ساتۋدىڭ سوڭعى بۋىنى الەۋمەتتىك اۋماقتارعا تۇتاسىپ، تۇتىنۋشىلار جاقىن جەردەن ساتىپ الاتىن بولدى
«جاڭاشا بولشەك ساتۋ» ەرەكشە اۋىل شارۋاشىلىق ونىمدەرىن شينجياڭنىڭ سىرتىندا ساتۋ تۇيىندەرىن كوبەيتتى
2018.11.13 15:40 كەلۋ قاينارى : شينجياڭ گازەتى
11 - ايدا شينجياڭعا قىس كىردى، ۋحان، گۋاڭجوۋ سياقتى جەرلەردە اقسۋدىڭ الماسى، كورلانىڭ المۇرتى، ت. ب شينجياڭنىڭ ەرەكشە اۋىل شارۋاشىلىق ونىمدەرىنىڭ بازارى كۇسەت بولىپ، ەلىمىزدىڭ جەر - جەرىندەگى، ءتىپتى، دۇنيە ءجۇزىنىڭ جەر - جەرىندەگى ساپالى اۋىل شارۋاشىلىق ونىمدەرىمەن بىرگە داستارقان تورىنەن ورىن الىپ، تولىق سەنىمى مەن باۋراعىشتىعىن ايگىلەدى.
شينجياڭنىڭ ەرەكشە اۋىل شارۋاشىلىق ونىمدەرىنىڭ قىس مەزگىلىندە ەل ءىشى بازارىندا ءوتىمدى بولۋىنداعى سەبەپتى وزىندىك ساپاسى جاعىنان تۇتىنۋشىلاردىڭ القاۋىنا يە بولۋدان سىرت، ەرەكشە اۋىل شارۋاشىلىق ونىمدەرىن شينجياڭنىڭ سىرتىندا ساتۋ تورى قۇرىلىسىنان بولە قاراۋعا بولمايدى. بۇگىنگى كۇندە «جاڭاشا بولشەك ساتۋ» ۇلگىسىنىڭ تىرەك بولۋىندا، ىشكى جەرلەردە شينجياڭنىڭ ەرەكشە اۋىل شارۋاشىلىق ونىمدەرىن وزدەرى تۇرعان الەۋمەتتىك اۋماقتان ساتىپ الاتىن تۇتىنۋشىلار بارعان سايىن كوبەيە ءتۇستى.
«بۇرىن دوستارىما شينجياڭنان شىلان جىبەرىپ بەرۋدى تاپسىراتىنمىن، كەيىن توراپتان ساتىپ الاتىن بولدىق، ودان جاقىن ماڭداعى ەرەن بازاردا ساتىلدى، ال قازىر الەۋمەتتىك اۋماقتىڭ وزىنەن تابىلادى، توتەنشە قولايلى بولدى»، - دەيدى گۋاڭجوۋ قالاسىنىڭ تۇرعىنى ليۋ شىلين قۋانا.
الەۋمەتتىك اۋماقتارعا جەتكىزىلىپ، ساتۋداعى ەڭ سوڭعى ءبىر كيلومەتر تۇتاستى
گۋاڭجوۋ قالاسىنىڭ تۇرعىنى ليۋ شىلين سەزىنگەن وزگەرىستەر «جاڭاشا بولشەك ساتۋ» ۇلگىسىنىڭ جالپىلاستىرىلۋىنىڭ ناتيجەسى، بۇل شينجياڭ جەمىس - جيدەك توبىنىڭ شينجياڭنىڭ ەرەكشە اۋىل شارۋاشىلىق ونىمدەرىن ساتۋ ارناسىن كەڭەيتۋ جاعىنداعى ءتيىمدى ىزدەنىسى جانە سىناعى سانالادى.
