اۆتونوميالى رايوندىق پارتكوم بەينە ەكران ءماجىلىسىن اشىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاپ ىلگەرىلەتۋدى ىشكەرىلەي ورنالاستىردى، جايعاستىردى
ىندەتتەن ساقتانۋ - تىزگىندەۋ تابىستارىن ۇزدىكسىز بەكەمدەپ، كەڭەيتىپ، ىندەتتەن ساقتانۋ - تىزگىندەۋدى ۇدايىلاندىرۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ كەرەك
2020.08.31 14:27 كەلۋ قاينارى : شينجياڭ گازەتى
چىن چۋانگو ماجىلىسكە قاتىناستى ءارى ءسوز سويلەدى
شوكىرات زاكىر باسقاردى، شاۋكەت ءيمىن، نۇرلان ءابىلماجىن، ۋاڭ جۇنجىڭ، لي پىڭشين قاتىناستى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 8 - ايدىڭ 29 - كۇنى ۇرىمجىدەن حابارلايدى. 8 - ايدىڭ 29 - كۇنى كەشتە اۆتونوميالى رايوندىق پارتكوم بەينە ەكران ءماجىلىسىن اشىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاپ ىلگەرىلەتۋدى ىشكەرىلەي ورنالاستىردى، جايعاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ماجىلىسكە قاتىناستى ءارى ءسوز سويلەدى.
اۆتونوميالى رايوننىڭ ءتوراعاسى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى شوكىرات زاكىر ءماجىلىستى باسقاردى. اۆتونوميالى رايون باسشىلارىنان شاۋكەت ءيمىن، نۇرلان ءابىلماجىن، ۋاڭ جۇنجىڭ، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، ياڭ شين، جاڭ چۇنلين قاتارلىلار ماجىلىسكە قاتىناستى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى لي پىڭشين ماجىلىستە ىندەتتەن ساقتانۋ - تىزگىندەۋدى ۇدايىلاندىرۋدى ىلگەرىلەتۋ جونىندە ناقتى ورنالاستىرۋ جاسادى.
چىن چۋانگو سوزىندە بىلاي دەپ اتاپ كورسەتتى: بۇكىل رايوننىڭ جوعارىدان تومەنگە دەيىن ورتاق قۇلشىنۋىمەن، ىندەتتەن ساقتانۋ - تىزگىندەۋ كەزەڭدىك ماڭىزدى تابىسقا قول جەتكىزىپ، ىندەتتەن ساقتانۋ - تىزگىندەۋدىڭ جاقسارۋ بەتالىسى ىشكەرىلەي بەكەمدەلدى. دەسەدە، ءسوز جوق، مىنانى دا ايقىن كورە ءبىلۋ كەرەك: ىندەتتەن ساقتانۋ - تىزگىندەۋدىڭ تابىسىن ساقتاپ، ىندەتتىڭ قايتا بەلەڭ بەرۋىنىڭ الدىن الۋ مىندەتى اۋىر. سالعىرتسۋ يدەياسىن، شايقاستان قاجۋ كوڭىل كۇيىن، باق سىناۋ ويىن، بوساڭسۋ پيعىلىن، ءسوز جوق، باتىل جويىپ، تومەنگى شەكتە ويلاۋعا تاباندى بولىپ، ىندەتتەن ساقتانۋ - تىزگىندەۋ سىندى ارقاۋدى قاي - قاشان دا مىقتاپ شيراتىپ، ىندەتتەن ساقتانۋ - تىزگىندەۋدى ۇدايىلاندىرۋدى مىقتى، ناقتى، ەگجەي - تەگجەيلى يگەرىپ، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ شارالارىن ۇزدىكسىز اقاۋسىزداندىرۋ، تياناقتاندىرۋ كەرەك. زاڭ بويىنشا ساقتانىپ - تىزگىندەپ، عىلمي ساقتانىپ - تىزگىندەپ، دالمە - ءدال ساقتانىپ - تىزگىندەپ، قاداعالاۋ، الدىن الا ساقتاندىرۋ مەحانيزمىن ورناتىپ، ەرتە بايقاۋدى، ەرتە مالىمدەۋدى، ەرتە اۋاشالاۋدى، ەرتە ەمدەۋدى شىن مانىندە ورىنداۋ كەرەك. بۇقارالىق ساقتانۋعا، بۇقارالىق تىزگىندەۋگە، ارنايى ساقتانۋ - تىزگىندەۋ مەن بۇقارالىق ساقتانۋ - تىزگىندەۋدى ۇشتاستىرۋعا تاباندى بولىپ، ساقتىق جوباسى بويىنشا جاتتىعۋدى كۇشەيتىپ، زاتتىق ماتەريال زاپاسىن جاقسى ىستەپ، ارناۋلى باۋلۋ تەبىنىن ارتتىرىپ، توتەنشە جاعدايعا توتەپ بەرۋ بويىنشا ءبىر جاقتى ەتۋ ورەسىن جوعارىلاتىپ، كۇز، قىس ماۋسىمدارىنداعى ساقتانۋ - تىزگىندەۋ دايىندىعىن شىن مانىندە جاقسى ىستەۋ كەرەك.
