- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جيۋيۋان اۆياتسيا سەرىكتىگىنىڭ قۇلجا - ءۇرىمجى لەنياسىندا تۇڭعىش رەت ۇشاق قاتىنادى
قۇلجادان اتتانعان جولاۋشىلاردىڭ وسى ۇشاقپەن ۇرىمجىدە ايالداپ، گۋاڭجوۋعا توتە ۇشۋىنا بولادى
2015.12.07 13:38
جەلتوقساننىڭ 3 - كۇنى ىلەدەگى ءار ۇلت بۇقاراسى نازار اۋدارعان جيۋيۋان اۆياتسيا سەرىكتىگىنىڭ قۇلجا - ءۇرىمجى لەنياسىندا رەسمي ۇشاق قاتىنادى. ەلىمىزدىڭ ورتا، وڭتۇستىك رايونى بويىنشا تۇڭعىش رەت وزىندىك قۇنىن تومەندەتىپ تيجارات جۇرگىزۋ ۇلگىسىن قولدانعان جيۋيۋان اۆياتسيا سەرىكتىگى ىسكە قوسقان 9 يۋان، 99 يۋان سياقتى ەرەكشە ارزان بەلەت باعاسى ىلە حالقىنىڭ ۇشاقپەن ساپارلاۋ ارمانىن رەالدىققا اينالدىردى. بۇل لەنيا ىسكە قوسىلعاننان كەيىن ىلەلىك جولاۋشىلار وسى ۇشاقپەن ۇرىمجىدە ايالداپ، گۋاڭجوۋعا توتە ۇشۋىنا بولادى. بۇل وزىندىك قۇندى تومەندەتۋ ارقىلى ءۇرىمجى، گۋاڭجوۋ قالالارىن قۇلجامەن جالعاستىرۋدى جۇزەگە اسىردى.
جاڭا اۆياتسيا لەنياسىندا جاڭا تۇرپاتتى «بوين» 800 - 737 تۇرپاتتى ۇشاعى كۇنىنە ءبىر رەت بارىپ - كەلىپ قاتىنايدى. باراتىن كەزەكشى ۇشاقتىڭ ءنومىرى AQ1054، مۇنىڭ ناقتى قاتىناۋ ۋاقىتى مىناداي: ساعات 17 دەن 55 مينۋت وتكەندە قۇلجا اۋەجايىنان ۇشىپ، ساعات 19 دان 15 مينۋت وتكەندە ءۇرىمجى ديۋوباۋ حالىقارالىق اۋەجايىنا قونادى، گۋاڭجوۋعا باراتىن جولاۋشىلار سوڭىنان سول ۇشاقتاعىلارمەن بىرگە، AQ1052 ءنومىرلى ۇشاققا اۋىسىپ وتىرىپ جولعا شىعادى.
گۋاڭجوۋدان قايتاتىن جولاۋشىلار AQ1051 ءنومىرلى ۇشاقپەن ۇرىمجىگە كەلگەننەن كەيىن سول ۇشاقتاعىلارمەن بىرگە، AQ1053 ءنومىرلى ۇشاققا اۋىسىپ وتىرىپ قايتادى، ساعات 13 تەن 30 مينۋت وتكەندە ءۇرىمجى ديۋوباۋ حالىقارالىق اۋەجايىنان ۇشىپ، ساعات 14 تەن 50 مينۋت وتكەندە قۇلجا اۋەجايىنا قونادى.
ۇعىسۋعا قاراعاندا، بۇل لەنيا ەكى جەر ارالىعىنداعى ءارى شينجياڭ كولەمىندەگى وزىندىك قۇنى تومەن تۇڭعىش لەنيا ەسەپتەلەدى ەكەن. جيۋيۋان اۆياتسيا سەرىكتىگىنىڭ ىسكە قوسقان بەلەت باعاسى 9 يۋان، 99 يۋان سياقتى ەرەكشە ارزان بولۋدان تىس، داعدىلى ايروپلان بەلەتى دە كاسىپتىك ورتاشا دەڭگەيدەن تومەن.
سول كۇنى AQ1053 ءنومىرلى كەزەكشى ۇشاققا وتىرىپ ۇرىمجىدەن قۇلجاعا قايتقان ءبىر جولاۋشى تىلشىگە بىلاي دەدى: قىزمەت قاجەتىمەن ۇنەمى ەكى ارالىقتا جۇرەمىن، ءبىر اپتانىڭ الدىندا مەن جيۋيۋان سەرىكتىگىنىڭ ۇكىمەت تورابىنان 99 يۋانعا ەرەكشە باعادا بەلەت ساتىپ العان ەدىم، بارلىق جول اقىما 170 نەشە يۋان جۇمسادىم، پويەزگە وتىرىپ بارعانمەن شامالاس بولدى، ۋاقىتىم دا ۇنەمدەلىپ، كوڭىل كۇيىم دە ورنىقتى.
