جۇرتشىلىقتى جاڭا تيپتى ايدارشا ۆيروستان ساقتاندىرۋ – قورعاۋدىڭ قاراپايىم باعدارناماسى
2020.09.02 15:16 كەلۋ قاينارى : حالىق تورابى
ىندەتتەن ساقتانۋ – تىزگىندەۋ بىلىمدەرىن كەڭ كولەمدە جالپىلاستىرىپ، شينجياڭداعى ءار ۇلت جۇرتشىلىعىنىڭ الەۋمەتتىك دەنساۋلىق ساقتاۋ تانىمى مەن ءوزىن – ءوزى ساقتاندىرۋ – قورعاۋ قابىلەتىن شىنايى جوعارىلاتۋىنا جەتەكشىلىك ەتۋ جانە كومەكتەسۋ ءۇشىن، جۇڭگو اۋرۋدىڭ الدىن الۋ جانە ونى تىزگىندەۋ ورتالىعىنىڭ «جۇرتشىلىقتى جاڭا تيپتى ايدارشا ۆيروسپەن جۇعىمدالعان وكپە قابىنۋ اۋرۋىنان ساقتاندىرۋ – قورعاۋ باعدارناماسى» مەن شينجياڭ ۇيعۇر اۆتونوميالى رايونىنىڭ ىندەتتەن ساقتانۋ – تىزگىندەۋ قىزمەتى جونىندە جاساعان ورنالاستىرۋىنىڭ تالابىنا ساي، تۇجىرىمدى دا ۇعىنىقتى، قولايلى دا اتقارۋعا وڭاي، عىلىمي دا ءونىمدى بولۋ پرينسيپى بويىنشا، شينجياڭنىڭ ىندەتتەن ساقتانۋ – تىزگىندەۋ جاعدايىنا ۇشتاستىرا وتىرىپ، وسى باعدارنامانى جاساپ شىقتى.
ءبىرىنشى، جەكەلىك ساقتانۋ – قورعانۋ
(1) ماسكىنى دۇرىس تاعۋ
1. قاراپايىم جۇرتشىلىقتىڭ ءبىر رەت پايدالانىلاتىن مەديتسينالىق ماسكىنى تاققانى ءجون، شارت – جاعدايى بار جانە دەنساۋلىق جاعدايى جار بەرەتىن بولسا، مەديتسينالىق ساقتانۋ – قورعانۋ ماسكىسىن تاقسا بولادى.
2. ماسكى تاققان كەزدە، مۇرىن قىسقىشى جوعارى جاعىندا بولۋى ، قانىق رەڭدى جاعى سىرتىنا قاراتىلۋى (نەمەسە قاتپارلى جاعى تومەن قاراتىلۋى) قاجەت؛ قاتپارىن جازىپ، ماسكىنىڭ اۋىزدى، مۇرىندى جانە يەك سۇيەگىن جاۋىپ تۇرۋىنا كەپىلدىك ەتۋ كەرەك؛ مۇرىن قىرىنا كەلەتىن مەتالى بار ءبولىمىن قوس قولدىڭ ساۋساق ۇشتارىمەن ورتاسىنان ەكى جاعىنا قاراي اقىرىن باسىپ، مۇرىن قىرىنا ابدەن جاناستىرۋ كەرەك؛ ماسكىنى ۇيلەسىمدى تەڭشەپ، ماسكىنىڭ شەتىنىڭ بەتپەن ابدەن جاناسۋىنا كەپىلدىك ەتۋ كەرەك.
3. ماسكىنى 3 – 6 ساعاتتا ءبىر رەت اۋىستىرعان ءجون، ەگەر ماسكى دىمقىلدانىپ قالسا نەمەسە ءبولىندى زاتتارعا ءتيىپ قالسا، دەر كەزىندە اۋىستىرۋ كەرەك.
