اۆتونوميالى رايوندىق حالىق شيپاحاناسى
بۇقارا كەپتەلىپ قالاتىن تۇيىندەردى ارشىپ، ءبىر كۇنگى اۋرۋ كورۋ مولشەرىن 10 مىڭ ادام - رەتتەن اسىردى
2019.08.06 15:27 كەلۋ قاينارى : شينجياڭ گازەتى
ءتىلشىمىز چاۋ جين 8 - ايدىڭ 4 - كۇنى ۇرىمجىدەن حابارلايدى. 8 - ايدىڭ 1 - كۇنى ساعات 11دەن 30 مينۋت وتكەندە، اۆتونوميالى رايوندىق حالىق شيپاحاناسى امبولاتورياسىنىڭ ۇلكەن زالىندا ليۋ مىرزا بالاسىن ەرتىپ بالالار ءبولىمى امبولاتورياسىنا كەلدى، ول ۋيچات ارقىلى ۋادەلەسكەن ماماننىڭ ءنومىر ۋاقىتى 11دەن 50 مينۋتتان 12دەن 50 مينۋتقا دەيىن بولاتىن، ول سەسترالار تەكشەسىنە بارىپ، ەمدەلۋ كارتچكاسىن سۇيكەپ، كۇتۋ ورنىندا ءسال ايالدادى، ۇلكەن ەكراننان بالانىڭ اتى - ءجونى شىققاندا، ليۋ مىرزا بالاسىن ەرتىپ اۋرۋ كورۋ ۇيىنە كىرىپ، اۋرۋ كورسەتتى. ”قازىر ەرتە كەلىپ شىرەتكە تۇرۋدىڭ قاجەتى جوق، ۋيچات ’الاقان شيپاحاناسى‘ ءبىر ەسەپ نومىرىنە 5 ەمدەلۋ كارتچكاسى ينفورماتسياسىن بايلاۋعا بولادى، وتباسىمداعىلار ۋادە بويىنشا اۋرۋ كورسەتپەكشى بولسا، ءوزىم - اق ورىنداپ، ءبىر جاقتى ەتە سالامىن“، - دەدى ليۋ مىرزا.
” اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيە بارىسىندا اۆتونوميالى رايوندىق حالىق شيپاحاناسى ماسەلەنى باعدار ەتۋگە تاباندى بولىپ، ەمدەۋ بارىسىنداعى ”ەمدەۋگە جاتپايتىن“بۋىنداردا شىرەتكە تۇرۋ كوپ بولۋ، كۇتۋ ۋاقىتى ۇزاق بولۋ سياقتى بۇقارا كوڭىل ءبولىپ وتىرعان قىزۋ ءتۇيىندى ماسەلەلەردى توڭىرەكتەي وتىرىپ، شىنايى، جۇزەگە اساتىن شارالاردى ورتاعا قويىپ، قىزمەت وتەۋ تارتىپتەرىن ۇزدىكسىز كەمەلدەندىرىپ، ەمدەۋ ونىمدىلىگىن جوعارىلاتتى. تەلەفون، ۋيچات، اۆتوماتتى كومەكتەسۋ ماشيناسى ارقىلى ءار ۇلت بۇقاراسىنىڭ ەمدەلۋ جاعدايلارىن جاقسارتىپ، ۋادەلەسىپ قىزمەت وتەۋدى تەزدەتىپ، ەمدەلۋدى كۇتۋ ۋاقىتىن جارتى ساعاتقا قىسقارتىپ، ءبىر كۇنگى اۋرۋ كورۋ مولشەرىن 10 مىڭ ادام - رەتتەن اسىردى.
اۆتونوميالى رايوندىق حالىق شيپاحاناسى پارتكومىنىڭ ورىنباسار شۋجيى، شيپاحانانىڭ ورىنباسار باستىعى گۋان ايجۇن بىلاي دەپ تانىستىردى: شيپاحانا پارتكومى باسشىلىق القاسى ۇيرەنۋدى، تەكسەرىپ - زەرتتەۋدى، ماسەلەنى قاداعالاۋدى قاتاڭ ۇستاپ، ەڭ سوڭىندا رەتتەۋ - تۇزەتۋدە تياناقتاندىردى. بۇقارانىڭ ەمدەلۋدەگى كوپتەلىپ قالاتىن تۇيىندەرىن، قيىن تۇيىندەرىن، تالماۋ جەرلەرىن توڭىرەكتەي وتىرىپ، ەمدەۋ تارتىپتەرىن كەمەلدەندىرىپ، ناۋقاستاردىڭ قاجەتىن قاناعاتتاندىرۋ ءۇشىن، كوپ نەگىزدەنگەن، ەگجەي - تەگجەيلەنگەن ەمدەۋ قىزمەت وتەۋىمەن قامداپ، ءار ۇلت بۇقاراسىنىڭ ساپالى ەمدەۋ بايلىعىنان يگىلىكتەنۋمەن بىرگە، تەز، قولايلى ەمدەلۋدى سەزىنۋىنە مۇمكىندىك جاسادى.
