- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قۇلجا قالاسى حالىق تۇرمىسىنا قاتىستى 423 نىساندى تولىق تياناقتاندىردى
2015.11.16 13:16
ءتى لاڭزى بەشى شۇراتتى باقشاسىنىڭ كورىنىسى ادامدى باۋرايدى، ءپانجىم اۋىلىنىڭ كەڭ تىنىستى بۇقارالىق دەنەتاربيە ورتالىعى مەنمۇندالاعان، كەڭەيتىپ جاسالعان باقشا داڭعىلىندا اۆتوكولىك قاتىناۋدا، شاعىن، ۇساق كاسىپورىن باقشالارى كوزگە وتتاي باسىلادى... قاراشانىڭ 10 - كۇنى قۇلجا قالاسىندا اشىلعان 2015 - جىلعى كۇزگى ەكونوميكالىق، قوعامدىق دامۋعا قاتىستى نىسانداردى كوزدەن كەشىرۋ جينالىسىندا مىنە مۇنىڭ ءبارى كورنەۋ ءتۇيىن ەتىلدى. بيىل جىل باسىنان بەرى قۇلجا قالاسى ەكونوميكانىڭ تومەندەۋ قىسىمىنا توتەپ بەرىپ، «قالانى كوركەيتۋ ارقىلى حالىققا كوپتەپ تيىمدىلىك جاساۋ جىلى» قيمىلىن تىڭعىلىقتى ورىستەتىپ، قالانىڭ بەت - بەينەسى، ەكولوگيالىق قۇرىلىسى، كاسىپتى جەتىلدىرۋ، حالىق تۇرمىسى قۇرىلىسى سياقتى ىستەردى جاپپاي جەدەلدەتىپ، ورنىقتىلىقتى مىقتى يگەرۋ ارقىلى ىلگەرىلەپ، حالىق تۇرمىسىنا قاتىستى 423 نىساندى تۇگەلدەي تياناقتاندىردى.
وبلىستىق پارتكومنىڭ تۇراقتى مۇشەسى، قۇلجا قالالىق پارتكومنىڭ شۋجيى ليۋ حۇيجۇن، وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، اۆتونوميالى وبلىستىڭ شوعىرلى وڭاۋ قىزمەت اترەتىنىڭ باستىعى، وبلىستىڭ قۇلجا قالاسىندا تۇراتىن «حالىق جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىق تىلەگىن توعىستىرۋ» قيمىلىن باقىلاۋ گرۋپپاسىنىڭ باستىعى ما يانلين كوزدەن كەشىرۋ جانە قورىتىندىلاۋ جينالىسىنا قاتىناستى.
قاراشانىڭ 11 - كۇنى اشىلعان قورىتىندىلاۋ جينالىسىندا ليۋ حۇيجۇن كوزدەن كەشىرىلگەن نىسان قۇرىلىستارىنىڭ ەرەكشەلىگى مەن ونىمدىلىگىنە جانە جىلدىق قىزمەتتىڭ ەرەكشەلىگى مەن جەتەرسىزدىكتەرگە باعا بەردى ءارى كەزەكتەگى قىزمەت جونىندە تالاپتار العا قويدى. ول بىلاي دەدى: بيىل جىل باسىنان بەرى بۇكىل قالاداعى ءار ۇلت كادرلارىنىڭ قاجىرلىلىقپەن ەڭبەكتەنۋىنىڭ ارقاسىندا قۇلجا قالاسىنىڭ ءتۇرلى قىزمەتى تىڭ ساتىعا كوتەرىلدى. جىل سوڭى تاياپ قالدى، ورنىقتىلىقتى مىقتى يگەرۋ ارقىلى ىلگەرىلەۋ يدەياسىنان اۋىتقىماۋ كەرەك.
كەزەكتە پارتيا 18 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، «باس نىسانانى توڭىرەكتەپ، جاڭا قالىپقا جەتەكشىلىك ەتىپ، جاۋاپكەرلىكتى كۇشەيتىپ، ماسەلە تۋىلماۋعا كەپىلدىك ەتۋ» باستى تالابىنا ساي، زەيىندى شوعىرلاندىرىپ، عىلمي، ءبىر تۇتاس جوسپارلاپ، باعداردى ايقىنداپ، ماسەلەنى تاۋىپ، شارالاردى بەلگىلەپ، قيىن ماسەلەلەردى شەشىپ، ولقىلىقتاردى تولىقتاپ، سەنىمدى بەكەمدەپ، قيىن تۇيىندەردەن قامال الىپ، بارشا كادرلاردىڭ وي - ساناسىن بەسىنشى جالپى ءماجىلىستىڭ رۋحىمەن قارۋلاندىرىپ، بۇدان كەيىنگى قىزمەتتى ويداعىداي ىستەۋ ءۇشىن يدەيالىق، نازاريالىق نەگىزبەن قامداۋ؛ «13 - بەس جىلدىق» جوبانى جانە كەلەر جىلعى قىزمەتتى عىلمي جوسپارلاپ، «ءۇش مەزگىل قاباتتاسقان» دامۋ جاعدايى مەن ەكونوميكانىڭ تومەندەۋ قىسىمى سىندى قيىنشىلىقتى جەتە تانىپ، قۇلجا قالاسىنىڭ ءىس جۇزىندىگىمەن تىعىز بىرلەستىرىپ، كەلەر جىلعى رەفورما، دامۋ، ورنىقتىلىق قىزمەتتەرىنە وي جۇگىرتىپ، «13 - بەس جىلدىق» جوبانىڭ ويداعىداي باستالۋىنا، نىق قاداممەن جۇرىلۋىنە كەپىلدىك ەتۋ؛ ورنىقتىلىقتى قورعاۋدىڭ «قىس مەزگىلىندە نەگىز قالاۋ» قىزمەتىن تىڭعىلىقتى ورىستەتىپ، قىسقى سايابىر مەزگىلدە قىزمەتتى تياناقتى ىستەپ، نەگىزگى ساتىنىڭ نەگىزىن، بۇقارالىق نەگىزدى اناعۇرلىم بەكەمدەۋ؛ جىل سوڭىنداعى باعالاۋ قىزمەتىن ويداعىداي ىستەپ، تاماشا سالت، قوماقتى ەڭبەك، ناقتى ونىمدىلىك ارقىلى كەلەر جىلعى قىزمەتكە ويداعىداي نەگىز قالاۋ كەرەك.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
