جۇڭشان داشۋەسى مەن قاشقار ايماقتىق 1 - حالىق شيپاحاناسىنىڭ ”ون مىڭ شاقىرىمدىق ۋادەسى“
2019.08.21 15:30 كەلۋ قاينارى : شينجياڭ گازەتى
”رەداكتوردان“
7 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسى اشىلعاننان كەيىن، شينجياڭعا كومەكتەسكەن 19 ولكە، قالا ءماجىلىس رۋحىن جاقسى دايەكتىلەندىرۋدى، تياناقتاندىرۋدى كەزەكتەگى ماڭىزدى مىندەت ەتىپ، شىنايى يگەرىپ، ناقتاپ ىستەپ، دالمە - ءدال كۇش الىپ، پارتيا ورتالىق كوميتەتىنىڭ شينجياڭعا باعىتتامالى كومەكتەسۋ قىزمەتى جونىندەگى شەشىمدەرىن، ورنالاستىرۋلارىن باتىلدىقپەن جىنتىكتەي، ناقتى تياناقتاندىردى. بۇگىننەن باستاپ گازەتىمىز ”شينجياڭعا كومەكتەسۋدىڭ كوركەم كورىنسىى“ ايدارىندا شينجياڭعا كومەكتەسكەن 19 ولكە، قالانىڭ شينجياڭعا باعىتتامالى كومەكتەسۋ قىزمەتى جاعىندا اتقارعان جاڭا شارالارىن، قول جەتكىزگەن جاڭا ناتيجەلەرىن باسادى. نازار سالىڭىزدار.
تىلشىلەرىمىز باۋ دۇڭشي، لي لين
7 - ايدىڭ 19 - كۇنى قاشقار ايماقتىق 1 - حالىق شيپاحاناسىنىڭ ماڭدايشالىق اسىپ، جۇڭشان داشۋەسىنە قاراستى قاشقار شيپاحاناسى بولعانىنا ءبىر جىل تولدى، جۋىقتا وسى شيپاحانا بۇكىل ەلدەگى ايماقتىق شيپاحانالاردى جالپىلىق جاقتان قاتارعا تۇرعىزعاندا 351 - ورىننان 278 - ورىنعا كوتەرىلدى. وڭتۇستىك شينجياڭنىڭ كەدەي وڭىرىندەگى شيپاحاناعا نە ءۇشىن جۇڭشان داشۋەسىنىڭ ماڭدايشالىعى ىلىنەدى؟ ءبىر جىل ىشىندە جان - جاقتىلى قاتارعا تۇرعىزۋدا 73 ورىن كوتەرىلۋىنىڭ سىرى نەدە؟ 8 - ايدىڭ 16 - كۇنى ءتىلشى قاشقارعا كەلىپ وسىنىڭ ءمان - جاعدايىن ۇعىستى.
■جۇڭشان داشۋەسىنە تىكە قارامايتىن بولىمشە شيپاحانا قۇردى
”جۇڭشان داشۋەسىنە قاراستى 10 شيپاحانانىڭ قاشقار ايماقتىق 1 - حالىق شيپاحاناسىنا كومەك كورسەتىپ، سۇيەمەلدەۋى بەينە 10 ۇلكەن اعاسىنىڭ ءبىر كىشكەنە ىنىسىنە كومەك كورسەتكەنى سياقتى. قازىر شيپاحانادا ەڭ كوپ كەزدە 2700 توسەك ورنى بار، بۇل اسىلگى شتات ىشىندەگى توسەك ورنىنان ءبىر ەسەگە جۋىق ارتتى“. 8 - ايدىڭ 16 - كۇنى گۋاڭدۇڭ ولكەسىنىڭ ”ۇيىرمە قۇراۋ ۇلگىسى“ندە شينجياڭعا ەمدەۋ ارقىلى كومەكتەسۋ اترەتىنىڭ اترەت باستىعى، جۇڭشان داشۋەسىنە قاراستى 3 - شيپاحانانىڭ ورىنباسار باستىعى، قاشقار ايماقتىق 1 - حالىق شيپاحاناسىنىڭ باستىعى جاڭ چي وسىلاي دەدى.
