مەملەكەتتىك راكتى زەرتتەۋ ورتالىعى راكقا قاتىستى كوپ ءپان بويىنشا دياگنوز قويۋ – ەمدەۋ فورماسىن جاپپاي جالپىلاستىرادى
2020.10.27 15:12 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى چۇي تيڭ 10 – ايدىڭ 26 – كۇنى بەيجيڭنەن حابارلايدى. مەملەكەتتىك راكتى زەرتتەۋ ورتالىعىنىڭ ورىنباسار مەڭگەرۋشىسى، جۇڭگو شيپاگەرلىك اكادەمياسى وسپە ەمحاناسىنىڭ ورىنباسار باستىعى ساي جيانچياڭ جۋىردا اشىلعان حۋاشيا ءۇشىنشى كەزەكتى وسپە اۋرۋى جونىندەگى جوعارى دارەجەلىلەر تالقى مىنبەسىنە قاتىناسقان كەزدە مىنانى ءبىلدىردى: كوپ ءپان بويىنشا دياگنوز قويۋ – ەمدەۋ فورماسى (MDT) بارىسىندا، دالمە – ءدال، دارالاندىرىلعان ەمدەۋ جوباسىن بەكىتۋ ارقىلى راكتىڭ سوڭعى مەزگىلىنە وتكەن ناۋقاستاردىڭ ءومىرىن بارىنشا ۇزارتۋعا، ءتىپتى ولاردى ەمدەپ جازۋ ورايى دا بولادى. مەملەكەتتىك راكتى زەرتتەۋ ورتالىعى الداعى جەردە MDT فورماسىن جاپپاي جالپىلاستىرىپ، ەلىمىزدىڭ راكتان ساقتانۋ جانە ونى ەمدەۋ ارەكەتىنىڭ نىساناسىن ورىنداۋعا دەم بەرەدى.
MDT دەگەنىمىز ناۋقاستى وزەك ەتىپ، اۋرۋعا قاتىستى ءتۇرلى ءپان سالالارىنداعى ماماندار كەڭەسۋ، تالقى جۇرگىزۋ ارقىلى ناۋقاسقا مەرزىمگە ءبولىپ دياگنوز قويۋدى ايقىنداۋ، ۇيلەسىمدى ەمدەۋ جوباسىن جاساۋ سىندى فورمانى كورسەتەدى. مەملەكەتتىك دەنساۋلىق ساقتاۋ جانە سالاماتتىق كوميتەتى 2018 – جىلدان 2020 – جىلعا دەيىن ەلىمىز كولەمىندە وسپە MDT سىناق ءتۇيىنى قىزمەتىن ورىستەتكەن.
ساي جيانگو بىلاي دەدى: قازىر ەلىمىزدەگى وسپە اۋرۋىنا شالدىققاندارعا دياگنوز قويۋ جانە ولاردى ەمدەۋدە جالپى بەتتىك قولدانىلاتىن ءتاسىل: ناۋقاس كىمنىڭ «الدىنا بارسا» سول ەمدەۋ بولىپ، «باسى اۋىرسا باسىن ەمدەۋ، اياعى اۋىرسا اياعىن ەمدەۋ» سىندى ءتاسىل قولدانىلادى. ناۋقاستار مۇنداي ەمدەۋ ءتاسىلىن قابىلداعان كەزدە، قايتا – قايتا تەكسەرۋ، شەكتەن تىس ەمدەۋ، ۇيلەسىمسىز ەمدەۋ سىندى ماسەلەلەر تۋىنداۋى، ەڭ ۇتىمدى ەمدەۋ ۋاقىتىن وتكىزىپ الۋى مۇمكىن.
MDT راكتىڭ سوڭعى مەزگىلىندەگى ناۋقاستار جونىنەن ايتقاندا قانداي كەلەلى مانگە يە؟ ەلىمىزدە ءجيى تۋىلاتىن تىك ىشەك راگىن مىسالعا الساق، باستابىندا اۋرۋ بەلگىسى جاسىرىن بولۋ، العاشقى مەزگىلدە كورنەكتى اۋرۋ بەلگىسى بايقالماۋ سەبەبىنەن دياگنوز قويىلماي قالۋ، باسقا دەنە مۇشەلەرىنە وڭاي جايىلۋ جانە وڭاي قايتا تۋىنداۋ قاتارلى ماسەلەلەر ورىن تەۋىپ، كوپتەگەن ناۋقاستار بۇل اۋرۋدى بايقاعان كەزدە راكتىڭ سوڭعى مەزگىلىنە ءوتىپ بولادى. جۇڭگو شيپاگەرلىك اكادەمياسى وسپە اۋرۋلارى ەمحاناسى 2007 – جىلى تىك ىشەك راگىنىڭ باۋىرعا ءوتۋى جونىندە MDT سەلبەسۋ گرۋپپاسىن الدىمەن قۇردى ءارى دياگنوز قويۋ – ەمدەۋ بارىسىندا مامانداردىڭ ورتاق تانىمعا كەلۋى جانە ارناۋلى اۋرۋلار بىرلەستىگىن ىلگەرىندى – كەيىندى قۇردى. ساندى مالىمەتكە قاراعاندا، MDT سەلبەسكەن گرۋپپاسىنىڭ ەمدەۋىن قابىلداعان ناۋقاستاردىڭ 5 جىلدان بەرگى امان قالۋ مولشەرى %46 كە جەتىپ، حالىقارالىق وزق ورەگە جەتكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
