«13 - بەسجىلدىق» كەزىندە ەلىمىز جيىنى 141 ميلليارد 500 ميلليون يۋان ورنالاستىرىپ، 8 مىڭنان استام الەۋمەتتىك دەنساۋلىق ساقتاۋ، ەمدەۋ نىسانىن قولدادى
2020.10.29 14:52 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 28 - كۇنى، بەيجيڭ (تىلشىلەر چىن فاڭ، ۋاڭ لينلين). مەملەكەتتىك دەنساۋلىق ساقتاۋ، سالاماتتىق كوميتەتى مەڭگەرۋشىسىنىڭ ورىنباسارى يۇي شۋەجۇن 10 - ايدىڭ 28 - كۇنى وتكىزىلگەن مەملەكەتتىك كەڭەس اقپارات كەڭسەسىنىڭ اقپار جاريالاۋ ماجىلىسىندە تانىستىرىپ بىلاي دەدى: 2016 - جىلدان 2020 - جىلعا دەيىن مەملەكەت ورتالىقتىڭ مەجە ەسەبىنەن 141 ميلليارد 500 ميلليون يۋان قارجى ورنالاستىرىپ، اۋرۋدى تىزگىندەۋ ورتالىعى قۇرىلىسى قاتارلى 8 مىڭنان استام الەۋمەتتىك دەنساۋلىق ساقتاۋ، ەمدەۋ نىسانىن قولدادى، بۇل «12 - بەسجىلدىق» مەزگىلىندەگى جالپى قوسىلعان قارجىدان %23 ارتىپ، جالپى حالىقتى قامتىعان الەۋمەتتىك دەنساۋلىق ساقتاۋعا قىزمەت وتەۋ جۇيەسى نەگىزىنەن ورنادى.
«13 - بەسجىلدىق» كەزىندە ەلىمىز الەۋمەتتىك دەنساۋلىق ساقتاۋعا قىزمەت وتەۋ جۇيەسى قۇرىلىسىن كۇشەيتىپ، توسىن تۋىلعان اۋىر جۇقپالى اۋرۋلاردى دەر كەزىندە، ۇيلەسىمدى ءبىر جاقتى ەتۋدى جونگە سالۋ جۇيەسى مەن جونگە سالۋ قۋاتىن وسىزامانداندىرۋدىڭ ماڭىزدى نىساناسى ەتىپ، حالىق بۇقاراسىنا الەۋمەتتىك دەنساۋلىق ساقتاۋ جانە نەگىزدىك ەمدەۋ جاعىنان حاۋىپسىز، قولايلى قىزمەت وتەدى. مۇنىڭ ىشىندە نەگىزدىك ەمدەۋدى قامتاماسىزداندىرۋ جاعىندا ەلىمىز تىنباي كۇش سالىپ، سالماقتى ناۋقاستاردى ارناۋلى ەمدەۋ ءتۇرىن 30 عا كوبەيتىپ، جيىنى 19 ميلليوننان استام كەدەي ناۋقاستى تۇرگە ءبولىپ ەمدەپ – قۇتقاردى، اۋرۋ سەبەبىنەن قايتا كەدەيلگەن 10 ميلليونعا جۋىق ادام كەدەيلىكتەن ءساتتى ارىلدى.
يۇي شۋەجۇن تانىستىرىپ بىلاي دەدى: 2015 - جىلدان 2019 - جىلعا دەيىن ءار ون مىڭ ادامعا تۋرا كەلەتىن بەساسپاپ شيپاگەردىڭ سانى 1.38 ادامنان 2.61 ادامعا كوبەيدى، ءار مىڭ ادامعا تۋرا كەلەتىن ەمدەۋ - دەنساۋلىق ساقتاۋ قۇرىلىمىنىڭ توسەگى 5.11 دەن 6.3 كە كوبەيدى، كاسىپتىك (كومەكشى) شيپاگەر سانى 2.22 ادامنان 2.77 ادامعا كوبەيدى، تىركەلگەن سەسترالار سانى 2.37 ادامنان 3.18 ادامعا كوبەيدى.
يۇي شۋەجۇن مىنالاردى ءبىلدىردى: «13 - بەسجىلدىق» كەزىندە ەلىمىز A تيپتەگى H1N1 جۇقپالى تۇماۋى، H7N9، ەبولا قاناعىش قىزباسى سياقتى توسىن تۋىلعان ىندەتكە ءساتتى توتەپ بەردى، باستى جۇقپالى اۋرۋلاردىڭ تۋىلۋ مولشەرى كورنەكتى تومەندەدى. وسى رەت بۇرىن - سوڭدى بولىپ كورىلمەگەن جاڭا تيپتى ايدارشا ۆيروس وكپە قابىنۋ ىندەتىنە توتەپ بەرۋ ەلىمىزدىڭ الەۋمەتتىك دەنساۋلىق ساقتاۋ جۇيەسى قۇرىلىسىنا زور سىناق بولدى. ەلىمىزدىڭ الەۋمەتتىك دەنساۋلىق ساقتاۋعا قىزمەت وتەۋ جۇيەسى، ەمدەلۋگە قىزمەت وتەۋ جۇيەسى، ەمدەلۋدى قامتاماسىزداندىرۋ جۇيەسى، ءدارى - دارمەكپەن قامداۋدى قامتاماسىزداندىرۋ جۇيەسى، سونداي - اق سالماقتى جۇقپالى اۋرۋلاردان ساقتانۋ - تىزگىندەۋ جانە شۇعىل جاعدايعا توتەپ بەرۋدى باسقارۋ جۇيەسى جالپى تۇلعالىق جاقتان ءونىمدى بولدى، الايدا كەيبىر ءالسىز بۋىندار دا ورىن تەۋىپ وتىر.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
