تيانشان الابىندا ”كۇزگى ءۇش جۇمىس“ قاۋىرت ىستەلۋدە
2020.08.28 15:02 كەلۋ قاينارى : شينجياڭ گازەتى
8 - ايدىڭ 15 - كۇنى ەگىنشى سۇرلەمدىك جەم - ءشوپ ورۋ ماشيناسىن جۇرگىزىپ، كۇشار قالاسى ياحا قالاشىعىنىڭ چىنگۋاڭ قىستاعىندا جۇگەرى ساباعىن ورۋدا. كۇشار قالاسى ەككەن 405 مىڭ مۋ جەردەگى سۇرلەمدىك جۇگەرى ىركەس - تىركەس پىسىپ، ەگىنشىلەر ەگىس ۋاقىتىن مىقتى يگەرىپ، سۇرلەمدىك جۇگەرىنى ورىپ الىپ، بيىل قىستا مالدىڭ قىستان امان وتۋىنە ويداعىداي دايىندىق جاسادى. □ سۋرەتتى نياز راحمان تۇسىرگەن
8 - ايدىڭ 15 - كۇنى كۇشار قالاسى ياحا قالاشىعى چىنگۋاڭ قىستاعىنىڭ تۇرعىنى مامەت عالي وتباسىنىڭ ەرتە پىساتىن جۇگەرى اتىزىندا، جۇگەرى ساباعىن ورىپ - جينايتىن ءىرى تۇرپاتتى ماشينا ارلى - بەرلى جۇيتكىپ، ورىپ جيناپ، ۇساقتاپ، اۆتوموبيلگە تيەپ جاتىر... قازىر رايونىمىزدىڭ جەر - جەرى كۇزگى باپتاۋ، كۇزگى ەگۋ، كۇزگى جيىن - تەرىن مەزگىلىندە تۇر، اتىزداردىڭ بارلىق جەرىنەن قاربالاستاعان كورىنىس كەزدەسەدى.
8 - ايدىڭ 25 - كۇنى شايار اۋدانى دىمين ەگىنشىلىك شارۋالار كاسىپتىك سەلبەستىك كووپەراتيۆىندە تەحنيكتەر مەن قىستاق تۇرعىندارى بىرگە جەر سۋارىپ ءجۇر، بۇل ماقتا باپتاۋدىڭ ورتا، سوڭعى مەزگىلىنىڭ ەڭ سوڭعى كەزەڭدىك سۋارۋ قىزمەتى. تەحنيك حيميالىق تىڭايتقىش پەن سۋدى سالىستىرما بويىنشا ارالاستىرعاننان كەيىن، تامشىلاتىپ سۋارۋ جۇيەسى ارقىلى ماقتا اتىزىنا جەتكىزەدى، بۇل ءتاسىل قولايلى ءارى ءونىمى دە جوعارى.
”ماقتانىڭ ساباق باسىنان ءتۇسىپ قالۋىنان ساقتانۋ ءۇشىن، ماقتانىڭ سوڭعى مەزگىلدەگى ءوسۋىن جەتكىلىكتى قورەكتىكپەن قامداۋ كەرەك، قازىر 1 - كەزەكتى سۋارۋ، ءار مۋ جەرگە شامامەن 4 تە 5 كليوگرام توڭىرەگىندە تىڭايتقىش كەتەدى، كەيىن تاعى دا 2 كەزەك سۋارۋ كەرەك“، - دەدى شايار اۋدانى دىمين ەگىنشىلىك شارۋالار كاسىپتىك سەلبەستىك كووپەراتيۆىنىڭ تەحنيگى چىڭ گۇڭ.
ماقتادان مول ءونىم الۋ ءۇشىن، جەر - جەر ماقتا اتىزىن باپتاۋ قىزمەتىن مۇقيات جاقسى ىستەۋمەن بىرگە، جاپىراق ءتۇسىرۋ ءدارىسىن، ماقتانىڭ اشىلۋىن جەدەلدەتۋ ءدارىسىن دايىنداۋ، سونداي - اق ماقتا جيناۋ ماشينالارىن ءوڭىر اتتاپ جۇمىس ىستەۋگە ۇيىمداستىرۋ، سايكەستىرۋ سياقتى جيناۋدان بۇرىنعى دايىندىق قىزمەتتەردى بەلسەندىلىكپەن ىستەۋدە.
