- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وبلىستىق ۇكىمەت 42 – رەتكى ۇنەمىلىك ىستەر ءماجىلىسىن اشتى
2016.08.19 14:03
اۆتونوميالى وبلىستىق 13 – كەزەكتى حالىق ۇكىمەتى تامىزدىڭ 17 – كۇنى تۇستەن بۇرىن 42 – رەتكى ۇنەمىلىك ىستەر ءماجىلىسىن اشتى. ماجىلىستە «اۆتونوميالى وبلىس دارەجەلى تاراۋلار اتقارىپ وتىرعان اكىمشىلىك تەكسەرىپ – بەكىتۋ ىستەرى مازمۇنى (2) (3)»، «ىلە وبلىسىنا توتە قاراستى ورىنداردىڭ جاڭا ەنەرگيالى اۆتوموبيلدى جالپىلاستىرۋ - پايدالانۋدى ىلگەرىلەتۋ جونىندەگى اتقارۋ پىكىرى» سياقتى كەڭەستىك ىستەر قارالدى.
وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى ءماجىلىستى باسقاردى ءارى ءسوز سويلەدى.
جۋىقتا ۇكىمەت تاراۋلارىنىڭ ۇقىق تىزىمدىگى مەن جاۋاپكەرلىك تىزىمدىگىن بەلگىلەۋ، جاريالاۋ قىزمەتىن جەدەل ىلگەرىلەتۋ ءۇشىن وبلىسقا توتە قاراستى 27 تاراۋ سارالانىپ جوعارىعا جولداندى، وبلىستىق پارتكومنىڭ شتات كەڭسەسى (قاراۋ – وزگەرتۋ كەڭسەسى) «اۆتونوميالى وبلىس دارەجەلى تاراۋلار اتقارىپ وتىرعان اكىمشىلىك تەكسەرىپ – بەكىتۋ ىستەرى مازمۇنىنىڭ (2) (3)، ەكى توپتا اكىمشىلىك تەكسەرىپ – بەكىتۋگە قاتىستى جالپى 133 ءىستىڭ العاشقى نۇسقاسىن تەكسەرىپ - بەلگىلەدى. مۇندا 2 – توپتاعى وبلىس دارەجەلى 19 تاراۋدىڭ 65 اكىمشىلىك رۇقسات ەتۋ ىستەرى رەتتەلدى، بۇل مەملەكەت باجىسى، قاتىناس، تۇرعىن ءۇي، اۋىل شارۋاشىلىعى سياقتى تاراۋلارعا سايادى؛ 3- توپتاعى وبلىس دارەجەلى 8 تاراۋدىڭ 68 اكىمشىلىك رۇقسات ەتۋ ىستەرى رەتتەلدى، بۇل ورتانى قورعاۋ، قوعام حاۋىپسىزدىگى، دامۋ – رەفورما، سۋ ىستەرى سياقتى تاراۋلارعا سايادى. اكىمشىلىك تەكسەرىپ – بەكىتىلەتىن 133 ءىس تاس جول قۇرىلىسىن جوبالاۋ – قاراۋ، ازىق – تۇلىك تيجاراتىنا رۇقسات ەتۋ، قۇرىلىس تۇرىندەگى كاسىپورىن تولىمدىلىعىن قاراۋ، تەكسەرىپ – بەكىتۋ (مالىمدەۋ)، كاسىپورىندى تىزىمگە الۋ، سالىنىپ بولعان قۇرىلىس نىسانىن ورتانى قورعاۋ بويىنشا تەكسەرىپ – وتكىزىپ الۋ، ماتورلى كولىك جۇرگىزۋ كۋالىگىن تاراتۋ، وقىتۋشىلاردىڭ تولىمدىلىعىن تۇراقتاندىرۋ سياقتىلاردى قامتيدى. جوعارىداعى تەكسەرىلىپ – بەكىتىلەتىن 133 ءىس اقپارات مەديالارى، ۇكىمەتتىڭ توراپ بەكەتى سياقتى ارنالار ارقىلى قوعامعا جاريالانادى، قوعامنىڭ باقىلاۋىن قابىلدايدى، ۇكىمەت ءىسى جاريالى جۇرگىزىلەدى.
