- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ىلەدەگى ءار ۇلت كادرلار مەن جۇرتشىلىق پارتيا 18 – كەزەكتى ورتالىق كوميتەتى بەسىنشى جالپى ءماجىلىسىنىڭ مازمۇنداماسىن قىزۋ تالقىلادى
جاپپاي دوڭگەلەك داۋلەتتى قوعام قۇرۋ ۇلى جەڭىسىنە بىرلىكتە قول جەتكىزەيىك
2015.11.03 14:31
«جۇڭگو كوممۋنيستىك پارتياسى 18 – كەزەكتى ورتالىق كوميتەتى بەسىنشى جالپى ءماجىلىسىنىڭ مازمۇنداماسىنا» بۇكىل ەلدەگى ءار ۇلت حالقىنىڭ «13 – بەس جىلدىق» جوسپار سوڭىندا جاپپاي دوڭگەلەك داۋلەتتى قوعام قۇرۋدى جۇزەگە اسىرۋ سىندى كوكەيتەستى ءۇمىتى سىڭىرىلگەن. قازاننىڭ 29 – كۇنى پارتيا 18 – كەزەكتى ورتالىق كوميتەتى بەسىنشى جالپى ءماجىلىسىنىڭ مازمۇنداماسى جاريالانىپ، وعان وبلىسىمىزداعى ءار سالا وسكەلەڭ نازار اۋدارىپ، تاماشا اڭىس ءبىلدىردى.
وبلىسقا توتە قاراستى ورىندارداعى ءار ۇلت كادرلار مەن جۇرتشىلىق ارت – ارتىنان مىنانى ءبىلدىردى: جۇڭگو كوممۋنيستىك پارتياسى 18 – كەزەكتى ورتالىق كوميتەتى بەسىنشى جالپى ماجىلىسىندە «13 – بەس جىلدىق» جوسپار ۇسىنىسى ماقۇلدانىپ، 5 ۇلكەن دامۋ تانىمى العا قويىلىپ، بولاشاق دامۋ باعىتى ايقىندالىپ، جۇرت كوڭىلى جەلپىنىپ، ەكپىندەي ىلگەرىلەۋگە شابىتتاندىردى. ىلەدەگى ءار ۇلت حالقى شي جينپيڭ جولداس باس شۋجي بولعان پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جالپى ماجىلىستە تۇراقتاندىرىلعان ءتۇرلى شەشىمدەر مەن ورنالاستىرۋلاردى ناقتى تياناقتاندىرىپ، جاپپاي دوڭگەلەك داۋلەتتى قوعام قۇرۋ ۇلى جەڭىسىنە بىرلىكتە قول جەتكىزۋى كەرەك.
جاڭا قالىپ جاعدايىندا ەكونوميكانىڭ ارتۋ قارقىنى - كوپشىلىك ەڭ كوڭىل ءبولىپ وتىرعان ماسەلە. نىلقى اۋدانى قاراسۋ اۋىلى ۇلكەن قاراسۋ قىستاعى پارتيا ياچەيكاسىنىڭ شۋجيى، قوسىمشا قىستاق كوميتەتىنىڭ مەڭگەرۋشىسى جۇماعازى جۇماباي ۇلىنىڭ قاراۋىنشا، پارتيانىڭ جاقسى ساياساتىنا بايلانىستى بيىل قىستاق تۇرعىندارىنىڭ كىرىسى ارتىپ، اۋقاتتانۋ جولى كەڭەيە تۇسكەن. ۇلكەن قاراسۋ قىستاعىندا 445 وتباسى، ءبىر مىڭ 502 جان سانى بار، قىستاق ءبيداي مەن جۇگەرى ەگۋدى نەگىز ەتكەن. پارتيانىڭ حالىقتى اۋقاتتاندىرۋ ساياساتىنىڭ بارعان سايىن جاقسارۋىنا بايلانىستى، قىستاق تۇرعىندارى وتباسى باعىمشىلىعى كاسىبىمەن شۇعىلدانا باستادى. بىلتىر قىستاقتىڭ كىسى باسىنا تۋرا كەلەتىن تازا كىرىسى 7 مىڭ 280 يۋان عانا بولاتىن. بيىل قاجىماي – تالماي قۇلشىنىس جاساۋ ارقىلى كىسى باسىنا تۋرا كەلەتىن تازا كىرىس بىلتىرعىدان 520 يۋان ارتتى.