8 - ايدىڭ 24 - كۇنى تۇستەن كەيىن سانجى مەملەكەتتىك اۋىل شارۋاشىلىق عىلىم - تەحنيكاسى باقشا رايونى لاۋلۇڭحى ەگىنشىلىك بازاسىندا سانجى قالاسى نۇڭجىشين اۋىل شارۋاشىلىق ماشينالارى كاسىپتىك سەلبەستىك كووپەراتيۆىنىڭ جۇمىس جاۋاپتىسى گو دۇڭ شاندۇڭداعى ءبىر كاسىپورىن جىبەرگەن ءبىر توننا ماقتا جاپىراعىن ءتۇسىرۋ ءدارىسىن تاپسىرىپ الدى. ”قازىر ماقتا اتىزىن باپتاۋ جاپىراق ءتۇسىرۋ ءدارىسىن بۇركۋدىڭ دايىندىق كەزەڭىنە ءوتتى، ءبىز سايكەستى دايىندىق قىزمەتتەرىن ىستەپ، 9 - ايدىڭ باس شەنىندە جاپىراق ءتۇسىرۋ ءدارىسىن بۇركۋ قىزمەتىنىڭ تۇگەلدەي ورىستەتىلۋىنە شىنايى كەپىلدىك ەتىپ، كەيىنگى مەزگىلدىك ماقتا جيناۋعا تاماشا نەگىز قالاۋدامىز“، - دەدى گو دۇڭ.
قازىر رايونىمىزدىڭ جەر - جەرىندەگى ءبىر ءبولىم جۇگەرىگە وراق قويىلدى، ەندى ءبىر ءبولىمى ءالى شاشاق شىعارۋ، داندەنۋ مەزگىلىندە تۇر، تەڭىز دەڭگەيىنەن بيىك سۋىق، سالقىن وڭىرلەر مەن وڭتۇستىك شينجياڭداعى قايتالاپ ەگىلگەن جۇگەرى قىن تارتۋ مەزگىلىنەن اتالىقتىڭ باس جارۋ مەزگىلىنە دەيىنگى كەزەڭدە، جالپى تۇلعالىق جاقتان ءوسۋى جاقسى.
8 - ايدىڭ 22 - كۇنى ساۋان اۋدانى ۇلانس قالاشىعى توۋفۋ قىستاعىنداعى جۇگەرى ەگۋشى شارۋا شۇي بياۋدىڭ جۇگەرىسى جينالا باستادى، شۇي بياۋ: ”بيىل مەن 100 نەشە مۋ جەرگە جۇگەرى ەكتىم، مۋ باسىندىق ءوندىرىس قۋاتى 1.3 توننا توڭىرەگىنە جەتەدى، ءبىر مۋ جەردەن 700 − 800 يۋان تازا كىرىس كىرەدى“، - دەدى.
بيىل ساۋان اۋدانىندا 310 مىڭ مۋدان استام جەرگە جۇگەرى ەگىلدى، مۇنىڭ ىشىندە 41 مىڭ مۋ توڭىرەگىندەگى سۇرلەمدىك جۇگەرى مەجەمەن 9 - ايدىڭ اياعىندا جينالىپ بولادى.
8 - ايدىڭ 25 - كۇنى چارقىلىق اۋدانى تىكەنلىك قالاشىعىنداعى سۇرلەمدىك جۇگەرى اتىزىندا ورۋ ماشيناسى ارلى - بەرلى جۇيتكىپ ءجۇر، قاتار - قاتار جۇگەرى رەتىمەن سۇلاپ، ۇساقتالىپ اۆتوموبيلگە تيەلگەننەن كەيىن ساقتاۋ كولشىگىنە اشىتىلۋعا جەتكىزىلىپ، مالدىڭ قىستىق ازىعى رەتىندە ازىرلەنۋدە. بيىل بايىنعولين موڭعۇل اۆتونوميالى وبلىسىندا ەگىلگەن كوكتەمگى سۇرلەمدىك جۇگەرىنىڭ جەر اۋدانى 347 مىڭ 800 مۋعا جەتىپ، بىلتىرعى سايكەس مەزگىلدەگىدەن 202 مىڭ 300 مۋ ارتتى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
