ورتالىق بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا 3 ميلليارد 270 ميلليون يۋان قوسىمشا قاراجاتتى نەگىزىنەن وڭتۇستىك شينجياڭداعى 3 ايماق، ءبىر وبلىستاعى كەدەي وتباسىلارىن سۇيەمەلدەۋگە جۇمسادى
2017.09.18 13:46 كەلۋ قاينارى : شينجياڭ گازەتى
شينحۋا اگەنتتىگىنىڭ 10 - قىركۇيەكتە ۇرىمجىدەن بەرگەن حابارى. بيىل جىل باسىنان بەرى، شينجياڭ ءاربىر وتباسىنا ورتا ەسەپپەن 16 مىڭ يۋان بەرۋ ولشەمى بويىنشا، ورتالىق قازىنانىڭ بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا 2 توپقا ءبولىپ بەرگەن جيىنى 3 ميلليارد 270 ميلليون يۋان قوسىمشا قاراجاتتى ءارقايسى اۋدان، قالالارعا ءبولدى، وتە - موتە، ءتۇيىندى تۇردە وڭتۇستىك شينجياڭداعى 3 ايماق، ءبىر وبلىستاعى كەدەي وتباسىلارىن سۇيەمەلدەۋگە جۇمسادى.
ءتىلشىنىڭ شينجياڭ ۇيعۇر اۆتونوميالى رايوندىق قازىنا مەڭگەرمەسىنەن ۇعىسۋىنشا، اۆتونوميالى رايوننىڭ قازىنا تاراۋى تاياۋدا تۇرعىن ءۇي جانە قالا، اۋىل قۇرىلىسى تاراۋىمەن سەلبەسىپ، ورتالىق قازىنانىڭ بەيقۇت ءۇي سالىپ، حالىقتى اۋقاتتاندىرۋ ينجەنەرياسى بويىنشا بيىل 2 - توپتاعى ءبىر ميلليارد 950 ميلليون يۋان قوسىمشا قاراجاتىن ءارقايسى اۋدان، قالالارعا بولگەن. اقپاندا 1 - توپتاعى ءبىر ميلليارد 320 ميلليون يۋان قوسىمشا قاراجات جەر - جەرگە تاراتىلىپ بولعان.
2 توپتاعى قارجى تۇگەلدەي شينجياڭداعى ەڭ تومەنگى تۇرمىسى قامتاماسىز ەتىلەتىن، اۋىل - قىستاقتارداعى ۇكىمەت قارايلاساتىن بىتىراندى قونىستانعان تۇرمىسىندا ەرەكشە قيىنشىلىعى بارلار، كەدەي مۇگەدەك وتباسىلارى جانە ارحيۆ تۇرعىزىپ، كارتچكا بەرىلگەن كەدەي وتباسىلارى سىندى 4 تۇرگە جاتاتىنداردىڭ قاتەرلى ۇيلەرىن وزگەرتىپ سالۋعا جۇمسالدى.
وڭتۇستىك شينجياڭداعى 3 ايماق، ءبىر وبلىستا كەدەيلەر كوپ، كەدەيلىك جاعدايى اۋىر، ەلىمىز بويىنشا 14 شوعىرلى ۇلاسپالى اۋىر كەدەي وڭىرلەردىڭ ءبىرى. بيىل شينجياڭ 300 مىڭ بەيقۇت ءۇي سالۋدى جوسپارلاپ وتىر، مۇنىڭ ۇشتەن ەكىسى وڭتۇستىك شينجياڭداعى 3 ايماق، ءبىر وبلىستا سالىنادى.
كەدەي قاۋىمنىڭ جاڭا قونىسقا ەرتەرەك كوشىپ كىرۋىنە مۇمكىندىك جاساۋ ءۇشىن، شينجياڭ «ەڭبەككۇش پەن قارجى شىعارۋ، ءوزارا كومەكتەسۋ، قوعامدىق جاقتان سۇيەمەلدەۋ، كاسىپورىندار ارقىلى سۇيەمەلدەۋ» سياقتى ادىستەردى جالپىلاستىرىپ، اۋلا شارۋاشىلىعىن دامىتىپ، اۋقاتتانۋعا جول اشاتىن كاسىپ جونىندە جوبا جاساپ، ديقانداردىڭ ىشىندەگى شەبەرلەردى ءۇي قۇرىلىس ىستەرىنە ات سالىسۋعا تاربيەلەۋ سياقتى جولدارمەن قۇرىلىستىڭ وزىندىك قۇنىن تومەندەتىپ، قيىنشىلىعى بار قاۋىمنىڭ جۇگىن شىنايى جەڭىلدەتتى.
اۆتونوميالى رايوندىق قازىنا مەڭگەرمەسى ءارقايسى جەردەن قوسىمشا كومەك قاراجاتىنان يگىلىكتەنەتىن وبيەكتىلەردى قوعامعا جاريا ەتىپ، قارجىنىڭ پايدالانۋ جاعدايىن جاريا ۇستاۋ، قۇرىلىس ماتەريالدارىنىڭ باعاسىن جاريا ۇستاۋ جانە ءاربىر وتباسىنىڭ قولىنا تابىس ەتىلگەنىن جاريا ەتۋ تالابىن بۇلجىتپاي ورىنداپ، قوسىمشا كومەك قاراجاتىنىڭ ەڭ تومەنگى تۇرمىسى قامتاماسىز ەتىلەتىن وتباسىلارىنىڭ، كەدەي وتباسىلارىنىڭ قولىنا دەر كەزىندە، تولىق تيۋىنە كەپىلدىك ەتۋدى تالاپ ەتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
