جۇقپالى تۇماۋ، وكپە تۋبەركۋلەزى جانە جاڭا تيپتى ايدارشا ۆيروس ۇشەۋىن قالاي پارىقتاۋعا بولادى؟
بۇل جونىندە اۋرۋدى تىزگىندەۋ تاراۋى مىناداي تۇسىنىك جاسادى
2020.08.06 13:22 كەلۋ قاينارى : حالىق تورابى
جۇقپالى تۇماۋ مەن وكپە تۋبەركۋلەزىن جاڭا تيپتى ايدارشا ۆيروستان قالاي پارىقتاۋعا بولادى؟ وسى تەكتەس اۋرۋلارعا شالدىققاندا، قالاي ىستەۋ كەرەك؟ 8 – ايدىڭ 5 – كۇنى شينجياڭ ۇيعۇر اۆتونوميالى رايوندىق ۇكىمەت اقپارات كەڭسەسى ۇيىمداستىرعان اقپار جاريالاۋ ماجىلىسىندە، ءۇرىمجى قالالىق اۋرۋدى تىزگىندەۋ ورتالىعىنىڭ مەڭگەرۋشىسى رۇي باۋليڭ قاتىستى بىلىمدەردى تانىستىردى.
رۇي باۋليڭ بىلاي دەپ تانىستىردى: جۇقپالى تۇماۋدىڭ ءىشىنارا اۋرۋ بەلگىلەرى مەن جاڭا تيپتى ايدارشا ۆيروستىڭ اۋرۋ بەلگىلەرى ۇقسايدى، مىسالى، دەنە قىزۋى ورلەۋ، دارمەنسىزدەنۋ، جوتەلۋ قاتارلىلار، الايدا، جاڭا تيپتى ايدارشا ۆيروس وكپە قابىنۋى اۋرۋىمەن ۇقسامايتىن جەرى، جۇقپالى تۇماۋ ادەتتە ءبىرشاما شۇعىل تۋىلادى، دەنە قىزۋى ورلەگەن كەزدە دەنە تەمپەراتۋراسى كۇرت جوعارىلاپ، ءبىر – ەكى كۇن ىشىندە ℃39 تان اسىپ كەتۋى دە مۇمكىن، توڭۋ، باسى اۋرۋ، بۇكىل دەنەدەگى بۇلشىق ەتتەرى سىزداپ اۋرۋ قاتارلى اۋرۋ بەلگىلەرى ءبىرشاما كورنەكتى بولادى، تىنىس جولىنداعى اۋرۋ بەلگىلەرى ءبىرشاما جەڭىل بولادى، ادەتتە اۋرعان سوڭ 3 – 4 كۇننەن كەيىن دەنە تەمپەراتۋراسى بىرتىندەپ قالپىنا كەلەدى، بۇكىل دەنەدەگى اۋرۋ بەلگىلەرى دە باسەڭدەيدى.
وكپە تۋبەركۋلەزى — تۋبەركۋلەز تاياقشا باكتەرياسىنان تۋىندايتىن سوزىلمالى سيپاتتاعى تىنىس جولى جۇقپالى اۋرۋى. اۋرۋ بەلگىلەرىنەن الىپ قاراعاندا، وكپە تۋبەركۋلەزىنە شالدىققان ناۋقاستان جوتەلۋ، قاقىرىق پايدا بولۋ، تومەن تەمپەراتۋرالى قىزۋ، سۋىق تەر شىعۋ، دارمەنسىزدەنۋ قاتارلى اۋرۋ بەلگىلەرى بايقالادى. بۇل جاڭا تيپتى ايدارشا ۆيروستىڭ ءىشىنارا اۋرۋ بەلگىلەرىمەن ۇقسايدى، الايدا، وكپە تۋبەركۋلەزىنە شالدىققان ادام ادەتتە تۇستەن كەيىن دەنە قىزۋى ورلەيدى، العاشقى مەزگىلدە دەنە قىزۋى ورتاشا، جوعارى تەمپەراتۋرادا ورلەۋ سىندى اۋرۋ بەلگىسى بايقالمايدى، وكپە تۋبەركۋلەزىنە شالدىققان ناۋقاستىڭ جوتەلۋ، قاقىرۋ قاتارلى اۋرۋ بەلگىلەرى ادەتتە 2 اپتادان استام ۋاقىت جالعاسادى نەمەسە قان ارالاس قاقىرىق تۇكىرۋ، قان تۇكىرۋ قاتارلى اۋرۋ بەلگىلەرى تۋىلادى.