تاياۋ جىلداردان بەرى، جۇڭشان داشۋەسى ”211 شينجياڭعا كومەكتەسۋ جوسپارىن“ زور كۇشپەن اتقاردى، مۇنداعى ”2“− شينجياڭعا باعىتتامالى كومەكتەسەتىن 2 جوعارى مەكتەپتى، ياعني شينجياڭ مەديتسينا داشۋەسىن، شينجياڭ داشۋەسىن؛ ءبىرىنشى ”1“− باعىتتامالى كومەك بەرىلەتىن ءبىر شيپاحانانى، ياعنى قاشقار ايماقتىق 1 - حالىق شيپاحانانى؛ ەكىنشى ”1“− بوراننان ساقتانىپ، قۇمدى بوگەيتىن ءبىر ەكولوگيالىق ورماندى، ياعني ماكىت اۋدانىنداعى ورتاشا، ۇلكەن بوراننان ساقتانىپ، قۇمدى بوگەۋ ەكولوگيالىق ورمانىن مەڭزەيدى.
2017 - جىلى گۋاڭدۇڭ ولكەسىنىڭ شينجياڭعا باعىتتامالى كومەكتەسۋ الدىڭعى جاق قولباسشىلىق شتابىنىڭ باس قولباسشىسى حى يۇيدىڭ جانە سول كەزدە قاشقار ايماقتىق 1 - حالىق شيپاحاناسىنىڭ شيپاحانا باستىعى مىندەتىن وتەپ جاتقان زوۋ شياۋگۋاڭنىڭ ۇسىنىسىمەن، جۇڭشان داشۋەسى پارتكومىنىڭ شۋجيى چىن چۇنشىڭ، مەكتەپ باستىعى لۋ جۇن بىرگە وسىندا كەلىپ تەكسەرۋ - زەرتتەۋ جۇرگىزدى، قاشقار ايماقتىق 1 - حالىق شيپاحاناسىنىڭ باسشىلارى كومەكتەسۋ - سۇيەمەلدەۋ سۇرانىسىن ورتاعا قويعان ەدى، جۇڭشان داشۋەسىنىڭ باسشىلارى سول جەردىڭ وزىندە بار كۇشپەن قولدايتىندىقتارىن ءبىلدىردى. وسىدان باستاپ، ەكى شيپاحانادا ”ون مىڭ شاقىرىمدىق ۋادە“ بولدى.
”ون مىڭ شاقىرىمدىق ۋادە“ بويىنشا قاشقار ايماقتىق 1 - حالىق شيپاحاناسى ”جۇڭشان داشۋەسىنە تىكە قارامايتىن بولىمشە شيپاحانا“ قۇرۋعا بەلسەنە كۇش سالدى، جۇڭشان داشۋەسىنىڭ تاڭدالىپ شىققان دارىندىلارى دا كومەككە كەلدى، جاڭ چي سول كەزدە تاڭداپ جىبەرىلگەن.
قاشقار ايماقتىق 1 - حالىق شيپاحاناسى تىكە قارامايتىن بولىمشە شيپاحانا بولعانىمەن، جۇڭشان داشۋەسى تىكە قاراستى شيپاحانانىڭ ولشەمى بويىنشا قۇردى جانە باسقاردى ءارى شيپاحاناعا ”بۇكىل ەلدەگى 100 مىقتى شيپاحانا قاتارىنا كىرۋ، ءار جىلى قيىن، كۇردەلى اۋرۋلاردى باسقا جەرگە اۋىستىرۋ ادام سانى 100دەن اسپاۋ“ سىندى ”قوس 100“ ورتا، ۇزاق مەزگىلدىك دامۋ نىساناسىن العا قويدى.
لو جۇن مىنانى ءبىلدىردى: جۇڭشان داشۋەسى امبەباپ جوعارى مەكتەپ بولۋداعى بايلىق ارتىقشىلىعىن تولىق ساۋلەلەندىرىپ، دارىندى باۋلۋدى، اقىل - پاراسات جاعىنان قولداۋدى، بايلىقتان ورتاق يگىلىكتەنۋدى جانە كومەكتەسۋ، سۇيەمەلدەۋ شارالارىن ۇدايىلاندىرىپ، ۇزاق ونىمدىلەندىرىپ، كومەك قابىلداعان ورىننىڭ اناعۇرلىم جاقسى، اناعۇرلىم تەز دامۋىن قۇلشىنا ىلگەرىلەتىپ، تەڭ يگىلىكتەنۋدى، تەڭ پايداعا كەنەلۋدى جۇزەگە اسىردى.
