بۋرىلتوعاي اۋداندىق اۋىل ـ قىستاق سەنىمدى امانات ـ قارىز كووپەراتيۆى ”جەلىدە“ ەسەپ قابىلداپ ”بۇلتتىق“ قىزمەت وتەدى
2020.08.19 15:48
التاي گازەتىنىڭ ۇسىنىس ەتىلگەن ءتىلشىسى جۋاڭ شياۋپو مەن ەرىكتى ءتىلشى ديڭ ۋانپىڭ حابارلايدى. 8 ـ ايدىڭ 1 ـ كۇنى، قارىز اقشا الۋ ءراسمياتىن ەندى عانا ءبىتىرىپ بولعان بۋرىلتوعاي اۋدانى بۋرىلتوعاي قالاشىعىنىڭ تۇرعىنى دىڭ دافاڭ اۋداندىق اۋىل ـ قىستاق سەنىمدى امانات ـ قارىز كووپەراتيۆىنىڭ قاريدارلار ءبولىمى مەڭگەرۋشىسى جىڭ فۋشۋيعا العىس ءبىلدىرىپ: سىزدەرگە شىنايى العىس ايتامىن. ۇيدەن اتتاپ شىقپاي ـ اق، قارىز اقشا قولىما ءتيدى، جاپا شەكتىڭىزدەر... ـ دەدى تەلەفوندا.
دىڭ دافاڭ بۋرىلتوعاي اۋدانىنداعى اۋىل شارۋاشىلىق ونىمدەرىن تيجارات ەتۋشى ساۋداگەرلەردىڭ ءبىرى. ءار جىلى 1000 تونناعا جۋىق ءتۇرلى اۋىل شارۋاشىلىق ونىمدەرىن ساتىپ الادى، سونىمەن بىرگە، ءوزى دە 1000 مۋعا جۋىق جەرگە ەگىس داقىلدارىن ەگىپ، اۋدانداعى اتى شىققان مىقتى ايەلگە اينالدى. الايدا، جاقىننان بەرى ول تىڭايتقىش ساتىپ الاتىن اقشانىڭ ماردىمسىزدىعىنان قيىنشىلىققا جولىققان ەدى. 1000 مۋ جەرگە ەككەن ەگىس داقىلدارى پىسۋ الدىندا، اتىزعا ەڭ سوڭعى رەت تىڭايتقىش بەرۋ كەرەك بولعاندا، تىڭايتقىش ساتىپ الاتىن اقشانىڭ جوقتىعىنان ول قاتتى ابىرجىدى.
8 ـ ايدىڭ 1 ـ كۇنى تۇستەن بۇرىن ول سىناپ كورەيىن دەگەن ويمەن اۋداندىق اۋىل ـ قىستاق سەنىمدى امانات ـ قارىز كووپەراتيۆىنىڭ قاريدارلار ءبولىمى مەڭگەرۋشىسىمەن حابارلاسادى. دىڭ دافاڭ اۋداندىق اۋىل ـ قىستاق سەنىمدى امانات ـ قارىز كووپەراتيۆىنىڭ سەنىمدى قاريدارى بولعاندىقتان، كووپەراتيۆ كەم ءراسمياتىن كەشىرە تۇرۋ مەحانيزمىن دەرەۋ ىسكە قوسىپ، تەلەفون شالۋ، كەسكىندى تىلدەسۋ قاتارلى ءتاسىل ارقىلى وعان وزدىگىنەن تىركەلۋ جۇمىسىن ءبىتىرىپ بەردى ءارى ۇيالى تەلەفون بانكە قىزمەتىن ىسكە قوستى؛ بىرنەشە ساعات عانا ۋاقىت جۇمساۋ ارقىلى دىڭ دافاڭ 290 مىڭ يۋان ”سەنىمدىلىك e قارىزىن“ ءساتتى ءبىتىرىپ، قۋانىشى قوينىنا سيمادى.
جاقىنعى جىلداردان بەرى، بۋرىلتوعاي اۋداندىق اۋىل ـ قىستاق سەنىمدى امانات ـ قارىز كووپەراتيۆى ”قاريدارلاردى وزەك، جەرگىلىكتى ورىندى نەگىز، جوعارى ساپالى دامۋدى نىسانا ەتۋ“ تيجارات ۇستانىمىنا تاباندى بولىپ، ناقتى تۇلعالى ەكونوميكا مەن اۋدان ەكونوميكالىق، قوعامدىق دامۋىنا قىزمەت وتەۋگە كۇش سالىپ، قوعامداعى ءار سالانىڭ جاپپاي مويىنداۋىنا يە بولدى. 7 ـ ايدىڭ سوڭىنا دەيىن بۋرىلتوعاي اۋداندىق اۋىل ـ قىستاق سەنىمدى امانات ـ قارىز كووپەراتيۆى جالپى 805 ميلليون 865 مىڭ 900 يۋان ءتۇرلى قارىز اقشا تاراتقان. مۇندا، ەگىنشىلىككە بەرىلگەن قارىز اقشا 213 ميلليون 534 مىڭ 500 يۋان، مال شارۋاشىلىعىنا بەرىلگەن قارىز اقشا 125 ميلليون 864 مىڭ يۋان، شاعىن، ۇساق كاسىپورىنعا بەرىلگەن قارىز اقشا 154 ميلليون 537 مىڭ يۋان، ارحيۆ تۇرعىزىلىپ كارتوچكالاندىرىلعان كەدەي وتباسىنا بەرىلگەن شاعىن نورمالى قارىز اقشا 35 ميلليون 894 مىڭ يۋان بولدى.
بۋرىلتوعاي اۋداندىق اۋىل ـ قىستاق سەنىمدى امانات ـ قارىز كووپەراتيۆىنىڭ باس القاسى ليۋ دىڭتۇڭ تىلشىگە: ىندەت كەزىندە ەلەكتروندى ارنانىڭ قىزمەت وتەۋ ابزالدىلىعىن ارقاۋ ەتىپ، جەلىدە قىزمەت وتەۋ يقۋاتىن اناعۇرلىم كەمەلدەندىرىپ، ۇگىتتەپ جەتەكشىلىك ەتۋدى كۇشەيتىپ، تور بانكەسى، ۇيالى تەلەفون بانكەسى، ءۇنحات بانكەسى قاتارلى جەلىدەگى قىزمەت ءتۇرىن بار كۇشپەن كەڭەيتىپ، فينانستىق قىزمەت وتەۋدى قامتاماسىزداندىرۋدى شىنايى ويداعىداي ىستەپ، ءاربىر قاريداردىڭ رازىلىعىنا يە بولۋعا قۇلشىنىس جاسادىق ـ دەدى.
كەلۋ قاينارى: التاي گازەتى - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
