ساقتىق تانىمىن دايەكتى تۇردە بۇلجىماي كۇشەيتىپ، حاۋىپ - قاتەردەن، سىن - سايىستان ساقتانايىق
− باس شۋجي شي جينپيڭنىڭ «5 - قاڭتارداعى» ماڭىزدى ءسوزىن ۇيرەنۋ، دايەكتىلەندىرۋ جونىندە (3)
حالىق گازەتىنىڭ شولۋشىسى
2018.01.09 15:33 كەلۋ قاينارى : شينجياڭ گازەتى
ساقتىق تانىمىن كۇشەيتىپ، امان كەزدە قاتەردىڭ دە بولاتىنىن ەسكەرۋ − پارتيامىزدىڭ تاريحتاعى ورلەۋ مەن قۇلدىراۋدان قورىتقان ماڭىزدى تاجىريبەسى ءارى پارتيانى، مەملەكەتتى جونگە سالۋدا، ءسوز جوق، باستان - اياق تاباندى بولۋعا ءتيىستى ماڭىزدى پرينسيبى.
«قازىر ەلىمىز ناتيجەلى جۇمىستار تىندىرۋعا مۇمكىندىگى بار تاريحي ورايلى كەزەڭدە تۇر، دامۋ جاعدايى جالپىلاي ايتقاندا جاقسى، الايدا العا باسۋ جولىنىڭ ۇنەمى ءساتتى بولۋى مۇمكىن ەمەس، نەعۇرلىم ناتيجەگە جەتكەن سايىن، مۇز ۇستىندە جۇرگەندەي سولعۇرلىم اباي بولۋىمىز، امان كەزدە قاتەردىڭ دە بولاتىنىن سولعۇرلىم ەستەن شىعارماۋىمىز، استە ستراتەگيالىق قاتەلىك، وماقاستىراتىن قاتەلىك وتكىزبەۋىمىز كەرەك». پارتيا 19 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ - تالقى كۋرسىنىڭ ساباق باستاۋ راسىمىندە باس شۋجي شي جينپيڭ جۇڭحۋا ۇلتىنىڭ بولاشاقتاعى ۇلى ءىسىن تياناق ەتە وتىرىپ، عاسىرلىق ءىرى پارتيانىڭ بورىشىنا، جاۋاپكەرشىلىگىنە نازار اۋدارىپ، ساقتىق تانىمىن دايەكتى تۇردە بۇلجىماي كۇشەيتۋ، حاۋىپ - قاتەر، سىن - سايىستان ساقتانۋ سىندى كەلەلى ماسەلەنى ىشكەرىلەي بايىمداپ، ءبىز ءدوپ كەلىپ وتىرعان ءتۇرلى حاۋىپ - قاتەرگە، سىن - سايىستارعا ناقتى ءارى تەرەڭ تالداۋ جاسادى. باس شۋجي ماڭىزدى سوزىندە اسا سالماقتى ساقتىق تانىمىن كورسەتىپ، الىسقا نازار تاستايتىن ستراتەگيالىق كوز ايانى ايگىلەپ، پارتياداعى جولداستارعا امانشىلىقتا قاتەردىڭ دە بولاتىنىن ويلاۋ جونىندە ماڭىزدى ساباق ءوتتى.
«بولاشاق وزگەرىسكە ساقاداي سايلانۋ − ەل بولۋدىڭ داڭعىل جولى». پارتيانىڭ 18 - قۇرىلتايىنان بەرى، باس شۋجي شي جينپيڭ بۇكىل پارتياعا تومەنگى شەكتە ويلاۋدى باستان - اياق دارىپتەپ، تالاي رەت «اعاش شەلەك قاعيداسى» ارقىلى بۇكىل پارتيانى ولقىلىقتاردى تولىقتاۋعا شەبەر بولۋدى، تاعاندى بەكەمدەۋگە ەرەكشە كوڭىل ءبولۋدى ەسكەرتتى. باس شۋجيدىڭ وسى ساقتاندىرۋلارى مەن ەسكەرتۋلەرىنىڭ ءتۇبىرلى ءمانى مىنادا: ءتۇرلى حاۋىپ - قاتەرلەردىڭ بارلىعىنان ساقتانۋىمىز جانە ونى تىزگىندەۋىمىز كەرەك، ءبىراق، باستىسى، جۇڭحۋا ۇلتىنىڭ ۇلى گۇلدەنۋ ۇدەرىسىن توقىراتاتىن جانە ءۇزىپ تاستايتىن جالپى جاعداي سيپاتىنداعى حاۋىپ - قاتەرلەردەن ساقتانۋىمىز جانە ونى تىزگىندەۋىمىز كەرەك. تاياۋ زاماننان بەرى، جۇڭحۋا ۇلتىنىڭ گۇلدەنۋ ۇدەرىسى تالاي رەت ءۇزىلىپ، بىزگە تەرەڭ تاريحي ەسكەرتۋ بەردى. «پالەنىڭ ءبارى بەيعامدىقتان تۋادى». بۇگىن ءبىز پارتيا مەن مەملەكەت ىستەرىندەگى تاريحي جەتىستىكتەر مەن وزگەرىستەر ارقىلى جۇڭگوشا سوتسياليزمنىڭ جاڭا داۋىرگە ءوتۋىن ىلگەرىلەتىپ وتىرمىز، ءبىراق جۇڭحۋا ۇلتىنىڭ ۇلى گۇلدەنۋى ايعاي - سۇرەنمەن وپ - وڭاي ىسكە اسا سالمايدى. العا باسۋ جولىندا ءتۇرلى حاۋىپ - قاتەر مەن سىن - سايىستارعا ءدوپ كەلەمىز، ەگەر بۇلاردى ويداعىداي، ۇيلەسىمدى ءبىر جاقتى ەتە الماساق، ەلىمىزدىڭ دامۋ ۇدەرىسىنە اۋىر سوققى جانە كەدەرگى اكەلەدى. استە ستراتەگيالىق قاتەلىك، وماقاستىراتىن قاتەلىك وتكىزبەۋىمىز كەرەك، ءبىز، ءسوز جوق، وسىنداي تومەنگى شەكتە ويلاۋىمىز، ساقتىق تانىمىن ۇزدىكسىز كۇشەيتىپ، العاشقى قادامدى ءساتتى باسىپ، ىرىقتى شايقاستى جاقسى جۇرگىزىپ، ءتۇرلى اۋىر حاۋىپ - قاتەرلەردەن ساقتانۋ جانە ونى شەشۋ دايىندىقتارىن جان - جاقتى ىستەۋىمىز كەرەك.