سوڭعى جىلدارى شينجياڭ جەمىس - جيدەك توبى «جاقسى ماركا جاراتۋ، جاقسى جەتەكشى بولۋ، جاقسى ارتىقشىلىقتى ساۋلەلەندىرۋ، جاقسى دامۋدى جەبەۋ» تالابىنا ساي، شينجياڭنىڭ ەرەكشە اۋىل شارۋاشىلىق ونىمدەرىن شينجياڭنىڭ سىرتىندا ساتۋدىڭ اناعۇرلىم قولايلى دا جوعارى ءونىمدى تورىن بەلسەنە توقىپ، ساتۋدىڭ جەتەكتەۋ قابىلەتىن ىشكەرىلەي جوعارىلاتتى.
شينجياڭ جەمىس - جيدەك توبىنىڭ دامۋ جوباسىندا 2018 - جىلدان 2020 - جىلعا دەيىن الەۋمەتتىك اۋماقتا تىكە ساتۋ دۇكەنىنەن 1500ىن، ساتۋشىسى جوق ەرەن بازاردان 1000ىن، ساۋدا سارايلارىنداعى، ەرەن بازارلارداعى ساتۋ ورنىنان 2500ىن قامتىعان 5000 ساتۋ ورنىن قۇرۋ ايقىن العا قويىلعان.
بۇدان ساۋدا سارايلارىنداعى، ەرەن بازارلارداعى ءداستۇرلى ارنانى بەكەمدەۋ جانە دەڭگەيىن جوعارىلاتۋدان تىس، الەۋمەتتىك اۋماقتا تىكە ساتۋ دۇكەندەرىن اشۋدىڭ شينجياڭ جەمىس - جيدەك توبىنىڭ الداعى ءبىر مەزگىلدەگى ارنا قۇرىلىسىنىڭ ماڭىزدى مىندەتى ەكەندىگىن بايقاي الامىز.
10 - ايدىڭ سوڭىندا ۋحان قالاسىنىڭ جيەفاڭ جولىنا ورنالاسقان گوشۋ رۇڭكى تيانچىڭ دۇكەنىنىڭ ساۋداسى ەرەكشە كۇسەت بولدى. كورلا المۇرتىنىڭ، اقسۋ الماسىنىڭ ىركەس - تىركەس بازارعا سالىنعاندىعىنان حابار تاپقان جاقىن ماڭداعى قالا تۇرعىندارى ارت - ارتىنان ساتىپ الۋعا كەلدى.
«عيماراتىمىزدىڭ استىنان گوشۋ دۇكەنىنىڭ اشىلاتىنىن ويلاماپپىن، قازىر شينجياڭنىڭ ساپالى ەرەكشە اۋىل شارۋاشىلىق ونىمدەرىن كەز كەلگەن ۋاقىتتا ساتىپ الا الامىز، ونىڭ ۇستىنە دۇكەندەگى جەمىس - جيدەكتىڭ، قاتتى قابىقتى جەمىستەردىڭ ءتۇرى تولىق، تەلەفون بەرسەك جەتكىزىپ بەرەدى، توتەنشە قولايلى بولدى»، - دەدى ۋحان قالاسىنىڭ تۇرعىنى تۋ جيانفەي.
گوشۋ دۇكەنى − جەرگىلىكتى تۇرعىنداردىڭ وسىنداي ارناۋلى ساتۋ دۇكەندەرىنە قويعان اتى، ويتكەنى ساۋدا ماركاسى قاراپايىم شينجياڭدىق باعباننىڭ بەينەسى بولعاندىقتان سولاي اتالعان. گوشۋ − شينجياڭ جەمىس - جيدەك توبىنىڭ الەۋمەتتىك اۋماقتا ساتۋ ۇلگىسىن جالپىلاستىرۋ ءۇشىن شىعارعان ءوز ماركاسى جانە نەگىزگى ارناسى، ساتۋداعى ەڭ سوڭعى ءبىر كيلومەتر جولدى اشۋداعى شەشۋشى جولى.