■ ەڭ جاقسى شيپاگەر جىبەرىپ، ەڭ جاقسى ۇجىم قۇردى
8 - ايدىڭ 17 - كۇنى 57 جاستاعى رايحان بارات قاشقار ايماقتىق 1 - حالىق شيپاحاناسىنىڭ ادەتتەگى سىرتقى اۋرۋلار 3 - ءبولىمىنىڭ مەڭگەرۋشىسى پىڭ حۇي قاتارلى ەمدەۋ - كۇتىمدەۋ قىزمەتكەرلەرىنە ءبىر قۇرمەت جالاۋىن بەردى. رايحان اۋرۋ ازابىن 3 جىل بويى تارتىپ كەلگەن، 8 - ايدىڭ 9 - كۇنى پىڭ حۇي بولىمدەگى نەگىزگى مۇشەلەردى باستاپ وعان وپەراتسيا جاسادى، بۇل وڭتۇستىك شينجياڭداعى تۇڭعىش قۇرساق قۋىسى ايناسى ارقىلى قۇرساق قاپتالىنداعى تىك ىشەك جاماۋىن تۇراقتاندىرۋ وپەراتسياسى ەدى، وپەراتسيا كۇنى تۇستەن كەيىن رايحان توسەكتەن ءتۇسىپ، قيمىلداي الاتىن بولدى، قازىر جاقسى قالپىنا كەلە باستادى.
”پىڭ حۇي جۇڭشان داشۋەسىنە قاراستى 6 - شيپاحانادان كەلگەن، شينجياڭعا كومەككە كەلگەن مامانداردىڭ كەلۋى شيپاحانانىڭ وپەراتسياداعى كوپتەگەن بوستىقتارىن تولتىرىپ، شيپاحانانىڭ تانىمالدىعى مەن ابىرويىن جوعارىلاتتى“. گۇاڭدۇڭ ولكەسىنىڭ ”ۇيىرمە قۇراۋ ۇلگىسى“ندە شينجياڭعا كومەكتەسۋ اترەتىنىڭ ورىنباسار اترەت باستىعى، قاشقار ايماقتىق 1 - حالىق شيپاحاناسىنىڭ شيپاحانا باستىعى كومەكشىسى جاڭ جيان وسىلاي دەدى.
جاڭ چي شيپاحانانىڭ ءپان دامىتۋ قاجەتىنە نەگىزدەلىپ، بەلسەندى تۇردە جۇڭشان داشۋەسى پارتكومىنان، گۋاڭدۇڭ ولكەلىك پارتكومنىڭ ۇيىمداستىرۋ بولىمىنەن جانە ولكەلىك دەنساۋلىق ساقتاۋ، سالاماتتىق كوميتەتىنەن كومەك سۇراپ، مامانداردى كوبىرەك جىبەرۋدى تالاپ ەتەدى. گۋاڭدۇڭ ولكەلىك دەنساۋلىق ساقتاۋ، سالاماتتىق كوميتەتى ىلگەرىندى - كەيىندى 3 توپتا شينجياڭعا كومەكتەسەتىن جىلجىمالى دارىندىلاردان 30دان استامىن قاشقارعا كەلىپ قىزمەت ىستەۋگە جىبەردى، جۇڭشان داشۋەسى پارتكومى دا جوسپار بويىنشا شينجياڭعا كومەكتەسۋگە جىبەرەتىن 6 مامان نەگىزىندە تاعى 8 ماماندى ۇستەمەلەپ جىبەردى. بيىل قاشقار ايماقتىق 1 - حالىق شيپاحاناسىنداعى شينجياڭعا كومەككە كەلگەن ماماندار 40تان اسىپ، شيپاحاناداعى 25 اۆتونوميالى رايون دارەجەلى ءتۇيىندى ارناۋلى ءبولىم جانە كوپتەگەن اكىمشىلىك ارتقى شەپ بولىمدەرىنە ورنالاسقان.
ەڭ جاقسى شيپاگەر جىبەرىپ، ەڭ جاقسى ۇجىم قۇردى. تاياۋ جىلداردان بەرى، جۇڭشان داشۋەسى كومەككە ءبىر توپ دارىندى جىبەرىپ، ءبىر توپ دارىندى جەتىلدىرۋگە تاباندى بولىپ، قاشقار ايماقتىق 1 - حالىق شيپاحاناسىنىڭ دامۋ ومىرشەڭدىگىن بارىنشا جانداندىردى.
