- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ج ك پ ورتالىق كوميتەتىنىڭ كەڭسە مەڭگەرمەسى، مەملەكەتتىك كەڭەستىڭ كەڭسە مەڭگەرمەسى قۇجات شىعاردى
5 ۇلكەن سالادا اۋىل – قىستاق رەفورماسىن تەرەڭدەتۋ كەرەك
2015.11.04 13:47
ج ك پ ورتالىق كوميتەتىنىڭ كەڭسە مەڭگەرمەسى مەن مەملەكەتتىك كەڭەستىڭ كەڭسە مەڭگەرمەسى قاراشانىڭ 1 – كۇنى قۇجات تاراتىپ، اۋىل قىستاق رەفورماسىنىڭ جۇيەلىلىگىن ، تۇلعالىعىن، سايكەسىمدىلىگىن جوعارىلاتۋدى شىعار ءتۇيىن ەتىپ، 5 ۇلكەن سالادا اۋىل قىستاق رەفورماسىن ونان ارى ىلگەرىلەتۋدى تالاپ ەتتى. اتالعان قۇجات قاراشانىڭ 2 – كۇنى شينحۋا اگەنتتىگى جاعىنان جاريالاندى.
«اۋىل – قىستاق رەفورماسىنىڭ ۋنيۆەرسالدى سيپاتىن تەرەڭدەتۋ جونىندەگى اتقارۋ جوباسى» اتتى قۇجات جالپى 12 مىڭ 400 ءارىپ، جالپى 4 بولەككە بولىنگەن، تۇلعالىق تالاپ، مىندەت جانە نىسانالار، اۋىل – قىستاق رەفورماسىن تەرەڭدەتۋدە ويىسۋعا ءتيىستى ماڭىزدى سالالار مەن ماڭىزدى شارالار سياقتى مازمۇنداردى قامتيدى.
جوبادا بىلاي دەپ اتاپ كورسەتىلدى: اۋىل – قىستاق رەفورماسىنىڭ ۋنيۆەرسالدى سيپاتى كۇشتى، جالاڭ ۇردىسكە سۇيەنىپ شاپشاڭ ىلگەرىلەۋدىڭ ءونىمدى بولۋى قيىن، سوندىقتان جۇيەلى سيپاتقا يە وي جەلىسىن ورناتۋ، ويداعىداي تۇلعالىق جوسپار جاساۋ جانە كەمەلدى جوبالاۋ كەرەك. ماڭىزدى تەتىكتەر مەن باستى قايشىلىقتاردى دۇرىس تاۋىپ، اۋىل – قىستاق رەفورماسى جونىندەگى شەشىمدەردىڭ عىلميلىعىن ونان ارى جوعارىلاتۋ كەرەك.
جوبادا بىلاي دەپ اتاپ كورسەتىلدى: اۋىل – قىستاق رەفورماسىن جاپپاي تەرەڭدەتۋ ەكونوميكا، ساياسي، مادەنيەت، قوعام، ەكولوگيالىق وركەنيەت، نەگىزگى ساتى پارتيا قۇرىلىسى سياقتى سالالارعا، اۋىل – قىستاقتارداعى كوپ ءتۇرلى جالپىلىق مەنشىك تۇزىمىندەگى ەكونوميكالىق تۇلعالارعا سايادى. قازىرگى كەزدە جانە بۇدان كەيىنگى ءبىر مەزگىلگە دەيىن، اۋىل – قىستاق رەفورماسىن تەرەڭدەتۋدە اۋىل – قىستاق كوللەكتيۆ مال – مۇلىك ۇقىعى ءتۇزىمى، اۋىل شارۋاشىلىق تيجارات ءتۇزىمى، اۋىل شارۋاشىلىعىن قولداۋ، قورعاۋ ءتۇزىمى، قالا مەن اۋىلدىڭ دامۋىن ءبىر تۇلعالاندىرۋ ءتۇزىلىس مەحانيزمى جانە اۋىل – قىستاق قوعامىن وڭاۋ ءتۇزىمى سياقتى 5 ۇلكەن سالاعا بەتالۋ كەرەك.