شينجياڭ جەمىس - جيدەك توبىنىڭ ورىنباسار باس ديرەكتورى ۋاڭ يۇيشان بىلاي دەپ تانىستىردى: الەۋمەتتىك اۋماقتارداعى گوشۋ تىكە ساتۋ دۇكەندەرى ونىمدەردى ساتۋدان سىرت، شاعىن قامبا، جەتكىزىپ بەرۋ، جەكە تاپسىرىستى ورىنداۋ سياقتى يقۋاتقا يە بولىپ، تۇتىنۋشىلاردىڭ ءوز قالاۋى بويىنشا تاپسىرىس بەرۋىنە، قولايلى زات جەتكىزۋ قىزمەتىنەن يگىلىكتەنۋىنە مۇمكىندىك جاراتتى. گوشۋ تىكە ساتۋ دۇكەندەرى توراپتا ساتۋدىڭ ءبىر ءبولىم يقۋاتىنا دا يە بولىپ، جەلىدە، جەلىدەن تىسقارىدا بىرلەسىپ قيمىلداۋدى ىسكە اسىرىپ، ساتۋ قىزمەت وتەۋ دەڭگەيىن بارىنشا جوعارىلاتىپ، تۇتىنۋشىلاردىڭ مويىنداۋىنا تەز قول جەتكىزدى.
ونىممەن قامداۋدان قىزمەت وتەۋمەن قامداۋعا دەيىنگى وزگەرىستەردەن الەۋمەتتىك اۋماقتا تىكە ساتۋ دۇكەندەرىنىڭ ساتۋ دەڭگەيىنىڭ جوعارىلاعاندىعىن انىق كورە الامىز. «تولايىم ساتۋ بازارىنان ساۋدا سارايلارىنا، ەرەن بازارلارعا، ساۋدا سارايىنان، ەرەن بازارلاردان الەۋمەتتىك اۋماقتارعا دەيىن، شينجياڭنىڭ ەرەكشە اۋىل شارۋاشىلىق ونىمدەرى تۇتىنۋشىلارعا بارعان سايىن جاقىنداي ءتۇستى»، - دەدى ۋاڭ يۇيشان. بيىل جەمىس - جيدەك توبى گوشۋ الەۋمەتتىك اۋماقتا تىكە ساتۋ دۇكەندەرىنىڭ سانىن 300گە، 2020 - جىلى 500گە جەتكىزەدى، جىلىنا 50 مىڭ توننا شينجياڭنىڭ ەرەكشە ونىمدەرىن ساتادى.
سونىمەن بىرگە، بيىل شينجياڭ جەمىس - جيدەك توبى جۇڭگو مۇناي - حيميا توبىمەن مۇنايعا جاتپايتىن ونىمدەر كاسىبى بويىنشا ستراتەگيالىق سەلبەستىك كەلىسىمىنە قول قويىسىپ، ونىمدەرىن جۇڭگو مۇناي - حيميا توبىنىڭ 15 ولكەدەگى 11 مىڭ قولايلى دۇكەنىنە كىرگىزىپ، «ىركىلىسسىز دە ءتارتىپتى، جەتكىزۋى يكەمدى، جاس كۇيىندە قامداۋ، ءتورت ماۋسىمدا ساتۋ» سىندى بۇكىل ەل كولەمىندەگى ساتۋ تورى جۇيەسىن العاشقى قادامدا قالىپتاستىرىپ، تۇتىنۋشىلارمەن اراسىن بارىنشا جاقىنداتتى.
قامداۋ تىزبەگىن كەمەلدەندىرىپ، سەلبەسىپ دامۋعا بەت الدى
بيىل شينجياڭ جەمىس - جيدەك توبىنىڭ ماركاسىنا چيانگوجي سىندى جاڭا مۇشە قوسىلدى.
گوشۋ مەن چيانگوجي ەكەۋى دە الەۋمەتتىك اۋماقتا تىكە ساتۋ دۇكەنى، ەكەۋىنىڭ ايىرماشىلىعى − بىرەۋى شينجياڭنان كەلگەن قاراپايىم باعبانعا، ەندى بىرەۋى جەمىس - جيدەكتەردى تارتۋ - تارالعى رەتىندە ادەمىلەپ ساتاتىن يبالى قىزعا ۇقسايدى.
