«ىندەتتەن ساقتانۋ ساباقحاناسى»
قول جۋۋ ارقىلى تىنىس جولى جۇقپالى اۋرۋلارىنان ساقتانۋعا بولاتىندىعى نەلىكتەن؟ قايتكەندە قول جۋۋدىڭ ونىمدىلىگىنە كەپىلدىك ەتۋگە بولادى؟
2020.08.05 13:55 كەلۋ قاينارى : حالىق تورابى
قول جۋۋ ارقىلى تىنىس جولى جۇقپالى اۋرۋلارىنان ءونىمدى تۇردە ساقتانۋعا بولاتىندىعى نەلىكتەن؟
قول جۋۋ — جۇقپالى اۋرۋلاردان ساقتانۋداعى ەڭ قاراپايىم، ەڭ ءونىمدى تاسىلدەردىڭ ءبىرى، كۇندەلىكتى قىزمەتتە، تۇرمىستا ادامدار ۆيروسپەن، باكتەريامەن لاستانعان زاتتاردى قولمەن ۇستايدى، ەگەر قولدى دەر كەزىندە، دۇرىس جۋماسا، قولداعى اۋرۋعا شالدىقتىراتىن باكتەريالار قولدىڭ اۋىز، كوز، مۇرىن قاتارلىلارداعى كىلەگەيلى قابىقتارعا جاناسۋى ارقىلى ادام دەنەسىنە ەنەدى. قول جۋۋ ارقىلى وسىنداي جولدى ءونىمدى تۇردە ۇزۋگە بولادى، قولدىڭ تازالىعىن ساقتاۋ ارقىلى جاڭا تيپتەگى ايدارشا ۆيروس وكپە قابىنۋ ىندەتىنە شالدىعۋ حاۋپىنەن ءونىمدى تۇردە ساقتانۋعا بولادى.
قولدى جۋۋدىڭ ونىمدىلىگىنە قالاي كەپىلدىك ەتۋگە بولادى؟
قول جۋۋ — قولداعى باكتەريا، ۆيروس قاتارلىلاردى ازايتۋدىڭ تىكەلەي ءارى ءونىمدى تاسىلدەرىنىڭ ءبىرى، قولدى دۇرىس جۋۋ وتە ماڭىزدى. قولدى دۇرىس جۋۋدىڭ ءتاسىلى: قولدى سابىنمەن نەمەسە قول جۋۋ سۇيىقتىعىمەن تازا سۋدا جۋۋ كەرەك، ءار جولى قولدى 20 سەكۋندتان استام ىسقىلاۋ كەرەك، الاقان، ساۋساقتار، قولدىڭ سىرتى، ساۋساقتاردىڭ اراسى، تىرناقتىڭ جاپسارى، قولدىڭ بىلەزىگى قاتارلى ورىنداردى تازا سۋمەن ابدەن جۋۋ كەرەك. قول جۋۋعا قولايسىز بولعان جاعدايدا، سپيرت قۇرامى بار قول جۋۋ سۇيىقتىعىمەن قولدى تازالاۋ قاجەت.
قانداي كەزدە قولدى جۋۋ قاجەتتى؟
جاڭا تيپتى ايدارشا ۆيروس ىندەتى تارالعان جاعدايدا، ۆيروستىڭ قول ارقىلى تارالۋىنان ساقتانۋ ءۇشىن، قولدى جۋۋعا كوڭىل ءبولۋ قاجەت، قول جۋۋ جيىلىگىن ناقتى جاعدايعا قاراي بەلگىلەسە بولادى. تومەندەگىدەي جاعدايلاردا قولدى دەر كەزىندە جۋۋ كەرەك: سىرتقا شىعىپ، قايتىپ كەلگەندە، ماسكى تاققاندا نەمەسە ماسكىنى العاندا، كوز جاسى، ماڭقا، قاقىرىق جانە تۇكىرىك قاتارلىلارعا قول تيگىزگەن سوڭ، جوتەلگەندە، تۇشكىرگەندە قولمەن اۋىزدى توسقان سوڭ، ناۋقاس ادامدى كۇتىمدەگەن سوڭ، تاماق دايىنداۋدىڭ الدىندا، تاماق ءىشۋدىڭ الدىندا، دارەتكە بارعان سوڭ، الەۋمەتتىك قۇرىلعىلاعا نەمەسە زاتتارعا (مىسالى، سۇيەنىش، ەسىك تۇتقاسى، ليفت كىنوپكاسى، اقشا، جەدەل جولداما قاتارلى زاتتارعا) قول تيگىزگەن سوڭ، بالانى قۇشاقتاۋ جانە وعان تاماق بەرۋدىڭ الدىندا، نارەستەنىڭ ۇلكەن دارەتىن تازالاعان سوڭ، حايۋاناتتارعا جاناسقان سوڭ جانە ولاردىڭ نەسەبى مەن دايراعىن ءبىرجاقتىلى ەتكەن سوڭ.
سىرتقا شىققان كەزدە، قول جۋۋعا قولايسىز بولسا، قايتۋ كەرەك؟
ءونىمدى سپيرت قۇرامى بار، تەز قۇرعايتىن قولدى زارارسىزداندىرۋ سۇيىقتىعىمەن قولدى تازالاۋعا بولادى، ەرەكشە شارت – جاعدايدا، حلور قۇرامى بار نەمەسە اسقىن توتىعۋدان وتكەن سۋتەكتى قول جۋۋ سۇيىقتىعىن پايدالانۋعا دا بولادى. بۇلاردى پايدالانعان كەزدە مولشەرى جەتكىلىكتى بولۋى كەرەك، الاقان، قولدىڭ سىرتى، ساۋساقتاردىڭ اراسى، قولدىڭ بىلەزىگى قاتارلى ورىنداردى تولىق دىمقىلداندىرىپ، زارارسىزداندىرۋ سۇيىقتىعى نەگىزىنەن بۋلانىپ بولعانعا دەيىن، ەكى قولدى ءوزارا جەتكىلىكتى مولشەردە ىسقىلاپ جۋعان ءجون. الايدا، جۇرتشىلىق جونىنەن ايتقاندا، قولدى زارارسىزداندىرۋ سۇيىقتىعىن قولدى تازارتۋدىڭ ۇنەمىلىك ءتاسىلى رەتىندە پايدالانباعان ءجون، تەك سىرتقا شىعۋ قاتارلى قولدى سۋمەن، سابىنمەن جۋۋعا مۇمكىندىك بولماعان كەزدە عانا پايدالانۋعا بولادى.
(بۇل ماتەريال جۇڭگو دەنساۋلىق ساقتاۋ جونىندەگى ءتالىم - تاربيە ورتالىعى مامانداردى ۇيىمداستىرىپ قۇراستىرعان «جاڭا تيپتى ايدارشا ۆيروس وكپە قابىنۋ ىندەتىنە بايلانىستى دەنساۋلىق ساقتاۋ جونىندەگى ءتالىم - تاربيە قولدانباسىنان الىنعان)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
