ءبىزدىڭ جاقتا ءبىر جايساڭ قارت بار ەدى
2017.04.24 15:42
بۇل تۇلپارلاردىڭ ءدۇبىرى الىستارعا جەتكەن ءور تەكەس القابى. بۇل ارادا ءار ۇلت حالقى بىرلىكتە تىنىشتىقتىڭ داستانىن جازىپ، دوستىق پەن ىزگىلىكتى تۋ ەتىپ، وتانعا، پارتياعا العىس ءبىلدىرىپ جاتقان بەرەكەلى، بەيبىت مەكەن. بۇل كۇندەرى ساياحاتتان سارا جول سالىپ، تىنىشتىق قۇرىلىسىنىڭ تابىستارىمەن الاقايلاعان مەكەن. سوسىن دا ءار ءداۋىر، ءار زاماندا جايساڭدىقتى دوس ەتىپ، دارقان پەيىل تانىتىپ، ءداۋىر ۇنىنە ازاماتتىق ءار بەرگەندەر جاساعان مەكەن.
مۇندا، ءار رەتكى تۋ شىعارۋ سالتى اۋدانعا قاراستى ءارقايسى اۋىل–قالاشىق، الاڭ، قىستاقتارعا دەيىن وتكىزىلىپ، وتانعا دەگەن ماداقتى، پارتياعا دەگەن ادالدىقتى، ىنتىماقتىلىققا دەگەن بەرىك سەنىمدى بىلدىرەتىن جانە بەكەمدەيتىن تاماشا ۇردىسكە اينالعان–دى. اعاياز سىندى اسقار تاۋلارىمەن اسقاق بۇل ءوڭىردىڭ قىسى مەن جازى ءبىر–بىرىمەن ۇلاسىپ جاتاتىن. كەي ساتتەردە كوكتەم لەبى ەسىپتى–اۋ دەپ قۋانا جينالعان جۇرتتى ناۋرىزدىڭ اقشا قارى قارسى الاتىن. ءار ۇلت بۇقاراسى قىزىل تۋعا قۇرمەتپەن قادالىپ، «العا العا...» دەپ اندەتەتىن. وسىنداي ساتتەردە، اۋىل، قىستاق، الاڭداردىڭ باسشىلارى ءار ۇلت بۇقاراسىنا باقىتتى ءداۋىردى قادىرلەۋ، جاراسىمدىلىقتى جەبەۋ جاعىنداعى تامىرى تەرەڭ اڭگىمەلەردى ارقاۋ ەتىپ قىسقا دا نۇسقا جەتكىزسە، ءار رەتكى تۋ شىعارۋ سالتىنا قاتىناسقان اۋدان باسشىلارى دا تىنىشتىقتىڭ قىمباتىن، بەرەكەنىڭ كوركەيۋگە باستار ۇلاعاتىن جەتكىزىپ جۇرتشىلىقپەن وي بولىسەتىن.
بۇگىن دە سولاي. موڭعۇلكۇرە اۋدانى ۇزىنبۇلاق اۋىلى ۇزىنبۇلاق قىستاعىندا وتكىزىلگەن تۋ شىعارۋ سالتىندا، ابي قاليبەك ۇلى ەسىمدى 59 جاستاعى قىستاق تۇرعىنى جۇرت الدىنا مىنبەگە كوتەرىلدى. ول ءوزىنىڭ پارتيانىڭ جەبەۋىندە بۇگىنگى باقىتتى تۇرمىسقا جەتكەنىن، بىلتىر عانا ۇكىمەتتىڭ ءتيىمدى ساياساتىنىڭ دەمەۋىندە، 28 مىڭ يۋان كومەك قارجىدان يگىلىكتەنىپ، 80 شارشى مەترلىك باسپانا سالدىرعانىن، ءوزى وتكەن جىلى قازاندا بەلىنە شەمىرشەك ءوسۋ ناۋقاسىمەن ەمحاناعا جاتىپ 12 كۇن ەمدەلگەنىن، باستابىندا ەمحاناعا 5 مىڭ يۋان تاپسىرعان وعان ەمحانا سەلبەسىپ ەمدەلۋدەن ەسەپتەن كوتەرگەن سوڭ، 4 مىڭ 300 يۋانىن قايتارىپ بەرگەنىن اڭگىمەلەدى.
مىنە وسىنداي شىندىق، تەڭدەسسىز قامقورلىق مەنى اسەرلەندىردى، دەدى دە جانقالتاسىنان قاراپايىم ەستەلىك داپتەرىن الىپ شىقتى. سوسىن تولقۋلى ۇنمەن:« مەن سول كوڭىل كۇيىمدى، پارتياعا، وتانعا دەگەن العىسىمدى ءوز ولەڭدەرىممەن جەتكىزسەم دەگەندە، تۋ شىعارۋ سالتىنا جينالعان كوپشىلىك دۋ قول شاپالاق سوعىپ، ونى قۋانا قۇپتادى... وسىلايشا، العىسقا تولى اۋەن قىستاق اۋلاسىنا جينالعان ءار كوكىرەككە جەتىپ جاتتى...