(2) قولدىڭ تازالىعىن ساقتاۋ
4. قولدى ۇنەمى جۋۋ. الەۋمەتتىك ورىنداردان قايتىپ كەلگەن سوڭ، تاماق ىشكەن سوڭ، دارەتكە بارعان سوڭ، قول جۋۋ سۇيىقتىعىمەن نەمەسە سابىنمەن قولدى تازا سۋعا جۋۋ نەمەسە سپيرت قۇرامى بار قول جۋۋ سۇيىقتىعىمەن قولدى جۋۋ كەرەك. تىنىس جولىنان ءبولىنىپ شىققان زاتتارعا قول تيگىزگەن سوڭ (مىسالى، تۇشكىرگەننەن كەيىن) دەرەۋ قول جۋعان ءجون.
5. سىرتتا ساپاردا جۇرگەندە تازا سۋ تابىلماي، قول جۋۋعا قولايسىز بولعان كەزدە، سپيرت قۇرامى بار زارارسىزداندىرۋ بۇيىمدارىمەن قولدى تازالاۋعا بولادى.
6. تىنىس جولى تازالىعىن جاقسى ىستەۋدەگى تاماشا ادەتتەردى ساقتاپ، جوتەلگەندە نەمەسە تۇشكىرگەندە، قاعازبەن، ورامالمەن نەمەسە بىلەكپەن اۋىزدى، مۇرىندى بۇركەۋ، جوتەلگەن سوڭ نەمەسە تۇشكىرگەن سوڭ قولدى جۋۋ، الەۋمەتتىك ورىنداردا قولمەن كوزدى، مۇرىندى، اۋىزدى ۇستاۋدان ساقتانعان ءجون.
(3) سىرتقا شىعۋدى نەمەسە توپتىق قيمىلداردى ازايتۋ
7. سىرتقا شىعۋدى بارىنشا ازايتۋ، سىرتقا شىعۋ قاجەتتى بولعاندا سانالىلىقپەن ماسكى تاعۋ، مۇمكىندىگىنشە جاياۋ ءجۇرۋ نەمەسە وتباسىلىق كولىكپەن ءجۇرۋ، سىرتقا شىققاندا ايالداۋ ۋاقىتىن ازايتۋ قاجەت.
8. باس قوسۋ، توپتىق تاماقتانۋ، توپتاسىپ شۇيىركەلەسۋ قاتارلى توپتاسۋ سيپاتىندىق قيمىلداردى ازايتۋ، ادامدار شوعىرلانعان جەرلەرگە نەمەسە اۋا جاقسى الماسپايتىن جەرلەرگە بارۋدان ساقتانۋ كەرەك.
9. سىرتقا شىعىپ تاماقتانعان كەزدە، تاماقتى قوراپتاپ الىپ كەتۋ، تاماق بۇيىرتۋ قاتارلى تاسىلدەردەن پايدالانۋ، توپتاسىپ تاماقتانۋدان، بەتپە – بەت وتىرىپ تاماقتانۋدان بارىنشا ساقتانۋ كەرەك.
10. كەزدەسىپ حال سۇراسقان كەزدە ءبىر مەتردەن الىس ارالىق ساقتاۋ، باسقالارمەن تىكەلەي جاناسۋدى ازايتۋ كەرەك.
(4) دەنە قۋاتى مەن يممۋنيتەتتىك قۋاتتى كۇشەيتۋ
11. ۇيلەسىمدى تاماقتانىپ، قورەكتىكتىڭ تەڭگەرىمدى بولۋىنا كەپىلدىك ەتكەن ءجون.
12. ۇيلەسىمدى، لايىقتى ارەكەت جاساپ، دەنساۋلىعىن ويداعىداي قورعاۋ كەرەك.
13. ۋاعىندا دەمالۋعا كوڭىل ءبولىپ، تەمەكى مەن اراقتى تاستاپ، ۇيقىنى قاندىرۋعا كەپىلدىك ەتۋ كەرەك.
14. كوڭىل – كۇيدى جاقسى ۇستاپ، پسيحولوگيالىق تەڭگەرىمدىلىكتى ساقتاۋ قاجەت.
