«ءومىر بويى قازاقستان مەن جۇڭگو دوستىعىنىڭ ەلشىسى بولامىن»
— قازاقستاندىق جاس رۋسلانمەن سۇحبات
گازەتىمىزدىڭ قازاقستاندا تۇراتىن ءتىلشىسى جوۋ حانبو
2018.09.12 13:48 كەلۋ قاينارى : حالىق تورابى
قوڭىر كۇزدىڭ باس شەنى، قىركۇيەك ايى، قازاقستاننىڭ استانا قالاسىنا ورنالاسقان نازاربايەۆ ۋنيۆەرسيتەتىندە وتكىزىلگەن جۇڭگو مەن قازاقستان جاستارىنىڭ سەلبەستىگى جونىندەگى دوڭگەلەك ۇستەل كەڭەسى جۇڭگو مەن قازاقستاننىڭ جوعارى مەكتەپتەرىنەن كەلگەن نەشە ونداعان ستۋدەنتتەردى باۋرادى. ولاردىڭ اراسىنداعى تانىمالى جاس، جۇڭگولىقتار جاقىن تارتىپ «مىسىق ايۋ باتىر» دەپ اتاپ كەتكەن رۋسلان ەسىمدى قازاقستاندىق جىگىت تە بار. جۋىردا عانا جۇڭگوداعى وقۋىن تاۋىسىپ قايتىپ ورالعان رۋسلان كوپشىلىكپەن ورىس، حانزۋ، اعىلشىن تىلدەرىندە ءوزىنىڭ كەشىرمەلەرىن، العان اسەرلەرى مەن ارماندارىن ءبولىستى.
ءتوراعا شي جينپيڭ 2013 – جىلى 7 – قىركۇيەكتە نازاربايەۆ ۋنيۆەرسيتەتىندە لەكسيا سويلەگەن كەزىندە، رۋسلاننىڭ جۇڭگودا تەگىن قان بەرۋگە قاتىناسقان ارەكەتىن ايرىقشا ماداقتاعان. 5 جىلدىڭ الدىنداعى جاعدايدى اڭگىمەلەگەندە، رۋسلان ايرىقشا تەبىرەنگەن بەينەدە: «مەن سول كەزدە حاينان ۋنيۆەرسيتەتىندەگى جاتاق عيماراتىنىڭ استىندا تەلەۆيزوردان تىكە تاراتىلىمدى كورىپ وتىرعانمىن، ءتوراعا شي جينپيڭ رۋسلان دەگەن ەسىمدى اتاپ، قان بەرۋ ءىسى جايلى سويلەگەن كەزدە، باستابىندا مەن جايلى ايتىلىپ جاتقانىنا مۇلدە سەنە المادىم، دەگەنمەن، حاينان ۋنيۆەرسيتەتىندە مەنەن باسقا رۋسلان ەسىمدى وقۋشى جوق ەكەنى ەسىمە ءتۇسىپ، دەرەۋ بالاشا قۋانىپ، الاقايلاپ كەتتىم»، — دەيدى.
رۋسلاننىڭ قان تيپى «مىسىق ايۋ قانى» دەپ اتالىپ كەتكەن RH بولىمسىزدىق قان تيپىنە جاتادى. حاينان ۋنيۆەرسيتەتىندە وقىپ جۇرگەن كەزىندە، رۋسلان 2009 – جىلدان باستاپ تەگىن قان بەرۋگە قاتىناسقان، ول سيرەك كەزدەسەتىن قان تيپىندەگى مەيىربان جاندار شاڭىراعى مەن سيرەك كەزدەسەتىن قان تيپىندەگىلەر بىرلەستىگى سىندى الەۋمەتتىك يگىلىك ۇيىمدارىنا قاتىناسقان، ولار حاۋىپتى ناۋقاسقا شالدىققاندارعا كەز كەلگەن ۋاقىتتا قان بەرۋگە دايىن تۇرادى. 2017 – جىلى جەلتوقسان ايىندا، سول كەزدە بەيجيڭدە اسپيرانتۋرا وقىپ جاتقان رۋسلان لاڭفاڭعا شۇعىل بارىپ، مۇشكىل كۇيگە تۇسكەن، جاسى ۇلعايعان بوسانعان ايەلگە قان بەرەدى. بوسانعان ايەل دەر كەزىندە قۇتقارىلىپ، ەگىز نارەستەنى اقاۋسىز ومىرگە اكەلەدى.
ءتوراعا شي جينپيڭ لەكسيا سويلەگەن مىنبەردىڭ الدىندا، رۋسلان تىلشىلگە بىلاي دەدى: «ۇستىندە تاراتىلعان كەسكىندى كورگەننەن كەيىن، مەن دەرەۋ وتباسىمداعىلار مەن دوستارىما بۇل حاباردى ايتتىم»، «كوپشىلىك مەنىمەن بىرگە قۋاندى. اكە – شەشەم كىشكەنتايىمنان مەنى جاقسى ءىس ىستەۋگە، جاقسى ادام بولۋعا باۋليتىن. مەن تەك تيتتەي عانا ءىس ىستەگەن بولسام دا، ءتوراعا شي جينپيڭنىڭ نازارىنا ءىلىنىپپىن، بۇعان مەن قاتتى تەبىرەندىم. ءتوراعا شي جينپيڭنىڭ مەنى ماقتاعانى مەن ءۇشىن ومىرلىك داڭق دەپ بىلەمىن».
