ءۇنحاتتا ادام ياناتتاعاندار ءۇش ءتۇرلى زاڭدىق جاۋاپكەرشىلىك ارقالاۋى مۇمكىن
2020.09.02 16:40 كەلۋ قاينارى : حالىق تورابى
قاتتى رەنجىگەندە، لي** ۇنەمى قىزمەتتەستەردىڭ ءۇنحات توبىندا مەنى قورلايدى نەمەسە جالعاننان فاكت جاساپ، جالا جابادى، مەن قانشا رەت ەسكەرتسەم دە نەمەسە مەكەمە باسشىلارى كوپ رەت باسۋ ايتسا دا، ول وسى ادەتىن وزگەرتپەي قويدى.
سۇراق: ءۇنحاتتا ادام ياناتتاعاندار قانداي زاڭدىق جاۋاپكەرشىلىك ارقالايدى؟
وقىرمان شىن ليڭليڭ
شىن ليڭليڭ وقىرمان:
ءۇنحاتتا ادام ياناتتاعاندا، جاعدايعا قاراي ءۇش ءتۇرلى ۇقساماعان زاڭدىق جاۋاپكەرشىلىك ارقالايدى.
ءبىرىنشى، اكىمشىلىك جاۋاپكەرشىلىك، ياعني اماندىق باسقارۋ جازاسىنا تارتىلادى. اماندىق باسقارۋعا قايشىلىق جاساعانداردى جازالاۋ زاڭىنىڭ 42 - تارماعىندا بىلاي دەپ بەلگىلەنگەن: «مىناداي ارەكەتتەردىڭ ءبىرىن ىستەگەندەرگە 5 كۇننەن تومەن قولدا ۇستاۋ جازاسى بەرىلەدى نەمەسە 500 يۋاننان تومەن اقشالاي ايىپ سالىنادى؛ ءىسى اۋىر بولسا، 5 كۇننەن جوعارى، 10 كۇننەن تومەن قولدا ۇستاۋ جازاسى بەرىلەدى، وعان قوسا 500 يۋاننان تومەن اقشالاي ايىپ سالۋعا بولادى: 1) ۇرەيلەندىرۋ حاتىن جازسا نەمەسە باسقا دا تاسىلدەرمەن باسقالاردىڭ باس اماندىعىنا حاۋىپ توندىرسە؛ 2) باسقالاردى كوپە - كورنەۋ قورلاسا نەمەسە جالعاننان فاكت جاساپ، باسقالارعا جالا جاپسا؛ 3) جالعان فاكت جاساپ باسقالارعا قاستىق ىستەپ، باسقالاردى قىلمىستىق ىستەر جاعىنان قۋزاستىرۋعا نەمەسە اماندىق باسقارۋعا قايشىلىق جاساۋ جازاسىنا ۇشىراتۋعا ۇرىنعاندار...»
ەكىنشى، ازاماتتىق ىستەر جاۋاپكەرشىلىگى، ياعني، سۇعاناقتىقتى توقتاتۋ، ىقپالىن جويۋ، زياندى تولەۋ، كەشىرىم سۇراۋ قاتارلى جاۋاپكەرشىلىكتى ۇستىنە الادى. ۇقىققا قول سۇعۋ جاۋاپكەرشىلىگى زاڭىنىڭ 36 - تارماعىندا بىلاي دەپ بەلگىلەنگەن: «توراپتان پايدالانۋشىلار، توراپتىق قىزمەت وتەۋشىلەر توراپتان پايدالانىپ باسقالاردىڭ ازاماتتىق ىستەر ۇقىق - مۇددەسىنە زيان جەتكىزسە، ۇقىققا قول سۇعۋ جاۋاپكەرشىلىگىن ارقالاۋى كەرەك. توراپتان پايدالانۋشىلار توراپتىق قىزمەت وتەۋدەن پايدالانىپ ۇقىققا قول سۇقسا، ۇقىعىنا قول سۇعىلعان ادام توراپتىق قىزمەت وتەۋدى ءوشىرۋ، بەكىتۋ، جالعانىمدى ٶزىپ تاستاۋ سياقتى قاجەتتى شارالاردى قولدانۋ جونىندە ۇقتىرۋدى تالاپ ەتۋىنە بولادى. توراپتىق قىزمەت وتەۋ ۇقتىرۋىن تاپسىرىپ العاننان كەيىن دەر كەزىندە قاجەتتى شارالار قولدانباسا، زياننىڭ ۇلعايعان بولىگى جونىنەن سول توراپتىق تۇتىنۋشىمەن ىلىكتەس جاۋاپكەرشىلىك ارقالايدى. توراپتىق قىزمەت وتەۋشى توراپ تۇتىنۋشىلارىنىڭ توراپتىق قىزمەت وتەۋدەن پايدالانىپ باسقالاردىڭ ازاماتتىق ىستەر ۇقىق - مۇددەسىنە زيان جەتكىزگەندىگىن بىلگەننەن كەيىن، قاجەتتى شارالار قولدانباسا، سول توراپتان پايدالانۋشىمەن ىلىكتەس جاۋاپكەرشىلىك ارقالايدى.»
