- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كومەككە كەلگەن شيپاگەرلەردىڭ كورنەكتى ەڭبەگى
2014.11.03 13:21
جيلين ولكەسىنەن كومەككە كەلگەن كاسىپتىك قىزمەتكەرلەر التايدى 2- مەكەندەرىنە بالاپ، قىزمەت پەن تۇرمىستاعى ءتۇرلى قينشىلىقتاردى جەڭىپ، قىزمەتكە بەل شەشە كىرىسىپ، رياسىز ۇلەس قوسىپ«كومەكتەسۋ قىزمەتىن ويداعىداي تىندىرۋ، ارقالاۋعا باتىل بولۋ» سىندى جيلين ولكەسىندەگىلەردىڭ كومەكتەسۋ رۋحى ارقىلى جەرگىلىكتى حالىقتىڭ قۇرمەتىنە بولەندى.
كوكتوعاي اۋدانىنىڭ تۇرعىنى تىلەكتە رەۆماتيزىم ناۋقاسى بولعاندىقتان اسقىنعان كەزدەرى ەكى يىعىن كوتەرە الماي قالاتىن، ايماقتىق قازاق ەمشىلىگى شيپاحاناسىنا جيليننەن شيپاگەر كەلدى دەگەندى ەستىگەن ول كوكتوعايدان ارناۋلى ەمدەلۋگە كەلدى. كومەككە كەلگەن شيپاگەرلەردىڭ ينەمەنەن ەمدەۋ، ۋقالاپ ەمدەۋىنەن كەيىن ونىڭ ناۋقاسى جاقسى بولىپ قالدى.
كوكتوعاي اۋدانىنىڭ تۇرعىنى تىلەك: ەمدەۋدىڭ ءونىمى جاقسى بولدى، كومەككە كەلگەن شيپاگەرلەرگە رازى بولدىم، شىنايى راحىمەت ايتامىن.
تىلەكتىڭ ايتىپ وتىرعان كومەككە كەلگەن شيپاگەرلەرى جيلين ولكەلىك جۇڭگوشا ەمشىلىك شيپاحاناسىنان ءۇش اي ۋاقىتپەن كومەككە كەلگەن جاڭ مين مەن ۋاڭ شياۋدۇڭ بولاتىن، ولار ايماقتىق قازاق ەمشىلىگى شيپاحاناسىنا كەلگەننەن كەيىن ارناۋلى ەكى ەمدەۋ ءبولىمىن قۇردى.
ايماقتىق قازاق ەمشىلىگى شيپاحاناسىنا كومەككە كەلگەن شيپاگەر جاڭ مين: كەلگەننەن كەيىن كىشى- گىرىم ىستەردەن باستاپ ىسكە كىرىستىك، ەرەجە ءتۇزىم بەلگىلەۋ، اتقارۋ، اقى الۋ ولشەمى قاتارلى قىزمەتتەر جونىندە اقىل- كەڭەس بەرىپ جەتەكشىلىك ەتتىك.
جاڭا ءبولىم قۇرىلعاننان كەيىن اتاعىن ەستىپ ارناۋلى ناۋقاس ەمدەتۋگە كەلەتىندەر كوبەيدى.
ايماقتىق قازاق ەمشىلىگى شيپاحاناسى عىلمي زەرتتەۋ ءبولىمىنىڭ باستىعى ادالبەك: «كومەككە كەلگەن شيپاگەرلەر ناۋقاستاردىڭ قاجەتىنەن شىعۋ ءۇشىن سەنبى، جەكسەنبى كۇندەرى دە دەمالماي قىزمەت ىستەيدى، ولاردىڭ كاسىپشەڭدىك رۋحىنا راسىندا ءتانتى بولدىق».
بيىل جاڭ مين مەن ۋاڭ شياۋدۇڭ سياقتى ءۇش ايلىق كومەكتەسۋ قىزمەتىن ورىستەتۋگە 24 شيپاگەر كەلدى، ءۇش ايدا ولاردىڭ ەمدەگەن ناۋقاس سانى 4470 ادام- رەتكە جەتتى، سالماقتى ناۋقاسقا شالدىققان 42 ادامدى اجال اۋزىنان الىپ قالدى، ءتۇرلى تەحنيكالار جونىندە 75 رەت تاربيەلەۋ قيمىلىن ورىستەتىپ، تاربيەلەگەن ادام سانى 1718 ادام- رەتكە جەتتى، 55 تەحنيكالىق تايانىش تاربيەلەدى.
كومەككە كەلگەن شيپاگەر لي شۋنلان: «بالام وتە اقىلدى، ول مەنىڭ وسى اراداعى قىزمەتىمدى قولدايدى، بالام ماعان شەشە شينجياڭ حالقى ءۇشىن ەسەلى ەڭبەك ەتسەڭ مەندە تىلىڭىزدى الىپ، وقۋىمدى جاقسى وقيمىن- دەيدى».
