جۇرەگىڭىز مىناداي سيگنالداردى شىعارعان كەزدە، ەرەكشە كوڭىل ءبولىڭىز
2020.08.05 16:11 كەلۋ قاينارى : حالىق تورابى
جۇرەگىڭىزدىڭ ءار مينۋتتاعى سوعۋ جيىلىگى قانشا؟
قالىپتى ادامداردا، تىنىش كۇيدە، مينۋتىنا 60 تا 100 رەت سوعادى. جۇرەك قارىنشاسى دىرىلدەگەن كەزدە، جۇرەكتىڭ سوعۋ ريتىمى تەزدەيدى، كەيدە مينۋتىنا 100 دە 160 رەتكە دەيىن جەتەدى، قالىپتى ادامداردان تەز بولىپ عانا قالماستان، ونىڭ ۇستىنە رەتسىز سوعاتىندىقتان، جۇرەك قارىنشاسى ءونىمدى جيىرىلۋ قۋاتىنان ايرىلادى.
ەندەشە، جۇرەك قارىنشاسىنىڭ دىرىلدەۋى دەگەن نە؟ جۇرەك قارىنشاسىنىڭ دىرىلدەۋى قىسقاشا قارىنشانىڭ دىرىلدەۋى دەلىنەدى، ۇنەمى كەزىگەتىن جۇرەك ريتىمىنىڭ قالىپسىز بولۋى، ءتاج ءتارىزدى ارتەريانىڭ قابىنۋىنان جابىسقان جۇرەك اۋرۋى، جوعارى قان قىسىم، مي سوققىسى جانە جۇرەك السىرەۋ قاتارلى اۋرۋلارمەن ەرەكشە قاتىسى بار.
كوپ ساندى ناۋقاستار جونىنەن العاندا، قارىنشا ءدىرىلى تۋىلۋىنىڭ الدىن الا بەلگىسى بولمايدى، دەسەد ە، از ساندى ناۋقاستاردا قارىنشا ءدىرىلى تۋىلۋىنا قاتىستى بەلگى ءبىرشاما كورنەكتى بولادى، مىسالى جۇرەك ابىرجۋ، جۇرەك قارىنشاسىنىڭ ەرتە سوعۋى نەمەسە جۇرەك قارىنشاسى ارەكەتىنىڭ مەزەتتىك تەزدەۋى سياقتىلار. تۋىلۋ مولشەرى مەن جالعاسۋ ۋاقىتىنىڭ ۇقساماۋىنا قاراي، قارىنشانىڭ دىرىلىندە كورنەكتى پارىق بولادى. قارىنشا دىرىلدەۋ اۋرۋىنا شالدىققانداردىڭ كوبىندە دەگبىرسىزدەنۋ، كەۋدەسى قىسىلۋ، كەۋدەسى اۋىرۋ، تىنىسى تارىلۋ، باسى اينالىپ كوزى قاراۋىتۋ، دارمەنسىزدەنۋ، ەسىنەن تانۋ قاتارلى اۋرۋ بەلگىلەرى كورىلەدى، سونىمەن بىرگە قارىنشا دىرىلدەگەن كەزدە، ناۋقاستىڭ جۇرەك قارىنشاسىنىڭ جيىرىلۋ قىزمەتى السىرەيدى دە، قان بىرتىندەپ ۇيىپ بۇيىرلىك قان ۇيىعىنا اينالىپ، اجىراعاننان كەيىن قان تامىرلاردى توسىپ، ميدىڭ قانمەن قامداۋىن توسىپ، ميعا قان قۇيىلۋى مۇمكىن. ءبىراق ءبىر ءبولىم قارىنشا دىرىلدەۋ اۋرۋىنا شالدىققانداردا ەشقانداي اۋرۋ بەلگىسى بولمايدى.
قارىنشا ءدىرىلىن تۋدىراتىن قاتەرلى فاكتورلار قايسىلار؟ جاستىڭ ۇلعايۋى قارىنشانىڭ دىرىلدەۋىندەگى ماڭىزدى «جەدەلدەتكىشتىڭ» ءبىرى. ال جۇرەك اۋرۋى، مىسالى، جۇرەك بۇلشىق ەتىنىڭ ولەتتەنۋى، قان تولۋ سيپاتتى جۇرەك السىرەۋى، جۇرەك قاقپاقشاسى اۋرۋى جانە جۇرەك وتاسى قاتارلىلار دا قارىنشا ءدىرىلىن تۋدىراتىن قاتەرلى فاكتور. بۇدان سىرت، قالقانشا بەز اۋرۋى مەن جوعارى قان قىسىمى بار ناۋقاستار ويداعىداي قان قىسىمىن تومەندەتىپ ەمدەلمەسە دە قارىنشا دىرىلدەۋ قاتەرىن ارتتىرادى.
قارىنشا ءدىرىلى تۋىلۋىنان قالاي ساقتانۋعا بولادى؟ ەڭ اۋەلى، جۇرەك قان تامىرىنداعى قاتەرلى فاكتورلاردى ويداعىداي مەڭگەرۋ كەرەك. مىسالى، جوعارى قان قىسىمى بار ناۋقاستار ءدارى ىشۋدەن جازباي، قان قىسىمىنىڭ قالىپتىلىعىن ساقتاۋى كەرەك، ءتاج ءتارىزدى ارتەريانىڭ قابىنۋىنان جابىسقان جۇرەك اۋرۋى نەمەسە جۇرەك قاقپاقشاسىندا ماسەلە بار ناۋقاستار دەر كەزىندە ەمدەلىپ، كۇندەلىكتى دەنساۋلىقتى كۇتىمدەۋگە جانە اۋرۋ جاعدايىن باقىلاۋعا باسا ءمان بەرۋ كەرەك؛ ەكىنشىدەن، شەكتەن تىس سەمىرۋدەن ساقتانۋ كەرەك، شەكتەن تىس سەمىرگەندەر ۇيىقتاعاندا تىنىسىنىڭ ۋاقىتشا توقتاۋى سياقتى اۋرۋ بەلگىلەرى پايدا بولادى، مۇنداي جاعدايدا قارىنشا ءدىرىلى وتە وڭاي تۋىلادى؛ ەڭ سوڭىندا، تاماشا تۇرمىس ءتاسىلىن قالىپتاستىرۋ كەرەك، دەمالىسى ريتىمدى بولۋ، شىنىعۋعا تاباندى بولۋ، ۇيقى ۋاقىتى جەتكىلىكتى بولۋ، ءىشىپ - جەم تەپە - تەڭدىگىن ساقتاۋ، دەنە سالماعىن تەجەۋ، تەمەكى شەكپەۋ، اراق ىشپەۋ قاتارلىلاردىڭ بارلىعى قارىنشا ءدىرىلىنىڭ الدىن الۋدا بەلسەندى رول اتقارادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