جوبادا بىلاي دەپ اتاپ كورسەتىلدى: 2020 – جىلعا دەيىن اۋىل – قىستاقتارداعى ءتۇرلى مەنشىكتەگى ەكونوميكا، وتە – موتە، اۋىل – قىستاق كوللەكتيۆ مال – مۇلىك مەنشىك ۇقىعى، شارۋالار وتباسىلارىنىڭ جەردى كوتەرمەگە بەرىپ تيجارات جۇرگىزۋ ۇقىعى مەن شارۋالادىڭ مال – مۇلىك ۇقىعىن قورعاۋ تۇزىمدەرى اناعۇرلىم كەمەلدەنىپ، جاڭاشا اۋىل شارۋاشىلىق تيجارات جۇيەسى، اۋىل شارۋاشىلىعىن قولداۋ، قورعاۋ جۇيەسى، اۋىل شارۋاشىلىعىن قوعامداندىرىپ قىزمەت وتەۋ جۇيەسى، اۋىل شارۋاشىلىق عىلىم – تەحنيكاسىندا جاڭالىق جاراتۋ جۇيەسى، اۋىل شارۋاشىلىعى، اۋىل قىستاق ەرەكشەلىگىنە ۇيلەسەتىن اۋىل – قىستاق فينانس جۇيەسى اناعۇرلىم كەمەلدەنىپ، قالا مەن اۋىلدىڭ ەكونوميكالىق، قوعامدىق دامۋىن ءبىر تۇلعالاندىرۋ ءتۇزىلىس مەحانيزمى نەگىزىنەن قۇرىلدى، اۋىل – قىستاق قوعامىن وڭاۋ جۇيەسى مەن اۋىل – قىستاق نەگىزگى ساتى ۇيىمدىق ءتۇزىمى اناعۇرلىم كەمەلدەنىپ، اۋىل – قىستاق دەموكراتيالىق ۇقىعى اناعۇرلىم قامتاماسىزداندىرىلدى، اۋىل شارۋاشىلىعى، اۋىل – قىستاق زاڭ – تۇزىمدەرى ونان ارى كەمەلدەندى جانە كۇشەيدى، اۋىل – قىستاق نەگىزگى ساتى زاڭمەن باسقارۋ دەڭگەيى، اۋىل شارۋاشىلىعىن وسىزامانداندىرۋ دەڭگەيى مەن شارۋالاردىڭ تۇرمىس دەڭگەيى ونان جوعارىلادى، اۋىل – قىستاقتىڭ ەكونوميكالىق، قوعامدىق دامۋى اناعۇرلىم ومىرشەڭدىك كۇشكە تولدى.
جوبادا رەفورمانىڭ 7 ءتۇرلى پرينسيبى ايقىندالدى: اۋىل – قىستاقتاعى ءتۇرلى مەنشىك تۇزىمىندەگى ەكونوميكانى ورتاق دامىتۋعا تاباندى بولۋ، اۋىل – قىستاقتاردىڭ نەگىزگى تيجارات تۇزىمىندە تاباندى بولۋ جانە ونى كەمەلدەندىرۋ، سوتسياليستىك بازار شارۋاشىلىعى رەفورما باعىتىندا تاباندى بولۋ، شارۋالاردىڭ ۇقىق – مۇددەسىن قامتاماسىزداندىرۋدا تاباندى بولۋ، ءبىر تۇتاس جوسپارلاپ، تەڭ ءمان بەرۋگە تاباندى بولۋ، ءتارتىپتى ىلگەرىلەتۋگە، سىناق تۇيىندەرىندە الدىمەن اتقارۋعا تاباندى بولۋ، پارتيانىڭ اۋىل شارۋاشىلىعى، اۋىل – قىستاق جانە شارۋالار قىزمەتىنە بولعان باسىشلىعىندا تاباندى بولۋ كەرەك. (شينحۋا اگەنتتىگى)
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
