- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق حالىق قۇرىلتايى تۇراقتى كوميتەتىنىڭ تەكسەرۋ – زەرتتەۋ ۇيىرمەسى ىلەگە كەلدى
جۇيە قۇرىلىسىن كەمەلدەندىرىپ، جول تاسىمالى كاسىبىنىڭ دامۋىن جەدەلدەتەيىك
2014.10.17 16:52
ءتىلشىمىز سۇن ۋيشيا حابارلايدى. اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، ساياسي–زاڭ كوميتەتىنىڭ مەڭگەرۋشى مۇشەسى ما ميڭچىڭ قاتارلىلار قازاننىڭ 15–كۇنى ىلەگە كەلىپ، «شينجياڭ ۇيعۇر اۆتونوميالى رايونىنىڭ جول تاسىمال ەرەجەسى (وزگەرىس ەنگىزىلگەن نۇسقاسى)» جونىندە زاڭ شىعارۋ تۇرعىسىنان تەكسەرۋ–زەرتتەۋ جۇرگىزىپ، اۆتونوميالى وبلىستىڭ جول تاسىمال ىستەرىنىڭ دامۋ جاعدايىنان دوكلاد تىڭدادى ءارى اڭگىمە ءماجىلىسىن وتكىزدى.
اۆتونوميالى رايوندىق حالىق قۇرىلتايى تۇراقتى كوميتەتى زاڭ–ءتۇزىم كوميتەتىنىڭ ورىنباسار مەڭگەرۋشى مۇشەسى، اۆتونوميالى وبلىستىق حالىق قۇرىلتايى تۇراقتى كوميتەتىنىڭ مەڭگەرۋشىسى زۇنۇن اكبار قاتارلىلار تەكسەرۋ–زەرتتەۋدە بىرگە بولدى.
1998–جىلى «شينجياڭ ۇيعۇر اۆتونوميالى رايونىنىڭ جول تاسىمال ەرەجەسى» جاريالانعاننان كەيىن وبلىسىمىز «ەرەجەنىڭ» تالابى بويىنشا مۇقيات دايەكتى تياناقتاندىرىپ، جول تاسىمال بازارىنىڭ ءتارتىبىن قورعاپ، جول تاسىمال حاۋىپسىزدىگىنە كەپىلدىك ەتتى. قازىرگە دەيىن وبلىسقا توتە قاراستى ورىنداردىڭ جول تاسىمال كاسىبىمەن تىكە شۇعىلداناتىندار 52 مىڭ 272 گە جەتتى، جانامالاي شۇعىلداناتىندار 200 مىڭنان اسادى؛ قىستاق جولاۋشى تاسىمال لەنيالارىندا كولىك قاتىناۋ مولشەرى ٪98 كە جەتتى. زاڭسىز تاسىمال جۇرگىزۋگە سوققى بەرۋدىڭ ارناۋلى وڭاۋ قيمىلىن ورىستەتىپ، كۋالىكسىز تيجارات جۇرگىزۋ، رۇقسات كولەمىنەن الشاقتاپ تيجارات جۇرگىزۋ سياقتى زاڭ–ەرەجەگە قايشى ارەكەتتەرگە قاتاڭ سوققى بەرىپ، بەكىتۋدەن وتكىزبەي زاڭسىز كۋرسانت قابىلداعان شوفەرلىككە تاربيەلەۋ تۇيىنىنەن 17 سىن انىقتاپ، زاڭسىز تاربيەلەۋ قيمىلىن ءونىمدى تەجەدى. الەۋمەتتىك قاتىناس لەنياسىن عىلمي جوبالاپ، قىزمەت وتەۋ ورەسىن ۇزدىكسىز جوعارىلاتىپ، قالانىڭ جولاۋشى تاسىمال باسقارۋ قۇرىلىمىن كەمەلدەندىرىپ، تيجارات ءتارتىبىن جاقسارتتى. كەدەن، شەكارالىق تەكسەرۋ، تاۋار تەكسەرۋ سياقتى ورىندارمەن بىرلەسىپ، حالىقارالىق جول تاسىمال اۆتوكولىكتەرىن تەكسەرۋ قىزمەتىن ورىستەتىپ، كاسىپ جاعىندا ءوزارا بايلانىس جاسايتىن، قىزمەت تاجىريبەسىن الماستىراتىن تاماشا جاعداي قالىپتاستىرىپ، وتكەلدىڭ ەكونوميكاسىنىڭ دامۋىنا تاماشا ىركىلىسسىز ورتا جاراتتى.
دوكلادتى تىڭداعاننان كەيىن ما ميڭچىڭ بىلاي دەدى: تەكسەرۋ–زەرتتەۋ ارقىلى ىلە وبلىسىنىڭ جول تاسىمال دەڭگەيى مەن قۋاتى كورنەكتى جوعارى بولىپ، قالا مەن اۋىل ءبىر تۇلعالاندىرىلعان تاسىمال دەڭگەيى اناعۇرلىم كەڭەيتىلىپ، سىرتقى تاسىمال كاسىبىنىڭ قارىشتاپ دامىپ، جول تاسىمال ساپاسىنىڭ جوعارىلاپ، جول تاسىمال بازارىنىڭ ءتارتىبى جاقسارىپ، اقاۋسىز دامىعاندىعىن بايقادىق. تەكسەرۋ–زەرتتەۋ ارقىلى زاڭ–ءتۇزىم جۇيەسى قۇرىلىسىن اناعۇرلىم كۇشەيتىپ، جول تاسىمال كاسىبىنىڭ جەدەل دامۋىن جەبەۋگە جۇيەلى جەتەكشىلىك ەتۋ كەرەكتىگىن توپشىلادىق.
وبلىسقا توتە قاراستى قاتىستى تاراۋلاردىڭ جاۋاپتىلارى، وبلىستىق حالىق قۇرىلتايىنىڭ ۋاكىلدەرى، كاسىپورىن ۋاكىلدەرى اڭگىمە ماجىلىسىنە قاتىناستى ءارى وبلىسقا توتە قاراستى ورىنداردىڭ جۇك، جولاۋشى تاسىمال تيجاراتى، الەۋمەتتىك قاتىناس تيجاراتى سياقتى جاقتاردا ساقتالعان ماسەلەلەر جونىندە پىكىر اۋىستىردى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