چيانگوجي ۋحاننىڭ وزىندە شىعاتىن جەمىس - جيدەكتەردى بولشەك ساتۋ ماركاسى، ول ورتا، جوعارى دەڭگەيدەگى بازاردى كوزدەگەن، شينجياڭنىڭ ەرەكشە اۋىل شارۋاشىلىق ونىمدەرىنىڭ بازار ورنىمەن سايكەس كەلەدى.
بيىل شينجياڭ جەمىس - جيدەك توبى ۋحان چيانگوجي سەرىكتەستىگىن رەسمي ساتىپ الدى. گوشۋ مەن چيانگوجيدىڭ ءساتتى بىرلەسۋى الەۋمەتتىك اۋماقتارداعى تىكە ساتۋ دۇكەندەرىنىڭ سانىن ارتتىرىپ عانا قالماستان، ەكى ماركانىڭ قاراپايىم دا ءساندى، تياناقتى دا كوركەم سىندى ەرەكشەلىگىن توعىستىردى.
ۋحان قالاسى تايبەي ءبىرىنشى جولىنا ورنالاسقان چيانگوجي تىكە ساتۋ دۇكەنى − چيانگوجي ماركاسىنىڭ العاشقى دۇكەنى، قازىر مۇندا ماركا جاسالعان العاشقى كەزدەگى تارتىمدى ەرەكشەلىك ساقتالۋدان سىرت، شينجياڭنىڭ اۋىل شارۋاشىلىق ونىمدەرى ەڭ ۇلكەن ەرەكشەلىگىنە اينالعان.
«شينجياڭنىڭ ەرەكشە اۋىل شارۋاشىلىق ونىمدەرى قاريدارلاردىڭ قارسى الۋىنا بولەندى، كەزەكتە تۇتاس دۇكەندەگى تەڭ جارتىعا تاياۋ ءونىم شينجياڭنان كەلگەن، بۇل شينجياڭنىڭ ەرەكشە اۋىل شارۋاشىلىق ونىمدەرىمەن ورنىقتى قامداۋىنىڭ ارقاسى، ساتىلۋ سوماسى بۇرىنعىمەن سالىستىرعاندا مولشەرمەن ％30 جوعارىلادى»، - دەدى بۇل دۇكەننىڭ باستىعى ۋاڭ چۇنيان.
چيانگوجي مەن گوشۋدىڭ بىرلەسۋى − چيانگوجيدىڭ ماركا ورنى مەن تيجارات ۇستانىمى نەگىزىندە عانا بولىپ قالماستان، ونان دا ماڭىزدىسى، شينجياڭ جەمىس - جيدەك توبىنىڭ قامداۋ تىزبەگىن كەمەلدەندىرۋىندەگى قۇلشىنىسى بولىپ تابىلادى.
10 - ايدىڭ 30 - كۇنى تاڭعى ساعات 4تەن 30 مينۋت وتكەندە، ۋحان قالاسى حۋاڭبەي رايونىنداعى ۋحان باتىس ءوڭىر جەمىس باقشاسى ازىق - تۇلىك شەكتى سەرىكتەستىگىنىڭ شىراقتارى جارقىراپ تۇر، جۇمىسشىلار ونىمدەردى قوراپتاپ، بۇكىل قالاداعى ءارقايسى ساتۋ توراپ تۇيىندەرىنە جەتكىزۋمەن قاربالاس، بۇل ارا شينجياڭ جەمىس - جيدەك توبىنىڭ ساقتاۋ، جيناۋ، جەتكىزۋ ورتالىعى، 1000 توننالىق جاس كۇيىندە ساقتاۋ قامباسى بار. مۇنان سىرت، ەرەكشە اۋىل شارۋاشىلىق ونىمدەرىن ءبولىپ قوراپتايدى، سونداي - اق وعان قاراپايىم وڭدەۋ جۇرگىزە الادى، ول شينجياڭ جەمىس - جيدەك توبىنىڭ ۋحاندى جانە ونىڭ توڭىرەگىندەگى وڭىرلەردى قامداۋ تىزبەك جۇيەسىنىڭ ماڭىزدى ءبىر بۋىنى.
