ىندەتتەن ساقتانۋ ساباقحاناسى
ىندەتتەن ساقتانۋ جانە ونى تىزگىندەۋ ۇدايىلانعان جاعدايدا كوكونىس، جەمىس – جيدەك، ەت سياقتى جاڭا ازىق - تۇلىكتەردى ساتىپ الۋدا نەلەرگە كوڭىل ءبولۋ كەرەك؟
2020.08.13 10:37 كەلۋ قاينارى : حالىق تورابى
تاياۋدا، بەيجيڭ قالالىق اۋرۋدى تىزگىندەۋ ورتالىعىنىڭ ورىنباسار مەڭگەرۋشىسى پاڭ شيڭحۋو بەيجيڭ قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ جانە ونى تىزگىندەۋ قىزمەتى جونىندەگى اقپار جاريالاۋ ماجىلىسىندە قالا تۇرعىندارىنا زات ساتىپ العاندا، جاناسۋدان تارالۋدىڭ الدىن الۋعا كوڭىل ءبولۋ كەرەكتىگىن ەسكەرتتى. كوكونىس، جەمىس – جيدەك، ەت سياقتى تاعامداردى ساتىپ العاندا، ءبىر رەتتىك قولعاپ نەمەسە ءبىر رەتتىك زات ساتىپ الۋ قالتاسىن ىستەتۋ كەرەك، تاڭداپ العاندا زاتتاردى قولمەن تىكەلەي ۇستاماۋ كەرەك. ەت جانە تەڭىز ونىمدەرى سياقتى شيكى، سۋىق جەمەكتىكتەردى جەمىس - جيدەك، كوكونىس سياقتى باسقا ازىقتىقتاردان بولەك قالتاعا سالۋ كەرەك. قوراپتالعان ازىق – تۇلىكتەردى ساتىپ العاندا، ازىق - تۇلىك بەلگىسىندەگى وندىرىلگەن ۋاقىتى، ساقتالۋ مەرزىمى، ساقتاۋ شارتى قاتارلى مازمۇنداردى كورىپ الىڭىز، ساتىپ العاننان كەيىن قولدى تازالاپ جۋۋ كەرەك، ۇيگە قايتقان سوڭ الدىمەن ءسوزسىز قولدى جۋىپ، ءۇي ءىشىنىڭ بىلعانۋىنان ساقتانۋ كەرەك. ەندەشە، سىرتقا شىعىپ زات ساتىپ الۋدا نەلەرگە كوڭىل ءبولۋ كەرەك؟ سىرتقا شىققاندا قول جۋۋعا قولايسىز بولسا قايتۋ كەرەك؟
سىرتقا شىعىپ زات ساتىپ الۋدىڭ ءتورت ماڭىزدى ءتۇيىنى
1. زات ساتىپ الۋ ۋاقىتى مۇمكىندىكتىڭ بارىنشا ساۋدا سارايلارىنىڭ، ەرەن بازارلاردىڭ الارماندارى كوپ بولاتىن قاۋىرت مەزگىلىنەن اۋلاق بولۋى كەرەك. مىسالى، اپتا ارالىعىندا بارۋ نەمەسە تاڭەرتەڭ تيجارات جۇرگىزگەن كەزدە بارۋ، سوندا باسقالارمەن جاناسۋ ورايى ازايادى.
2. ليفتكە وتىرعاندا، ەگەر ونشا بيىك ەمەس عيماراتتارعا بارىپ زات ساتىپ العاندا شاما بار باسپالداقپەن شىعۋ. ەگەر عيمارات بيىكتەۋ بولسا، الدىمەن جاقتاۋلى سىرعىمالى باسپالداقتان پايدالانۋدى ۇسىنىس ەتەمىز. ەگەر، ءسوزسىز، ليفتكە شىعۋعا تۋرا كەلسە، ليفتتە ادام كوپ جاعدايدا، كەلەسى كەزەكتى توسۋ كەرەك. ليفتكە شىققاندا ماسكى تاعۋ، باسقالارمەن بەلگىلى ارالىق ساقتاۋ كەرەك.
3. بۇكىل بارىستا ماسكى تاعۋ كەرەك.
4.قول تازالىعىن جاقسى ىستەۋ كەرەك.
سىرتقا شىققاندا قول جۋۋعا قولايسىز بولسا قايتۋ كەرەك؟
سپيرتتى زارارسىزداندىرۋ ونىمدەرىمەن قوس قولىن تازالاۋعا بولادى. جاڭا تيپتى ايدارشا ۆيرۋس وكپە قابىنۋ ىندەتى قىشقىلعا، سىلتىگە ءتوزىمسىز، ءارى ورگانيكالىق ەرىتكىشتەر مەن زارارسىزداندىرۋ دارىلەرىنە سەزىمتال كەلەدى. %75تىك سپيرت ۆيرۋستى جويادى، سوندىقتان بەلگىلى قويۋلىققا جەتكەن سپيرتتى زارارسىزداندىرۋ ونىمدەرىمەن سابىن مەن سۋ رەتىندە قول جۋۋعا بولادى.
قولدىڭ تازا جۋىلۋىنا قالاي كەپىلدىك ەتۋگە بولادى؟
قولدى جۋۋ قولداعى باكتەريالاردى، ۆيرۋستاردى ازايتۋدىڭ ەڭ ءونىمدى ادىستەرىنىڭ ءبىرى. قولدى دۇرىس جۋۋ شەشۋشى ءتۇيىن. قولدى دۇرىس جۋۋ دەگەنىمىز اققان سۋ ىستەتۋ ارقىلى سابىن نەمەسە قول جۋۋ سۇيىقتىعىمەن قولدى ءار رەت 20 سەكۋندتان ارتىق جۋۋ، الاقان، ساۋساق، قولىنىڭ سىرتى، ساۋساقتىڭ اراسى، تىرناقتىڭ استى قاتارلى جەرلەردى تۇگەلدەي جۋىپ تازالاۋعا كەپىلدىك ەتۋ.
(ماتەريال قاينارى: اقاۋسىز جۇڭگو ۋيچات الەۋمەتتىك ءنومىرى، بەيجيڭ قالالىق اۋرۋدان ساقتانۋ جانە ونى تىزگىندەۋ ورتالىعى ۋيچات الەۋمەتتىك ءنومىرى)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
