مەكەنىمىزدى بىرلىكتە قورعايىق
2017.04.25 13:45
وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى جۇمان بارشابەك ۇلى
«قاداۋ–قاداۋ اقباس شىڭىن، اي ايمالاپ، كۇن وپكەن، قايدا سەندەي اسىل مەكەن، ورىن العان جۇرەكتەن. بالزامدايىن بۇلاعىمەن سۋسىنداتقان، تۇلەتكەن، ءتاڭىر تاۋىم _ ابىز اتا تۋعان جەردى كۇزەتكەن»، مىنە، بۇل مەنىڭ بالا كەزىمنەن جاتتاپ وسكەن ولەڭىم. كوڭىل كوگىمدە ءتاڭىر تاۋ بەينە الىپ اتامىزعا، ىلە وزەنى مەيىربان انامىزعا ۇقسايدى. ول ءار ۇلت پەرزەنتتەرىن الاقانىندا ايالاپ كەلەدى. ءتاڭىر تاۋىنىڭ قۇتتى قۇشاعىنداعى ءار ۇلت پەرزەنتتەرى قول ۇستاسىپ، تىلەكتەس، تىنىستاس، تاعدىرلاس بولىپ، ۇرپاقتار بويى بىرگە تۇرمىس كەشىرىپ، قويۋ سۇيىسپەنشىلىك قالىپتاستىرىپ، مىزعىماستاي ەتەنە بايلانىس ورناتىپ كەلەدى.
جاڭا جۇڭگو قۇرىلعاننان كەيىن ىلەدەگى ءار ۇلت حالقى جۇڭگو كوممۋنيستىك پارتياسىنىڭ باسشىلىعىندا، پارتيانىڭ ۇلت ساياساتىنىڭ نۇر شۇعىلاسىندا جۇڭگوشا سوتسياليزم جولىندا ءبىر نيەتپەن ىنتىماقتاسىپ، ەكونوميكالىق قۇرىلىس پەن قوعامدىق ىستەردە باياندى دامۋعا قول جەتكىزدى. وتە–موتە، ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى ىلەنىڭ ەكونوميكاسى دامىپ، حالىق تۇرمىسى جاقسارىپ، ۇلتتار ىنتىماعى نىعايتىلىپ، قوعامى ورنىقتى بولىپ، شەكاراسى بەكەمدەلىپ، ءار ۇلت حالقى الاڭسىز تىرشىلىك ەتىپ، دامۋدىڭ كوركەم بولاشاعى ايگىلەندى. ءار ۇلت حالقى جىگەردى تاسقىنداپ، كورىكتى مەكەن قۇرۋعا كۇش سالىپ جاتقان تاماشا ورايلى ساتتە، قارا نيەتى قابىنعان، جاماندىعى باسىنان اسقان ات توبەلىندەي قىلمىستى ەلەمەنتتەر تيانشاننىڭ تۇستىگى مەن تەرىستىگىندە زورلىقتى كۇش لاڭكەستىك ارەكەتتەرىن تۋدىرىپ، ۇلتتىق بولشەكتەۋمەن اينالىسىپ، ءدىندى قىزبالىققا جەلىكتىرىپ، سويقان شىعارىپ، بۇقارانىڭ ءومىرىن اياق استى ەتىپ، زاڭنىڭ بەدەلى مەن مەملەكەتتىڭ بەدەلىن كوزگە ىلمەي، شينجياڭنىڭ جاراسىمدى تىنىشتىعىن، ءبىزدىڭ كوركەم تۇرمىسىمىزدى ءبۇلدىردى.
مەن پارتيانىڭ كوپ جىل تاربيەلەگەن باسشى كادرى سالاۋاتىممەن قىزمەتتە پارتيانىڭ ءتۇرلى ۇلت ساياساتى مەن حالىققا تيىمدىلىك جاساۋ شارالارىن باستاماشىلىقپەن تياناقتاندىرىپ، ىلەدە تۋىلعان زور وزگەرىستى ءوز كوزىممەن كوردىم. سوندىقتان دا مەن پاسىق نيەتتى قىلمىستى ەلەمەنتتەرگە پارتيامىزدىڭ وسىنداي ابزال ساياساتى باسقا قاي جەردە بار؟ قازىرگىدەي جاقسى تۇرمىستى قاي جەردەن تابا الامىز؟ وسىنداي كوركەم، جاراسىمدى مەكەن قايدا بار؟ دەپ تويتارىس بەرەمىن. سەندەردىڭ زورلىقتى كۇش لاڭكەستىك ارەكەتىمەن شۇعىلدانىپ، ۇلتتار ىنتىماعىن، ءبىزدىڭ باقىتتى تۇرمىسىمىزدى بۇلدىرۋلەرىڭە مۇلدە جول بەرمەيمىز. پارتياعا باتىل ىلەسىپ، قوعام ورنىقتىلىعى مەن باياندى تىنىشتىقتى قۇلشىنا جۇزەگە اسىرىپ، مەكەنىمىزدى بىرلىكتە قورعاۋ − ىلەدەگى ءار ۇلت حالقىنىڭ ورتاق تىلەگى.
