- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ىلە سۋشين قارجىلاندىرۋ قورى قۇلجا باقشا رايونىنا ىرگە تەپتى
ەكونوميكانى دامىتۋدىڭ قارجى اينالىمى قاجەتىن قاناعاتتاندىرادى
2015.10.29 11:01
قازاننىڭ 21 - كۇنى جياڭسۋ ولكەلىك گوشين قارجى باسقارۋ توبى شەكتى سەرىكتىگى، جياڭسۋ قاتىناس جارنا مەڭگەرۋ شەكتى سەرىكتىگى، جياڭسۋ ولكەلىك سۋحاۋ جارنا مەڭگەرۋ توبى شەكتى سەرىكتىگى، حۋاتاي زىجين قارجىلاندىرۋ شەكتى سەرىكتىگى سياقتى جياڭسۋ ولكەسىنە قاراستى 10 كاسىپورىن مەن اۆتونوميالى وبلىستاعى سايتۇڭ مەملەكەت مەنشىگىندەگى كاپيتالدى اينالىمعا سالۋ شەكتى جاۋاپكەرلىك سەرىكتىگى توقتامعا رەسمي قول قويىستى، مۇنىمەن جالپى ءبىر ميلليارد 950 ميلليون يۋاندىق قارجى قوسىلىپ، قورعاس ەكونوميكالىق اشۋ رايونى قۇلجا باقشا رايونىنىڭ ىلە سۋشين قارجىلاندىرۋ قورى ىرگە تەپتى.
ىلە سۋشين قارجىلاندىرۋ قورى جارنالىق ۇقىق، قارىز تولەتۋ ۇقىعى، وتكەرمەلەۋگە بولاتىن قارىز، قارىزدى جارناعا اينالدىرۋ، قاباتتاۋ، قوسىپ الۋ سياقتى جاندى دا كوپ ءتۇرلى قارجىلاندىرۋ ءادىسى ارقىلى ىلەنىڭ ەكونوميكاسىن دامۋدىڭ قارجى اينالىمى قاجەتىن قاناعاتتاندىرادى.
وبلىستىق پارتكومنىڭ ورىنباسار شۋجيى، جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى پارتكومىنىڭ شۋجيى، باس جەتەكشىسى تيان حۇڭ قول قويۋ سالتىندا بىلاي دەدى: جياڭسۋدىڭ شينجياڭعا كومەك بەرۋ تەبىنىنىڭ ۇزدىكسىز ارتۋىنا ساي، كاسىپ ارقىلى شينجياڭعا كومەك بەرۋدىڭ ناتيجەسى كورنەكتى بولدى. ىلە سۋشين قارجىلاندىرۋ قورىنىڭ قۇرىلۋى - جياڭسۋ ولكەسىنىڭ كاسىپ ارقىلى شينجياڭعا كومەك بەرۋدە قولعا كەلتىرگەن تاعى ءبىر سۇبەلى تابىسى. ىلە سۋشين قارجىلاندىرۋ قورىنىڭ ىلەنىڭ ەكونوميكاسى مەن قوعامىن دامىتۋدى جەبەۋ جاعىندا باستاماشىلىق، ۇلگىلىك، جەتەكشىلىك رول اتقارۋىن، جياڭسۋ مەن ىلەنىڭ سەلبەستىگىن ءتىپتى دە جاڭا دامۋ ساتىسىنا جەتكىزۋىن ءۇمىت ەتەمىن.
حۋاتاي اكتسيا شەكتى جاۋاپكەرلىك سەرىكتىگىنىڭ ورىنباسار باس القاسى جياڭ جيان بىلاي دەيدى: جياڭسۋ ولكەسىندەگى مەملەكەت مەنشىگىندەگى كاسىپورىنداردىڭ ىلەگە قارجى قوسۋى ەكى جەردەگى مەملەكەت مەنشىگىندەگى كاسىپورىنداردىڭ سەلبەستىگىن كۇشەيتۋدەگى جاڭا ءتاسىل. قارجىلاندىرۋ قورى قۇرىلعاننان كەيىن ولار تەز ارادا قاتىستى رەسمياتتارىن ءبىتىرىپ، ەرتەرەك اينالىمعا تۇسۋگە كۇش سالىپ، ءتۇرلى قىزمەتتەردى ورىستەتىپ، ىلەدەن سەلبەستىك ورناتاتىن جاقسى كاسىپورىن قاراستىرىپ، ەكى جەردىڭ سەلبەستىگىن جەدەلدەتەدى.
قورعاس ەكونوميكالىق اشۋ رايونى قۇلجا باقشا رايونى پارتيا قىزمەت كوميتەتىنىڭ ورىنباسار شۋجيى، باسقارۋ كوميتەتىنىڭ مەڭگەرۋشىسى ۋاڭ كۇييىڭ مىنانى ءبىلدىردى: قۇلجا باقشا رايونىنىڭ ورىن، ساياسات جاقتارىنداعى ابزالدىعىن ويداعىداي ساۋلەلەندىرىپ، ىلەگە قارجى قوسۋعا كەلگەن جياڭسۋ كاسىپورىندارىنىڭ دامۋىنا ساپالى، قولايلى قىزمەت وتەپ، ىلە سۋشين قارجىلاندىرۋ قورىنىڭ ىلەنىڭ ەكونوميكاسىنىڭ دامۋىنداعى رولىن ەرتەرەك ساۋلەلەندىرۋىنە مۇمكىندىك جاراتامىز.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
