دوستار شەڭبەرىندەگى «الدامشى تاقىرىپتاردىڭ» ەتەك الۋىنا تيىم سالۋ كەرەك
گۋاڭ لۇڭ
2019.08.05 14:13 كەلۋ قاينارى : حالىق تورابى
«ماقالانىڭ تاقىرىبى وقىرماننىڭ نازارىنا ىلىنسە، ماقالانىڭ ۇلكەن جاقتان ءساتتى بولعانىن كورسەتەدى»، ينفورماتسيا ەسەپسىز مولايعان، قيقىمدانعان داۋىردە جاساپ جاتقاندىقتان، ينفورماتسيادان حابارلى بولۋىمىز بارعان سايىن وڭايلاسۋدا: دوستار شەڭبەرىن كورگەندە، الدىمەن تاقىرىپقا ءمان بەرۋگە داعدىلاندىق. تاقىرىبى نازارىمىزعا ىلىنسە عانا، ماقالانى اشىپ كورەمىز، تاقىرىبى جاداعايلاۋ قويىلعان ماقالانى ەشكىم وقىمايدى، ماقالانىڭ مازمۇنى قانشا جاقسى بولعانىمەن، ەل كوزىنە تۇسپەيدى.
ءىس جۇزىندە، قانداي تاقىرىپتى «الدامشى تاقىرىپ» دەپ ايتۋ جونىندە قاتاڭ بەلگىلەنگەن شەت – شەكارا جوق، الايدا، وقىرماندى الداپ – ارباۋ ءۇشىن كەيبىر الەۋمەتتىك تەكشەلەر ۇنەمى «ۇياتتى» قايىرىپ قويىپ، ماقالانىڭ تاقىرىبىن قويۋدا «اسىرا سىلتەپ»، جۇرتتى اشىپ كورۋگە باۋرايدى؛ كوپتەگەن «الدامشى تاقىرىپتار» نەگىزىنەن «تىكسىندىرەتىن» تاقىرىپتارمەن ماقالانىڭ مازمۇنىنداعى جەتەرسىزدىكتەردى جاسىرادى نەمەسە ماقالانىڭ مازمۇنى مەن تاقىرىبى مۇلدە سايكەس كەلمەيدى، كەيبىرەۋى، ءتىپتى، وسەك – اياڭ بولىپ شىعادى.
جاڭا مەديا داۋىرىندەگى «الدامشى تاقىرىپتار» الەۋمەت اراسىندا تارالۋ قۋاتىنا يە، «باۋراعىش» قۋاتى دا زور. ۋيچات ۇجىمى كەزىندە اقپارات قۇرالدارىنا بىلاي دەپ ءسوزدى توتەسىنەن ايتقان: قازىر «الدامشى تاقىرىپتار» نەگىزىنەن ۇرەيلەندىرۋ – ەلىرتۋ، ماسقارالاۋ – ياناتتاۋ، تۇرپايى مازمۇن، جالعاندىقپەن اسىرەلەۋ، ءۇزىپ – جۇلىپ اسىرەلەۋ، ماقالا مەن تاقىرىبى سايكەسپەۋ قاتارلى بىرنەشە تۇرگە بولىنەدى، مۇندا ۇرەيلەندىرۋ – ەلىرتۋ مازمۇنىنداعى ماقالالارعا الەۋمەتتىك حاۋىپسىزدىككە زيان جەتكىزەتىن، تۇرشىكتىرەرلىك نەمەسە ۇشقارىلىق مازمۇنى بار، وقىرمانداردى ۇرەيلەندىرەتىن تاقىرىپتار قويىلادى.
دوستار شەڭبەرىندەگى «الدامشى تاقىرىپتاردىڭ» ەتەك الۋى جونىندە توقتالساق، «كوزدى اربايتىن» مازمۇن مەن «تىكسىندىرەتىن» مازمۇننان ساقتانۋ — كەزەك كۇتتىرمەيتىن مىندەت. ەگەر ماقالانىڭ ءبارى «تىكسىندىرەتىن»، ءاربىر ماقالا مازمۇنعا ساي كەلمەيتىن تاقىرىپتا
بولىپ، جۇرت اشىپ كورەتىن جانە نازار اۋداراتىن بولسا، وندا كەرى ىقپال تۋدىراتىنى داۋسىز، ۋاقىت وتە كەلە توردوستار مۇنداي كوز بوياۋشىلىقتان مەزى بولادى، بۇل ينتەرنەت ەكولوگياسىنىڭ اقاۋسىز دامۋىنا ءتيىمسىز. مۇنان سىرت، الەۋمەتتىك تەكشەلەردەگى ماقالالاردىڭ مازمۇنى «جۇرتتىڭ نازارىن اۋدارۋ ءۇشىن» ۇياتتى قايىرىپ قويىپ، انايى، بادىك مازمۇندار ارقىلى وزگە مازمۇنداعى ماقالالاردى تىقسىراتىن بولسا، بۇل ساپالى مازمۇنداعى ماقالالاردىڭ جارىققا شىعۋى مەن تارالۋىنا كەسىرى تيەدى.
