جۇڭگو ۋاكىلى ب م ۇ - نىڭ باس حاتشىسىنا «قارۋ - جاراق ساۋداسى شارتىنا» كىرۋ ەسكەرتپە حاتىن تاپسىردى
2020.07.09 16:38 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 6 - كۇنى، ب م ۇ (ءتىلشى ۋاڭ جيانگاڭ). جۇڭگونىڭ ب م ۇ – داعى تۇراقتى ۋاكىلى جاڭ جۇن 7 - ايدىڭ 6 - كۇنى ب م ۇ – نىڭ باس حاتشىسى گۋتتەرەسكە جۇڭگونىڭ «قارۋ – جاراق ساۋداسى شارتىنا» كىرۋ جونىندەگى ەسكەرتپە حاتىن تاپسىردى.
جاڭ جۇن شارتقا كىرۋ حاتىن تاپسىرىپ بەرگەننەن كەيىن مىنانى ءبىلدىردى: جۇڭگو ۇكىمەتى داعدىلى قارۋدى زاڭسىز وتكەرمەلەۋدەن جانە بەتالدى پايدالانۋدان تۋىلعان ءار جاقتاعى ماسەلەلەرگە باستان - اياق باسا ءمان بەرىپ، «قارۋ - جاراق ساۋدا كەلىسىمىنىڭ» ماقساتى مەن نىساناسىن قولداپ كەلەدى، قاجەتتى شارالار قولدانىپ، داعدىلى قارۋ - جاراق ساۋداسىن جۇيەگە ءتۇسىرىپ، زاڭسىز قارۋ - جاراقتى وتكەرمەلەۋگە سوققى بەرۋدى قۇپتايدى. سونىمەن بىرگە، جۇڭگو ءوز ەلىنىڭ اسكەري بۇيىمدارىن ەكسپورت ەتۋدى قاتاڭ باسقارىپ كەلدى، قاتىستى ساياساتتار مەن شارالار «قارۋ - جاراق ساۋداسى شارتىنىڭ» تالابىنا بۇكىلدەي جەتتى، ءتىپتى ودان دا اسىپ ءتۇستى. اسىرەسە، جۇڭگو تەك يەلىك ۇقىقتى مەملەكەتكە اسكەري بۇيىمداردى عانا ەكسپورت ەتەدى، بۇل جۇڭگونىڭ اسكەري بۇيىمداردى ەكسپورت ەتۋگە ايرىقشا جاۋاپكەرلىك پوزيتسياسىن ۇستاناتىنىن تولىق ايگىلەيدى. جۇڭگو جاق ءارقايسى جاقتى اسكەري بۇيىمداردى ەكسپورت ەتۋدى قاتاڭ باسقارۋعا، اسكەري بۇيىمداردى مەملەكەت ارەكەتىنە جاتپايتىن ارەكەتتەرگە ەكسپورت ەتپەۋگە، اسكەري بۇيىمداردى ەكسپورت ەتۋ ارقىلى يەلىك ۇقىقتى مەملەكەتتىڭ ىشكى ىستەرىنە كيلىگۋدى توقتاتۋعا قۋزايدى.
جاڭ جۇن مىنالاردى دارىپتەدى: «قارۋ - جاراق ساۋداسى شارتىنا» قاتىناسۋ − جۇڭگونىڭ دۇنيە جۇزىلىك قارۋ - جاراق ساۋداسىن جونگە سالۋعا بەلسەنە ات سالىسۋىنداعى، حالىقارالىق جانە وڭىرلىك بەيبىتشىلىك پەن ورنىقتىلىقتى قورعاۋداعى ماڭىزدى شاراسى، بۇل جۇڭگونىڭ قازىرگى حالىقارالىق اسكەري مەڭگەرۋ جۇيەسىن قورعاۋداعى، كوپ جاقتىلىقتى قولداۋداعى، ادامزاتتىڭ تاعدىرلاس ورتاق تۇلعاسىن قۇرۋ ۇستانىمىن امالياتتا ايگىلەۋدەگى بەكىمى مەن ادالدىعىن ايگىلەدى. جۇڭگونىڭ قوسىلۋى وسى شارتتىڭ قامتۋ اۋماعىن ونان ارى جوعارىلاتىپ، دۇنيە جۇزىلىك حاۋىپسىزدىكتى جونگە سالۋعا جانە حالىقارالىق اسكەري مەڭگەرۋدىڭ اياق الىسىنا وڭ ەنەرگيا قوسادى.
جاڭ جۇن بىلاي دەپ اتاپ كورسەتتى: بۇگىنگى دۇنيە قات - قابات سايىسقا ءدوپ كەلدى، ال سىڭار جاقتىلىق بىلىقپالىقتىڭ قاينارىنا اينالدى. ءبىر مەزگىلدەن بەرى ءىشىنارا مەملەكەتتەر كوپ جاقتى اسكەري مەڭگەرۋ كەلىسىمىنەن، قاتىستى حالىقارالىق شارتتاردان جانە حالىقارالىق ۇيىمداردان ارت - ارتىنان شەگىنىپ، ۇزدىكسىز «توقتام بۇزىپ»، «توپتان شەگىنىپ»، ءبىر تاراپتى باسا - كوكتەۋگە سالىنىپ، دۇنيە جۇزىلىك ستراتەگيالىق تەپە - تەڭدىك پەن ورنىقتىلىققا وراسان زور تۇراقسىز فاكتورلار الا كەلىپ، دۇنيە جۇزىندەگى ءار ەلدىڭ دۇنيە جۇزىلىك سايىستارعا قول ۇستاسا توتەپ بەرۋىنە اۋىر زيان جەتكىزدى. قازىرگى جاعدايدا ءىرى ەلدەر ۋادەسىندە بەرىك تۇرۋى، جاۋاپكەرلىك ارقالاۋ رۋحىن ايگىلەپ، حالىقارالىق ءتارتىپتى قورعاۋ، حالىقارالىق زاڭمەن جونگە سالۋدى قورعاۋ، ب م ۇ - نىڭ رولىن قورعاۋ، كوپ جاقتىلىقتى قورعاۋ ءۇشىن ۇلگى جانە ۇلەس قوسۋى كەرەك.
جاڭ جۇن مىنالاردى ءبىلدىردى: جۇڭگو كوپ جاقتىلىقتا، ادىلدىكتە، تۋراشىلدىقتا تاباندى بولا بەرەدى، «بىرلەسكەن مەملەكەتتەر ۇيىمى ۋستاۆىنىڭ» نەگىزگى ماقساتى مەن پرينسيبىنە بويسۇنىپ، ارناعا تۇسكەن، ۇيلەسىمدى حالىقارالىق قارۋ - جاراق ساۋدا ءتارتىبىن ورناتۋعا، حالىقارالىق بەيبىتشىلىك پەن ورنىقتىلىقتى قورعاۋعا، دۇنيە جۇزىندەگى ءار ەلدىڭ بىرگە دامۋىن جەبەۋگە اناعۇرلىم زور ۇلەس قوسادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
