جۇڭتاي توبى تيبىن وزگەرتىپ، دارەجەسىن جوعارىلاتۋدى جەدەلدەتتى
شەتەل بازارلارىندا تىڭ ءورىس اشۋعا ۇمتىلىس جاسادى
2020.07.08 15:10 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى لي ياڭ 7 - ايدىڭ 6 - كۇنى ۇرىمجىدەن حابارلايدى. 6 - ايدىڭ سوڭىندا، تاجىكستاننىڭ وڭتۇستىگىندەگى حاتلون وبلىسى داڭعارا قالاسىنىڭ ماڭىنداعى كوكجيەكپەن ۇشتاسقان كوز جەتكىسىز ماقتا اتىزىندا ماقتالار كۇن شۋاعىندا جايقالا ءوسىپ كەلەدى.
وسى كولەمدى ماقتا اتىزى شينجياڭ جۇڭتاي (توبى) شەكتى جاۋاپكەرلىك سەرىكتەستىگىنىڭ تاجىكستاننىڭ حاتلون وبلىسىندا قۇرعان جۇڭتاي شينسىلۋ تاجىكستان ەگىن شارۋاشىلىعى توقىماشىلىق كاسىپ باقشاسى نىسانىنىڭ ماڭىزدى قۇرامداس بولىگى. بيىل كوكتەم ماۋسىمىندا، جاڭا تيپتى ايدارشا ۆيرۋس وكپە قابىنۋى ىندەتىنىڭ ىقپالىنا توتەپ بەرۋ ءۇشىن، جۇڭتاي توبى جۇڭگو جاقتىڭ 32 ەگىن شارۋاشىلىعى تەحنيكا قىزمەتكەرلەرىن ۇيىمداستىرىپ، ولاردى دەر كەزىندە تاجىكستانعا جىبەرىپ، 100 مىڭ مۋدان استام جەرگە ماقتا تۇقىمىن ەرتە سەبۋ مىندەتىنىڭ دەر كەزىندە ورىندالۋىن قامتاماسىز ەتتى، سونىڭ ارقاسىندا بۇگىنگى ماقتا اتىزىنداعى جاندى دا جالىندى كورىنىستەر جارىققا شىقتى.
تاجىكستاننىڭ داڭعارا ويپاتىنىڭ تاماشا كۇن نۇرى جانە جىلۋ شارت - جاعدايى ونى دۇنيە جۇزىندەگى ساپالى ماقتانىڭ ماڭىزدى ءوندىرىس القابىنا اينالدىرعان. الايدا توقىماشىلىق ونەركاسىبى جابدىقتارىنىڭ كونەرىپ توزۋ، تەحنولوگياسىنىڭ مەشەۋ قالۋ سەبەبىنەن، جەرگىلىكتى ورىننىڭ ماقتا ەگىمشىلىگى باسىمدىعى ساۋلەلەنبەي كەلگەن. ”ءبىر بەلدەۋ، ءبىر جولدى“ بىرگە قۇرۋ باستاماسىنا ءۇن قوسۋ ءۇشىن، 2014 - جىلى جۇڭتاي توبى شينسىلۋ اۋىل شارۋاشىلىعى قارجى قوسۋ شەكتى سەرىكتەستىگىن قۇردى ءارى تاجىكستان جاقتىڭ قاتىستى كاسىپورىندارىمەن سەلبەستىك جاساستى، 3 ميلليارد يۋان حالىق اقشاسىن سالىپ، تاجىكستاندا مەرزىمگە ءبولىپ، 200 مىڭ مۋ جەرگە ماقتا ەگۋ، 150 مىڭ ۇرشىق ماقتا ءجىپ ءيىرۋ، 150 ميلليون مەتر كەزدەمە توقۋ نىسانىن سالدى. تاجىكستان ۇكىمەتىنىڭ پارمەندى قولداۋىندا، 2014 - جىلى 12 - ايدا نىسان رەسمي قۇرىلىس باستادى، نەبارى جارتى جىل ۋاقىت ىشىندە، 1 - مەرزىمدىك 2 ءشيىت ايىرۋ زاۆودىنىڭ سول جىلى سالىنۋ، سول جىلى وندىرىسكە قوسىلۋ، سول جىلى ونىمدىلىگىن كورۋ جۇزەگە اسىرىلدى. 2016 - جىلى 8 - ايدىڭ سوڭىندا، 60 مىڭ ۇرشىق ءجىپ ءيىرۋ نىسانىن ءبىر جولدا جۇرگىزۋ ءساتتى بولدى ءارى ساپالى ءجىپ ءوندىرىپ شىعاردى. قازىرگە دەيىن 1 - ، 2 - مەرزىمدىك نىسان بويىنشا 150 مىڭ مۋ ماقتا ەگىمشىلىگى بازاسى، 2 ءشيىت ايىرۋ زاۆودىن سالىپ، 60 مىڭ ۇرشىق تازا سۇزىلگەن ءجيى ءجىپ ءيىرۋ، 90 مىڭ ۇرشىق اۋا اعىسىمەن ءجىپ ءيىرۋ سىندى ءوندىرىس كولەمىن قالىپتاستىرىپ، ونىمدەرى الىستاعى تۇركيا، رەسەي، يتاليا، پولشا سياقتى ەلدەرگە ساتىلدى.