(5) دەنساۋلىق جاعدايىن باقىلاۋ – تەكسەرۋدى كۇشەيتۋ
15. جەكە باسىنىڭ جانە وتباسى مۇشەلەرىنىڭ دەنساۋلىق جاعدايىن باقىلاۋ – تەكسەرۋدى ىرىقتىلىقپەن ويداعىداي ورىنداپ، قىزۋى ورلەگەن كەزدە سانالىلىقپەن ىرىقتى تۇردە دەنە تەمپەراتۋراسىن ولشەگەن ءجون. ەگەر جاڭا تيپتى ايدارشا ۆيروس وكپە قابىنۋ ىندەتى تەكتەس اۋرۋ بەلگىلەرى بايقالسا (قىزۋى ورلەۋ، جوتەلۋ، جۇتقىنشاعى اۋىرۋ، كوكىرەگى جايسىزدانۋ، تىنىسى تارىلۋ، جەڭىل دارەجەدە تابەتى كەمۋ، دارمەنسىزدەنۋ، رۋحسىزدانۋ، جۇرەگى اينىپ قۇسۋ، ءىشى ءوتۋ، باسى اۋىرۋ، جۇرەك سوعۋى جيىلەۋ، كوز دانەكەر قابىعىنىڭ قابىنۋى، اياق – قولدىڭ نەمەسە ارقا ءبولىمىنىڭ بۇلشىق ەتتەرى جەڭىل دارەجەدە سىزداپ اۋرۋ قاتارلىلار)، دەر كەزىندە ەمدەلۋ قاجەت.
16. ەمدەلۋدەن بۇرىن قىزۋى ورلەگەن ناۋقاستاردى قابىلدايتىن امبۋلاتوريالىق ءبولىمى بار بەلگىلەنگەن ەمحانالاردى تاڭداپ، ەمحاناعا باراتىن جولدا بۇكىلدەي ماسكى تاعىپ ءجۇرۋ، الەۋمەتتىك قاتىناس قۇرالدارىنا وتىرۋدان ساقتانۋ، شۇعىل قۇتقارۋ اۆتوموبيلىن شاقىرۋ نەمەسە وتباسىلىق اۆتوموبيلمەن ناۋقاستى جەتكىزۋ قاجەت، ەگەر مۇمكىندىك بولسا، جول بويى اۆتوكولىكتىڭ تەرەزەسىن اشىپ قويۋعا بولادى.
17. ەمدەلگەن كەزدە، ناۋقاستىڭ جاعدايى مەن ەمدەلۋ بارىسىن شىنايى، ەگجەي – تەگجەيلى ايتۋ قاجەت، وتە – موتە، جۋىق ارادا ىندەت اسقىنعان وڭىرلەرگە بارعان – بارماعانى، جاڭا تيپتى ايدارشا ۆيروس وكپە قابىنۋى اۋرۋىنا شالدىققان ناۋقاسپەن، ياكي، كۇماندى ناۋقاسپەن ارالاسقان – ارالاسپاعانى، حايۋاناتتارعا جۋىسقان – جۋىسپاعانى قاتارلى جاعدايلاردى شيپاگەرگە ايتۋى كەرەك.
ەكىنشى، وتباسلىق ساقتانۋ – قورعانۋ
(6) وتباسىلىق تاماشا تازالىق ادەتىن ساقتاۋ
18. ءۇيدىڭ تەرەزەسىن ۇنەمى اشىپ، ۇدايى اۋا الماستىرىپ تۇرعان ءجون.
19. وتباسى مۇشەلەرى ورامالدى ورتاق پايدالانباۋى، ءۇيدىڭ، ىدىس – اياقتىڭ تازالىعىن ساقتاۋ، كيىم – كەشەكتەر مەن كورپە – جاستىقتاردى ۇنەمى جايىپ تۇرۋ قاجەت.
20. تاماق ىشكەندە سالۋعا ارنايى قاسىق پەن شوكە ىستەتۋدى دارىپتەپ ءار كىم تاماقتى ايىرىم – ايىرىم ىدىسپەن جەۋ ءتۇزىمىن اتقارۋ كەرەك.
