«شالعايدان شارىقتاعان شوپان جىرى» كينوسىنىڭ العاشقى قويىلىمى بەيجيڭدە وتكىزىلدى
مۇندا قازاق مالشىلارىنىڭ تۇرمىس وزگەرىسى باياندالعان
2018.09.14 14:03 كەلۋ قاينارى : شينجياڭ گازەتى
ءتىلشىمىز لي لي 9 - ايدىڭ 11 - كۇنى بەيجيڭنەن حابارلايدى. 9 - ايدىڭ 11 - كۇنى تۇستەن كەيىن اۆتونوميالى رايوندىق پارتكومنىڭ ۇگىت ءبولىمى، اۆتونوميالى رايوندىق اقپارات - باسپا ءسوز، راديو - كينو - تەلەۆيزيا مەكەمەسى، تيانشان كينو ستۋدياسى بىرلەسىپ جاساعان حۇجاتتى كينو «شالعايدان شارىقتاعان شوپان جىرى» بەيجيڭ حالىق سارايىندا العاشقى قويىلىم سالتىن وتكىزدى. بۇل فيلم رەفورما جاساپ، ەسىك اشۋدىڭ 40 جىلدىعىن اتاپ وتۋدەگى ءتۇيىندى كينو فيلمگە ەنگىزىلدى.
فيلمدە قۇمار مەن قاديشا وتباسىنداعىلاردىڭ ءبىر رەتكى كەزدەيسوق ۋاقيعادان تۋىنداعان قايشىلىعى اڭگىمەگە ارقاۋ بولىپ، 40 جىلدان بەرگى ساحاراداعى كوشپەلى تۇرمىسى، سونداي - اق وسىنداي تۇرمىس تاسىلىندەگى ءوندىرىس، تۇرمىس وزگەرىسى، كەيىپكەرلەردىڭ سۇيىسپەنشىلىگى، وي - سانا وزگەرىسى بەينەلەنەدى. اتا - باباسىنان بەرى تاۋ ساعالاپ، سۋ جاعالاپ ءومىر كەشكەن جۇڭگوداعى قازاق مالشىلارىنىڭ رەفورما جاساپ، ەسىك اشقاننان بەرى، پارتيانىڭ مالشىلاردى وتىرىقتاندىرىپ، مال شارۋاشىلىعىن كوركەيتۋ ساياساتىنىڭ جەتەكشىلىگىندە، جايلىم ەكولوگياسىن قورعاۋداي ءداۋىر جاعدايىندا، وتكەنگە قوش ايتىپ، جاڭا تۇرمىسقا قادام قويعاندىعى باياندالادى.
«كينو ەرەكشە تاڭداي قاقتىردى. بۇكىل ەل حالقىنىڭ وسى كينونى كورۋىن ءۇمىت ەتەمىن». العاشقى قويىلىم سالتى اياقتاعاننان كەيىن كورەرمەن گو ليڭيۇن اسەرلەنە: فيلمدەگى ءاربىر كورىنىس كوكەيىمدە ساقتالىپ قالدى. قازاق ۇلتىنىڭ ءداستۇرلى كوشپەندى تىرشىلىگىندەگى ماشاقاتتى كۇندەرى، قازاق ۇلتىنىڭ قايسار، ۇمىتكەرلىك رۋحى، اعا بۋىن قازاق ۇلتى ادامدارىنىڭ وسى زامانعى تۇرمىسقا كەز بولعاندا، العاشقى ۇيلەسە الماۋدان بىرتىندەپ ۇيلەسۋىنە دەيىن فيلمدە تۇگەلدەي ەگجەي - تەگجەيلى، تولىق باياندالادى. مۇنان سىرت، فيلمدە ادام - حايۋانات - ەكولوگيالىق ورتا اراسىنداعى بايلانىس كورسەتىلەدى، ونىڭ ءمانى تەرەڭ، ادامداردى الۋان ويلارعا جەتەلەيدى.
فيلمدى شىعارۋشى، باس فيلمگەر، تيانشان كينو ستۋدياسىنىڭ باستىعى گاۋ حۋاڭگاڭ بىلاي دەپ تانىستىردى: بۇل فيلمدە قازاق ۇلتىنىڭ كوشپەلى مادەنيەتى جان - جاقتى، جەدەل قۇتقارۋ سيپاتتى ەستەلىككە الىندى. فيلم جوسپارلاپ نىسان تۇرعىزۋدان فيلم ءتۇسىرىپ بولۋعا دەيىن، ىلگەرىندى - كەيىندى 3 جىلعا تاياۋ ۋاقىت جۇمسالدى. فيلمدە اۋەلگى ەكولوگيانى ەستەلىككە الۋ مەن وقيعا جەلىسىن شيەلەنىستىرە ىلگەرىلەتۋدى ۇشتاستىرۋدا، حۇجاتتى كينو ۇلگىسىندە جاڭالىق اشۋ جاعىندا باتىلدىقپەن ىزدەنىس جاسادى. بۇل شينجياڭنىڭ كينو تاريحىنداعى العاشقى كەڭ ەكراندى كينو، بۇل فيلم 9 - ايدىڭ سوڭىندا شينجياڭدا العاشقى قويىلىم سالتىن وتكىزەدى.
ورتالىق كوميتەت بىرلىكساپ ءبولىمى، وقۋ - اعارتۋ مينيسترلىگى، مەملەكەتتىك ۇلت ىستەرى كوميتەتى، كوممۋنيستىك جاستار وداعى ورتالىق كوميتەتى، جۇڭگو ادەبيەت - كوركەمونەرشىلەر بىرلەستىگى، مەملەكەتتىك كينو مەكەمەسى سياقتى مەملەكەتتىك مينيسترلىكتەردىڭ، كوميتەتتەردىڭ جانە اۆتونوميالى رايوننىڭ قاتىستى باسشىلارى، ورتالىق پارتيا مەكتەبىنىڭ شينجياڭ كلاسىنداعى كۋرسانتتار، شينجياڭنىڭ بەيجيڭدەگى ىشكى ولكە تولىق ورتا كلاسىنداعى وقىتۋشى - وقۋشىلار جانە ءبىر ءبولىم بەيجيڭدەگى شينجياڭدىق قايراتكەرلەر العاشقى قويىلۋ سالتىنا قاتىناستى ءارى كينونى كوردى.
العاشقى قويىلۋ سالتىن اۆتونوميالى رايوندىق پارتكومنىڭ ۇگىت ءبولىمى، اۆتونوميالى رايوندىق اقپارات - باسپا ءسوز، راديو - كينو - تەلەۆيزيا مەكەمەسى بىرلەسىپ ۇيىمداستىردى، جۇڭگو كينو شەكتى جارنا سەرىكتەستىگى، تيانشان كينو ستۋدياسى ۇستىنە الدى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
