- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ليبەريا پرەزيدەنتى سەرليفپەن كەڭەس وتكىزدى
ەكى جاق جۇڭگو مەن ليبەريانىڭ جاپپاي سەلبەستىك جاسايتىن ارىپتەستىك قاتىناسىن ورناتۋعا ماقۇل بولدى
2015.11.04 16:14 كەلۋ قاينارى : حالىق تورابى
«حالىق گازەتى»، 3 – قاراشا، بەيجيڭ (ءتىلشى جاۋ ميڭحاۋ). مەملەكەت ءتوراعاسى شي جينپيڭ 3 – قاراشادا حالىق سارايىندا ليبەريا پرەزيدەنتى سەرليفپەن كەڭەس وتكىزدى. ەكى ەل باسشىلارى بىرگە قۇلشىنىپ، جۇڭگو مەن ليبەريانىڭ جاپپاي سەلبەستىك جاسايتىن ارىپتەستىك قاتىناسىن ورناتىپ، ەكى ەل حالقىنا ءتىپتى دە زور باقىت جاراتۋعا ماقۇل بولدى.
شي جينپيڭ اۋەلى پرەزيدەنت سەرليفتىڭ ليبەريا ۇكىمەتى مەن حالقىن باستاپ ەبولا ىندەتىن جويۋ سىندى تاريحي جەڭىسكە قول جەتكىزگەنىن قۇتتىقتادى. شي جينپيڭ بىلاي دەدى: قيىندىقتىڭ سىناعىنان وتكەندەر عانا ناعىز دوستار ەسەپتەلەدى. جۇڭگو ليبەريا قاتارلى باتىس افريكاداعى 3 مەملەكەتتىڭ ەبولا ىندەتىن جويۋىنا وزىندىك ۇلەسىن قوستى. ءبىز بۇعان ماقتانامىز. جۇڭگو ۇكىمەتى ليبەريا قاتارلى باتىس افريكاداعى 3 مەملەكەتكە تاعى دا تىڭ كومەك بەرىپ، 3 مەملەكەتتىڭ ىندەتتەن كەيىنگى قايتا قۇرۋىنا قولداۋ كورسەتىپ، 3 مەملەكەتتىڭ الەۋمەتتىك دەنساۋلىق ساقتاۋ جۇيەسىن جانە يقۋات قۇرىلىسىن كۇشەيتۋىنە كومەكتەسۋدى ۇيعاردى.
شي جينپيڭ مىنانى دارىپتەدى: جۇڭگو جۇڭگو – ليبەريا قاتىناسىنا ايرىقشا نازار اۋدارادى، ليبەريامەن بىرگە جۇڭگو مەن ليبەريانىڭ جاپپاي سەلبەستىك جاسايتىن ارىپتەستىك قاتىناسىن ورناتۋعا پەيىل. ەكى جاق جوعارى جىكتەگىلەر ءجيى قارىم – قاتىناس جاساۋ تاماشا جاعدايىن جالعاستىرىپ، ءار ساتىداعى، ءار سالاداعى بارىس – كەلىستى كوبەيتىپ، ءوزارا ءتۇسىنۋدى كۇشەيتۋى كەرەك. جۇڭگو ليبەريامەن بىرگە نەگىزدىك قۇرىلعى قۇرىلىسى، تەڭىز تاسىمالى، اۋىل شارۋاشىلىعى، بالىق شارۋاشىلىعى، ەنەرگيا ءوندىرۋ جانە جاساۋ كاسىبى سياقتى سالالاردا ءبىر – بىرىنە پايدا جەتكىزەتىن سەلبەستىكتى جاپپاي تەرەڭدەتىپ، ليبەريانىڭ مول جاراتىلىستىق بايلىق ابزالدىعىن حالىققا پايدا جەتكىزەتىن دامۋ تابىسىنا اينالدىرۋىنا، دەربەس، باياندى دامۋ جولىن جۇزەگە اسىرۋىنا كومەكتەسۋگە پەيىل. جۇڭگو ليبەريامەن ەمدەۋ، دەنساۋلىق ساقتاۋ، وقۋ – اعارتۋ، مادەنيەت، اقپارات دانەكەرى، اقىل قويماسى سياقتى سالالاردا اۋىس – كۇيىس، سەلبەستىك جاساۋدى كۇشەيتىپ، ەكى ەل دوستىعىنداعى جۇرت رايى جانە قوعام نەگىزىن ۇزدىكسىز نىعايتۋعا پەيىل. جۇڭگو ليبەريانىڭ الەۋمەتتىك دەنساۋلىق ساقتاۋ، ىندەتتەن ساقتانۋ جۇيەسىن ورناتۋىنا، كەمەلدەندىرۋىنە كومەكتەسەدى، ليبەريا ۇكىمەتىنە قاراتىلعان وقۋ سيلىق سوماسىن بەرۋ سان مولشەرىن كوبەيتەدى، ليبەريانىڭ مەملەكەتتىڭ ەكونوميكاسىنىڭ، قوعامىنىڭ دامۋىنا شۇعىل قاجەت بولىپ وتىرعان دارىندىالردى تاربيەلەۋىنە كومەكتەسەدى. جۇڭگو ليبەريامەن حاۋىپسىزدىك سەلبەستىگىن ءۇرتىس كۇشەيتۋگە پەيىل، ب م ۇ – نىڭ ليبەرياعا ارنايى جىبەرىلەتىن بەيبىتشىلىكتى ساقتاۋ قوسىنىنا تاعى دا قاتىناسىپ، ليبەريانىڭ ورنىقتىلىقتى قورعاۋ يقۋات قۇرىلىسىنا كومەكتەسەدى. ءبىز ليبەريامەن 2030 – جىلعا دەيىنگى باياندى دامۋ كۇن ءتارتىبى، افريكانىڭ بەيبىتشىلىگى جانە دامۋى سياقتى ماسەلەلەردە سايكەستىرۋدى جانە سەلبەستىك جاساۋدى كۇشەيتىپ، دامۋ ۇستىندەگى مەملەكەتتەردىڭ ورتاق مۇددەسىن قورعاۋعا پەيىلمىز.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