21. قورەكتىككە كوڭىل ءبولىپ، ۇيلەسىمدى مولشەردە ارەكەتتەنۋ، «تاماق اسىرماۋ ارەكەتىن» دارىپتەۋ قاجەت.
22. جابايى حايۋاناتتارعا (ءتۇز دامىنە) جاناسپاۋ، ولاردى ساتىپ الماۋ جانە ازىقتىق رەتىندە پايدالانباۋ كەرەك؛ ءتىرى حايۋاناتتاردى (قۇستار، تەڭىز ونىمدەرى، جابايى حايۋاناتتار قاتارلى) ساتۋ – ساتىپ الۋ بازارلارىنا بارۋدان بارىنشا ساق بولۋ قاجەت.
23. جەرگە الباتى تۇكىرمەۋ، اۋىز بەن مۇرىن ءبولىندى زاتتارىن قاعازبەن وراپ، قاقپاعى بار قوقسىق ساندىعىنا تاستاۋ قاجەت.
(7) اس ءۇيدىڭ تازالىعىنا ءمان بەرۋ
24. ءتىرى مال مەن ءۇي قۇستارىن مۇمكىندىگىنشە سويماۋ، تەڭىز (سۋ) ونىمدەرىن شيكى جەمەۋ، ەت، قۇس ەتى، جۇمىرتقا قاتارلىلاردى ابدەن پىسىرىپ جەۋ كەرەك.
25. شيكى تاماقتار مەن پىسقان تاماقتاردى بولەك قويىپ، ارالاسۋ بارىسىندا جۇعىمدالۋدان ساقتانۋ كەرەك. قوراپتالماعان سۋىق قۋىرداق سىندى پىسقان تاماقتاردى جەمەگەن ءجون. شيكى ازىق – تۇلىكتەر سالىنعان ىدىس، اس تاقتاي، پىشاق، جۋۋ ورنى جانە قورابى قاتارلىلارعا قول تيگىزگەن سوڭ، دەر كەزىندە جۋىپ، لاستانۋدان ساقتانۋ قاجەت.
26. توڭازىتىلعان ونىمدەر تىزبەگىندەگى شيكى ازىق – تۇلىكتەردى ساتىپ العاندا نەمەسە تاماققا پايدالانعاندا، سەنىمدى جولدار ارقىلى ساتىپ الۋ، شيكى ازىق – تۇلىكتەردىڭ كەلۋ قاينارىنىڭ حاۋىپسىز بولۋىنا كەپىلدىك ەتۋ كەرەك. تاماقتى اسىرماي جەۋ كەرەك، ەگەر توڭازىتقىشتا ساقتاۋ قاجەت بولسا، ازىق – تۇلىكتى مىقتاپ وراپ، ءبىر – ءبىرىن لاستاۋدان ساقتانۋ كەرەك. تازا سۋمەن جۋعان كەزدە، سۋدى ازدان اعىزىپ جۋۋ، سۋدىڭ شاشىراۋى سەبەبىنەن لاستانۋدان ساقتانۋ كەرەك.
(8) ۇنەمىلىك تازالىق پەن زارارسىزداندىرۋدى ويداعىداي ىستەۋ
27. تاماق ىشەتىن ىدىستار مەن شاي ىدىستارىن ەڭ الدىمەن فيزيكالىق جولمەن زارارسىزداندىرۋ، سۋمەن 15 – 20 مينۋت قايناتۋ نەمەسە جوعارى تەمپەراتۋرالى زارارسىزداندىرۋ ساندىعىمەن (ىشكابى) زارارسىزداندىرۋ كەرەك.
28. ۇستەل ءۇستى، ەسىك تۇتقاسى، تەلەفون، ايىرىپ – قوسقىش، سۋ قايناتۋ شاۋگىمىنىڭ تۇتقاسى، قول جۋۋ ورنى، دارەتكە وتىرۋ تۇبەگى قاتارلى ۇنەمى جاناساتىن بۇيىمداردىڭ بەتكى قاباتىن حلورلى زارارسىزداندىرعىشپەن (حلوردىڭ ءونىمدى قويۋلىق مولشەرى ءار ليترىنە 250 ميلليگرامنان 500 ميلليگرامعا دەيىن) ءسۇرتىپ، ونان سوڭ تازا سۋمەن جۋىلعان سۇرتكىشپەن ءسۇرتۋ كەرەك.