«ىلە وبلىسىنا توتە قاراستى ورىنداردىڭ جاڭا ەنەرگيالى اۆتوموبيلدى جالپىلاستىرۋ – پايدالانۋدى ىلگەرىلەتۋ جونىندەگى اتقارۋ پىكىرىندە» مىناۋ العا قويىلدى: اۆتونوميالى وبلىستى بۇكىل شينجياڭ بويىنشا «جاڭا ەنەرگيالى اۆتوموبيلدى جالپىلاستىرىپ – پايدالانۋدان ۇلگى كورسەتەتىن وبلىس ەتىپ قۇرىپ، ساياسات ارقىلى جەتەكشىلىك ەتۋ مەن بازار باسەكەسىن ۇشتاستىرۋدا تاباندى بولىپ، وبلىسقا توتە قاراستى ورىنداردىڭ ەكونوميكاسى مەن قوعامىنىڭ دامۋ ءىس جۇزىندىگىنە ساي، جاڭا ەنەرگيالى اۆتوموبيلدى جالپىلاستىرۋ - پايدالانۋ جوباسىن بەلگىلەپ، قاتىستى ساياساتتار مەن تۇلعالىق قۇرىلعى قۇرىلىسىن كەمەلدەندىرىپ، ءبىر تۇتاس، باسەكەلى، ءتارتىپتى بازار ورتاسىن قالىپتاستىرىپ، قوعامدىق كاپيتالدى جاڭا ەنەرگيالى اۆتوموبيل ءوندىرۋ مەن زارياتتاۋ قىزمەتىنە اتسالىسۋعا جىگەرلەندىرىپ، جاڭا ەنەرگيالى اۆتوموبيلدى جالپىلاستىرۋ كولەمىن ۇزدىكسىز كەڭەيتۋ كەرەك. «13 – بەس جىلدىقتىڭ» سوڭىندا وبلىسقا توتە قاراستى ورىنداردا ۇكىمەت ىسىنە پايدالانىلاتىن اۆتوكولىك، الەۋمەتتىك قاتىناس، كىرە ماشيناسى سياقتى اۆتوموبيلدەردى تازا ەلەكترمەن جۇرەتىن اۆتوموبيلگە وزگەرتۋ، كوبەيتۋ سالىستىرماسى %30 تەن تومەن بولماۋ جوسپارلاندى.
«ىلە وبلىسىنا توتە قاراستى قالا – قالاشىقتارداعى جانار گازدى باسقارۋ قىزمەتىن كۇشەيتۋ جونىندەگى اتقارۋ پىكىرىندە» مىناۋ العا قويىلدى: جانار گاز ارناۋلى جوباسىن بەلگىلەۋدى جەدەلدەتىپ، جانار گاز قۇرىلىسىن عىلمي، ءتارتىپتى ىلگەرىلەتىپ، باسەكە مەحانيزمىن قالىپتاستىرىپ، بازار اينالىمىن جۇيەلىلەندىرىپ، حالىققا پايدالانىلاتىن جانار گازدى دامىتۋعا جىگەرلەندىرۋ كەرەك. وبلىسقا توتە قاراستى قالا – قالاشىقتارداعى جانار گازدى باسقارۋدى اناعۇرلىم كۇشەيتىپ، ارەكەتتى جۇيەلىلەندىرىپ، جانار گاز حاۋىپسىزدىك شىرعالاڭدارىنان ساقتانۋ جانە ونى ازايتۋ كەرەك.
2 – توپتاعى وبلىس دارەجەلى مادەني مۇرالاردى قورعاۋ ورىندارىن جاريالاۋ جونىندەگى كەڭەستىك ىستەردە مىناۋ العا قويىلدى: «قورعاۋدى نەگىز ەتۋ، قۇتقارۋدى ءبىرىنشى ورىنعا قويۋ، ۇيلەسىمدى پايدالانۋ، باسقارۋدى كۇشەيتۋ» قىزمەتىن اناعۇرلىم ويداعىداي ىستەۋ ءۇشىن اۆتونوميالى وبلىستىڭ مادەني مۇرالاردى قورعاۋ، باسقارۋ قىزمەتىن شىنايى كۇشەيتىپ، گۋاڭرىن قالاسىنىڭ ەسكى جۇرتى سياقتى 63 ورىنداعى ماڭىزدى قورعاۋ جانە پايدالانۋ قۇنىنا يە مادەني مۇرالاردى قورعاۋ ورىندارىن 2 – توپتاعى وبلىس دارەجەلى مادەني مۇرالاردى قورعاۋ ورنى رەتىندە جولداۋدى جاريالاۋ كەرەك.