ءبىز 1997–جىلعى ۇلتتىق بولشەكتەۋشى ەلەمەنتتەردىڭ مومىن بۇقارانى جەلىكتىرىپ جانە الداپ، قانىپەزەرلىكپەن قۇلجا قالاسىندا «5–اقپان» ورتەۋ، ءولتىرۋ، ۇرۋ، شاعۋ، توناۋ ۋاقيعاسىن تۋدىرىپ، توتەنشە ناشار ىقپال كەلتىرىپ شىعارعاندىعىن ابدەن بىلەمىز. بۇل ۋاقيعا ىلەنىڭ ەكونوميكالىق، قوعامدىق دامۋىنا، ىلەنىڭ ۇلتتار ىنتىماعى مەن ءار ۇلت بۇقاراسىنىڭ قالىپتى ءوندىرىس–تۇرمىس تارتىبىنە، پارتيانىڭ نەگىزگى ساتى ۇيىمدىق قۇرىلىسىنا اۋىر دارەجەدە ىقپال جاساپ جانە ءبۇلدىرىپ، ۇلتتاردىڭ تاڭداۋلى مادەنيەتىنىڭ اقاۋسىز دامۋىن اۋىر دارەجەدە سوققىعا ۇشىراتىپ، جاس وسپىرىمدەردىڭ كوڭىل كۇي اقاۋسىزدىعىنا قاياۋ سالىپ، اۋىر زيان جەتكىزدى.
سول كەزدە قالىپتى ەكونوميكالىق، قوعامدىق ىستەردىڭ دامۋى نەگىزىنەن توقىرادى، شەتەلدىك قارجى قوسۋشىلار نەگىزىنەن شەگىنىپ شىقتى، حالىق تۇرمىسى نىساندارىنىڭ قۇرىلىسى توقتاپ، حالىق ءوندىرىس–تۇرمىس جاعىندا قاتاڭ سىنعا ءدوپ كەلدى. ونان كەيىن ۇرىمجىدە تۋىلعان «5–شىلدە» ۋاقيعاسى مەن جاقىنعى جىلداردان بەرى تۋىلعان جەلىلەس زورلىقتى كۇش لاڭكەستىك دەلولارى بىزگە زور زيان اكەلدى، ءبىز جەدەل دامۋدىڭ تاماشا ورايىنان ايرىلدىق، شينجياڭنىڭ ءىشى–سىرتىنداعى حالىق شينجياڭ حاۋىپسىز ەمەس دەپ قارادى، ساۋداگەرلەر قارجى قوسۋعا باتىنا المادى، ساياحاتشىلار ساياحاتتاۋدان الاڭدادى... مىنە وسىنداي اشتى ساباقتار ەستە بەرىك ساقتاۋىمىزعا، تەرەڭ تولعانۋىمىزعا تاتيدى!
اشتى ساباقتى ەستەن شىعارماۋىمىز كەرەك. زورلىقتى كۇش لاڭكەستىك ۋاقيعالارىن تۋدىرۋشى «ءۇش ءتۇرلى كۇشتىڭ» شىن كەيىپ–كەسپىرىن، ءسوزسىز، جىعا تانۋىمىز كەرەك. ولار استىرتىن استاسىپ، جۇرتتى ازدىراتىن ۇشقارى يدەيا تاراتىپ، اق پەن قارانى شاتاستىرىپ جانە جۇرتتىڭ يدەياسىن بۇرمالاپ، كىسىلىكتەن بەزىپ، قانقۇيلىقپەن قاندى قىرعىن تۋدىرىپ، بەينە قاتەرلى وسپەدەي شينجياڭنىڭ قوعام ورنىقتىلىعى مەن باياندى تىنىشتىعىن ءبۇلدىرىپ، ءار ۇلت حالقىنىڭ باس اماندىعى مەن مال–مۇلكىنە اۋىر قاتەر ءتوندىرىپ جانە زيان سالىپ، ءار ۇلت حالقى اراسىندا رۋحاني ۇرەي تۋدىردى. وسى زورلىقتى كۇش لاڭكەستەر سەنىم جاعىندا توڭمويىندىقپەن كورسوقىرلىققا سالىنىپ، الاسۇرا قۇتىرىنىپ، يدەيا–كوزقاراس، قيمىل–ارەكەت جاعىندا ۇشقارى زورلىقتى كۇشكە باستى. ولاردىڭ سەنىمى قالىپتى ءدىني سەنىمدە، ىستەگەنى ادامدارعا قانىق ءدىني جوسىندا ەمەس، كەرىسىنشە ولار ۇشقارى يدەيانىڭ جەلىكتىرۋىندە دىنگە سايمايتىن قوعامدىق، ساياسي قيمىلدارمەن اينالىسىپ، ماڭايىنداعى ءسىلام دىنىنە سەنەتىن باۋىرلاستاردىڭ كوزىن كولەگەيلەپ، ازعىرۋ ارقىلى ولاردى وزدەرىنىڭ جيركەنىشتى ارەكەتتەرىن كولەگەيلەيتىن دالداعا اينالدىردى؛ ءتۇرلى قايشىلىقتاردان پايدالانىپ، ۇلتتار ارا ارازدىق جانە وشپەندىلىك تۋدىرىپ، كادرلار مەن جۇرتشىلىق اراسىنا ىرىتكى، نەگىزگى ساتى كادرلارىنىڭ وبرازىنا داق سالىپ، پارتيانىڭ نەگىزگى ساتى ۇيىمدارىن ءبۇلدىردى؛ ولار وزدەرىن ءدىندى كىرشىكسىزدەندىرەتىن ايتىلمىس «عازاۋات سوعىسى ەلشىلەرى» كەيپىنە ەنگىزىپ، نە ءسىلام ءشاريعاتىنا، جوسىنىنا ۇيلەسپەيتىن، سونداي–اق ۇيعۇر ۇلتىنىڭ ءداستۇرلى مادەنيەتىنە قارسى ءبىر قىدىرۋ تەرىس ۋاعىزدار تاراتىپ، ايەلدەر بەتى–اۋزىن اشىپ جۇرسە بولمايدى، سىرتقا شىققاندا بۇركەنىپ ءجۇرۋى، قىسقا كويلەك كيمەۋ، بالانى مەكتەپتە وقىتپاۋ كەرەك دەپ داۋرىعىپ، مۇسىلمان جۇرتشىلىعىنىڭ يدەياسىن ناداندىققا باستاپ، مادەنيەتىن كۇيرەتۋگە ۇرىندى؛ ولار جاستار مەن جاس وسپىرىمدەردىڭ ەلىكتەگىش، اڭعال، ءالى تولىسا قويماعان ەرەكشەلىكتەرىنەن پايدالانىپ، استىرتىن ءشاريعات سويلەپ، زاڭسىز «تابارىك» قيمىلىن وتكىزىپ، جاستار مەن وسپىرىمدەرگە كەرتارتپا يدەيا ءسىڭىرىپ، «ازعىرىپ»، ولاردى زورلىقتى كۇش لاڭكەستىك ارەكەتتەرمەن شۇعىلدانۋداعى قارۋى ەتتى؛ ولار ۇلتقا، ايەلدەر مەن بالالارعا، قارتتار مەن السىزدەرگە قاراماستان جازىقسىز جانداردى قىرعىندادى. ولاردىڭ دەلو تۋدىرۋ ادىستەرى توتەنشە قاتەرلى، تاسىلدەرى وتە ايانىشتى...
كەزەكتە ەل ءىشى–سىرتى جاعدايىنان الىپ قاراعاندا «ءۇش ءتۇرلى كۇش» _ شەكارا سىرتىنداعى جۇڭگومەن جاۋلاسۋشى كۇشتەردىڭ قولداۋىندا ۇيىمدى، جوسپارلى ءبۇلدىرۋ ارەكەتىن كۇنى بۇگىنگە دەيىن توقتاتقان ەمەس، ولار ۇنەمى ۇلتتار ارا قايشىلىق تۋدىرۋعا وراي ىزدەپ، بارلىق مۇمكىندىكتەردەن پايدالانىپ، ۋاقيعا تۋدىرۋعا، بىلىقپالىق جانە زورلىقتى لاڭكەستىك ۋاقيعالارىن تۋدىرۋعا ۇرىنىپ، جەكسۇرىن قاسكۇنەمدىگىن جۇزەگە اسىرماقشى. اماليات: بولشەكتەۋشىلىككە قارسى تۇرۋ كۇرەسىنىڭ مىندەتى اۋىر، جولى ۇزاق ەكەنىن، «ءۇش ءتۇرلى كۇشتىڭ» كوزى جويىلمايىنشا، بىزگە ماڭگى تىنىشتىق جوق ەكەنىن دالەلدەدى. ءاربىر شينجياڭدىق، ءسوزسىز، شىنايى جاۋاپكەرلىك ارقالاپ، «ءۇش ءتۇرلى كۇشكە» ەكىلەنبەستەن كۇرەس جاريالاۋىمىز، كوركەم دە باقىتتى مەكەنىمىزدى بىرلىكتە قورعاۋىمىز كەرەك.