ءتىلشى ۋيچاتتان ”اۆتونوميالى رايوندىق حالىق شيپاحاناسى“الەۋمەتتىك ءنومىرىن تاۋىپ، ازاماتتىق كۋالىك ينفورماتسياسى مەن ەمدەلۋ كارتچكاسىن بايلاعاننان كەيىن، يقۋات ايدارىنداعى ”الاقان شيپاحاناسى“نان كوپتەگەن يقۋاتتى قىزمەت وتەۋ جالعانىمدارىن كوردى. ينتەرنەتتە تەك اقشا تولەۋ، اقشا قايتارىپ الۋ، سارالاۋ، تەكسەرۋ مالىمەتىن كورۋ، امبولاتوريا جانە شيپاحانادا جاتۋ تالونى سياقتىلاردى ءبىر ءتۇرتىپ قانا تىكە بىتىرۋگە بولادى. كورنەكتى ورنىندا تاعى دا ”ۋادەلەسۋ“دىڭ، ”ءنومىر الۋ“دىڭ ۋاقىتىن قالاعانىنشا تاڭداۋ يقۋاتى تۇر. باسقى بەتىن تۇرتسەڭىز، ءبىر اپتا ۋاقىت ىشىندەگى ءارقايسى بولىمدەردەگى ناۋقاس كورەتىن مامانداردىڭ ناۋقاس كورۋ ينفورماتسياسى، ءنومىردىڭ قالدىعى، ۋادەلەسۋ ۋاقىتى اپ - انىق كورىنىپ تۇر، قولايلى ۋاقىت كەزەڭىن تاڭداپ العان سوڭ ماقۇلداۋ تەتىگىن تۇرتسەڭىز عانا بولعانى باس - اياعى ءبىر مينۋتقا جەتپەيتىن ۋاقىتتا ءنومىر الۋ ءساتتى بولدى دەگەن حابارلاۋ ينفورماتسياسىن تاپسىرىپ الاسىز.
نەگىزگى تاقىرىپتىق تاربيەنى ورىستەتۋ بارىسىندا اۆتونوميالى رايوندىق حالىق شيپاحاناسى ”ەمدەۋ قىزمەت وتەۋ ارەكەت جوسپارىن اناعۇرلىم جاقسارتۋ“جانە شيپاحانا ساپاسىن جوعارىلاتۋ ينجەنەرياسىن ىشكەرىلەي ورىستەتىپ، رازى بولۋ مولشەرىن تەكسەرۋ، شيپاگەرلەر مەن ناۋقاستاردىڭ قارىم - قاتىناسى جانە ۇلكەن ساندى مالىمەتكە تالداۋ جاساۋ سياقتى تاسىلدەر ارقىلى بۇقارانىڭ اۋرۋ كورسەتۋ، ەمدەلۋ بارىسىنداعى پىكىرلەرى مەن ۇسىنىستارىن جيناپ، حالىقتى وزەك ەتىپ، ەمدەۋ قىزمەت وتەۋ تارتىپتەرىن ۇزدىكسىز ساپالىلاندىرىپ، كوپ ءتۇرلى شارانى بىرگە اتقارىپ، ەمدەۋ قىزمەت وتەۋ ساپاسى مەن قىزمەت وتەۋ قۇلىعىن جوعارىلاتىپ، ناۋقاستاردىڭ ەمدەلۋدەگى رازى بولۋ، قۇپتاۋ كورسەتكىشىن كۇن سايىن جوعارىلاتتى. ”ءبىر ءبولىم كەزدەيسوق سىرقاتتانىپ، ۇستىندە ەمدەلۋگە تۋرا كەلەتىن ناۋقاستار جونىنەن العاندا، شيپاحانانىڭ ءار قاباتىندا قاز - قاتار تۇرعان اۆتوماتتى كومەكتەسۋ ماشيناسى پارمەندى كومەكشى بولدى، ەرىكتىلەردىڭ سول جەردىڭ وزىندە ءبىر - بىرلەپ كەڭەس بەرۋى، قىزمەت وتەۋى جانە كومەكتەسۋى تاعى بار. قارتتار، بالالار سياقتى توپتاردىڭ سىرقات جايى، اۋرۋ حالى كۇردەلى بولادى دا، ءنومىر العاندا قايسى ءبولىمدى ىزدەرىن بىلمەي قالادى، تەلەفوندا اقىل - كەڭەس سۇراۋ قىزمەت وتەۋى ارقىلى ەمدەلۋ جەتەكشىسىنە قول جەتكىزەدى“. اۆتونوميالى رايوندىق حالىق شيپاحاناسى امبولاتوريا ءبولىمىنىڭ ورىنباسار مەڭگەرۋشىسى لي دۇڭمەي بىلاي دەدى: ”960200“تەلەفونى ۋادەلەسۋ ىستىق لەنياسى وسى شيپاحانانىڭ ”ءبىر بەكەتتىك“ 24 ساعات ءۇزىلىسسىز ەمدەۋدەن كەڭەس بەرۋ، قىزمەت وتەۋ تەرەزەلىگىنە اينالدى، ۋادەلەسىپ ءنومىر الۋدان سىرت، بارلىق شيپاحانالاردىڭ قاتىستى ماسەلەلەرگە بەرگەن جاۋابىمەن جانە دياگنوز قويۋعا جەتەكشىلىك ەتۋ ۇسىنىستارىمەن قامدايدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
