2019 - جىلعى ”حالىقتىق كاسىپورىنداردىڭ وڭتۇستىك شينجياڭ ساپارى“ قيمىلى ءماجىلىسى قاشقاردا وتكىزىلدى
سول جەردە قول قويىلعان سوما 16 ميلليارد 300 ميلليون يۋانعا جەتتى
2019.08.05 15:21 كەلۋ قاينارى : شينجياڭ گازەتى
تىلشىلەرىمىز يۋان لەي، ۋاڭ شيڭرۇي 8 - ايدىڭ 3 - كۇنى قاشقاردان حابارلايدى. 8 - ايدىڭ 2 - كۇنىنەن 3 - كۇنىنە دەيىن مەملەكەتتىك ساۋدا - ونەركاسىپشىلەر بىرلەستىگى، مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى جانە اۆتونوميالى رايوندىق حالىق ۇكىمەتى قاشقاردا 2019 - جىلعى ”حالىقتىق كاسىپورىنداردىڭ وڭتۇستىك شينجياڭ ساپارى“ قيمىلى ءماجىلىسىن وتكىزىپ، 7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسىنىڭ رۋحىن دايەكتىلەندىرىپ، تياناقتاندىرىپ، وڭتۇستىك شينجياڭداعى اۋىر كەدەي وڭىرلەردى كەدەيلىكتەن ارىلتۋدان قامال الۋعا كۇش ۇستەدى.
ورتالىق كوميتەت بىرلىكساپ ءبولىمىنىڭ ورىنباسار باستىعى، مەملەكەتتىك ساۋدا - ونەركاسىپشىلەر بىرلەستىگى پارتيا باسشىلىق گرۋپپاسىنىڭ شۋجيى، ۇنەمىلىك ىستەرگە جاۋاپتى ورىنباسار ءتوراعاسى شۇي لىجياڭ ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: حالىقتىق كاسىپورىنداردىڭ وڭتۇستىك شينجياڭداعى كەدەيلىكتەن ارىلتۋدان قامال الۋدى دەمەۋى − باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارىن جانە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تياناقتاندىرۋدىڭ ناقتى شاراسى. ساۋدا - ونەركاسىپشىلەر بىرلەستىگى وڭتۇستىك شينجياڭنىڭ دامۋىن دەمەۋدى، اسىرەسە، كەدەيلىكتەن ارىلتۋدان قامال الۋدى وزەكتى ارقاۋ ەتۋدىڭ، كەلەلى جاعدايعا قىزمەت ەتۋدىڭ ماڭىزدى مىندەتى رەتىندە ىلگەرىلەتۋ؛ قالىڭ حالىقتىق كاسىپورىندار شينجياڭعا كومەكتەسۋگە بەلسەنە قاتىناسىپ، وڭتۇستىك شينجياڭداعى كەدەيلىكتەن ارىلتۋدان قامال الۋعا سانالى ات سالىسۋ كەرەك. ول بىلاي دەپ اتاپ كورسەتتى: حالىقتىق كاسىپورىندار وڭتۇستىك شينجياڭنىڭ كومەسكى كۇشىن، باسىمدىعىن جەتە تانىپ، بەلسەندىلىكپەن وڭتۇستىك شينجياڭعا بارىپ قارجى قوسىپ، كاسىپتى وركەندەتىپ، كەدەيلىكتەن ارىلتۋدان قامال الۋدى دەمەۋ مەن كاسىپورىننىڭ اناعۇرلىم جاقسى دامۋى سىندى تەڭ يگىلىككە كەنەلۋدى جۇزەگە اسىرۋ؛ حالىق تۇرمىسىن ماڭداي الدى ورىنعا قويۋعا تاباندى بولىپ، اناعۇرلىم كوپ جۇمىستانۋ ورنىن جانە ونەرگە تاربيەلەۋ ورايىن ازىرلەپ، كەدەي بۇقارانىڭ كىرىس دەڭگەيىن شىنىمەن جوعارىلاتۋ؛ سىرت جەرلەردىڭ ساۋداگەرلەر قوعامىنىڭ باسىمدىعىن تولىق ساۋلەلەندىرىپ، توپتاسىپ دامۋ، ساۋدا ارقىلى ساۋداگەر شاقىرۋ، وڭىرلىك سايكەستى دامۋدى ىلگەرىلەتۋ كەرەك.
مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى پارتيا باسشىلىق گرۋپپاسىنىڭ شۋجيى، مەڭگەرۋشى ليۋ يۇڭفۋ ماجىلىستە بىلاي دەپ اتاپ كورسەتتى: وڭتۇستىك شينجياڭنىڭ دەر كەزىندە كەدەيلىكتەن ارىلۋى شينجياڭنىڭ، اۋەلى، بۇكىل ەلىمىزدىڭ دەر كەزىندە كەدەيلىكتەن ارىلۋىنا قاتىستى. ”حالىقتىق كاسىپورىنداردىڭ وڭتۇستىك شينجياڭ ساپارى“ قيمىلى − وڭتۇستىك شينجياڭداعى 4 ايماق - وبلىستىڭ كەدەيلىكتەن ارىلتۋدان قامال الۋ شايقاسىندا جەڭىسكە جەتۋىن دەمەۋدەگى ماڭىزدى شارا. وسى رەتكى قيمىلدا قول قويىلعان نىساندار كاسىپتى باسقاعا ويىستىرۋ ارقىلى وڭتۇستىك شينجياڭ ەكونوميكاسىنىڭ دامۋىن جەبەيدى؛ ونەرگە تاربيەلەۋ ارقىلى وڭتۇستىك شينجياڭداعى ادام كۇشى بايلىعىن اشۋدى جەبەيدى؛ جۇمىستاندىرىپ كىرىستى ارتتىرۋ ارقىلى وڭتۇستىك شينجياڭ قوعامىنىڭ جاراسىمدىلىعىن، ورنىقتىلىعىن جەبەيدى. قاتىستى تاراۋلار نىسان قۇرىلىستارىن بار كۇشپەن ىلگەرىلەتىپ، ەرتەرەك وندىرىسكە قوسۋعا، جوبالانعان ءوندىرىس قۋاتىنا جەتكەن ءونىم مولشەرىن ورىنداۋعا، تەزىرەك ونىمدىلىككە قول جەتكىزۋگە قۇلشىنۋ؛ كەدەيلەردى جەتەكتەۋ مەحانيزمىن ورناتىپ، كەدەي وتباسىلارىنىڭ جۇمىستانىپ، كىرىسىن ارتتىرۋعا جەتەكتەۋ؛ تۇتىنۋ ارقىلى كەدەيلەردى سۇيەمەلدەۋدى ويداعىداي ۇيىمداستىرىپ اتقارىپ، ءوندىرىستى قاجەتكە قاراي بەلگىلەۋ، ساتۋ ارقىلى ءوندىرىستى جەبەۋ كەرەك. وسى رەتكى ”حالىقتىق كاسىپورىنداردىڭ وڭتۇستىك شينجياڭ ساپارى“ قيمىلىن وراي ەتىپ، وڭتۇستىك شينجياڭعا اناعۇرلىم كوپ كاسىپورىن بايلىعىن ەنگىزىپ، وڭتۇستىك شينجياڭنىڭ كەدەيلىكتەن ورنىقتى ارىلۋىنىڭ باياندى مەحانيزمىن ورناتۋ جونىندە ۇزدىكسىز ىزدەنىس جاساپ، وڭتۇستىك شينجياڭنىڭ ۇزاق بولاشاقتىق دامۋىنىڭ ەكونوميكالىق نەگىزىن بەكەمدەۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىستە ءسوز سويلەدى. ول مىنالاردى ءبىلدىردى: شينجياڭنىڭ كەدەيلىكتەن ارىلتۋدان قامال الۋدا قول جەتكىزگەن تابىستارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىنىڭ ناتيجەسى، مەملەكەت مينيسترلىكتەرىنىڭ، كوميتەتتەرىنىڭ، سونداي - اق شينجياڭعا كومەكتەسەتىن ولكە - قالالاردىڭ، كومەكتەسۋشى كاسىپورىنداردىڭ قالتقىسىز كومەگى مەن زور