ماسكى تاعۋدىڭ مىناداي پايداسىن بىلەسىز بە
2020.08.04 16:20 كەلۋ قاينارى : حالىق تورابى
جارىم جىلدان استام ۋاقىتقا جالعاسقان ىندەتكە قارسى تۇرۋ ارقىلى ادامدار ماسكى تاعۋدىڭ ماڭىزدىلىعى جونىندە ورتاق تانىمعا كەلدى. بۇل عانا ەمەس، ماسكىنىڭ كۇندەلىكتى تۇرمىسىمىزدا ۇنەمى قولدانىسقا تۇسۋىنە بايلانىستى، ادامدار ماسكى تاعۋدىڭ كوپتەگەن پايداسىن بايقادى. مىسالى، قىستا جىلۋ ساقتايدى، جازدا كۇنگە كۇيدىرمەيدى، ءتورت ماۋسىمدا دا تاعۋعا بولادى، ماسكى تاقساڭىز كەز كەلگەن ۋاقىتتا بەزەنۋىڭىزدىڭ قاجەتى جوق.
تاقىرىپقا ورالساق، مەديتسينالىق تۇرعىدان ايتقاندا، ماسكى شىنىندا ۇنەمى قولدانىلاتىن ءارى ءونىمدى قورعانۋ بۇيىمى سانالادى. بۇگىن كوپشىلىككە ماسكى تاعۋدىڭ دەنساۋلىققا پايداسى جونىندە ناقتىراق تانىستىرامىز.
تىنىس جولى جۇقپالى اۋرۋلارى
مۇندا جاي تۇماۋ، جۇقپالى تۇماۋ، وكپە قابىنۋى، وكپە تۋبەركۋلەزى قاتارلىلاردى قامتيدى. بۇل اۋرۋلاردىڭ تارالۋ جولى اۋىزدان شىققان شاشىراندى ارقىلى تارالادى. مىسالى، داۋىستاپ سويلەگەندە، تۇشكىرگەندە، جوتەلگەندە نەمەسە قاقىرعاندا، ءبىر ءبولىم اۋرۋ قوزدىرعىشتار اۋاعا تارالادى، اۋادا شاشىراندى فورما ارقىلى باسقالارعا جۇعادى. قازىرگى جاڭا تيپتى ايدارشا ۆيرۋس وكپە قابىنۋ ۆيرۋسى جۇقپالىلىعى ەرەكشە كۇشتى ءبىر ءتۇرلى اۋرۋ قوزدىرعىش، ارينە، باسقا ۆيرۋستار مەن باكتەريالارعا دا نەمقۇرايدى قاراۋعا بولمايدى، ءبىز ماسكى تاعۋ ارقىلى تىنىس جولى ارقىلى جۇعۋدىڭ وتە جاقسى الدىن الۋ رولىن اتقارامىز، اۋرۋ باكتەرياسىن سىرتقا قالدىرامىز.
اسىرە سەزىمتالدىق اۋرۋلار
مۇندا اسىرە سەزىمتالدىق مۇرىن قابىنۋى، اسىرە سەزىمتالدىق تەرى قابىنۋى، اسىرە سەزىمتالدىق دەمىكپە سياقتىلاردى قامتيدى. ءبىز تۇرمىستا، ۇنەمى كەيبىر اسىرە سەزىمتالدىق تۋدىراتىن نارسەلەرگە مىسالى، گۇل توزاڭى، شاڭ - توزاڭ، حايۋاناتتاردىڭ ءجونى سياقتى نارسەلەرگە جولاساق اسىرە سەزىمتالدىق تۋىلادى. بۇل زاتتار بەت پەن مۇرىن قۋىسىنىڭ كىلەگەي قابىعىنا تيگەننەن كەيىن، كىلەگەي قابىقتا قاندى ىسىك پايدا قىلادى، ونان سوڭ مۇرىن بىتەلۋ، تۇشكىرۋ، ماڭقا اعۋ، تەرى قىشۋ قاتارلى اۋرۋ بەلگىلەرى پايدا بولادى، سالماقتىلارىندا ءتىپتى اسىرە سەزىمتالدىق تالۋ جاعدايى بولادى. ەگەر ماسكى تاقساق، اسىرە سەزىمتالدىق تۋدىراتىن زاتپەن جاناسۋدان ساقتانىپ، سول ارقىلى اسىرە سەزىمتالدىق سيپاتتى اۋرۋلاردان ساقتانۋ رولىن اتقارۋعا بولادى.