سول كۇنى تۇستەن بۇرىن اشىلعان جيۋيۋان اۆياتسيا سەرىكتىگىنىڭ قۇلجا - ءۇرىمجى لەنياسىنىڭ تۇڭعىش قاتىناۋى جونىندەگى اقپارات جاريالاۋ جينالىسىندا قۇلجا (نارات) اۋەجايىنىڭ باس ديرەكتورى گو شينحۋا قۇلجا (نارات) اۋەجايىنىڭ جالپى جاعدايىن تانىستىردى. جيۋيۋان اۆياتسيا شەكتى سەرىكتىگىنىڭ باس القاسى جي گۋاڭپيڭ ءار ۇلت بۇقاراسى كوز تىككەن بەلەت ساتۋ، وزىندىك قۇنىن تومەندەتىپ تيجارات جۇرگىزۋ سياقتى جاعدايلار جونىندە تىلشىلەردىڭ سۇراۋىنا جاۋاپ بەردى.
جيۋيۋان اۆياتسيا سەرىكتىگى 2014 - جىلدىڭ سوڭىندا تيجارات جۇرگىزگەننەن بەرى قازىر 11 اۆياتسيا لەنياسىن اشتى، قاتىنايتىن قالاسى 13 كە جەتتى، مۇنىڭ ىشىندە ورتا، باتىس، سولتۇستىك رايوندار بويىنشا تەك ءۇرىمجى مەن قۇلجا قالاسى عانا بار. جي گۋاڭپيڭ قۇلجا قالاسىنىڭ بازارى بولاشاعىنا سەنىم ارتىپ ول بىلاي دەدى: قۇلجا قالاسى جۇڭگونىڭ باتىس قاقپاسى، «ءبىر بەلدەۋ، ءبىر جول» ستراتەگياسىنىڭ ماڭىزدى ءتۇيىنى، ول ەلىمىزدىڭ سىرتقى ساۋداسىنداعى ماڭىزدى تەرەزە، سونداي - اق شينجياڭنىڭ ماڭىزدى ساياحات تياناعى، ونىڭ شينجياڭنىڭ ءىشى - سىرتىمەن بولعان بارىس - كەلىسى قويۋ، بۇل جيۋيۋان اۆياتسيا سەرىكتىگىنىڭ الدىمەن وسى ارادان جاڭا لەنيا اشۋداعى ماڭىزدى شەشىمى.
جي گۋاڭپيڭنىڭ تانىستىرۋىنا نەگىزدەلگەندە، جيۋيۋان اۆياتسيا سەرىكتىگى مىنا ءۇش جاقتان وزىندىك قۇنىن تومەندەتىپ باعاعا كەپىلدىك ەتكەن: بىرىنشىدەن، ءداستۇرلى ۇلگىدەگى قىزمەت وتەۋدى كۇشىنەن قالدىرىپ، بەلەت باعاسىندا نەگىزىنەن ورىن اۋىستىرىپ قىزمەت وتەۋدەن باسقا ەشقانداي قىزمەت وتەۋ مازمۇنى قامتىلماعان؛ ەكىنشىدەن، وزدەرىنىڭ بەلەت ساتىپ الۋ جۇيەسىنەن پايدالانىپ، تىكە ساتۋ فورماسى ارقىلى ارالىقتاعى بارلىق بۋىنداردى كۇشىنەن قالدىرىپ، تيجارات جۇرگىزۋدىڭ وزىندىك قۇنىن تومەندەتكەن؛ ۇشىنشىدەن، ءبىرىڭعاي تۇرپاتتى ۇشاق تاڭداۋ، بۇكىلدەي ارزان بولمەلى ورىن ورنالاستىرۋ ارقىلى ۇشاقتىڭ پايدالانىلۋ مولشەرى مەن اينالىم ونىمدىلىگىن مۇمكىندىكتىڭ بارىنشا جوعارىلاتقان.