29. حلورلى زارارسىزداندىرعىشتان پايدالانىپ (حلوردىڭ ءونىمدى قويۋلىق مولشەرى ليترىنە 250 ميلليگرامنان 500 ميليگرامعا دەيىن)، ەدەن سۇرتكىشتى دىمقىلداندىرىپ سۇرتۋگە بولادى، 30 مينۋتتان كەيىن تازا سۋمەن تازالاپ جۋۋ كەرەك.
30. تازالىق بولمەسىنىڭ اۋاسىن جاقسى الماستىرىپ تۇرۋ، كۇنىنە تەرەزەنى اشىپ، 2 – 3 رەت اۋا الماستىرۋ، ءار رەتتە كەمىندە 30 مينۋت اۋا الماستىرۋ كەرەك. زارارسىزداندىرۋ سۇيىقتىعىن ۇيلەسىمدى پايدالانىپ، مالشىپ قويۋ ارقىلى زارارسىزداندىرۋ كەرەك، دارەت شەلەگىنە سۋ جىبەرگەن كەزدە، قاقپاعىن جابۋ قاجەت، بەلگىلەنگەن مەرزىمدە حلورلى كوپىرشىكتى تىلكىممەن دارەت شەلەگىن تازالاپ وتىرعان ءجون.
31. لاس سۋ قۇبىرىن، تازالىق بولمەسىنىڭ سۋ اعارى قاتارلى U ارىبى فورمالى سۋ قۇبىرلارىنىڭ قاقپاعىن تەكسەرۋگە ءمان بەرىپ، سۋ جەتكىلىكسىز بولعان كەزدە دەر كەزىندە سۋدى تولىقتاۋ قاجەت.
ءۇشىنشى، ءجۇرىس – تۇرىس بارىسىندا ساقتانۋ – قورعانۋ
32. ءجۇرىس – تۇرىس بارىسىندا، باراتىن جەردىڭ جاعدايىنا قاراي، ءبىر رەت پايدالانىلاتىن مەديتسينالىق ماسكىدەن (ادەتتەگى ورىندارعا بارعاندا) نەمەسە مەديتسينالىق ساقتانۋ – قورعانۋ ماسكىسىنان (ادام ءبىرشاما شوعىرلى جەرلەرگە بارعاندا) كوبىرەك دايىنداپ الۋ، قولايلى بولسا، ءبىر قۇمىرا زارارسىزداندىرۋ سۇيىقتىعىن نەمەسە زارارسىزداندىرۋ قاعاز ورامالىن سالىپ جۇرگەن ءجون.
33. ەڭ جاقسىسى جاياۋ ءجۇرۋ، ۆەلوسيپەتكەن ءجۇرۋ، جەكەلىك وتباسىلىق كولىكپەن ءجۇرۋ نەمەسە كەزەكشى اۆتوبۋزبەن ءجۇرۋدى ەڭ الدىمەن تاڭداۋ كەرەك.
34. ءسوزسىز، الەۋمەتتىك اۆتوبۋسقا، مەتروعا، پويەزگە، ۇشاققا وتىرۋ قاجەت بولعاندا، بۇكىل ساپار بارىسىندا ماسكى تاعۋ قاجەت، باسقالارمەن حاۋىپسىز ارالىقتى ساقتاۋعا كوڭىل ءبولۋ، الەۋمەتتىك جابدىقتارعا نەمەسە بولىكتەرگە جاناسۋدان بارىنشا ساقتانۋ، قولدىڭ تازالىعىن ساقتاۋ كەرەك، ءبىر رەت پايدالاناتىن قولعاپ تاعىپ جۇرگەن جاقسى.