چىن چۋانگو بىلاي دەپ باسا دارىپتەدى: ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، رەفورما جاساۋدى، ەسىك اشۋدى قوزعاۋشى كۇش ەتە وتىرىپ جوعارى ساپالى دامۋدى ىلگەرىلەتۋگە تاباندى بولىپ، ”التىنى ورنىقتىرۋ“ قىزمەتىن جاقسى ىستەپ، ”التىنى قامتاماسىز ەتۋ“ مىندەتىن تياناقتاندىرىپ، كاسىپ سالاسى اينالىسىن، بازار اينالىسىن، ەكونوميكا اينالىسىن ورنىقتى، ءتارتىپتى تۇردە ىركىلىسسىزدەندىرىپ، ىندەت تۋدىرعان زياندى ەڭ تومەنگى شەككە تۇسىرۋگە قۇلشىنۋ كەرەك. قيىنشىلىقتى شەشۋ، كاسىپورىندارعا تيىمدىلىك جاساۋ ساياساتىن جالپى بەتتىك تياناقتاندىرىپ، كاسىپورىنداردىڭ اۋىرتپالىعىن شىن مانىندە جەڭىلدەتىپ، كاسىپورىنداردىڭ، اسىرەسە، ورتا، شاعىن، ۇساق كاسىپورىندار مەن جەكە ساۋدا - ونەركاسىپشىلەردىڭ سەنىمىن ارتتىرۋىنا، قيىن وتكەلدەن وتۋىنە كومەكتەسۋ؛ ”ەكىدەن تارىقتىرماۋ، ءۇشتى قامتاماسىز ەتۋمەن“ تىعىز بايلانىستىرىپ، كەدەيلىكتەن ارىلتۋ جەتىستىكتەرىن بەكەمدەپ، كەدەيلىكتەن ارىلتۋدان قامال الۋ نىسانالارى مەن مىندەتتەرىنىڭ ۋاعىندا ورىندالۋىنا شىنايى كەپىلدىك ەتۋ؛ ەگىن، مال شارۋاشىلىعى ءوندىرىسىن شىن مانىندە مىقتاپ يگەرىپ، ءوندىرۋ مەن ساتۋدى ۇشتاستىرۋدى كۇشەيتىپ، ساتۋ ارناسىن كەڭەيتىپ، كۇز ماۋسىمىندا مالدى بازارعا سالۋ، باعىپ - باسقارۋ، ىندەتتىڭ الدىن الۋ سياقتى قىزمەتتەردى جاقسى ىستەۋ؛ حالىق تۇرمىسىن زور كۇشپەن قامتاماسىز ەتىپ جانە جاقسارتىپ، حالىققا تيىمدىلىك جەتكىزۋ ينجەنەريالارىن تىڭعىلىقتى ىلگەرىلەتىپ، بۇقارانىڭ جۇمىستانۋ، قوعامدىق قامتاماسىزداندىرۋ، ەمدەۋ قامسىزداندىرۋى، وقۋعا ءتۇسۋ سياقتى جاقتارداعى ءىس جۇزىندىك قيىنشىلىقتارىن شەشۋىنە كومەكتەسىپ، ەرەكشە قيىنشىلىعى بار قاۋىمدى تومەنگى شەكتەن تۇسىرمەي قامتاماسىز ەتۋدى كۇشەيتۋ؛ قوعامدىق كەلەلى جاعدايدىڭ جاراسىمدىلىعىن، ورنىقتىلىعىن ساقتاپ، ىندەتتەن ساقتانۋ - تىزگىندەۋگە جانە ەكونوميكالىق، قوعامدىق دامۋعا تاماشا ورتا جاراتۋ كەرەك.
چىن چۋانگو بىلاي دەپ اتاپ كورسەتتى: ءبىر ۇلەس ورنالاستىرۋدان، توعىز ۇلەس تياناقتاندىرۋدان كەلەدى. ”العان بەتتەن قايتپايتىن“ قايسارلىقپەن، ”كروراندى الماي ءسىرا دا كىم قايتۋدى ويعا الادى“ دەيتىن ارىنمەن، نەعۇرلىم جاپالى، قاتەرلى بولعان سايىن سولعۇرلىم العا ۇمتىلاتىن كۇرەس رۋحىمەن كوڭىل قويىپ، ورنىعىپ وتىرىپ كىرىسىپ، ناقتى ىستەر ىستەپ، ناقتى ونىمدىلىككە ۇمتىلىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جالپى بەتتىك جەڭىسىنە باتىل قول جەتكىزىپ، جاپپاي دوڭگەلەك داۋلەتتى قوعام ورناتۋعا، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋگە جانە ”13 - بەسجىلدىق“ جوبانى تابىسپەن اياقتاتۋعا شىنايى كەپىلدىك ەتىپ، زور شايقاس، زور سىناقتان تولىمدى جاۋاپ تاپسىرۋعا قۇلشىنۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
