نازاردى قوعامنىڭ دامۋ قاجەتىنە شوعىرلاندىردى، ۇيلەسىمدى پاندەر جۇيەسىن قۇردى
شينجياڭدا اسپيرانتتىق اعارتۋى ”ساپا“، ”سان“ جاقتان بىردەي جوعارىلادى
2020.08.19 15:41 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا 8 - ايدىڭ 17 - كۇنى ۇرىمجىدەن حابارلايدى. اۆتونوميالى رايوندىق وقۋ - اعارتۋ مەڭگەرمەسىنەن ۇعىسۋىمىزشا، قازىر رايونىمىزداعى 9 جوعارى مەكتەپ اسپيرانتتىق اعارتۋدى ورىستەتكەن، بۇل 12 نەگىزگى ءپان ءتۇرىن قامتىپ، بۇكىل رايونىمىزداعى باستى كاسىپ سالالارىن قامتىعان جوعارى دەڭگەيدەگى دارىندىلاردى تاربيەلەۋ جۇيەسىن قالىپتاستىرعان.
اسپيرانتتىق اعارتۋدى ورىستەتكەن جوعارى مەكتەپتەردە 1 - دارەجەلى ءپان دوكتور تۇيىنىنەن 33، دوكتور ماماندىعى عىلمي اتاق تۇيىنىنەن 3، 1 - دارەجەلى ءپان ماگيستر تۇيىنىنەن 102، ماگيستر ماماندىعى عىلمي اتاق تۇيىنىنەن 70ى قۇرىلدى. بۇكىل رايونىمىزدا اسپيرانت وقۋشىلاردى قابىلداۋ كولەمى ۇزدىكسىز كەڭەيىپ، 2017 - جىلعى 6600 نەشەدەن كوبەيىپ، بيىل 10 مىڭنان استى.
اۆتونوميالى رايوندىق پارتكوم مەن ۇكىمەت اسپيرانتتىق اعارتۋ قىزمەتىنە ايرىقشا ءمان بەردى. پارتيا 18 - قۇرىلتايىنان بەرى، رايونىمىز عىلمي اتاق تۇيىندەرىنىڭ قۇرىلىمىن رەتتەۋ، دارىندىلاردى باۋلۋ ۇلگىسىنە رەفورما جاساۋ، اسپيرانت ۇستازدار قوسىنى قۇرىلىسى، عىلمي اتاق ديسسەرتاتسياسىنىڭ ساپاسى سياقتى شەشۋشى بۋىنداردى مىقتاپ يگەرىپ، اسپيرانتتىق اعارتۋ كولەمى مەن ساپاسىن بىردەي جوعارىلاتتى.
عىلمي اتاق تۇيىندەرىنىڭ ورنالاسۋ قۇرىلىمىن رەتتەۋ، ساپالىلاندىرۋ، دوكتور، ماگيستر عىلمي اتاقتارىن بەرۋ تۇيىندەرىن يكەمدى رەتتەۋ قىزمەتىن اتقارۋ، ءتۇيىندى پاندەر قۇرىلىسى جوسپارىن اتقارۋ سياقتىلار ارقىلى نازاردى قىزمەت وتەۋ سۇرانىسىنا، ۇيلەسىمدى ءپان جۇيەسىن ورناتۋعا شوعىرلاندىردى. بەرتىنگى 3 جىلدا بۇكىل رايونىمىز جارامدىسىن تاڭداپ، جارامسىزىن تاستاۋ ءتۇزىمىن قولدانىپ، ساپانى كۇشەيتىپ، سۇرانىس از، دەڭگەيى تومەن نەمەسە وقىتۋ نىساناسىن تۇراقتاندىرۋ تالابىنا ۇيلەسپەيتىن 9 ءپاندى كۇشىنەن قالدىردى، ماركسيزم نازارياسى، باسقارۋ عىلىمى مەن ينجەنەرياسى سياقتى شۇعىل قاجەت بولىپ وتىرعان 9 قۇزىرلى ءتۇيىندى كوبەيتتى، شينجياڭ قىزمەتى باس نىساناسىنىڭ دامۋ سۇرانىسىنا ۇيلەسەتىن عىلمي اتاق تۇيىندەرىن ورنالاستىردى. مۇنان سىرت، ”ۇزدىكتەردى سۇيەمەلدەۋ، قۋاتتىلاردى سۇيەمەلدەۋ، سۇرانىستى سۇيەمەلدەۋ“ پرينسيبى بويىنشا ءار جىلى 15 ميلليون يۋان قارجى قوسىپ، باسىمدىلىعى، ەرەكشەلىگى بار 42 پانگە قولداۋ كورسەتتى، حيميا، كلينيكالىق مەديتسينا، ينجەنەريا ءىلىمى، ماتەريال ءىلىمى سياقتى پاندەر ESIدىڭ الدىڭعى ％1ىنە كىرىپ، دارىندىلاردى باۋلۋدىڭ ”شىڭىنا“، دارىندىلار جينالعان ”بيىك تۇعىرعا“ اينالدى.