حالىق قۇرىلتايى تۇراقتى كوميتەتىندەگى پارتيالى باسشى كادرى بولۋ سالاۋاتىممەن، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل قۇپتاپ، اۆتونوميالى رايوندىق، اۆتونوميالى وبلىستىق پارتكومنىڭ شەشىم–ورنالاستىرۋلارىن باتىل قولداپ، قاي–قاشان دا ەرەكشە قىراعى بولىپ، بولشەكتەۋشىلىككە قارسى تۇرۋ كۇرەسىنىڭ 1–شەبىندە باتىلدىقپەن تاباندى بولىپ، استە، «ەكى بەتكەيلىك» ىستەمەي، كوزقاراسىمدا، پوزيتسيامدا باتىل بولىپ، امالي ارەكەتىم ارقىلى قالىڭ بۇقاراعا ىقپال ەتەمىن ءارى دۇرىس جولعا باستايمىن، زاڭدى قارۋ ەتە وتىرىپ، زورلىقتى كۇش لاڭكەستەرىنە قاتاڭ سوققى بەرىپ، ولاردى حالىقتىق كۇرەستىڭ شالقار تەڭىزىنە باتىرىپ، كوزىن تۇبەگەيلى قۇرتۋعا اتسالىسامىن.
«جاعداي ۇعىسۋ، تيىمدىلىك جاساۋ، توعىستىرۋ» قيمىلىمەن اۋداندا تۇراتىن باقىلاۋ–تەكسەرۋ گرۋپپاسىنىڭ باستىعى بولۋ سالاۋاتىممەن باستاماشىلىق رولىمدى تولىق ساۋلەلەندىرىپ، باس نىسانانى تىعىز توڭىرەكتەپ، ماسەلەنى باعىتقا الۋدا تاباندى بولىپ، ءدىني ۇشقارى يدەيانىڭ، سونداي–اق «ءۇش ءتۇرلى كۇشتىڭ» سۇرقيا كەسپىرىن باستاماشىلىقپەن بارىنشا جازعىرىپ ءارى ونى پاش ەتىپ، زورلىقتى لاڭكەستەرگە سوققى بەرۋ، ۇشقارىلىقتى الاستاۋ، ورنىقتىلىقتىڭ قورعاۋ قىزمەتتەرىنە ىرىقتىلىقپەن اتسالىسىپ، ءار ۇلت بۇقاراسىن سەرگەك بولۋعا، دۇرىس پەن بۇرىستى ايقىن اجىراتۋعا بەلسەنە باستاپ، ءدىني ۇشقارى يدەيانىڭ جالبىزبالاپ كىرۋى مەن بۇلدىرۋىنە سانالى تۇردە قارسى تۇرىپ، «ءۇش ءتۇرلى كۇشپەن» ايقىن تۋ ۇستاي وتىرىپ كۇرەسىپ، ورنىقتىلىقتى قورعاۋدىڭ نەگىزگى ساتىداعى نەگىزىن بەكەمدەپ، بۇقارالىق شارا، بۇقارالىق كۇش–قۋات، بۇقارالىق ساقتانۋ، بۇقارالىق وڭاۋ سىندى ورنىقتىلىقتى قورعاۋ جۇيەسىن قۇرۋعا قۇلشىنامىن.
از ۇلت پارتيالى كادرى بولۋ سالاۋاتىممەن دانەكەرلىك رولىمدى ويداعىداي ساۋلەلەندىرىپ، پارتيانىڭ ۇلت ساياساتىن جانە حالىقتى يگىلىككە كەنەلتۋ ساياساتىن باتىل دايەكتىلەندىرىپ، بۇقارالىق قىزمەتتى ويداعىداي ىستەۋگە قۇلشىنىپ، ۇلتتار ىنتىماعىن كوزىمنىڭ قاراشىعىنداي ايالاپ، ۇلتتار ىنتىماعىنا ءتيىمسىز ءسوز سويلەمەي، ءىس ىستەمەي، ۇلتتار ىنتىماعىن بۇلدىرەتىن ءسوز–ارەكەتپەن باتىل كۇرەس جۇرگىزىپ، ءار ۇلت جۇرتشىلىعىن مەكەندى سۇيۋگە، پارتياعا العىس ايتۋعا، بۇگىنگى وڭايلىقپەن قولعا كەلمەگەن باقىتتى تۇرمىستى قادىرلەۋگە، جاراسىمدى مەكەنىمىزدى بىرلىكتە قورعاۋعا، ورنىقتىلىقتى قورعاۋدىڭ جانە باياندى تىنىشتىقتىڭ قۇرىش قورعانىن بەرىك سوعۋعا باستايمىن.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