«جۇقپالى تۇماۋ، وكپە تۋبەركۋلەزى جانە جاڭا تيپتى ايدارشا ۆيروس ۇشەۋىندە دە قىزۋى ورلەۋ، دارمەنسىزدەنۋ، جوتەلۋ قاتارلى ۇقساس اۋرۋ بەلگىلەرى بولعانىمەن، الايدا، اۋرۋ تۋدىراتىن پاتوگەندەر ۇقسامايدى. جاڭا تيپتى ايدارشا ۆيروس وكپە قابىنۋ ىندەتىن جاڭا تيپتى ايدارشا ۆيروس تۋىنداتادى، جۇقپالى تۇماۋدى جۇقپالى تۇماۋ ۆيروسى تۋىنداتادى، وكپە تۋبەركۋلەزىن تۋبەركۋلەز تاياقشا باكتەرياسى تۋىنداتادى، ناۋقاس شيپاگەرگە كورىلگەن سوڭ، كاسىپتىك ماماندار ەپيدەميولوگيالىق جانە كلينيكالىق تەكسەرۋلەر ارقىلى پارىقتاپ دياگنوز قويادى. بۇعان مول كاسىپتىك ءبىلىم كەرەك، سوندىقتان، بارشا قالا تۇرعىندارىنا قايتالاي ەسكەرتەرىمىز: دەنە قىزۋى ورلەۋ، جوتەلۋ قاتارلى ناۋقاس بەلگىلەرى بايقالسا، ءسوزسىز، دەر كەزىندە ەمحانانىڭ دەنە قىزۋى امبالاتورياسىنا بارىپ تەكسەرىلۋ، قانداي اۋرۋ ەكەنىن انىقتاعان سوڭ، عىلىمي جولمەن ەمدەلۋ قاجەت»، — دەدى رۇي باۋليڭ.
رۇي باۋليڭ بىلاي دەدى: جۇقپالى تۇماۋ، وكپە تۋبەركۋلەزى جانە جاڭا تيپتى ايدارشا ۆيروس ۇشەۋى دە تىنىس جولى جۇقپالى اۋرۋىنا جاتادى، ولاردان ساقتانۋ تاسىلدەرىنىڭ دە ۇقساستىق جەرلەرى بار. مىناداي ۇسىنىس بەرۋگە بولادى:
بىرىنشىدەن، تارالۋ جولىن ءۇزۋ. كەز كەلگەن جەرگە تۇكىرمەۋ، جوتەلگەندە نەمەسە تۇشكىرگەندە قاعازبەن نەمەسە قولمەن اۋىز بەن مۇرىندى بۇركەپ، قولدى ۇنەمى جۋۋ، تاماشا جەكەلىك تازالىق ادەتىن قالىپتاستىرۋ قاجەت.
ەكىنشىدەن، باكتەريا مەن ۆيروستاردىڭ جيىلىگىن تومەندەتۋ. تەرەزەنى ۇنەمى اشىپ، اۋا الماستىرۋ، بولمە ءىشىنىڭ تازالىعىن ساقتاۋ ارقىلى تىنىس جولىنىڭ قابىنۋىنان ءونىمدى تۇردە ساقتانۋعا بولادى.
ۇشىنشىدەن، ساقتانۋ شارالارىن كۇشەيتۋ، جۇرت شوعىرلانعان ورىنداردا ماسكى تاعۋ ارقىلى جۇعىمدالۋ حاۋىپ – قاتەرىن ءونىمدى تۇردە تومەندەتۋگە بولادى.
تورتىنشىدەن، قورەكتىكتەردى تەڭگەرىمدى قابىلداۋعا كەپىلدىك ەتۋ، بەلوك، ۋيتامين A، ۋيتامين C قۇرامىن ۇيلەسىمدى تۇردە ارتتىرۋ، دەنە شىنىقتىرۋدى كۇشەيتىپ، ۋاعىندا دەمالۋ، تاماشا كوڭىل – كۇيدى ساقتاۋ، يممۋنيتەتتى كۇشەيتۋ كەرەك.
بەسىنشىدەن، جۇقپالى تۇماۋ ۆاكسيناسىن سالدىرۋ ارقىلى جۇقپالى تۇماۋدان ساقتانۋعا بولادى. سۋرەتىن ءتۇسىرىپ، حابارلاعاندار: تيانشان تورابىنىڭ تىلشىلەرى گو ليڭ، دوۋ شيڭجۇن، يىن تۇڭيۋان، جانات تولقىن ۇلى
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
