حالىق قۇرىلتايى تۇراقتى كوميتەتىنىڭ 21 - ءماجىلىسى ەكىنشى جالپى جيىنىن وتكىزدى
2020.08.11 16:20 كەلۋ قاينارى : حالىق تورابى
مەملەكەتتىك وردەن جانە مەملەكەتتىك قۇرمەت اتاعىنا قاتىستى قاۋلى جوباسىن قارادى، ارناۋلى قىزمەت بايانداماسى مەن زاڭنىڭ اتقارىلۋىن تەكسەرۋ بايانداماسى سياقتىلاردى تىڭدادى
لي جانشۋ ماجىلىسكە قاتىناستى
«حالىق گازەتى»، 8 - ايدىڭ 10 - كۇنى، بەيجيڭ. مەملەكەتتىك 13 - كەزەكتى حالىق قۇرىلتايى تۇراقتى كوميتەتىنىڭ 21 - ءماجىلىسى 8 - ايدىڭ 10 - كۇنى تۇستەن بۇرىن بەيجيڭدەگى حالىق سارايىندا ەكىنشى جالپى ءماجىلىسىن وتكىزدى. كوميتەت باستىعى لي جانشۋ ماجىلىسكە قاتىناستى.
كوميتەت باستىعىنىڭ ورىنباسارى ساي دافىڭ ءماجىلىستى باسقاردى. تۇراقتى كوميتەت قۇرامىنداعىلاردان 165 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
ءماجىلىس كوميتەت باستىقتارى ءماجىلىسىنىڭ مەملەكەتتىك حالىق قۇرىلتايى تۇراقتى كوميتەتىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسى بارىسىندا ەرەن ۇلەس قوسقان قايراتكەرلەرگە مەملەكەتتىك وردەن جانە مەملەكەتتىك داڭقتى اتاق بەرۋ قاۋلى جوباسىن قاراۋعا ۇسىنۋ جونىندەگى كەڭەس جوباسىن قارادى. كوميتەت باستىقتارى ءماجىلىسىنىڭ تاپسىرۋىمەن مەملەكەتتىك حالىق قۇرىلتايى تۇراقتى كوميتەتى زاڭ - ءتۇزىم قىزمەتى كوميتەتىنىڭ مەڭگەرۋشىسى شىن چۇنياۋ تۇسىنىك جاسادى.
ءماجىلىس عىلىم - تەحنيكا مينيسترلىگىنىڭ مينيسترى ۋاڭ جىگاڭنىڭ مەملەكەتتىك كەڭەستىڭ تاپسىرۋىمەن جاساعان جاڭالىق جاراتۋ ارقىلى دامۋعا دەم بەرۋ ستراتەگياسىن دايەكتى تياناقتاندىرۋ، عىلىم - تەحنيكا العاباسارلىعى زاڭىن اتقارۋ احۋالى جونىندەگى بايانداماسىن تىڭدادى.
ءماجىلىس مەملەكەتتىك كەڭەستىڭ مۇشەسى، قوعام حاۋىپسىزدىگى مينيسترلىگىنىڭ مينيسترى جاۋ كىجىنىڭ قوعام حاۋىپسىزدىگى ورگاندارىنىڭ زاڭ اتقارۋدى ارناعا ءتۇسىرۋ قۇرىلىسى قىزمەتىنىڭ احۋالى جونىندەگى بايانداماسىن تىڭدادى. باياندامادا بىلاي دەپ اتاپ كورسەتىلدى: تاياۋ جىلداردان بەرى بۇكىل ەلدەگى قوعام حاۋىپسىزدىگى ورگاندارى حالىق ءۇشىن زاڭ اتقارۋدى ماقسات، زاڭمەن باسقارىلاتىن قوعام حاۋىپسىزدىگىن قۇرۋدى نىسانا ەتىپ، زاڭ اتقارۋدى جۇيەلىلەندىرۋ قۇرىلىسىن قاجىماي - تالماي ىشكەرىلەي ورىستەتىپ، زاڭ بويىنشا مىندەت اتقارىپ، زاڭ اتقارۋ ساپاسى مەن زاڭ اتقارۋ دەڭگەيىن ورنىقتى جوعارىلاتىپ، قوعامدىق جالپى جاعدايدىڭ ورنىقتىلىعىن پارمەندى قورعاپ، حالىقتىڭ الاڭسىز تىرشىلىك ەتۋىن قامتاماسىزداندىردى. باياندامادا قوعام حاۋىپسىزدىگى ورگاندارىنىڭ زاڭ اتقارۋدى ارناعا ءتۇسىرۋ قۇرىلىسىنىڭ نەگىزگى جاعدايى، قوعام حاۋىپسىزدىگى ورگاندارى زاڭ اتقارۋ قىزمەتىندە ءدوپ كەلگەن ماسەلەلەر مەن سايىستار تانىستىرىلدى، مىناداي 5 ءتۇرلى قىزمەت شاراسى مەن ۇسىنىسى العا قويىلدى: يدەيالىق تانىمدى اناعۇرلىم جوعارىلاتىپ، جاڭا داۋىردەگى ساپالى، ىسىلعان قوعام حاۋىپسىزدىگى قوسىنىن سومداۋ؛ زاڭ اتقارۋ ءتۇزىمىن اقاۋسىزداندىرىپ جانە كەمەلدەندىرىپ، زاڭ اتقارۋ قىزمەتىن جۇيەلى، قولدانىلمالى باسقارۋ جەتەكشىلىگىمەن قامداۋ؛ ۇيىمدىق جاقتان قۋزاۋ - جەتەكشىلىك ەتۋدى كۇشەيتىپ، زاڭدى قاتاڭ، جۇيەلى، ءادىل، وركەنيەتتى اتقارۋ تالابىن جاپپاي تياناقتاندىرۋ؛ قوعام حاۋىپسىزدىگى قىزمەتى جونىندە زاڭ شىعارۋدى ىشكەرىلەي كەمەلدەندىرۋ؛ قىلمىستىق ىستەر زاڭىندا ساقشىعا شابۋىل جاساۋ قىلمىسىن بولەك قوسۋدى ۇسىنىس ەتۋ.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