2019 - جىلى 3 - ايدا، جۇڭتاي شينسىلۋ تاجىكستان اۋىل شارۋاشىلىعى توقىماشىلىق كاسىپ باقشاسىنىڭ 3 - ، 4 - مەرزىمدىك كەزدەمە توقۋ، گۇل باسۋ - بوياۋ جانە كيىم تىگۋ نىسانى قۇرىلىس باستادى، مەجەمەن 2021 - جىلى 9 - ايدا بۇكىل كاسىپ باقشا اۋماعى سالىنىپ ءبىتىپ، وندىرىسكە قوسىلادى. نىسان سالىنىپ بىتكەننەن كەيىن، وسى باقشا اۋماعى ورتا ازيا وڭىرىندەگى ءوندىرىس قۋاتى كولەمى ەڭ ۇلكەن، كاسىپ تىزبەگى ەڭ كەمەلدى توقىماشىلىق كاسىبى باقشاسىنا اينالىپ، 3000 ادامنىڭ جۇمىستانۋىن شەشەدى.
جۇڭتاي (داڭعارا) شينسىلۋ توقىماشىلىق كاسىبى شەكتى سەرىكتەستىگىنىڭ، جۇڭتاي (حاتلون) شينسىلۋ اۋىل شارۋاشىلىعى كاسىبى شەكتى سەرىكتەستىگىنىڭ القا باستىعى چىن ۋاڭ مىنانى ءبىلدىردى: 3 - ، 4 - مەرزىمدىك نىسان سالىنىپ بىتكەننەن كەيىن، تاجىكستاننىڭ حاتلون وبلىسى، سۋعد وبلىسى سياقتى جەرلەردىڭ ماقتا ەگىمشىلىگى كاسىبى مەن توقىماشىلىق كاسىبىن تىعىز تۇتاستىرىپ قانا قالماستان، ونىڭ ۇستىنە ماقتا ءجىپتىڭ ساپاسىن جوعارىلاتىپ، تاجىكستان ماقتا ءجىبىنىڭ حالىقارادا جوعارى دەڭگەيدەگى ماقتا ءجىپ بازارىنا قادام تاستاۋىنا مۇمكىندىك اپەرەدى. وسى نىسان تاعى شيكى ماقتانى وڭدەۋ، كادەگە جاراتۋ سالىستىرماسىن جوعارىلاتىپ، تاجىكستاننىڭ ماقتا ەگۋدەن ءجىپ ءيىرۋ، كەزدەمە توقۋ، گۇل باسۋ - بوياۋ، كيىم تىگۋ ءبىرتۇلعالانعان بارىسىنىڭ تاريحي اقتاڭداعىن اياقتاتادى.
”ءبىز ’ءبىر بەلدەۋ، ءبىر جولدى‘ بىرگە قۇرۋ ورايىن شاپشاڭ مىقتى ۇستاپ، ەكى بازاردان، ەكى ءتۇرلى بايلىقتان تولىق پايدالانىپ، نىسان قۇرىلىسىن نىق قاداممەن تىڭعىلىقتى ىلگەرىلەتىپ، جۇڭتاي شينسىلۋ تاجىكستان اۋىل شارۋاشىلىعى توقىماشىلىق كاسىپ باقشاسى نىسانىن جۇڭگو - تاجىكستان دوستىعىنان ۇلگى كورسەتۋ بازاسى ەتىپ قۇرىپ شىعامىز، سونىمەن بىرگە كاسىپورىننىڭ تيبىن جاڭالاپ، دارەجەسىن جوعارىلاتۋدى ىلگەرىلەتۋگە، ەكونوميكانىڭ جوعارى ساپادا دامۋىنا ۇلەس قوسامىز“، - دەدى جۇڭتاي توبى پارتكومىنىڭ شۋجيى، القا باستىعى ۋاڭ حۇڭشين ءوز ويىن ءبىلدىرىپ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