ماجىلىستە تاعى اۆتونوميالى رايوننىڭ شۇعىل جاعدايعا توتەپ بەرۋ ءىسىن باسقارۋ قىزمەتى جونىندەگى تەلەۆيزور- تەلەفون ءماجىلىسىنىڭ رۋحىن دايەكتى تياناقتاندىرۋ ءىسى كەڭەسىلدى، جاۋاپتى تاراۋلار تياناقتاندىرۋ پىكىرىن بەلگىلەپ، اۆتونوميالى وبلىستىڭ شۇعىل جاعدايعا توتەپ بەرۋ نەگىزدىك قىزمەتىن بەكەمدەپ، شۇعىل جاعدايعا توتەپ بەرۋ ءىسىن باسقارۋ جۇيەسى قۇرىلىسىن، اپاتقا قارسى اتتانۋ قۋاتىن كۇشەيتىپ، وبلىسقا توتە قاراستى ورىنداردىڭ شۇعىل جاعدايعا توتەپ بەرۋ ءىسىن باسقارۋ قىزمەتىن تىڭ ساتىعا كوتەرۋ بەلگىلەندى.
ماجىلىستە تاعى باسقا دا ىستەر كەڭەسىلدى.
قۇرماش سىرجان ۇلى كەڭەستىك ىستەردى تىڭداعاننان كەيىن بىلاي دەدى: ورنىقتىلىق پەن دامۋ ءالى دە قازىرگى ءتۇيىندى مىندەت بولىپ وتىر، « ەكى قولدا بىردەي يگەرۋ، ەكى جاعىن دا قاتاڭ يگەرۋدە»، ءسوزسىز، تاباندى بولۋ كەرەك. ورنىقتىلىق قىزمەتىندە قازىرگى قاتاڭ دا كۇردەلى جاعدايدى تولىق تانىپ جانە وعان عىلمي تالداۋ جاساپ، سالعىرتتانۋ، بوساڭسۋ يدەياسى مەن ناشار پسيحولوگيانى باتىل الاستاپ، ولقىلىقتاردى اناعۇرلىم تولىقتاپ، حاۋىپ – قاتەردەن ساقتانىپ، دامۋعا قىزمەت وتەپ، جاراسىمدىلىقتى جەبەۋ كەرەك. قازىرگى ەكونوميكالىق قىزمەتتە ىلەنىڭ ءىس جۇزىندىگىمەن ۇشتاستىرىپ، كەدەيلىكتەن قۇتىلدىرۋدان ويداعىداي قامال الۋ، حالىق تۇرمىسىنا قارجى قوسۋ تەبىنىن ارتتىرۋ، جاڭا كاسىپتەردى جەتىلدىرۋ، ناقتى ەكونوميكانى دامىتۋدى جەبەۋ سياقتى ءتۇيىندى مىندەتتەردى ءبولىپ، اۆتونوميالى رايوننىڭ تالابىن ءىس جۇزىندىك ارەكەتكە اينالدىرۋ كەرەك.
تاراۋلار كەڭەسىپ العا قويعان دايەكتى تياناقتاندىرۋ جوباسى ايقىن، ناقتى، اتقارۋعا قولايلى بولۋ، ورتالىقتىڭ شەشىمدەرى مەن ورنالاستىرۋلارىن جانە اۆتونوميالى رايوننىڭ ساياسات – شارالارىن شىنايى تياناقتاندىرىپ، ورنىقتىلىق پەن دامۋدى مىقتى يگەرۋ سىندى ناقتى ونىمدىلىكپەن اۆتونوميالى رايوننىڭ 9 – رەتكى پارتيا قۇرىلتايىنىڭ تابىستى اشىلۋىن قارسى الۋ كەرەك.
وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى لۋ شۋجياڭ، وبلىستىڭ ورىنباسار باستىقتارى گاۋ تيانشان، جاڭ جۇي، زاكىر زوردۇن، گاۋ چي، فىڭ شيننان جانە وبلىستىق ۇكىمەتتىڭ قاتىستى تاراۋلارىنىڭ جاۋاپتىلارى ماجىلىسكە قاتىناستى.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