■ ۋاقىت كۇتىپ تۇرمايتىن جىلدامدىقپەن كومەكتەسىپ سالۋ نىساندارىن ىلگەرىلەتتى
جۇڭشان داشۋەسىنە قاراستى 1 - شيپاحاناسىنان كەلگەن چىن ليۋحۋا پروفەسسور قاشقار ايماقتىق 1 - حالىق شيپاحاناسىندا وقىتۋدى باسقارۋ ءبولىمىنىڭ مەڭگەرۋشىسى جانە ادەتتەگى سىرتقى اۋرۋلار 2 - ءبولىمىنىڭ مەڭگەرۋشىسى مىندەتىن اتقاردى، شينجياڭعا كومەككە كەلگەننەن بەرى، ول قىزمەت سالماعىن اۋرۋحانا شيپاگەرلەرىن جۇيەلى باۋلۋ - باسقارۋعا قويدى.
ۋاقىت كۇتىپ تۇرمايدى، ۋاقىتتى ۇتۋ كەرەك. شينجياڭعا كومەككە كەلگەن ماماندار مەن بۇكىل شيپاحاناداعى جۇمىسشى - قىزمەتكەرلەردىڭ قۇلشىنۋىمەن، قاشقار ايماقتىق 1 - حالىق شيپاحاناسى جۇڭگو شيپاگەرلەر قوعامىنىڭ اۋرۋحانا شيپاگەرلەرىن جۇيەلى باۋلۋ بازاسىنىڭ قايتا قاراۋىنان ءساتتى ءوتتى؛ سونىمەن ءبىر ۋاقىتتا، بيىل جاڭادان قوسىلعان ناركوز ماماندىعى بازاسى مەن شۇعىل دياگنوز قويۋ ماماندىعى بازاسىنىڭ باعالاۋى دا وتكەلدەن ءساتتى ءوتتى.
سيفر ناتيجەنى اڭعارتادى، جىلدامدىققا ايعاق بولادى. 2019 - جىلدىڭ العاشقى جارتىسىندا قاشقار ايماقتىق 1 - حالىق شيپاحاناسىنا اۋرۋىن تەكسەرتۋگە كەلگەن ادام سانى سايكەس مەزگىلدەگىدەن ％13.64 ارتتى، مۇنىڭ ىشىندە شۇعىل دياگنوز قويۋ سايكەس مەزگىلدەگىدەن ％9.7 ارتتى، قاتەرلى، سالماقتى، قيىن اۋرۋلار سالىستىرماسى سايكەس مەزگىلدەگىدەن ％5.77 ارتتى، باسقا جەرگە اۋىستىرىلعان ادام سانىنىڭ ارتۋ سالىستىرماسى ％15.97 - بولدى؛ 2018 - جىلى اتقارىلعان جاڭا تەحنيكا، جاڭا نىساندار 55، عىلمي زەرتتەۋ نىساندارىنان 74ى نىسانعا ەنگىزىلدى.
”ءبىز ءاربىر شينجياڭعا كومەككە كەلگەن كادرلاردىڭ ارتىندا تۇگەلدەي ءبىر قۋاتتى ۇجىمنىڭ قولداۋى بار“، - دەيدى جۇڭشان داشۋەسى سۇن يشيان ەسكە الۋ شيپاحاناسىنان كەلگەن لي رۇيچي. جىبەرۋشى شيپاحانا قاشقار ايماقتىق 1 - حالىق شيپاحاناسىندا دوكتور زەرتتەرمەنى قىزمەت كەڭسەسىن قۇرىپ، گۋاڭدۇڭ ولكەسىنىڭ ەمدەۋ اترەتىندەگى قاتىستى دوكتورلاردى پۋنكتكە كىرۋگە سايكەستىرۋ ارقىلى شيپاحانانىڭ ”ءبىر قوسىن قۇرۋ، ءبىر توپ نىسان اكەلۋ، ءبىر توپ ناتيجە شىعارۋ“ سىندى پۋنكت قۇرۋ نىساناسىن جۇزەگە اسىردى. 2017 - جىلدان 2018 - جىلعا دەيىن پۋنكتكە كىرگەن 4 دوكتور مەملەكەتتىڭ جاراتىلىستىق عىلىم قورىنىڭ قارجىسىنا يە بولدى، وسى شيپاحانانىڭ دوكتور زەرتتەرمەنى قىزمەت پۋنكتى تاعى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى تاراتقان ”ۇزدىك دوكتور زەرتتەرمەنى قىزمەت پۋنكتى“ داڭقتى اتاعىنا يە بولدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
