- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اراق ءىشىپ كولىك جۇرگىزگەندىكتەن قايتالاي سوتتالدى
ـــ اراق ءىشىپ كولىك جۇرگىزۋدىڭ زاڭدىق جاۋاپكەرشىلىگى مەن اۋىر زاردابىن تولىق تۇسىنەيىك
2014.10.29 13:15 كەلۋ قاينارى : حالىق تورابى
«جۇڭحۋا حالىق رەسپۋبليكاسى قىلمىستىق ىستەر زاڭىنا تۇزەتۋ ەنگىزۋ جوباسى (8)» 2013 - جىلى 1 - مامىردان باستاپ اتقارىلدى، جاڭا زاڭ بويىنشا، اراق ءىشىپ موتورلى كولىك جۇرگىزۋ ارەكەتىنە قاتاڭ سوققى بەرىلىپ، اراق ءىشىپ موتورلى كولىك جۇرگىزۋشىلەر اۋىر جازالاناتىن بولدى. اراق ءىشىپ كولىك ايداۋدان تۋىندايتىن «موتورلى كولىكتى قاتەرلى جۇرگىزۋ قىلمىسىنىڭ» جاۋاپكەرشىلىگى اۋىر، قوعامعا، ازاماتتاردىڭ جەكە باسىنا، مال - مۇلىككە سالاتىن زيانى تىپتەن زور.
2014 - جىلى 30 - شىلدە تاڭعى ساعات 4 مولشەرىندە، بxx شوفەرلىك كۋالىگى مەن قاتىناۋ كۋالىگى جوق جاعدايدا شين A560xx ءنومىرلى (باسقالاردىڭ كولىك ءنومىرى) كولىگىن ايداپ ءۇرىمجى قالاسى ليانيۇنگاڭ - قورعاس جوعارى قارقىندى تاس جول بولەگىندەگى ۇلانباي اقى الۋ پۋنكيتىنە كەلگەندە، شارلاۋ جۇرگىزىپ جاتقان ءۇرىمجى قالالىق قوعام حاۋىپىسىزدىگى مەكەمەسىنىڭ حالىق ساقشىلارى جاعىنان ناق مايداندا اراق ءىشىپ ماس كۇيدە كولىك جۇرگىزۋ قىلمىسىمەن قولعا الىنعان. شينجياڭ قاتىناس - تاسىمال عىلىم - تەحنيكا زەرتتەۋ اكادەمياسىنىڭ شىعارعان ساراپتاۋ ناتيجەسىنە نەگىزدەلگەندە، ايىپكەر بxxتىڭ ءار 100 ميلليليتر قانىندا 307 گرام سپيرت قۇرامى بار بولىپ، ماس كۇيدە كولىك جۇرگىزۋگە جاتادى. تەكسەرۋگە قاراعاندا، ايىپكەرگە 2013 - جىلى 3 - قىركۇيەكتە ءۇرىمجى اۋداندىق حالىق سوت مەكەمەسى جاعىنان اراق ءىشىپ كولىك جۇرگىزۋ قىلىمىسىمەن قاماقحانادا 4 اي قولدا ۇستاپ ەڭبەككە سالۋ جازاسى بەرىلىپ، قوسىمشا 3000 يۋان ايىپ سالىنعان، 2014 - جىلى 29-جەلتوقساندا بوساتىلعان.
ايىپكەر بxxتىڭ قىلمىس فاكتى انىق، دالەل - سپاتى تولىق، ايىپكەر بxxتىڭ ايىپتالىپ، سوتتىڭ جازا بەرۋى زاڭعا تولىمدى. زاڭ بەلگىلەمەسىندە، قىلمىسكەر 5 جىل ىشىندە جانە قىلمىس وتكىزسە، «قايتالاي قىلمىس وتكىزۋگە» جاتاتىن بولىپ، زاڭ بويىنشا اۋىرلاتىپ جازا بەرىلەدى. ايىپكەر ءبىر جىل ىشىندە ەكى رەت ۇقساس قىلمىس وتكىزگەندىكتەن، وسى رەت اۋىرلاتىپ جازا بەرىلەدى. ايىپكەر بxxتىڭ اراق ءىشىپ ماس كۇيدە كولىك جۇرگىزۋ ارەكەتىنەن «موتورلى كولىكتى قاتەرلى جۇرگىزۋ قىلمىسى» قالىپتاسادى، «جۇڭحۋا حالىق رەسپۋبليكاسى قىلمىستىق ىستەر زاڭىنىڭ» 133 - تارماعى 1 - تارماقشاسىنىڭ بەلگىلەمەسى بويىنشا، ايىپكەرگە ءۇرىمجى اۋداندىق حالىق سوت مەكەمەسى 6 اي قولدا ۇستاي تۇرىپ ەڭبەككە سالۋ جازاسىن بەرىپ، قوسىمشا 3000 يۋان ايىپ سالۋ ۇكىمىن شىعاردى.
ەستەرىڭىزگە سالا كەتسەك، «جۇڭحۋا حالىق رەسپۋبليكاسى قىلمىستىق ىستەر زاڭىنىڭ» 133 - تارماعى 1 - تارماقشاسىنىڭ بەلگىلەمەسى بويىنشا، اراق ءىشىپ موتورلى كولىك جۇرگىزۋشىنىڭ ءار 100 ميلليليتر قانىنداعى سپيرت قۇرامى 20 گرامنان اسسا اراق ءىشىپ كولىك جۇرگىزۋگە جاتادى، سپيرت قۇرامى 80نەن اسسا ماس كۇيدە كولىك جۇرگىزۋگە جاتادى، ماس كۇيدە موتورلى كولىك جۇرگىزۋشىلەرگە قىلمىسىنا قاراي مەرزىمدى قاماق جازاسى، قاماقحانادا ۇستاي تۇرىپ ەڭبەككە سالۋ جازاسى، ايىپ سالۋ جازاسى بەرىلەدى، ازاماتتىق ينفورماتسياسىنا قىلمىس وتكىزۋ تاريحى بار دەپ ەستەلىككە الىنادى، ءارى شوفەرلىك كۋالىگى كۇشىن جويىپ، 5 جىل ىشىندە قايتا شوفەرلىك ۇيرەنۋدەن شەكتەلەدى.
جاقىنعى جىلداردان بەرى ۇلتىمىز اراسىندا اراق ءىشىپ موتوسيكل جۇرگىزۋشىلەر كوبەيدى، ولاردىڭ نازارىندا اراق ءىشىپ موتوسيكل جۇرگىزۋ قىلمىسقا جاتپايدى ءارى سوتتالمايدى، ءبىراق كەرىسىنشە، اراق ءىشىپ موتوسيكل جۇرگىزۋ ۇقساس الەۋمەتتىڭ قاتىناس اماندىعىن ءبۇلدىرۋ بولىپ، قىلمىستى ىستەر زاڭى بويىنشا جازاعا تارتىلادى. ءۇرىمجى اۋداندىق حالىق سوت مەكەمەسىنىڭ قاراعان اراق ءىشىپ كولىك جۇرگىزۋ دەلولارىنداعى ايىپكەرلەردىڭ كوپ ساندىسىنىڭ مادەنيەت ورەسى تومەن بولىپ، اراق ءىشىپ كولىك جۇرگىزۋدىڭ زاڭدىق جاۋاپكەرشىلىگى مەن اۋىر زاردابىن تولىق تۇسىنبەۋشىلەر.
ءۇرىمجى اۋداندىق حالىق سوت مەكەمەسىنەن: اسقار جاڭابەك ۇلى
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