كۇشپەن قولداۋىنىڭ ناتيجەسى، ءتۇرلى جاقتارداعى كەدەيلەردى سۇيەمەلدەۋشى كۇشتەردىڭ جانە شينجياڭداعى ءار ۇلت بۇقاراسىنىڭ بىرگە ىنتىماقتاسا كۇرەس جۇرگىزۋىنىڭ ناتيجەسى، بىزگە ەلىمىزدىڭ سوتسياليستىك ءتۇزىمىنىڭ ابزالدىلىعىن جانە وتانىمىز ۇلى شاڭىراعىنىڭ مەيىرىن تەرەڭ سەزىندىردى. اۆتونوميالى رايون وسى رەتكى ءماجىلىستىڭ رۋحىن ويداعىداي دايەكتىلەندىرىپ، تياناقتاندىرىپ، كاسىپورىنداردىڭ كەدەيلەردى سۇيەمەلدەۋگە قاتىسۋىنا قاتىستى تيىمدىلىك جاساۋ ساياساتتارىن بەلسەنە سايكەستىرىپ، تياناقتاندىرىپ، قىزمەت وتەۋدى قامتاماسىز ەتۋدى كۇشەيتىپ، قارجى قوسۋ نىساندارىنىڭ تەزىرەك اتقارىلۋىن ىلگەرىلەتەدى؛ كەدەي وتباسىلارىنىڭ ىشكەرىلەي قاتىسۋ مەحانيزمىن اقىلداسىپ، كەمەلدەندىرىپ، كەدەي بۇقارانىڭ ىشكى قوزعاۋشى كۇشىن كۇشەيتىپ، كەدەيلىكتەن ارىلتۋدان قامال الۋ شايقاسىندا دەر كەزىندە جەڭىسكە جەتۋگە شىنايى كەپىلدىك ەتەدى.
ورتالىق كوميتەت بىرلىكساپ ءبولىمىنىڭ ورىنباسار باستىعى، ورتالىقتىڭ شينجياڭ قىزمەتىن سايكەستىرۋ گرۋپپاسى كەڭسەسىنىڭ مەڭگەرۋشىسى شى جۇن قاتىستى ءماجىلىستىڭ رۋحىن جەتكىزدى. اۆتونوميالى رايوندىق پارتكومنىڭ ورىنباسار شۋجيى لي پىڭشين ءماجىلىستى باسقاردى. مەملەكەتتىك ساۋدا - ونەركاسىپشىلەر بىرلەستىگىنىڭ، مەملەكەتتىك كەڭەستىڭ كەدەيلەردى سۇيەمەلدەۋ كەڭسەسىنىڭ جانە اۆتونوميالى رايوننىڭ باسشىلارىنان شيە جيڭرۇڭ، جاڭ چۇنلين، حۇڭ تيانيۇن، ءجۇرات يمىن ماجىلىسكە قاتىناستى.
وسى رەتكى 2019 - جىلعى ”حالىقتىق كاسىپورىنداردىڭ وڭتۇستىك شينجياڭ ساپارى“ قيمىلىندا، وڭتۇستىك شينجياڭداعى 4 ايماق - وبلىس ىشكى ولكە - قالالارداعى حالىقتىق كاسىپورىندارمەن ساۋداگەر شاقىرىپ، قارجى ەنگىزۋ بويىنشا جيىنى 176 نىسانعا قول قويدى، جيىنى 31 ميلليارد 700 ميلليون يۋان قارجى قوسىلدى. ماجىلىستە ناق مايداندا قول قويىلعان 74 نىسانعا جيىنى 16 ميلليارد 300 ميلليون يۋان قارجى قوسىلدى، بۇل نىساندار اۋىل شارۋاشىلىق قوسىمشا ونىمدەرىن مانەرلەۋ، توقىماشىلىق، كيىم - كەشەك، ەلەكتروندىق ينفورماتسيا، جەڭىل ونەركاسىپ، ساۋدالىق زات جەتكىزۋ، ەرەكشە ەگىنشىلىك، باعىمشىلىق سياقتى كاسىپتەرگە سايادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