حاينانداعى كەزىندە، رۋسلان موڭعۇليالىق گرىلە ەسىمدى بويجەتكەننىڭ جۇرەگىن جاۋلايدى. ەكەۋى ماحابباتتاسىپ، ۇيلەنەدى ءارى سول جەردە ماحابباتتىڭ كۋاسى — سۇيكىمدى قىزدارى سوفيا ومىرگە كەلەدى.
رۋسلان تىلشىگە بىلاي دەدى: «سوفيا ەرجەتكەن سوڭ، مەن ونىڭ دا جۇڭگوعا بارىپ ۇيرەنۋىن، قىزمەت ىستەۋىن، قازاقستان مەن جۇڭگونىڭ دوستىعىن كۇشەيتە ءتۇسۋىن ءۇمىت ەتەمىن، ول ارا ونىڭ تۋعان جەرى، ءارى ءبىزدىڭ ەكىنشى اتا مەكەنىمىز».
رۋسلان حاينان مەن بەيجيڭ قاتارلى جەرلەردە 9 جىلعا جۋىق تۇرمىس كەشىرگەن، ول جۇڭگونىڭ جەدەل دامۋ قارقىنىن ءوز باسىنان وتكەرگەنىن ايتادى. ول تىلشىلگە بىلاي دەدى: جۇڭگو بۇقاراسىنىڭ تۇرمىس تاسىلىندە زور وزگەرىستەر تۋىلدى. ماسەلەن: قازىر قالتاسىنا ناق اقشا سالىپ جۇرەتىندەر وتە از، ماشيناعا وتىرعاندا، زات ساتىپ العاندا، تاماق ىشكەندە، اۋەلى ەمحاناعا بارىپ ناۋقاس كورسەتكەندە عالامتور ارقىلى اقشا تولەيدى. «جۇڭگونىڭ دامۋى ءبىر ءتۇرلى تانىم مەن اعىمعا ۋاكىلدىك ەتەدى، مەن ول ارادا كورگەنىمدى، ۇيرەنگەنىمدى قازاقستانعا الىپ كەلگىم كەلەدى».
رۋسلاننىڭ اتا – مەكەنى اتىراۋ وبلىسى، ول ارادا جۇڭگو مۇناي حيميا سەرىكتەستىگى ۇستىنە العان مۇناي وڭدەۋ زاۆودىنىڭ مۇنايدى جەتە مانەرلەۋ نىسانى قۇرىلىپ بولىپ، ىسكە قوسىلىپ، جەرگىلىكتى ورىنعا كوپتەگەن كاسىپتەنۋ ورايىن جاراتتى. ول تىلشىلگە بىلاي دەدى: «وتكەن 5 جىلدا قازاقستانداعى جۇڭگو قارجىسىنداعى كاسىپورىنداردىڭ سانى بارعان سايىن مولايدى، مەن وسى كاسىپورىنداردان وزىمە ۇيلەسەتىن قىزمەت ورنىن تابۋدى ءۇمىت ەتەمىن، قازاقستان نارىعىن اشۋ نيەتى بار جۇڭگو قارجىسىنداعى سەرىكتەستىكتەرگە كومەكتەسۋدى دە قالايمىن».
الەۋمەتكە تانىمالى ادام رەتىندە قانداي سەزىمدە بولاتىنىن سۇراعان كەزدە، رۋسلاننىڭ جۇزىنەن كۇلكى ەستى، «شىنتۋايتقا كەلگەندە، ءبىزدىڭ بارىمىز دە قاراپايىم ادامدارمىز، جۇڭگو بىزگە ءوزىمىزدى ايگىلەيتىن ساحنا دايىنداپ بەردى. مەن ءومىر بويى قازاقستان مەن جۇڭگو دوستىعىنىڭ ەلشىسى بولۋدى قالايمىن»، — دەدى.
سۇحبات اياقتاعان كەزدە، رۋسىلاننىڭ تىلشىگە ايتۋىنشا، 2009 – جىلى ول جۇڭگوعا وقۋعا بارعان كەزدە، حاينان ۋنيۆەرسيتەتىنە وقۋعا كەلگەن قازاقستاندىقتاردىڭ سانى 10 نەشە وقۋشى عانا بولاتىن، قازىر حاينان ۋنيۆەرسيتەتىندەگى قازاقستاندىق وقۋشىلاردىڭ سانى جۇزدەن اسقان، قازاقستان مەن جۇڭگونىڭ ءوزارا جىبەرگەن وقۋشىلارىنىڭ سانى جەدەل ارتۋدا. «جاستار قازاقستان مەن جۇڭگونىڭ دوستىعىنا مۇراگەرلىك ەتەتىن نەگىزگى قوسىن، ەكى ەل جاستارىنىڭ كوبىرەك پىكىر الماستىرۋىن، كوبىرەك ءتۇسىنىسۋىن ءۇمىت ەتەمىن»، — دەدى ول.
(حالىق گازەتى، الماتى، 11 – قىركۇيەك)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