مەملەكەتتىك ينتەرنەت ينفورماتسيالارى كەڭسەسى «الدامشى تاقىرىپتار» سىندى بىلىققان جاعدايدى جونگە سالۋ ءۇشىن 2017 – جىلدىڭ وزىندە – اق «ينتەرنەتتەگى اقپاراتتىق ينفورماتسيالاردىڭ تاقىرىپتارىن ارناعا ءتۇسىرۋدى باسقارۋ بەلگىلەمەسىن (ۋاقىتتىق اتقارىلاتىن)» جاريالاعان ءارى قاتىستى تاراۋلاردىڭ باسىن قوسىپ، كوپ رەت جونگە سالۋ ارەكەتىن ورىستەتكەن. الايدا دوستار شەڭبەرىندەگى «الدامشى تاقىرىپتار» تيىم سالسا دا جوعالمادى. ارينە، مۇنىڭ ارعى جاعىندا ءىرى ساۋدالىق مۇددە جاسىرىنىپ جاتىر. جۋىردا بەلگىلى اقپارات قۇرالى ەگجەي – تەگجەيلى تەكسەرۋ جۇرگىزگەن: «الدامشى تاقىرىپتاعى» ماقالالار تەك جۇرت نازارىن اۋداراتىن ءتاسىل عانا، الەۋمەتتىك تەكشەلەر وسى ارقىلى كورىلىم جيناپ، كىرىس كىرگىزۋدى كوزدەيدى. بىرنەشە الەۋمەتتىك تەكشەلەردى جۇرگىزەتىن ۇجىمدار ءوزارا كورىلىم جەتەلەۋ، پاراقشادان پاراقشاعا وتكىزۋ ارقىلى اسىرەلەنگەن، ۇرەيلى مازمۇن قويىلعان تاقىرىپتارداعى ماقالالاردىڭ وقىرماندارىن وزدەرىنىڭ اڭگىمە تەكشەلەرىنە جەتەلەپ، ولاردى اقى تولەپ وقۋعا باۋراۋ ارقىلى كىرىس كىرگىزەدى.
«الدامشى تاقىرىپتاردىڭ» ەتەك الۋىنا جۇرتتىڭ كورسوقىرلىقپەن جوتكەۋى دە سەبەپ بولادى. توردوستار ينتەرنەتتە تاراتىلعان ينفورماتسيالاردى پارىقتاۋ قابىلەتىن جەتىلدىرۋى، ينتەرنەتتەگى ينفورماتسيا اعىنىن تالعامسىزدىقپەن قابىلداماۋى، تاراتپاۋى، دوستار شەڭبەرىنە ماقالا جوتكەگەن، تاراتقان كەزدە، ينفورماتسيانىڭ شىن – جالعاندىعىن تۇراقتاندىرۋعا ءمان بەرۋى كەرەك. توردوستاردا «وسەك – اياڭ تاراتپاۋ، الەۋمەتتىڭ نارازدىعىن قوزعاماۋ» سىندى سانالىلىق بولۋى كەرەك. ەگەر الدامشى تاقىرىپ ەكەنىن، وسەك – اياڭ ەكەنىن انىق بىلە تۇرا جالعاستى جوتكەسە، جوتكەگەن ادام دا جاۋاپكەرشىلىك ارقالايدى.
ينتەرنەتتىك تەكشەلەر، وتە – موتە، اقپاراتتىق حابار – وشار تەكشەلەرى جونىنەن ايتقاندا، زاڭعا بويسۇنۋدان سىرت، الەۋمەتتىك جاۋاپكەرشىلىكتى دە ارقالاۋى، مازمۇندى قاتاڭ تەكسەرۋى، اسىرە كوڭىل كوتەرۋ مازمۇنىنان ساقتانۋى كەرەك؛ تەحنيكالىق جاقتا باقىلاۋ جۇرگىزۋى، «الدامشى تاقىرىپتاعى» مازمۇنداردى كوپ تاراتقان تەكشەلەردى ماڭگى توقتاتۋ كەرەك. «الدامشى تاقىرىپتاردىڭ» ەتەك الۋى تۇتاس ينتەرنەتتىك ەكولوگيالىق ورتانى بۇلدىرەدى، تەك ءارقايسى جاقتاعىلار سۋبەكتيۆتىك جاقتان ىرىقتىلىقپەن جونگە سالعاندا عانا، بۇكىلدەي جويۋعا، وسى ءبىر دەرتتى جازۋعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