جۇماعازى جۇماباي ۇلى تىلشىگە بىلاي دەدى: بيىل قىستاق ءتۇرلى شارا قولدانىپ، قىستاق تۇرعىندارىن شەكىلدەۋىكتى قاربىز سياقتى ەكونوميكالىق داقىل ەگۋگە باستاماشىلدىق ەتۋ ارقىلى ەڭبەككۇشتى سىرتقا شىعارۋ قىزمەتىن بارىنشا ىلگەرىلەتىپ، قىستاق تۇرعىندارىن 2 -، 3 – كاسىپپەن شۇعىلدانۋعا جىگەرلەندىردى. كەزەكتە قىستاقتا 100 دەن استام قىستاق تۇرعىنى كىرىستەرىن ارتتىرىپ، اۋقاتتانۋعا بەت الۋ ءۇشىن ۇساق تيجاراتپەن شۇعىلدانىپ كەلەدى.
پارتيا 18 – كەزەكتى ورتالىق كوميتەتى بەسىنشى جالپى ءماجىلىسىنىڭ مازمۇنداماسىندا مىناۋ العا قويىلدى: ەلىمىزدىڭ قازىر اتقارىپ وتىرعان ولشەمى نەگىزىندە اۋىل – قىستاقتارداعى كەدەي جان سانى كەدەيلىكتەن ارىلىپ، كەدەي اۋداندار كەدەيلىك قالپاعىنان قۇتىلىپ، وڭىرلىك سيپاتتى كەدەيلىك ماسەلەسى شەشىلدى. قۇلجا اۋدانى بايتوقاي اۋىلى جوعارى تايىرجۇزى قىستاعى پارتيا ياچەيكاسىنىڭ شۋجيى ءمارۇپجان مينا بۇعان قاتتى اسەرلەنگەنىنەن بىلاي دەدى: «قىستاق كەدەيلەردى سۇيەمەلدەۋ جوسپارىن جاساۋ، ءادىس – شارا قولدانۋ ارقىلى قىستاق تۇرعىندارىن كەدەيلىكتەن ەرتەرەك ارىلتۋعا كۇش سالىپ كەلەدى».
ءمارۇپجان مينا بىلاي دەدى: قىستاقتاعى 31 وتباسى، 98 جان سانى ءالى كۇنگە دەيىن ەڭ تومەنگى تۇرمىستى قامتاماسىزداندىرۋعا سۇيەنىپ كۇنەلتەدى، قىستاق تۇرعىندارىنىڭ كەدەيلىكتەن ەرتەرەك ارىلاتىندىعىنا سەنىمىمىز مول. قازاننىڭ 28 – كۇنى تۇستەن كەيىن ول قىستاقتاعى پارتيا مۇشەلەرى مەن «ءتورت ءتۇرلى قارت» مۇشەلەرىن شاقىرتىپ، ءوزىنىڭ جياڭسۋ ولكەسىنەن كورگەن وسى زامانعى اۋىل شارۋاشىلىعىنىڭ دامۋ جاعدايىن كوپشىلىككە ەگجەي – تەگجەيلى تانىستىردى ءارى قىستاق تۇرعىندارىن اۋىل شارۋاشىلىعىن كاسىپ سالالاندىرىپ دامىتۋ جولىمەن جۇرۋگە، كەدەيلىكتەن ارىلىپ، دوڭگەلەك داۋلەتتىلىككە بىرلىكتە قول جەتكىزۋگە شابىتتاندىردى.
پارتيانىڭ 18 – كەزەكتى ورتالىق كوميتەتى بەسىنشى جالپى ءماجىلىسىنىڭ مازمۇنداماسىندا بىلاي دەپ اتاپ كورسەتىلدى: «13 – بەس جىلدىق» مەزگىلىندەگى دامۋ نىسانالارىن جۇزەگە اسىرىپ، دامۋ بارىسىنداعى قيىن ماسەلەلەردى شەشىپ، دامۋ ابزالدىعىن كۇشەيتۋدە جاڭالىق اشۋ، سايكەسىمدى بولۋ، زالالسىز بولۋ، اشىق ۇستاۋ، تەڭ يگىلىككە كەنەلۋ سىندى دامۋ تانىمىن، ءسوزسىز، بەرىك ورناتۋ جانە شىنايى دايەكتىلەندىرۋ كەرەك. زالالسىز دامۋ تانىمى ارقىلى قىستاقتىڭ دامۋ بەتالىسىن ايقىنداعان موڭعۇلكۇرە اۋدانى قوناقاي اۋىلى قىزىلجار قىستاعى پارتيا ياچەيكاسىنىڭ شۋجيى ءماريام ايۇپ بىلاي دەدى: «ءبىز قىزىلجار قىستاعىن ۇيعۇردىڭ ۇلتتىق سالت – سانا قىستاعى ەتىپ قۇرىپ شىعامىز».