«ساقتاۋ، جيناۋ، جەتكىزۋ ورتالىعى شينجياڭنىڭ ەرەكشە اۋىل شارۋاشىلىق ونىمدەرىن ساقتاپ جانە وڭدەپ، بازاردى ورنىقتى قامدادى». شينجياڭ جەمىس - جيدەك توبى حۋاجۇڭ ۇلكەن رايونىنىڭ باس ديرەكتورى ليۋ جينفا بىلاي دەدى: 2020 - جىلعا دەيىن شينجياڭ جەمىس - جيدەك توبى شينجياڭنىڭ ءىشى - سىرتىندا ساقتاۋ، وڭدەۋ ساۋداسى بويىنشا 21 جيناۋ، جەتكىزۋ ورتالىعىن قۇرىپ، ساقتاۋ، وڭدەۋ ساۋداسى بويىنشا جيناۋ، جەتكىزۋ قابىلەتىن 5 ميلليون تونناعا جەتكىزىپ، شينجياڭنىڭ ەرەكشە اۋىل شارۋاشىلىق ونىمدەرىنىڭ وڭدەلىپ كادەگە جاراتىلۋىن جانە قوعامدانعان قىزمەت وتەۋ قابىلەتىن اناعۇرلىم جوعارىلاتىپ، باياندى، ورنىقتى ساتۋ ارناسىن تۇلعالاپ، شارۋالاردىڭ «ساتۋ قيىن بولۋ» ماسەلەسىن ۇتىمدى شەشەدى.
قامداۋ تىزبەگى جۇيەسىنىڭ ۇزدىكسىز كەمەلدەنۋىنىڭ ارقاسىندا، چيانگوجي سياقتى كوپتەگەن جەرگىلىكتى ماركالار دا شينجياڭ جەمىس - جيدەك توبى ماركاسى قاتارىنا قوسىلۋدى جوسپارلادى. بولاشاقتا شينجياڭ جەمىس - جيدەك توبى وڭىرلىك وبرازدى تىكە ساتۋ دۇكەندەرى نەگىزىندە، وڭىرلىك تيجارات جۇرگىزەتىن ساۋداگەرلەر، سونداي - اق قاتارعا قوسىلعان ساۋداگەرلەر سىندى تيجارات ۇلگىسىن دامىتۋعا دەم بەرىپ، ۋاكىلدىك كاسىپورىننان 500ىن كوبەيتىپ، كاسىپورىننىڭ «جاڭاشا بولشەك ساتۋ» ۇلگىسىنىڭ ماڭىزدى ەرەكشەلىگىنە اينالدىرادى.
ۇستانىمدى توعىستىرىپ، تيجارات تاسىلىندە جاڭالىق اشتى
ءداستۇرلى ارنادان الەۋمەتتىك اۋماقتا تىكە ساتۋعا دەيىن، دەربەس تيجارات جۇرگىزۋدەن سەلبەسىپ دامۋعا دەيىن، شينجياڭ جەمىس - جيدەك توبىنىڭ «جاڭاشا بولشەك ساتۋ» سالاسىنداعى ىزدەنىسى قاشاندا تيجارات ۇستانىمىنىڭ تيبىن وزگەرتىپ، دارەجەسىن كوتەرۋىنە سايكەستى.
«تەز كەڭەيۋ بارىسىندا ءبىز الدىمەن تىكە ساتۋ دۇكەنىن قايتكەندە ۇزاق ۋاقىت، اقاۋسىز اينالىمعا سالۋعا بولادى دەگەندى ويلاسامىز»، - دەدى ۋاڭ يۇيشان. ول ءسوزىن ساباقتاپ: بۇرىنعى تاجىريبەلەر ءبىر تىكە ساتۋ دۇكەنىن اشىپ، وندا شينجياڭنىڭ ەرەكشە ونىمدەرىن عانا ساتاتىن بولساق، ۇزاق ۋاقىت پايدا تابۋدى جۇزەگە اسىرۋدىڭ قيىنعا سوعاتىندىعىن، ول ءۇشىن كوپ نەگىزدى تيجارات جوباسى قاجەت ەكەندىگىن ۇعىندىردى.