ءۇشىنشى، قىلمىستىق ىستەر جاۋاپكەرشىلىگى، ياعني پالە ىزدەپ سويقان شىعارۋ قىلمىسى بويىنشا قىلمىستىق ىستەر جازاسى كەسىلەدى. قىلمىستىق ىستەر زاڭىنىڭ 293 - تارماعىندا بىلاي دەپ بەلگىلەنگەن: تومەندەگىدەي پالە ىزدەپ سويقان شىعارۋ ارەكەتىنىڭ ءبىرى بولسا، قوعام ءتارتىبىن بۇلدىرگەندەرگە 5 جىلدان تومەن مەرزىمدى قاماق جازاسى، قاماقتا جۇمىس ىستەتۋ نەمەسە باسقارۋعا الۋ جازاسى كەسىلەدى: 2) باسقالاردى قۋالاعان، توسقان، ياناتتاعان، قورقىتقان، قىلىعى جيىرەنىشتى بولسا؛ 4) الەۋمەتتىك ورىنداردا شۋ كوتەرىپ، الەۋمەتتىك ورىنداردىڭ ءتارتىبىن اۋىر دارەجەدە بۇلدىرسە. «ەڭ جوعارى حالىق سوت مەكەمەسىنىڭ، ەڭ جوعارى حالىق پروكۋراتۋراسىنىڭ ينفورماتسيا تورابىنان پايدالانىپ جالا جابۋ سياقتى قىلمىستىق ىستەر دەلولارىن باسقارۋدا زاڭ قولدانۋعا قاتىستى ءبىرقانشا ماسەلە جونىندەگى تۇسىندىرمەسىنىڭ» 5 - تارماعىندا دا بىلاي دەپ اتاپ كورسەتىلگەن: «ينفورماتسيا تورابىنان پايدالانىپ باسقالاردى ياناتتاپ، قورقىتسا، ءىسى جيىرەنىشتى بولىپ، قوعام ءتارتىبىن بۇلدىرسە، قىلمىستىق ىستەر زاڭىنىڭ 293 - تارماعىنىڭ 1 - تارماقشاسىنىڭ 2 - مازمۇنىنداعى بەلگىلەمەگە ساي، پالە ىزدەپ سويقان شىعارۋ قىلمىسى بويىنشا قىلمىسى تۇراقتاندىرىلىپ، جازا كەسىلەدى. جالعان ينفورماتسيا جاساسا نەمەسە ويدان شىعارىلعان جالعان ينفورماتسيا ەكەنىن بىلە تۇرا، ينفورماتسيا تورابىندا تاراتسا نەمەسە باسقالاردى ينفورماتسيا تورابىندا تاراتۋعا ۇيىمداستىرسا، جول كورسەتسە، ايعاي – شۋ كوتەرىپ، سويقان شىعارىپ، الەۋمەتتىك ءتارتىپتى اۋىر دارەجەدە بۇلدىرسە، قىلمىستىق ىستەر زاڭىنىڭ 293 - تارماعىنىڭ 1 - تارماقشاسىنىڭ 4 - مازمۇنىنداعى بەلگىلەمەگە ساي، پالە ىزدەپ سويقان شىعارۋ قىلمىسى بويىنشا قىلمىسى تۇراقتاندىرىلىپ، جازا كەسىلەدى.»
جياڭشي ولكەسى شيڭگو اۋداندىق حالىق سوت مەكەمەسى سوت القاسىنىڭ مۇشەسى يان مەيشىڭ
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
