تەمىر جول قوعام حاۋىپسىزدىك مەكەمەسى مەملەكەت مەرەكەسى كەزىندە توراپتا قۋعىنداۋ سالىنعان 636 ادامدى، 560 مىڭنان استام قاتەرلى زاتتاردى تەكسەرىپ انىقتادى
2019.10.09 14:54 كەلۋ قاينارى : حالىق تورابى
حالىق تورابى، 10- ايدىڭ 9 – كۇنى، بەيجيڭ. شينحۋا اگەنتتىگىنىڭ 10 – ايدىڭ 7 – كۇنى بەيجيڭنەن بەرگەن حابارى، ءتىلشىنىڭ 10 – ايدىڭ 7 – كۇنى قوعام حاۋىپسىزدىك مينيسترلىگىنىڭ تەمىر جول قوعام حاۋىپسىزدىك مەكەمەسىنەن ۇعىسۋىنشا، مەملەكەت مەرەكەسى كەزىندە، بۇكىل ەلدەگى تەمىر جول قوعام حاۋىپسىزدىك تاراۋلارى «ۇرلاۋ، توناۋ، الدامكوستىك ىستەۋ» سياقتى ءتۇرلى مال - مۇلىككە سۇعاناقتىق جاساۋ دەلولارىنان 261ىن ءبىرجاقتى ەتكەن، توراپتا قۋعىنداۋعا الىنعان قاشىپ جۇرگەن 636 ادامدى قولعا تۇسىرگەن، 112 بەلەت الىپ – ساتار توبىن تالقانداعان، 560 مىڭنان استام ءتۇرلى وتالعىش، جارىلعىش قاتەرلى بۇيىمداردى تەكسەرىپ انىقتاعان. جەر - جەردەگى تەمىر جول قوعام حاۋىپسىزدىگى ورگاندارى جەرگىلىكتى قوعام حاۋىپسىزدىگى ورگاندارىمەن، بەكەتتە تۇراتىن قارۋلى ساقشىلارمەن تىعىز سايكەسىپ، بەكەت الاڭى، بەلەت ساتۋ زالى، پويەز كۇتۋ بولمەسى، بەكەت تەكشەسى سياقتى ادامدار شوعىرلانعان ورىندار مەن الەۋمەتتىك وڭىرلەردى ارالاپ تەكسەرۋدى اناعۇرلىم كۇشەيتىپ، ءتۇيىندى كۇماندى ادامداردى قاتاڭ تەكسەردى.
مەرەكە مەزگىلىندە، بەيجيڭ تەمىر جول قوعام حاۋىپسىزدىك مەكەمەسى ساقشى كۇشىن شىعارىپ، بەيجيڭ بەكەتى، بەيجيڭ باتىس بەكەتى، بەيجيڭ وڭتۇستىك بەكەتى سياقتى ءتۇيىندى بەكەتتەردىڭ ءتارتىبىن قورعاۋعا كومەكتەستى. ءۇرىمجى، داليان، جيامۋس سياقتى تەمىر جول قوعام حاۋىپسىزدىگى باسقارماسى ۆوكزالداعى ساقشى سانىن مولايتىپ، شارلاۋ - تەكسەرۋ جيىلىگىن ارتتىردى. چاڭشا تەمىر جول قوعام حاۋىپسىزدىگى باسقارماسى قوعام اماندىعىن قاتاڭ باسقارىپ، ءتارتىپ بۇزعان، ءتارتىپ بۇلدىرگەن 492 ادامدى تەكسەرىپ ءبىرجاقتىلى ەتتى. 10 – ايدىڭ 2 – كۇنى نانجيڭ تەمىر جول ساقشى باسقارماسى ءجىپ ۇشىنا نەگىزدەلىپ، لاتەريا بەلەتىن ساتاتىن جەرگە جاسىرىنىپ جالعان پويەز بەلەتىن جاسايتىن اپاندى تالقانداپ، ناق مايداندا 9 جالعان پويەز بەلەتىن، باسىلماعان 300 اق بەلەتتى جانە كومپيۋتەر، پرەنتر قاتارلى زاتتاردى قولعا ءتۇسىردى.
مەملەكەت مەرەكەسى دەمالىسىندا قالىڭ جولاۋشىلاردىڭ مال - مۇلىك حاۋىپسىزدىگىنە كەپىلدىك ەتۋ ءۇشىن، جەر - جەردەگى تەمىر جول قوعام حاۋىپسىزدىگى ورگاندارى حالىق ساقشىلارىن ساياحات حاۋىپسىزدىگى جونىندەگى ساۋاتتىق بىلىمدەردى كەڭىنەن ۇگىتتەۋگە ۇيىمداستىردى. شىنجىن، حۋايحۋا، داندۇڭ قاتارلى جەرلەردەگى تەمىر جول قوعام حاۋىپسىزدىگى باسقارماسى ادەبيەت - كوركەمونەر بولىمشە اترەتىن ۇيىمداستىرىپ، ۆوكزالعا كىرىپ، ۇرىدان، الدامشىلىقتان ساقتانۋ بىلىمدەرىن ۇگىتتەدى. داتۇڭ تەمىر جول قوعام حاۋىپسىزدىگى باسقارماسى حالىق ساقشىلارىن پويەز بەكەتىنە مىنبە قويۋعا ۇيىمداستىرىپ، ناق مايداندا جولاۋشىلارعا دەلو تۋدىرۋدىڭ داعدىلى ءتاسىلىن كورسەتىپ بەردى. جەر - جەردەگى تەمىر جول ساقشىلارى 160 بۇركىت بولىمشە اترەتىن ۇيىمداستىرىپ، ءتۇيىندى بەكەتتەرگە، ءتۇيىندى پويەزدارعا جانە ءتۇيىندى ۋاقىتقا قاداعالاي نازار اۋدارىپ، «ۇرلىق، توناۋشىلىق» سياقتى مال - مۇلىككە سۇعاناقتىق جاساۋ دەلولارىنان 261ىن اشكەرەلەدى.
سونىمەن بىرگە، جەر - جەردەگى تەمىر جول ساقشىلارى قىزمەت ورنىن تياناق ەتىپ، حالىق ءۇشىن قىزمەت ىستەۋدى بەلسەنە ورىستەتتى. 10 ـ ايدىڭ 3 ـ كۇنى كەشتە حى حانىم 596 K پويەزىنا وتىرعاندا، قۇنى 4000 يۋاننان اساتىن، ماڭىزدى ماتەريال ساقتايتىن قولفونى ابايسىزدا دارەتحانادان سىرعىپ شىعادى. قۇمىل تەمىر جول قوعام حاۋىپسىزدىگى باسقارماسى ليۋيۋان بەكەتىندەگى ساقشى بولىمشەسىنىڭ ساقشىلارى كومەك سۇراۋ ٶتىنىشىن تاپسىرىپ العان سوڭ 20 كيلومەتر جاياۋ ءجۇرىپ ىزدەۋ ارقىلى قولفوندى تاۋىپ الادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