جاڭا تاريحي باستامادا ەلىمىزدىڭ دامۋى كەلەلى تاريحي ورايعا ءارى كوپتەگەن حاۋىپ - قاتەرگە، سىن - سايىستارعا ءدوپ كەلەدى. سىرتقى حاۋىپ - قاتەر دە، ىشكى حاۋىپ - قاتەر دە بار، جاي حاۋىپ - قاتەر دە، اۋىر حاۋىپ - قاتەر دە بار. باس شۋجي شي جينپيڭ بارىنشا ءمان بەرۋگە ءتيىستى حاۋىپ - قاتەرلەردى ەكونوميكالىق دامۋ، قوعام ورنىقتىلىعى، جاراتىلىستىق اپات سياقتى جاقتاردان مىسالمەن كورسەتىپ، پارتيامىزدىڭ حاۋىپ - قاتەرلەرگە الدىن الا تۇجىرىم جاساۋ قۋاتى مەن مەڭگەرۋ قابىلەتىن تولىق ايگىلەدى. حاۋىپ - قاتەرگە الدىن الا تۇجىرىم جاساۋ − حاۋىپ - قاتەردەن ساقتانۋدىڭ الدىڭعى شارتى، حاۋىپ - قاتەردىڭ بەتالىسىن يگەرۋ − ستراتەگيالىق ىرىقتىلىققا ۇمتىلۋدىڭ كىلتى. الماعايىپ وزگەرىستەرگە تولى حالىقارالىق جاعدايعا، كۇردەلى دە سەزىمتال توڭىرەكتەگى ورتاعا، رەفورمانىڭ، دامۋدىڭ، ورنىقتىلىقتىڭ جاپالى دا اۋىر مىندەتتەرىنە سايكەس، بۇكىل پارتياداعى جولداستار، ءسوز جوق، باس شۋجي شي جينپيڭنىڭ تالابىنا ساي، «حاۋىپ - قاتەردەن ساقتاناتىن ىرىقتىلىق بولۋى، سونىمەن قاتار حاۋىپ - قاتەر مەن سىن - سايىستارعا توتەپ بەرەتىن، ونى شەشەتىن تاماشا ادىستەر دە بولۋى قاجەت؛ حاۋىپ - قاتەردەن ساقتانۋدىڭ جانە ونى تىزگىندەۋدىڭ دايىندىق جۇمىستارىن قۇنتتى ىستەۋى، سونىمەن قاتار حاۋىپتى باسەيتىپ، قاتەردى ورايعا اينالدىرا بىلەتىن ستراتەگيالىق ىرىقتى شايقاستى ويداعىداي جۇرگىزىپ»، ءتۇرلى حاۋىپ - قاتەردەن ساقتانۋ جانە شەشۋ تانىمى مەن قابىلەتىن شىن مانىندە ءوسىرۋى كەرەك.
كەش بولسا دا قيمىلداۋ − شاراسىزدىقتىڭ امالى، ال ناعىز ۇتىمدى امال − استىق جيناپ، اشارشىلىقتان ساقتانۋ. باس شۋجي شي جينپيڭنىڭ «5 - قاڭتارداعى» ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، تومەنگى شەكتە ويلاۋدان جازباي، ەڭ ناشار جاعىنان كوز جىبەرىپ، ەڭ تولىق دايىندىق جاساپ، جاقسى جاققا قاراي قۇلشىنىپ، ەڭ تاماشا ناتيجەگە قول جەتكىزىپ، ساقتىق تانىمىن دايەكتى تۇردە بۇلجىماي كۇشەيتىپ، حاۋىپ - قاتەر، سىن - سايىستان ساقتانساق، ءسوز جوق، سىن - سايىستارعا سالماقتىلىقپەن توتەپ بەرىپ، ستراتەگيالىق ىرىقتىلىققا قول جەتكىزىپ، جۇڭگو حالقىنىڭ ۇلى ارمانىن تيەگەن كەمەنى تولقىن جارىپ، نۇر شۇعىلاعا شومعان بولاشاققا جەڭىسپەن العا تارتۋعا جەتەكتەي الامىز.
(شينحۋا اگەنتتىگىنىڭ 7 - قاڭتاردا بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