ءماريام ايۇپ تىلشىگە بىلاي دەدى: قازىر نىسان تۇراقتانىپ، قىستاق كادرلارىن باستاپ وتباسىلارىنا كىرىپ جاعداي ۇعىسۋدامىز. قىستاق تۇرعىندارى موڭعۇلكۇرە اۋدانىنىڭ تاماشا تابيعاتىنىڭ يگىلىگىنە كەنەلدى، موڭعۇلكۇرە اۋدانىنداعى قوناق سارايلار ساياحات كاسىبىنىڭ جاندانىپ، ساياحاتشىلاردىڭ كوبەيۋىنە بايلانىستى ساياحاتشىلاردىڭ قاجەتىن قاناعاتتاندىرا الماعاندىقتان، كوپتەگەن ادام ساياحاتتاي كەلسە دە قونالقى ورىننان تارىقتى. قىزىلجار قىستاعى قالاشىققا جاقىن بولعاندىقتان، قازىرگە دەيىن 21 قىستاق تۇرعىنى شارۋالار ساياجايى مەن وتباسى قوناق سارايىن اشۋعا تىزىمدەلدى. ول قىستاقتا قىستاق تۇرعىندارىن كاسىپتەندىرۋ كوشەسىن قۇرۋ ارقىلى قىستاق تۇرعىندارىنىڭ كاسىپتەنۋ قيىنشىلىعىن شەشىپ، كىرىسىن ارتتىرۋدىڭ قامىنا كىرىستى. قازىر قىستاقتا 30 دان استام وتباسى اس – سۋ سياقتى قىزمەت وتەۋ كاسىبىمەن شۇعىلدانۋعا ازىرلەنىپ، موڭعۇلكۇرە اۋدانىنىڭ وزگەشە جاراتىلىستىق بايلىعىنان پايدالانىپ، ساياحات كاسىبىمەن شۇعىلدانۋ ارقىلى كىرىسىن ارتتىرۋدىڭ جولىن قاراستىرۋدا.
بولاشاق جوسپاردى كوزدە ۇستاعان توعىزتاراۋ اۋدانى توعىزتاراۋ قالاشىعى باتىس باقشا الەۋمەتتىك اۋماعى پارتيا ياچەيكاسىنىڭ ورىنباسار شۋجيى گۇلبوستان باتىر بىلاي دەدى: بۇدان كەيىن ءوز ابزالدىعىمىزدى تولىق ساۋلەلەندىرىپ، قىزمەت قابىلەتىمىز بەن دەڭگەيىمىزدى ۇزدىكسىز جوعارىلاتىپ، ۇلگىلىك، باستاماشىلدىق رولدى تولىق ساۋلەلەندىرىپ، ءتۇرلى ساياساتتىق ۇگىتتى ويداعىداي ىستەپ، تۇرعىنداردى كاسىپتەندىرۋ ارناسىن كەڭەيتىپ، تۇرعىندار كىرىسىن ارتتىرىپ، الەۋمەتتىك اۋماقتىڭ ورنىقتىلىعىن قورعاپ، الەۋمەتتىك اۋماق قۇرىلىسى مەن دامۋ ىستەرى ءۇشىن ەسەلى ۇلەسىمىزدى قوسامىز.
«جاپپاي دوڭگەلەك داۋلەتتى قوعام قۇرۋ بارىسىندا ءاربىر جۇڭگولىق جۇڭحۋا ۇلتتارىنىڭ ۇلى گۇلدەنىپ – كوركەيۋى سىندى جۇڭگو ارمانىن ەرتەرەك جۇزەگە اسىرۋ ءۇشىن ەسەلى ۇلەس قوسۋى كەرەك» دەدى قۇلجا قالاسى ياجۇڭ ساۋدا بازارىندا اۆتوكولىك بولشەكتەرى ساۋداسىمەن شۇعىلداناتىن ۋاڭ دايۇي، ول ۇلى وتانىمىزدىڭ گۇلدەنىپ – كوركەيۋىن، ءار ۇلت حالىق بۇقاراسىنىڭ اناعۇرلىم باقىتتى تۇرمىسقا كەنەلۋىن تىلەدى.
كەلۋ قاينارى: «ىلە كەشى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
