حالىق ىستەرى تاراۋلارى: جۇڭگو جابايى حايۋاناتتاردى قورعاۋ بىرلەستىگى بەلگىلەمەگە قايشى تۇردە بولىمشە قۇرىلىم قۇرعاندىقتان، اتالعان بىرلەستىككە ەسكەرتۋ بەرىلدى
2020.03.13 14:26 كەلۋ قاينارى : حالىق تورابى
حالىق تورابى، 3 – ايدىڭ 13 – كۇنى، بەيجيڭ. حالىق ىستەرى مينيسترلىگى رەسمي تورابىنىڭ حابارلاۋىنشا، جۋىردا حالىق ىستەرى مينيسترلىگى جۇڭگو جابايى حايۋاناتتاردى قورعاۋ بىرلەستىگىنىڭ بەلگىلەمەگە قايشى تۇردە بولىمشە قۇرىلىم قۇرعان ارەكەتىنە ەسكەرتۋ بەرۋ سىندى اكىمشىلىك جازا قولداندى.
تەكسەرۋگە قاراعاندا، جۇڭگو جابايى حايۋاناتتاردى قورعاۋ بىرلەستىگى بولىمشە قۇرىلىمى «جابايى حايۋاناتتاردىڭ ءوسۋىن قورعاۋ جانە ولاردان پايدالانۋ كوميتەتى» مەن «سۋدا تىرشىلىك ەتەتىن جابايى حايۋاناتتاردى قورعاۋ بولىمشە قوعامى» اياسىندا بەلگىلەمەگە قايشى تۇردە «باقا تەكتەستەر باعىمشىلىعى كاسىپتىك كوميتەتى»، «جىلان تەكتەستەر باعىمشىلىعى كاسىپتىك كوميتەتى»، «الىپ سالاماندرا كاسىپتىك كوميتەتى»، «بەكىرە كاسىپتىك كوميتەتى» قاتارلى ءۇشىنشى دارەجەلى بولىمشە قۇرىلىمدار قۇرعان. جوعارىداعى ارەكەتتەر «قوعامدىق توپتاردى تىزىمگە الۋ جانە باسقارۋ ەرەجەسىنىڭ» ون جەتىنشى تارماعىنداعى «قوعامدىق توپتاردىڭ بولىمشە قۇرىلىمدارىنىڭ وزىنە قاراستى تاعى دا بولىمشە قۇرىلىم قۇرۋىنا بولمايدى» دەگەن بەلگىلەمەگە قايشى كەلگەن، «قوعامدىق توپتاردى تىزىمگە الۋ جانە باسقارۋ ەرەجەسىنىڭ» وتىزىنشى تارماعىنىڭ ءبىرىنشى تارماقشا بەسىنشى مازمۇنىنداعى بەلگىلەمەگە ساي، حالىق ىستەرى تاراۋلارى جۇڭگو جابايى حايۋاناتتاردى قورعاۋ بىرلەستىگىنە ەسكەرتۋ بەرۋ اكىمشىلىك جازاسىن قولداندى ءارى اتالعان ورىندى بەلگىلەمەگە قايشى قۇرعان بولىمشە قۇرىلىمدى كۇشىنەن قالدىرۋعا بۇيىردى. سونىمەن بىرگە، «قوعامدىق ۇيىمداردىڭ سەنىمدىلىك ينفورماتسيالارىن باسقارۋ ءادىسناماسىنداعى» بەلگىلەمەلەرگە ساي، اكىمشىلىك جازا بەرۋدى ۇيعارعان كۇننەن باستاپ، حالىق ىستەرى مينيسترلىگى اتالعان ۇيىمدى ارەكەتىندە قالىپسىزدىق بايقالعان قوعامدىق ۇيىمدار تىزىمدىگىنە قوسادى.
ءارقايسى قوعامدىق ۇيىمدار وسىدان ساباق الىپ، ساياساتتى، زاڭ – تۇزىمدەردى ۇيرەنۋدى كۇشەيتىپ، زاڭ – ءتارتىپ كوزقاراسىن كۇشەيتىپ، زاڭ – تارتىپتىك تانىمىن جوعارىلاتىپ، قيمىل ورىستەتكەندە زاڭ – تۇزىمگە قاتاڭ بويسۇنۋى كەرەك. سونىمەن بىرگە، ىشكى جاقتاعى باسقارۋ مەحانيزمىن جاپپاي كەمەلدەندىرىپ، بولىمشە قۇرىلىم قۇرۋ، ۋاكىلدىك قۇرىلىم قۇرۋ سىندى ارەكەتتەردى جۇيەگە ءتۇسىرۋى، وڭىرلىك سيپات الاتىن بولىمشە قۇرىلىم قۇرماۋى، بولىمشە قۇرىلىم، ۋاكىلدىك قۇرىلىم اياسىندا تاعى دا بولىمشە قۇرىلىم، ۋاكىلدىك قۇرىلىم قۇرماۋى، بولىمشە قۇرىلىمنىڭ، ۋاكىلدىك قۇرىلىمنىڭ اتىن ءتۇرلى زاڭدىق تۇلعا ۇيىمدارىنىڭ اتىمەن اتاماۋى، بولىمشە قۇرىلىم، ۋاكىلدىك قۇرىلىم اتىنا «جۇڭگو»، «جۇڭحۋا»، «مەملەكەتتىك»، «مەملەكەت» قاتارلى سوزدەردى قوسپاۋى كەرەك، قيمىل ورىستەتكەندە وزدەرى قاراستى قوعامدىق ۇيىمنىڭ اتى قوسىلعان جۇيەلى اتاۋدى قولدانۋى كەرەك.
حالىق ىستەرى مينيسترلىگى زاڭ – تۇزىمگە قايشى وسى تەكتەس ارەكەتتەردى تەكسەرىپ انىقتاۋ جانە اشكەرەلەۋ تەبىنىن اناعۇرلىم ارتتىرىپ، بايقالعان سايىن ءبىرجاقتى ەتىپ، كوڭىلشەكتىك ىستەمەيدى، قوعامدىق ۇيىمداردى تىزىمگە الۋ جانە باسقارۋ ءتارتىبىن ىشنايى قورعاپ، قوعامدىق ۇيىمداردىڭ اقاۋسىز، ءتارتىپتى دامۋىن ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