35. پويەز بەكەتى، اۋەجاي قاتارلى ورىنداردا قىزمەتكەرلەرگە ىرىقتىلىقپەن سايكەسىپ، دەنە تەمپەراتۋراسىن تەكسەرتۋ، پويەز بەكەتى، اۋەجاي قاتارلى ورىنداردا ۇزاق ۋاقىت ايالداۋدان بارىنشا ساقتانۋ قاجەت.
ءتورتىنشى، الەۋمەتتىك ورىنداردا ساقتانۋ – قورعانۋ
(9) كەڭسە
36. ەگەر جۇمىس ورنى جوعارى قاباتتا بولماسا، باسپالداقپەن شىعىپ – تۇسكەن ءجون، ادام كوپ شىعاتىن ليفتكە وتىرۋدان ساقتانعان ابزال؛ ليفتكە وتىرعاندا باستان – اياق ماسكى تاعۋ كەرەك؛ ليفتتىڭ كنوپكاسىن قاعازبەن باسقان ءجون.
37. كەڭسە اۋماعى ورتاسىنىڭ تازالىعىن ساقتاپ، ۇدايى اۋا الماستىرىپ تۇرۋ قاجەت، ءار رەتتە كەمىندە 30 مينۋت اۋا الماستىرعان ءجون، قىزمەتتەستەرمەن سويلەسكەندە مۇمكىندىگىنشە ءبىر مەتردەن الشاق حاۋىپسىز ارالىق ساقتاعان ءجون.
38. قولمەن ۇستايتىن ورىنداردى نەمەسە زاتتاردى، مىسالى، قولفون، ەسىك تۇتقاسى، ءتىنتۋىر، ءتىلتاقتا، قىزمەت كۋالىگى، مادەني قۇرالدار، ورىندىق، ليفت كنوپكاسى قاتارلى زاتتاردى دەر كەزىندە زارارسىزداندىرۋ قاجەت.
39. جيىندى كوبىنشە كەسكىندى جيىن، تەلەۆيزور- تەلەفون جيىنى فورماسىندا نەمەسە شاعىن كولەمدەگى جيىن فورماسىندا اشۋدى دارىپتەۋ، ءماجىلىس زالىنىڭ تەرەزەسىن اشىپ، اۋاسىن مۇمكىندىگىنشە الماستىرىپ تۇرۋ، ادامداردىڭ توپتاسۋ جيىلىگى مەن توپتاسقان ادامداردىڭ سانىن مۇمكىندىگىنشە ازايتۋ كەرەك.
(10) اسحانادا تاماقتانۋ
40. توپتاسىپ تاماقتانۋدان ساقتانۋ، وڭاشا تاماقتانۋدى نەمەسە كەزەكپەن تاماقتانۋدى دارىپتەۋ، تاماقتى كەڭسەگە نەمەسە تۇراتىن ورنىنا اپارىپ، ايىرىم تاماقتانۋعا شابىتتاندىرۋ كەرەك.
41. اسحانادا تاماقتانۋعا بارعان كەزدە، ءسوزسىز، ماسكى تاعۋ، تاماقتاناردىڭ الدىندا عانا ماسكىنى الۋ كەرەك.
42. تاماقتانۋ الدىندا قولدىڭ تازالىعىن ساقتاۋ، تاماقتانعان كەزدە بەلگىلى ارالىقتى ساقتاۋ، تاماقتانۋ بارىسىندا شۇيىركەلەسۋدەن ساقتانۋ كەرەك.
(11) ساۋدا سارايى، ەرەنبازار قاتارلى الەۋمەتتىك ورىنداردا
43. مۇمكىندىگىنشە ينتەرنەت ارقىلى زات ساتىپ الۋ، ەگەر ءسوزسىز سىرتقا بارىپ زات ساتىپ الۋ قاجەت بولعاندا، ساتىپ الاتىن زاتتاردىڭ تىزىمدىگىن جاساپ، بارلىق قاجەتتى زاتتاردى ءبىر رەتتە ساتىپ الۋعا كەپىلدىك ەتىپ، قاجەتسىز ءجۇرىس – تۇرىستى ازايتۋ قاجەت.
