ورىندى قورعانۋشىلاردىڭ جىگەرىن تاسقىنداتتى
ليڭ فىڭ
2020.09.04 13:36 كەلۋ قاينارى : حالىق تورابى
9 – ايدىڭ 3 – كۇنى، «ەڭ جوعارى حالىق سوت مەكەمەسىنىڭ، ەڭ جوعارى حالىق پروكۋراتۋراسىنىڭ، قوعام حاۋىپسىزدىگى مينيسترلىگىنىڭ ورىندى قورعانۋ ءتۇزىمىن زاڭ بويىنشا قولدانۋ جونىندەگى جەتەكشى پىكىرى» (تومەندە قىسقاشا «پىكىر» دەلىنەدى) اشىق جاريالاندى. «پىكىردە» ورىندى قورعانۋدىڭ سەبەبى، ۋاقىتى، وبيەكتى شارتى سياقتى جاقتاردا 10 جاقتاعى ەرەجە ورتاعا قويىلدى.
ورىندى قورعانۋ زاڭدا ازاماتتارعا بەرىلگەن زاڭسىز ارەكەتتەرمەن كۇرەس جاسايتىن ماڭىزدى ءتاسىل. ەلىمىزدىڭ قازىرگى قىلمىستىق ىستەر زاڭىنىڭ 20 - تارماعىندا بىلاي دەپ بەلگىلەنگەن: «مەملەكەتتىڭ، الەۋمەتتىك مۇددەنىڭ، ءوزىنىڭ نەمەسە باسقالاردىڭ باس اماندىعىن، مال - مۇلكىن جانە باسقا دا ۇقىقتارىن جۇرگىزىلىپ جاتقان زاڭسىز سۇعاناقتىقتان ساقتاۋ ءۇشىن قولدانعان زاڭسىز سۇعاناقتىققا تيىم سالۋ ارەكەتى، زاڭسىز سۇعاناقتىق جاساۋشىعا زيان جەتكىزسە ورىندى قورعانۋعا جاتادى، قىلمىستىق ىستەر جاۋاپكەرشىلىگىن ارقالامايدى».
ءبىراق، رەال ومىردە، ورىندى قورعانۋدى تۇراقتاندىرۋ ءبىر - ەكى اۋىز سوزبەن جەتكىزەر ونشالىقتى قاراپايىم ەمەس، ورىندى قورعانۋعا ساياتىن دەلولار الۋان ءتۇرلى بولادى، ناقتى دەلو ءبىر جاي - جاپسارعا بايلانىستى سيپاتىن تۇراقتاندىرۋدا وزگەرىس تۋىلۋى مۇمكىن. بۇل وزگەرىستەر ىسكە قاتىستى ادامداردىڭ جاۋاپكەرشىلىگىنە عانا ەمەس، ادامداردىڭ «ادىلدىك پەن ادىلەتتىلىك» جونىندەگى تۇسىنىگىنە دە ىقپال جاسايدى. ونىڭ ۇستىنە، زاڭ اتقارۋ تانىمى مەن زاڭ اتقارۋ ورتاسى سياقتى فاكتورلاردىڭ ىقپالىنا ۇشىرايتىندىقتان، جەر - جەردىڭ ورىندى قورعانۋ ولشەمىن مەڭگەرۋى بىرلىككە كەلمەگەندىكتەن، زاڭ شىعارۋدىڭ العاشقى ماقساتى ءادىليا امالياتى بارىسىندا تولىق جۇزەگە اسپايدى. ازىراق اعاتتىق بولسا، «قورعانۋشى» «قىلمىس كۇماندىسى» دەپ قارالىپ، «كىم سويقان شىعارسا، سونىڭ ايتقانى اقيقات»، «كىم قايتىس بولسا، جارالانسا، سول جاقتىڭ ايتقانى ورىندى»، «جاقسى ادامعا جاقسىلىق جوق» دەگەن بوگدە اسەر قالىپتاسادى، ادامداردىڭ «زاڭ زاڭسىزدىققا باس يمەيدى» دەيتىن ەڭ تومەنگى شەگىنە سوقتىعادى. بۇل تاياۋ جىلداردان بەرگى كەيبىر «ا27 - تامىز دەلوسىنداعى» جۇرتشىلىق پىكىرىندە وتە ايقىن بەينەلەندى.
