تاڭەرتەڭگى تاماقتى جەمەۋ وتە زياندى، تاڭەرتەڭگى تاماقتى بىلاي جەگەندە اسقازانعا پايدالى
نيۋ جيانلەي
2020.07.14 15:16 كەلۋ قاينارى : حالىق تورابى
تۇرمىس ريتىمى تەزدەگەن سايىن، تاڭەرتەڭگى تاماقتى ءنارلى جەۋگە ادەتتەنگەن ءجون. تاڭەرتەڭگى تاماققا نەمقۇرايدى قاراۋ دەنساۋلىققا نەمقۇرايدى قاراعانمەن تەڭ. ەندەشە، تاڭەرتەڭگى تاماقتى جەمەۋدىڭ قانداي زيانى بار؟ تاڭەرتەڭگى تاماقتى قالاي جەگەندە دەنساۋلىققا پايدالى بولادى؟
تاڭەرتەڭگى تاماقتى جەمەۋدىڭ قانداي زيانى بار؟ بىرىنشىدەن، قالىپتى قىزمەت ىستەيتىن ادامدار جونىنەن ايتقاندا، تاڭەرتەڭگى تاماق بارىسىندا قابىلداعان قورەكتىكتەر تۇستەن بۇرىنعى ەنەرگيامەن قامداۋعا كەپىلدىك ەتەدى، تۇستەن بۇرىنعى قىزمەت مولشەرى ءبىرشاما شوعىرلى بولاتىندىقتان، تاڭەرتەڭگى تاماقتى جەمەۋ قىزمەت ونىمدىلىگىن تومەندەتەدى.
ەكىنشىدەن، ادام دەنەسى تاڭەرتەڭ ناعىز اش قارىن كۇيدە تۇرادى، تۇستەن بۇرىنعى قىزمەت پەن تۇرمىسقا قاجەتتى قورەكتىكتەردى قابىلداۋى كەرەك. ەگەر تاڭەرتەڭگى تاماق جەمەسە، ادام قورەكتىكتەر جەتىسپەگەندىكتەن، دەنە قۋاتى «شامادان تىس» جۇمىسالىپ، قالىپتى رولىن اتقارۋى قيىنعا سوعادى؛ ۋاقىت ۇزارا كەلە، دەنساۋلىققا زيان جەتكىزۋى مۇمكىن.
ۇشىنشىدەن، تاڭەرتەڭ ەرتە جەگەن تاماقتىڭ تىتىركەندىرۋ رولى ءوت سۇيىقتىعىن ءبولىپ شىعارۋعا ءتيىمدى بولادى، تاڭەرتەڭگى تاماق جەمەسەڭىز، ءتۇنى بويى جينالعان ءوت سۇيىقتىعى تولىق ىدىرامايدى دا، ۋاقىت ۇزارا كەلە، وتكە تاس بايلانۋ جانە ءوت قالتاسىنىڭ قابىنۋى اۋرۋلارىنا شالدىعۋ ىقتيمالدىعىن ارتتىرۋى مۇمكىن.
ەندەشە، تاڭەرتەڭگى تاماقتى قالاي جەگەندە دەنساۋلىققا پايدالى بولادى؟ تاڭەرتەڭگى تاماقتى جەۋ بارىسىندا، ءۇش ءتۇرلى ماڭىزدى قۇرامدى قابىلداۋعا كوڭىل بولگەن ءجون. بۇل ءۇش ءتۇرلى قۇرام: كومىر – سۋتەكتى قوسىلىستارى، بەلوك، كوكونىس.
1. كومىر – سۋتەكتى قوسىلىستار، نەگىزىنەن استىق داقىلدارىنان قابىلدانادى. نەگىزگى تاماق رەتىندە، بۇل كالوريانىڭ نەگىزگى كەلۋ قاينارى سانالادى. مۇندا كارتوپ تەكتەستەر، مىسالى، قىزىلشا، كارتوپ، بەك قاتارلىلار دا نەگىزگى تاماق قاتارىنا جاتادى. تاڭەرتەڭ كۇرىش كوجە، كەسپە كوجە نەمەسە مومى جەۋگە بولادى. نەگىزگى استى، ءسوزسىز، جەۋ كەرەك، ونىڭ ۇستىنە، ول بەلگىلى مولشەردى ۇستاۋى كەرەك.
2. تاڭەرتەڭگى تاماقتا جەۋگە ۇيلەسەتىن بەلوكتىڭ نەگىزگى قاينارى — جۇمىرتقا، سيىر ءسۇتى جانە بۇرشاق ونىمدەرى. سيىر ءسۇتى بەلوك قۇرامى جوعارى زاتتاردىڭ ۋاكىلى، سيىر ءسۇتىن ىسىتىپ ىشكەن ءجون.
3. كوكونىستەر ازىقتىق تالشىقتار مەن ۋيتامين قاتارلىلاردى تولىقتايدى. ءوز اۋەسىڭىزگە قاراي كوكونستەردىڭ ءتۇرىن تاڭداۋىڭىزعا بولادى، كوكونىستەردى پىسىرعاندا قايناتۋ، ارالاستىرۋ، ەتسىز قۋىرۋ سياقتى تاسىلدەردى قولدانعان ءجون.
سونىمەن بىرگە، تاڭەرتەڭگى استا تومەندەگىدەي ازىقتىقتاردى تۇتىنباعان ءجون:
1. ەت. تاڭەرتەڭ ەرتە اس قورىتۋ جۇيەسى ءالى دە «قالپىنا كەلۋ الدىندا» بولىپ، ەتتىڭ قۇرامىندا بەلوك بولعانىمەن، ول اسقازاننىڭ اس قورىتۋداعى اۋىرتپالىعىن ارتتىرىپ جىبەرەدى، بۇل ادامنىڭ دەنە قۋاتىنىڭ قالپىنا كەلۋىنە پايداسىز.
2. كوكونىستى سالات. تاڭەرتەڭگى استا كوكونىس جەۋ پايدالى بولعانىمەن، كوكونىستى سالاتتىڭ قۇرامىنداعى سالات سىرنەسىن كوپ جەمەگەن ءجون. وتە – موتە، اس قورىتۋى دەرلىكتەي جاقسى ەمەس ادامدار تاڭەرتەڭگى استا جىلى تاعامداردى كوبىرەك تۇتىنعانى ءجون.
3. تۇزدالعان كوكونىستەر. تۇزدالعان كوكونىستەردى تەك «دامدەندىرگىش» رەتىندە، از مولشەردە عانا تۇتىنعان ءجون.
4. مايعا قۋىرىلعان ازىق – تۇلىكتەر. ماي شۇيكە، ماي شەلپەك سياقتى مايعا قۋىرىلعان ازىق – تۇلىكتەردىڭ مايلىق قۇرامى ءبىرشاما جوعارى بولادى، كۇندە جەمەگەن ءجون.
بۇل ماقالانى استانا شيپاگەرلىك داشۋەسىنە قاراستى بەيجيڭ شىجيتان ەمحاناسى كلينيكالىق قورەكتىك ءبولىمى مەڭگەرۋشىسىنىڭ ورىنباسارى لي سۋيۇن عىلىمي جاقتان تەكسەرىپ - بەكىتكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