44. جۋىق ماڭداعى ساۋدا سارايلارىن نەمەسە ەرەنبازارلاردى تاڭداۋ، بۇكىل بارىستا ماسكىنى دۇرىس تاعۋ قاجەت؛ ادامدار اراسىندا ءبىر مەتردەن الشاق ارالىق ساقتاپ، باسقالارمەن اۋىس – كۇيىس جاساۋ نەمەسە ايالداۋ ۋاقىتىن ازايتۋ، زات تاڭداعاندا توپتاسپاۋ كەرەك.
45. مۇمكىندىگىنشە جاياۋ ءجۇرۋ، ساندىقشالى ليفتكە از وتىرۋ، الەۋمەتتىك ورىندارداعى الەۋمەتتىك جابدىقتارعا نەمەسە بولىكتەرگە جاناسۋدى ازايتۋ كەرەك؛ قورعانىسسىز جاعدايدا، توڭازىتىلعان شيكى ازىق – تۇلىكتەرگە تىكەلەي قول تيگىزۋدەن ساقتانۋ؛ وشىرەتكە تۇرىپ ەسەپ جاساعان كەزدە، ارالىق ساقتاۋ، مۇمكىندىگىنشە اۆتوماتتى ەسەپ جاساۋدى نەمەسە ەلەكتروندى جولمەن ەسەپ جاساۋدى تاڭداۋ كەرەك.
بەسىنشى، ەمدەلۋ بارىسىندا ساقتانۋ – قورعانۋ
46. ينتەرنەت ارقىلى ەمدەلە الاتىن سەنىمدى ەمحانالاردى تاڭداۋ، اۋرۋى جەڭىل، قىزۋى ورلەمەگەن ناۋقاستار ەڭ الدىمەن الەۋمەتتىك اۋماقتاعى ەمحانالاردا ەمدەلۋى كەرەك. ەمدەلەتىن كەزدە مۇمكىندىگىنشە الدىن الا تاپسىرىس بەرۋ، ادام كوپ بارمايتىن كەزدى تاڭداۋ، بىرگە ەرە باراتىن ادامدار مۇمكىندىگىنشە از بولۋى كەرەك.
47. ەمدەلۋ بارىسىندا ناۋقاس پەن ونىڭ وتباسىنداعىلار تۇگەل ماسكى تاعۋى، جەكەلىك ساقتانۋ – قورعانۋدى ويداعىداي ىستەۋى، %70 تىك قويۋلىقتاعى ەتيل سپيرتى قول جۋۋ زارارسىزداندىرۋ سۇيىقتىعىن نەمەسە زارسىزداندىرعىش شۇيىرتپەك ماقتا الا ءجۇرۋ كەرەك؛ جاڭا ماسكى الىپ ءجۇرۋ، ەمدەلۋ اياقتاپ، ەمحانادان شىققان كەزدە جاڭا ماسكىنى پايدالانۋ كەرەك.
48. مۇمكىندىگىنشە ەمحانانىڭ ىشىندەگى اۆتوماتتى ءنومىر الۋ ماشيناسىنان، اقشا تولەۋ ماشيناسىنان، مالىمدەمە الۋ ماشيناسىنان پايدالانۋ، ادامدارمەن جاناسۋ ورايىن بارىنشا ازايتۋ قاجەت؛ الەۋمەتتىك جابدىقتارعا جۋىسقان سوڭ، مۇمكىندىگىنشە اۋىز، كوز، مۇرىن قاتارلىلاردى ۇستاماۋ، دەر كەزىندە تازا سۋمەن قول جۋۋ كەرەك.
49. شارت – جاعدايى بار بولسا، ەمحانادان شىققان كەزدە الا جۇرگەن زارارسىزداندىرۋ بۇيىمدارىمەن قولدى زارارسىزداندىرۋ كەرەك.
50. ۇيگە قايتقان سوڭ، كيىمدى دەرەۋ اۋىستىرۋ، كيىمدى دەر كەزىندە تازالاپ جۋۋ جانە كۇن نۇرىندا ابدەن قۇرعاتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
