تۇنىق سۋ، جاسىل تاۋ — باعا جەتپەس بايلىق
— كورىكتى جۇڭگومىزدى ورتاق كوركەيتەيىك
گازەتىمىزدىڭ شولۋ ءبولىمى
2020.08.11 16:37 كەلۋ قاينارى : حالىق تورابى
جيلين ولكەسى ليشۋ اۋدانىندا «ءسوزسىز، ءونىمدى شارا قولدانىپ، قارا توپىراقتى جەر سىندى ‹مىسىق ايۋداي باعالى ەگىستىك جەردى› ويداعىداي قورعاۋ كەرەك» دەگەن تالاپتى ورتاعا قويدى؛ نيڭشيانىڭ حىلان اۋدانىندا كۇرىش پەن بالىق القابى اۋىل – قىستاق ەكولوگيالىق سەيىل باقشاسىن «سۋ بايلىعىنان پايدالانۋ ونىمدىلىگى جوعارىلاپ، ۇستەمە قۇن دا ارتقان ەكەن» دەپ ماقتادى؛ سانشيدىڭ تاييۋان قالاسىندا تاۋدى، سۋدى، اۋانى، قالانى وڭالتۋدى ءبىرتۇلعالاندىرا ىلگەرىلەتىپ، ۇزدىكسىز كۇش سالۋدى، «كورىكتى تاييۋان قالاسىنىڭ» سالتاناتتى كورىنىسىن قايتادان ايگىلەۋدى تاپسىردى ... جۋىردان بەرى، باس شۋجي شي جينپيڭ قاي جەرگە قىزمەت تەكسەرىپ، زەرتتەۋ جۇرگىزۋگە بارسا دا، جاسىل دامۋ ماڭىزدى مازمۇنداردىڭ ءبىرى بولدى. باس شۋجي تۇنىق سۋ، جاسىل تاۋدى باعا جەتپەس بايلىققا اينالدىرۋعا ايرىقشا نازار اۋدارادى، سونىمەن بىرگە، بۇل جەر – جەردىڭ دامۋىنداعى جاندى ءاماليات.
«تۇنىق سۋ، جاسىل تاۋ — باعا جەتپەس بايلىق» دەگەن تانىم ورتاعا قويىلعان كۇننەن باستاپ، قازىرگە دەيىن 15 جىل ۋاقىت ءوتتى. ۋاقىت وتكەن سايىن جاڭا ءمان الا باستاعان بۇل تانىم ءداۋىردىڭ دوڭعالاعىمەن بىرگە العا ىلگەرىلەپ، زور ومىرشەڭدىك قۋاتىن بارعان سايىن ايگىلەۋدە. بۇل تانىمنىڭ جاسامپازدىق سيپاتى — ونىڭ ەكونوميكالىق دامۋ مەن ورتانى قورعاۋ اراسىنداعى قارىم – قاتىناسقا قاقپايلاۋشىلىق سيپاتتى كوزقاراسپەن قاراماستان، تۇنىق سۋ، جاسىل تاۋ مەن باعا جەتپەس بايلىق اراسىنان جول اشىپ، ەكونوميكا مەن ەكولوگيالىق ورتاعا، اشۋ مەن قورعاۋعا بىردەي ءمان بەرەتىن دامۋدىڭ تىڭ جولىن اتاپ كورسەتكەندىگىندە.
ءبىراز ۋاقىتتان بەرى، ءىشىنارا جەرلەر، نەمەسە، «الدىمەن لاستاپ، ونان سوڭ جونگە سالۋ» سىندى ەسكى جولمەن ءجۇردى، ياكي، ورتانى قورعاۋدى سىڭار جاقتىلىقپەن دارىپتەپ، ەكونوميكالىق دامۋعا مۇلدە ءمان بەرمەدى. بۇل ەكى ءتۇرلى ءتاسىل دە تۇنىق سۋ، جاسىل تاۋ مەن باعا جەتپەس بايلىق اراسىنان ءبىر ءتۇرلىسىن عانا تاڭداۋ بولىپ، ءبارى دە دۇرىس ەمەس. «تۇنىق سۋ، جاسىل تاۋ — باعا جەتپەس بايلىق» دەگەندى باسا دارىپتەۋ، ەكونوميكانى دامىتۋ مەن ەكولوگيالىق ورتانى قورعاۋدىڭ اراسىنداعى نازىك تەپە – تەڭدىكتى ەڭ زور مۇمكىندىكپەن ساقتاپ، ەكولوگيالىق ورتانى قورعاۋ، جاسىل دامۋدى الدىمەن ويلاستىرۋداي دامۋ جولىمەن ءجۇرۋ، جاسىل تۇتىنۋ، جاسىل ءوندىرىس، جاسىل اينالىم، جاسىل فينانس قاتارلىلاردى قامتىعان كەمەلدى جاسىل ەكولوگيالىق جۇيەنى قالىپتاستىرۋدى كورسەتەدى.
ءىس جۇزىندە، رەال ايتىلىم تۇرعىسىنان الىپ قاراعاندا، ەكونوميكانى دامىتۋ مەن ەكولوگيالىق ورتانى قورعاۋ ءوزارا ىلگەرىلەتۋ، ءوزارا ورگە باستىرۋدى ورىنداي الادى. سانشيدى مىسالعا الساق، اتالعان ولكە ءوز ەكولوگيالىق ورتاسىن توڭىرەكتەي وتىرىپ، جاسىل دامۋدىڭ داستانىن جازدى. سانشي ولكەسى يوۋيۇي اۋدانىندا ورمانمەن كومكەرىلۋ دارەجەسى %0.6 تەن %56 كە ارتىپ، تاندىر جەر جاسىل مانات جامىلعان القاپقا اينالىپ، ەكولوگيالىق جايىلىم، ەرەكشەلىككە يە ساياحات قىستاق تۇرعىندارىنىڭ قالتاسىن قامپايتتى.
سانشي ولكەسى فىنياڭ قالاسى جياجياجۋاڭ قىستاعى كەزىندەگى قىستاق قۇرعان زاۆود رايونىن تيپتىك جاقتان وزگەرتىپ، ونەركاسىپتىك جانە مادەني جاقتا جاڭالىق جاراتۋ، اۋىل – قىستاق سالت – سانا ساياحاتى، اقاۋسىز دەنساۋلىق جانە قارتتاردى كۇتىمدەۋ – دەمالدىرۋ قاتارلىلاردى ءبىرتۇلعالاندىرعان مادەني – ەكولوگيالىق ساياحات قىستاعىنا اينالدىردى، جياجياجۋاڭ قىستاعى ەكولوگيالىق باقشاسى مەملەكەتتىك A4 دارەجەلى ساياحات كورىنىس رايونى بولىپ قۇرىلىپ، قىستاق تۇرعىندارىنىڭ كىسى باسىنا تيەتىن كىرىسى زور مولشەردە ارتتى. ءاماليات مىنانى ايگىلەدى: تۇنىق سۋ، جاسىل تاۋ — تابيعي بايلىق، ەكولوگيالىق بايلىق بولىپ قالماستان، ونىڭ ۇستىنە، قوعامدىق بايلىق، ەكونوميكالىق بايلىق ەسەپتەلەدى، ەكولوگيالىق ورتانى قورعاۋ — ءوندىرگىش كۇشتى قورعاۋ، ەكولوگيالىق ورتانى جاقسارتۋ — وندىرگىش كۇشتى دامىتۋ بولىپ تابىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