وتباسىنداعىلاردىڭ تۇسىنۋى مەن قولداپ- قۋاتتاۋى لي شۋنلاننىڭ قىزمەتتەگى ەڭ زور قوزعاۋشى كۇشى ەسەپتەلەدى. التاي قالالىق حالىق شيپاحاناسىنىڭ دارىندى جانە ەمدەۋ جابدىعى قاتارلى جاقتارداعى نەگىزى سالىستىرمالى تۇردە ءالسىز بولعاندىقتان لي شۋنلان ورىنباسار شيپاحانا باستىعىندىق مىندەت الىپ ىستەگەننەن بەرى قىزمەتكە بەل شەشە كىرىسىپ، بار ىقىلاسىن ارنادى، 40 نەشە رەت بىرىگىپ تەكسەرۋ قىزمەتىنە قاتىناسىپ، ىشكى اۋرۋلار بولىمىندەگى سالماقتى ناۋقاسقا شالدىققان 10 نەشە ادامدى شۇعىل قۇتقارۋ قىزمەتىن بەلسەنە ۇيىمداستىردى، 400 دەن استام اۋىل- قىستاق شيپاگەرىن تاربيەلەۋ مەن بىرگە قىرۋار اكىمشىلىك قىزمەتتەرگە دە اتسالىستى، وسى اراداعى كاسىپتەستەرى ونى قايسار جان دەپ القاسادى.
التاي قالالىق حالىق شيپاحاناسىنىڭ سەستىراسى جيىن يۇيحۇڭ: «لي شيپاحانا باستىعىنىڭ كاسىپتىك قابىلەتى مەن باسشىلىق قابىلەتى دە ۇستەم، ەرەكشە قاجىرلى».
دارىندى تاربيەلەۋ ايىرىقشا ماڭىزدى قىزمەت بولعاندىقتان قىزمەت ارەدىگىندە لي شۋنلان كاسىپتەستەرىن كاسىپتىك جاقتان جەتەكتەۋ قىزمەتىن مۇقيات ورىستەتەدى.
التاي قالالىق حالىق شيپاحاناسىنىڭ شيپاگەرى جانات: «لي شيپاگەردىڭ كاسىپتىك قابىلەتى ۇستەم، تۇسىنبەگەن جەرلەرىمىزدى ىجداعاتتىقپەن تۇسىندىرەدى».
التاي قالالىق حالىق شيپاحاناسىنىڭ باستىعى ما لۇيۋان: «ناۋقاس بولمەلەرىن تەكسەرۋ، وپەراتسيا جاساۋ، كۇردەلى ناۋقاستاردىڭ دياگنوزىن ايىرۋ، شۇعىل قۇتقارۋ، بىرىگىپ تەكسەرۋ قىزمەتتەرىنىڭ بارىنە جەتەكشىلىك ەتەدى، شيپاحانامىزداعى شيپاگەرلەر مەن اۋىل- قىستاق شيپاگەرلەرىن تاربيەلەۋ قىزمەتىنە دە بەلسەنە اتسالىستى، ونىڭ ەرشىمدى ەڭبەگى شيپاحاناىمىزدىڭ ەمدەۋ دەڭگەيىنىڭ جوعارىلاۋىنا سەپتىگىن تيگىزدى».
كومەككە كەلگەن شيپاگەرى لي شۋنلان: وزىمنىڭ كاسىپتىك جاقتاعى ارتىقشىلىقتارىممەن باسقا دا ارتىقشىلىقتارىمدى،
ەمدەۋ جاعىنداعى وزىق ۇستانىمىمدى التايداعى كاسىپتەستەرىمە ويداعىداي ۇيرەتىپ، التاي حالقىنا قىزمەت وتەۋ مەنىڭ نەگىزگى ماقساتىم.
لي شۋنلان سياقتى جيليىن ولكەسىنەن كومەككە كەلگەن 36 شيپاگەر قات- قابات قينشىلىقتاردى جەڭە وتىرىپ، وتباسىنا دەگەن ساعىنشىن جۇرەك تۇكپىرىندە ساقتاپ، شينجياڭ حالقى ءۇشىن ەسەلى ەڭبەك ەتىپ، ءوز مىندەتتەرىن ويداعىداي ادا ەتتى. ساناققا نەگىزدەلگەندە، العاشقى جارتى جىلدىڭ وزىندە كومەككە كەلگەن شيپاگەرلەردىڭ ەمدەگەن ناۋقاس سانى 18 مىڭ ادام- رەتكە، دياگنوز قويىپ ەمدەگەن كۇردەلى ناۋقاس سانى 500 ادام- رەتكە جەتكەن، وپەراتسيا جاساۋداعى 19 ءتۇرلى بوستىقتى تولتىرعان، 14 رەت تەگىن ەمدەۋ قيمىلىن ورىستەتكەن، تاربيەلەگەن شيپاگەر سانى 1600 ادام رەتكە جەتكەن. سونىمەن بىرگە بيىل جيلين ولكەسىنىڭ ەمدەۋ- دەنساۋلىق ساقتاۋ ىستەرىنە كومەككە بەرگەن قارجىسى 20 ميلليون 265 مىڭ 500 يۋانعا جەتىپ، ايماعىمىزدىڭ ەمدەۋ- دەنساۋلىق ساقتاۋ ىستەرىنىڭ دامۋىن پارمەندى جەبەگەن.
كەلۋ قاينارى: التاي تەلەۆيزياسى - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