اسپيرانتتىق اعارتۋ رەفورماسىن ىلگەرىلەتۋ بارىسىندا، رايونىمىز اسپيرانتتىق اعارتۋدا ”سىرتقا شىعارۋ“ ساپاسى وتكەلىن مىقتاپ يگەرىپ، ساپانى تەكسەرۋدى ءتۇيىندى تۇردە كۇشەيتىپ، دوكتور، ماگيستر عىلمي اتاق ديسسەرتاتسياسىنان ۇلگى الىپ تەكسەرۋدى 3 - جاق قۇرىلىمعا ۇزدىكسىز جۇكتەپ، عىلمي اتاق تۇيىندەرىنىڭ تولىمدىلىعىن باعالاۋدى، ارناۋلى باعالاۋدى، ديسسەرتاتسيادان ۇلگى الىپ تەكسەرۋ ناتيجەسىنەن پايدالانۋدى كۇشەيتىپ، ”عىلمي اتاق جالعاندىعىن تازالاۋدى“ ىلگەرىلەتىپ، دارىندىلاردى تاربيەلەۋ ساپاسىنا شىنايى كەپىلدىك ەتتى. بەرتىنگى 3 جىلدا بۇكىل رايونىمىزداعى ماگيسترلىق عىلمي اتاق ديسسەرتاتسياسىنان ۇلگى الىپ تەكسەرۋدىڭ تولىمدىلىق سالىستىرماسى ورنىقتى قاداممەن جوعارىلاپ، ％97تەن جوعارى بولىپ كەلدى.
اۆتونوميالى رايوندىق وقۋ - اعارتۋ مەڭگەرمەسىنىڭ قاتىستى جاۋاپتىسى مىنالاردى تانىستىردى: كەلەسى قادامدا وقۋ - اعارتۋ مەڭگەرمەسى اسپيرانتتىق اعارتۋدىڭ ”14 - بەسجىلدىق“ دامۋ جوباسىن عىلمي جوسپارلاپ، اسپيرانتتىق اعارتۋدىڭ ”باسىمدىعىنان“ ۇتىمدى پايدالانىپ، يدەيا - ساياسي تاربيە قىزمەتى، ۇستازدار قوسىنى قۇرىلىسىن كۇشەيتۋ، پاندەردىڭ ماماندىق قۇرىلىمىن رەتتەۋ، دارىندىلاردى تاربيەلەۋ ۇلگىسى رەفورماسىن تەرەڭدەتۋ، تاربيەلەۋ ساپاسىن باقىلاۋدى قاتاڭداستىرۋ سياقتى بۋىنداردى مىقتاپ يگەرىپ، جوعارى دەڭگەيدەگى دارىندىلاردى تاربيەلەۋدى رايونىمىزدىڭ ەكونوميكالىق، قوعامدىق دامۋ سۇرانىسىنا اناعۇرلىم ۇيلەستىرەدى، اناعۇرلىم سايكەستىرەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