قالىپتان تىس اۋا الماسۋ جالپى بەلگىلەرى
قالىپتان تىس اۋا الماسۋ دەگەنىمىز تىنىس الۋدىڭ جيىلىگىنىڭ وتە تەز، تىنىس الۋ تەرەڭدىگىنىڭ وتە كۇشتى بولۋىن مەڭزەيدى. بۇل دەنەدەگى كومىرتەگى قوس توتىعىن قالىپتان تىس ىعىستىرىپ، دەنەدەگى كومىرتەگى قوس توتىعىنىڭ قويۋلىعى تومەندەيدى. ناۋقاستىڭ اۋرۋ بەلگىسى تىنىس الۋ سيپاتتى سىلتىمەن ۋلانۋ، بەت - اۋىز اينالاسى ۇيۋ، سونداي – اق، ساۋساقتاردىڭ تارتىلۋ جاعدايى تۋىلادى، بۇل جاعداي ادەتتە پسيحيكالىق فاكتور، كوڭىل كۇيدىڭ تولقۋى، قىزۋى ورلەۋ سياقتىلارمەن قاتىستى بولادى. قالىپتان تىس اۋا الماسۋعا شالدىققان ناۋقاستار جونىنەن العاندا، ماسكى تاعۋ نەمەسە بەت بۇركەنىش تاعۋ ارقىلى كومىرتەگى قوس توتىعىنىڭ شىعارىلۋىن ازايتىپ، كومىرتەگى قوس توتىعىنىڭ قايتالاي ءسىمىرىلۋىن جاقسارتۋعا بولادى، ناۋقاستىڭ اۋرۋ جاعدايى بىرتىندەپ جاقسارادى.
شاڭ - توزاڭنان ساقتانۋ
قازىر تىنىس جول اۋرۋى بارعان سايىن كوبەيۋدە، بۇل اۋانىڭ لاستانۋىمەن قاتىستى بولۋى مۇمكىن، سوندىقتان شاڭ - توزاڭنان ساقتانۋ دا وتە ماڭىزدى. شاڭ – توزاڭنىڭ ىشىندە كوپتەگەن ۋلى زاتتار ادام دەنەسىنە اسا زور زيان جەتكىزەدى، تىنىس الۋ جۇيەسى، جۇرەك - قان تامىر جۇيەسى، نەرۆ جۇيەسى قاتارلىلارعا ىقپال جاسايدى. ماسكىنى دۇرىس تاققاندا بىلعانىش زاتتاردىڭ تىنىس جولىنا كىرۋىنەن ءونىمدى ساقتانۋعا بولادى، سوندىقتان ىس - تۇتەكتى كۇندەرى سىرتقا شىققاندا ماسكى تاعۋ وتە قاجەتتى.
تەمەكى تۇتىنىنەن ساقتانۋ
ءبىز كەيبىر ورىنداردا تەمەكى ءتۇتىنىنڭ مازالاۋىنا تاپ بولۋىمىز مۇمكىن، ال ماسكى تاققاندا بەلگىلى دارەجەدە تەمەكى تۇتىنىنەن ساقتانۋعا بولادى. اسىرەسە ساپاسى جاقسى اكتيۆتەنگەن كومىر ماسكاسى. مۇنداي ماسكى ءبىر ءبولىم تۇتىن جانە نيكوتين، كوكىس مايى قاتارلى زياندى زاتتار ءسىمىرىپ قالادى، دەنەنىڭ زاقىمدالۋىن بەلگىلى دارەجەدە ازايتۋعا بولادى. ونىڭ ۇستىنە ماسكى تاعۋ ارقىلى شاڭ - توپىراقتىڭ جانە تىتىركەندىرگىش سيپاتتى گازداردىڭ تىنىس جولىن زاقىمداۋىن ازايتۋعا بولادى، ماسكىنىڭ پايداسى ەرەكشە كوپ.
وسىدان – اق ماسكى تاعۋ تىنىس جولىندا بولاتىن جۇقپالى اۋرۋدان ساقتانۋدىڭ ەڭ ماڭىزدى، ەڭ ءونىمدى ادىستەرىنىڭ ءبىرى ەكەنىن كورۋگە بولادى. ماسكىنى دۇرىس تاعۋ ءوزىن دە، باسقالاردى دا قورعايدى.
جازعان: جاۋ شين (بەيجيڭ چاۋياڭ شيپاحاناسى)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