بيىل 59 جاسقا شىققان ءابي قاليبەك ۇلى بالالىق شاعى تۋرالى ءسوز قوزعاپ، 9 جاسىندا اناسىنان ايرىلعاندىعىن، سويتسەدە، تاعدىرعا مويىماعان ول اينالاسىنداعى ىزگى نيەتتى جانداردىڭ باۋلۋىندا، ادال ەڭبەكتى وزىنە سەرىك ەتىپ، كوللەكتيۆ شارۋالارعا بەلسەنە قاتىناسا ءجۇرىپ، شىڭدالىپ شىققانىن ايتا كەلىپ بىلاي دەدى: « مەن اعاششىلىق ونەرىن وزدىگىمنەن ۇيرەنىپ، ورىندىق، ۇستەل، ىشكاپ، دومبىرا سياقتى بۇيىمدار جاساپ، تۇرمىسىمدى قامداپ كەلدىم، سونداي–اق ەسىمدە قالعان ەڭ تاماشا ەستەمەلەر بولسا جاس كەزىمدە ۇنەمىلىك تەحنيكالىق ۇيرەنۋ كۋرستارىنا قاتىناسىپ تۇراتىنمىن، ول دا پارتيانىڭ جەبەۋى، ءارى سول ءار رەتكى ۇيرەنۋ ورايىن قادىرلەۋدىڭ ناتيجەسىندە، ۇزىنبۇلاق، اقدالا اۋىلدارىنداعى ەڭ ىسكەر كومباين شوفەرى اتالىپ، ەلپەك، ەڭبەك سۇيگىشتىگىمەن ۇيىمعا تاماشا اسەر قالدىردىم، اسىرەسە، 1979–جىلى ءبىر مىڭ 500 مۋلىق ءبيداي اتىزىن ورۋعا كىرىسكەندە كەنەتتەن كومباينعا ءورت كەتىپ، جانىمداعى ەڭبەكشىلەرمەن بىرگە، سول ءتىلسىز جاۋمەن جان سالا ايقاسىپ، اقىرى ءبىر مىڭ 500 مۋ ءبيداي اتىزىن ورتتەن امان الىپ قالۋعا ءبىر كىسىلىك ۇلەس قوسقانىم ەدى.
مىنە، بۇل دا ۇيىمنىڭ مەنى باۋلىپ، ادامگەرشىلىك، جاۋاپكەرشىلىككە تاربيەلەگەنى دەپ بىلەمىن. ءومىر ساپارىندا ادام ءتۇرلى قيىنشىلىقتار مەن ساتسىزدىكتەرگە دە جولىعىپ وتىراتىنىنداي، مەن دە ءبىر جولعى ەڭبەك بارىسىنداعى شىرعالاڭ سەبەبىنەن ءبىر اياعىم اۋىر جارالانىپ، كەمتار بولىپ قالدىم، دەسەدە ەشقاشان ەشكىمگە وكپە ارتپايمىن. بۇگىن ءوزىم دە بىرنەشە ۇرپاق تاربيەلەپ وتىرمىن. ءبىر قىزىم ۇكىمەتتىڭ كومەگىندە وقۋىن تاۋىسىپ، قىستاق ەمحاناسىندا ىستەيدى. ال تاعى ءبىر ۇلىم اۋىل مەن اۋدان ارالىعىندا تاسىمال كولىگىن جۇرگىزەدى، زامانعا ساي وزىندىك تىرلىگىمىز بار، مەن قالايشا وتانعا العىس ايتپاي تۇرا الامىن»،–دەدى تەبىرەنە.
ءيا، تاباننان تاعدىردىڭ سىزى وتسە دە ىزگىلىگىن جوعالتپاعان، العىستى سەزىمىن ەشتەڭەگە توناتپاعان، قاراپايىم تىرلىگىنە قاناعات ەتىپ، ءارقاشان اينالاسىنا اعالىق اقىلىن ايتا جۇرگەن ءابي قاليبەك ۇلىنىڭ پەيىلى ءاربىر ەستى جاننىڭ كوزىنە نۇر، كوڭىلىنە وي سيلارى حاق! العىسقا تولى جۇرەكتىڭ داڭقى ارتىپ، اينالاسىنا دا وسىنداي وتانشىلدىقتىڭ ءدانىن سەبە جۇرسىن دەگەن تىلەگىمىز بار.
اۋىلدىڭ جايساڭ جاندى قارتى بۇگىن موڭعۇلكۇرە اۋدانى ۇزىنبۇلاق اۋىلىنىڭ نەگىزگى ساتى ۇگىتشىلەرىنىڭ ءبىرى. قازىرگە دەيىن ەكى ەستەلىك داپتەرىن پارتيا وتانعا ماداق جىرلارىنا ارناپ وتىرعان ول جالعاستى العىسىمدى جازا بەرەمىن دەيدى كۇلىمسىرەپ.
ءيا،ءار اۋلادان العىستى ۇندەر ەستىلىپ، ءار شاڭىراقتا شات زاماننىڭ كۇلكىسى ەسە بەرسىن! قارت ەسىمى، قارتتىڭ ماداق جىرلارى ءار كوكىرەكتى نۇرلاندىرا بەرسىن! ارزىگۇل ابدەش قىزى
كەلۋ قاينارى: حۋيۇي تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