تومەن اقىلى تاسىمال اۆياتسيا سەرىكتىگى بولعان بۇل سەرىكتىكتىڭ قىزمەت وتەۋ مازمۇنى ءداستۇرلى اۆياتسيا سەرىكتىكتەرىمەن ۇقسامايدى، جولاۋشىلار بەلەت ساتىپ العان كەزدە قاتىستى بەلگىلەمەلەرگە نازار اۋدارۋى قاجەت. قازىرگى 9 يۋاندىق اۆياتسيا بەلەت باعاسىنىڭ رەتىنە ساي، ۇشاق بەلەتى «ەگجەي – تەگجەيلى ەسەپتەۋ»، «لەزدىك تيىمدىلىك» جانە «سيلى قوناق تالعامى» سىندى 3 ءتۇر بويىنشا ەسەپتەلگەن. مۇنىڭ ىشىندەگى «ەگجەي – تەگجەيلى ەسەپتەۋ» بەلەت 3.6 پايىز بويىنشا تومەندەتىلگەن ەرەكشە باعالى بەلەت، بۇل تۇردەگى بەلەتتى ساتىپ العان جولاۋشى تەك 7 كيلوگرام عانا جۇكتى الىپ جۇرۋىنە بولادى ءارى الىپ جۇرەتىن سومكەسىنىڭ دە كولەمى 40 ×30 ×20 سانتيمەتردەن اسپاۋى كەرەك، ۇشاقتا تاماقتانۋ اقىسى مەن جۇك تاسىمالى اقىسىن قامتىمايدى. ال «لەزدىك تيىمدىلىك» بەلەتى بويىنشا قولىنداعى سومكەسى مەن جۇگى 15 كيلوگرامىنان اسپاسا اقىسىز تاسىمالدانىپ، بەلەت باعاسى 5 پايىز مولشەرىندە ارزانداتىلادى؛ «سيلى قوناقتار تالعامى» بەلەتىمەن 20 كيلوگرامعا دەيىنگى جۇك اقىسىز تاسىمالدانادى جانە ۇشاق تاماعىنان اقىسىز تاماقتانادى.
جيۋيۋان اۆياتسيا سەرىكتىگىنىڭ 9 يۋاندىق، 99 يۋاندىق ەرەكشە تومەن باعالى بەلەتىن جيۋيۋان اۆياتسيا ۋيچات تەكشەسىنىڭ قىزمەت وتەۋ ءنومىرى مەن قولفون APP قاريدارلار تەكشەسى ارقىلى عانا ساتىپ الۋعا بولادى. جيۋيۋان اۆياتسيا سەرىكتىگى بۇدان كەيىن دە 9 يۋاندىق، 99 يۋاندىق ەرەكشە تومەن باعالى بەلەتتى ۇزدىكسىز ساتادى. جولاۋشىلار @ جيۋيۋان اۆياتسيا ميكرو بلوگى مەن «جيۋيۋان اۆياتسيا تيىمدىلىگى» دەگەن ۋيچات تەكشەسىنە نازار اۋدارۋى ارقىلى ەرەكشە باعاداعى بەلەتتى الدىن الا ۇعىسۋىنا بولادى.
بۇدان سىرت، جيۋيۋان اۆياتسيا سەرىكتىگى كاسىپ اياسىندا «ۇشاق كەزەگىنىڭ كەشىگۋ جالپى سانى» جٶنىندە قامسىزداندىرۋ ءونىمىن تانىستىرادى. كەشىگۋ قامسىزداندىرۋىن ساتىپ العا جولاۋشىلار وتىرماقشى بولعان جيۋيۋان اۆياتسيا سەرىكتىگىنىڭ ۇشاعى 2 ساعات كەشىكسە سيستەما وزدىگىنەن تولەم تولەيدى، جولاۋشىنىڭ جازباشا تولەم تولەۋ ماتەريالىمەن قامداۋىنىڭ قاجەتى جوق، ونىڭ ۇستىنە تولەيتىن تولەمى كەشىككەن ساعاتىنا ساي ارتىپ وتىرادى، جولاۋشى جالپى 500 يۋانعا دەيىنگى تولەم قاراجاتىن الادى.
9 يۋاندىق، 99 يۋاندىق ەرەكشە باعا بەلەتىن ساتۋ سالىستىرماسى جونىندە جي گۋاڭپيڭ بىلاي دەيدى: «كەزەكتە جيۋيۋان اۆياتسيا سەرىكتىگىنەن بەلەت العان 30 ادامنىڭ بىرەۋى تومەن باعالى بەلەت الا الادى. سەرىكتىگىمىز جۇمىس باستاعاننان قازىرگە دەيىن ورتاشا ەسەپپەن ءار رەتتە كەمىندە ەكى ادام 9 يۋاندىق بەلەت الا العان. العاش ۇشقان كەزدە 99 يۋاندىق بەلەت سانى 100 داناعا جەتكەن، بۇل دا جيۋيۋان اۆياتسيا سەرىكتىگىندە تىم سيرەك كەزدەسەدى».
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