ۋحان، گۋاڭجوۋ سياقتى قالالارداعى گوشۋ الەۋمەتتىك اۋماقتاعى تىكە ساتۋ دۇكەندەرىندە شينجياڭنىڭ ەرەكشە ونىمدەرىنەن سىرت، بۇكىل ەلدىڭ جەر - جەرىنەن كەلگەن ساپالى اۋىل شارۋاشىلىق قوسىمشا ونىمدەرىن ساتىپ الۋعا دا بولادى، بۇل تۇتىنۋشىلارعا ساتىپ الۋ جاعىندا مول تالعام ازىرلەدى.
«كوپ نەگىزدەنگەن ءونىم قۇرىلىمى تۇتىنۋشىلاردىڭ زات ساتىپ الۋ قاجەتىن اناعۇرلىم قاناعاتتاندىرىپ قالماستان، الەۋمەتتىك اۋماقتارداعى تىكە ساتۋ دۇكەندەرىنىڭ باياندى اينالىمىن بارىنشا دەمەي الادى». ۋاڭ يۇيشان بىلاي دەدى: تىكە ساتۋ دۇكەندەرىنىڭ ۇتىمدى اينالىمى ساتۋدى ۇزاق ۋاقىت جەبەۋگە زور سەپتىگىن تيگىزەدى.
ءونىمنىڭ كوپ ۇيەكتەنۋىمەن ايقىن سالىستىرما قالىپتاستىرعانى − تىكە ساتۋ دۇكەندەرىنىڭ ولشەمدى قاراپايىمداستىرۋعا جانە ءبىر تۇتاستىققا قاراي بەت تۇزەۋى. مەيلى قايسى قالادا بولسىن، گوشۋ دۇكەنىنىڭ كورىنىسى، باسقارۋ ۇلگىسى، تيجارات ۇستانىمى بۇكىل ەلدەگى تىزبەكتى دۇكەنگە قاراي بەيىمدەلىپ، ماركا ەرەكشەلىگى بارعان سايىن كورنەكتىلەنە ءتۇستى.
بۇل دۇكەندى ساندەۋ سياقتى قاتتى بولشەك جاعىنان ايگىلەنىپ قالماستان، دۇكەننىڭ قىزمەت وتەۋى سياقتى جۇمساق كۇشى جاعىندا دا ايگىلەندى. گۋاڭجوۋ قالاسىنىڭ تيانحى رايونىنداعى گوشۋ تاڭدى دۇكەنىندە ءبىر ەرەكشە قىزمەتكەر بار، ونىڭ اتى ليۋ شياۋبو، ءاسىلى چيانگوجيدىڭ قىزمەتكەرى بولاتىن، گوشۋ مەن چيانگوجي قوسىلعاننان كەيىن، ول گۋاڭجوۋعا كەلىپ قىزمەت ىستەدى، ول گوشۋ دۇكەنىنىڭ جۇمساق كۇشىن كوتەرۋ، قىزمەت وتەۋ دەڭگەيىن جوعارىلاتۋ مىندەتىن ارقالادى. «ءبىز ءونىمدى باسقارۋ، قىزمەتكەرلەردى باۋلۋ سياقتى جاقتاردا دەڭگەيدى جوعارىلاتىپ، چيانگوجيدىڭ ءبىر ءبولىم قىزمەت وتەۋ ۇستانىمى مەن تاجىريبەسىن جالعاستىرامىز ءارى ونى بارلىق دۇكەنگە جالپىلاستىرىپ، ولشەمگە اينالدىرامىز»، - دەدى ليۋ شياۋبو.
«كاسىپورىن قامداۋ تىزبەگى مەن ساتۋ سوڭعى بۋىنىن باسقارۋ سىندى ەكى جاققا تەڭ كۇش سالىپ، تيجارات جۇرگىزۋ، باسقارۋ دەڭگەيىن جان - جاقتى جوعارىلاتىپ، <جاڭاشا بولشەك ساتۋ> ۇلگىسىنىڭ پارمەندى تىرەگىنە اينالۋىنا مۇمكىندىك جاسايدى»، - دەدى ۋاڭ يۇيشان.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