ورىندى قورعانۋ ماسەلەسى جالاڭ زاڭدىق ماسەلە ەمەس، ول ادامداردىڭ زاڭعا قايشى قىلمىستىق ارەكەتتەرگە كەزىككەندە قالاي تاڭداۋ جاساۋىنا قاتىستى. وتە - موتە مەملەكەتتىڭ، الەۋمەتتىك مۇددەنىڭ، باسقالاردىڭ باس اماندىعىنا، مال - مۇلكىنە جانە باسقا دا ۇقىقتارىنا قول سۇعىلۋ احۋالىن كورگەندە قول قۋسىرىپ قاراپ تۇراتىن كورەرمەن بولۋ كەرەك پە، جوق «سەن تۇر، مەن اتايىن» دەيتىن ادام بولۋ كەرەك پە، بۇل ادامداردىڭ ءمورال ورەسىنىڭ جوعارى - تومەندىگىنە تۇجىرىم جاسايتىن «ءمورالدىق ماسەلە»، سونداي – اق زاڭمەن باسقارۋ قالىپتى قورعانۋشىلارعا قانشا «نەگىز» بەرەتىن «زاڭمەن باسقارۋ ماسەلەسى». قايتكەنمەن دە، ءبىز بارلىق ادامنىڭ حاۋىپ - قاتەر مەن زارداپتى ەلەمەيتىن قاھارمان بولۋىن قاتاڭ تالاپ ەتىپ، باسىم كوپ ساندى ادامنىڭ زاڭمەن باسقارۋدىڭ قورعاۋىندا قول ۇشىن بەرىپ، ادىلەتتىلىكتى قورعاۋىنا مۇمكىندىك جاساۋىمىز كەرەك، سوندا عانا اقىلدىق نىسانا بولادى.
باس شۋجي شي جينپيڭ بىلاي دەپ باسا دارىپتەدى: زاڭدار مەن زاڭدىق ەرەجەلەردە ايقىن ءمورالدىق بەتالىس ورناتۋ كەرەك، تاماشا ءمورالدى ساۋلەلەندىرىپ، زاڭ شىعارۋ، زاڭ اتقارۋ، ءادىليادا سوتسياليستىك ءمورال تالابىن ايگىلەۋ كەرەك، سوتسياليستىك وزەكتى قۇن كوزقاراسىن ساباقتاستىرىپ، سوتسياليستىك زاڭمەن باسقارۋدى تاماشا زاڭمەن باسقارۋعا اينالدىرۋ كەرەك. «پىكىردىڭ» شىعارىلۋى ورىندى قورعانۋ جونىندەگى زاڭدىق بەلگىلەمەلەردى دۇرىس ءتۇسىنىپ جانە قولدانىپ، ورىندى قورعانۋ دەلولارىن دۇرىس ءبىر جاقتىلى ەتىپ، ازاماتتاردىڭ ورىندى قورعانۋ ۇقىعىن زاڭ بويىنشا قورعاپ، ادىلەت جولىندا ايانباۋعا شابىتتاندىرىپ، قوعامدىق تۋراشىلدىقتى ساۋلەلەندىرۋدە كەلەلى ماڭىزعا يە. اماليات بارىسىندا، ورىندى قورعانۋشىلار مەن ادىلەت جولىندا ايانباعانداردىڭ زاڭدى ۇقىق – مۇددەسىن قورعاۋ تۋىن ايقىن تۇردە قورعاپ، ورىندى قورعانۋشىلاردى ءتىپتى دە جىگەرلەندىرىپ، بۇكىل قوعامدا ادىلەتتىكتىڭ ارقاۋىن قالپتاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
