايىرىقشا ماڭىزدى رول اتقارادى دەپ قارايدى ەكەنسىزدەر. قازىر التايدا تاماشا دامۋ جاعدايى جارىققا شىقتى. مىنە بۇل ۇلتتار ىنتىماعى مەن قوعام ورنىقتىلىعىنىڭ پايداسى.
دىڭ جاڭ ۋ مىنالاردى باسا دارىپتەدى: ۇلتتار ىنتىماعىنىڭ ماڭىزدىلىعىن، كوكەيتەستىلىگىن جانە جاپالىلىعىن اناعۇرلىم جەتە تانىپ، «ۇلتتار ىنتىماعى – قۇت، بولشەكتەۋشىلىك پەن بىلىقپالىق – جۇت» دەگەن قاعيدانى دۇنيە ءجۇزى مەن شينجياڭنىڭ جاعدايىنا قاراپ ىلگەرىلەي يگەرۋىمىز كەرەك. التاي تالاي جىلدان بەرى ىنتىماقتى، سايكەسىمدى، ورنىقتى بولعان جاعدايدا شەتەل يدەياسىنىڭ ىقپالىنان ساقتانىپ، بەلەڭ بەرگەن ماسەلەلەرگە قىراعىلىقتى ارتتىرۋىمىز كەرەك.
ۇلتتار ىنتىماعى العاباسارلىعىنداعى قىزمەتتەردى شىنايى ىلگەرى باستىرۋىمىز قاجەت. ءار ۇلت جۇرتشىلىعى تۇگەلدەي ۇلتتار ىنتىماعىنىڭ ۇلگىسى بولۋعا قۇلشىنۋى ءتيىس. ۇلتتار ىنتىماقتى بولعان وسىنداي وڭايلىقشا قولعا كەلمەيتىن جاعدايدى وزىمىزدەن باستاپ، قازىردەن باستاپ قورعاۋعا كۇش سالۋىمىز كەرەك. قازىرگى ۇلتتار ىنتىماعىنا كەسىرىن تيگىزەتىن ماسەلەلەرگە قارسى ىرىقتىلىقپەن كۇرەس جاساپ، بەلەڭ بەرگەن ماسەلەلەردىڭ ۇلعايىپ كەتۋىنەن ساقتانۋىمىز كەرەك. ۇلتتاردىڭ مادەنيەت پارقىنا قۇرمەت ەتىپ، مادەنيەت جاعىندا ءبىر- بىرىنە جول بەرۋ جانە ءوزارا ءلاززاتتانۋ تالابىن ورىنداۋىمىز قاجەت. وسىزامانعى مادەنيەت ءداستۇرلى مادەنيەتتىڭ جالعاسۋى ەسەپتەلەدى. تاڭداۋلى ءداستۇرلى مادەنيەتكە ءالى دە مۇراگەرلىك ەتۋىمىز كەرەك. سونىمەن قاتار ءدانىن الىپ قاۋىزىن تاستاۋعا باتىل بولۋىمىز كەرەك. ءداستۇرلى مادەنيەتكە مۇراگەرلىك ەتۋمەن قاتار، باسقا ۇلت مادەنيەتىنىڭ تاڭداۋلى مازمۇندارىن قابىلداۋىمىز قاجەت.
تالعات ۇسەن ۇلى، ليۋ بين، رازبەك قامزا ۇلى، جاڭ شيانچىڭ قاتارلى باسشىلار اڭگىمە ماجىلىسىنە قاتىناستى.
كەلۋ قاينارى: التاي تەلەۆيزياسى - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
