- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تومەنگە تۇسكەن قىزمەت گرۋپپاسى پارتيانىڭ بۇقارالىق لۋشيان تاربيەسى قيمىلىنا رەسمي كىرىستى
بەكمۇقامەت نۇردانبەك ۇلى
2014.03.25 15:46 كەلۋ قاينارى : حالىق تورابى
حالىق بۇقاراسىنىڭ كوركەم بولاشاققا دەگەن ارمانىنا ساي، «ايناعا قاراپ جاعا-جەڭدى تۇزەپ، جۋىنىپ-شايىنىپ، پاك بولۋدى» نەگىزگى تالاپ ەتە وتىرىپ، حالىق ءۇشىن ناقتىلى جۇمىس ىستەۋدى تاقىرىپ ەتكەن پارتيانىڭ بۇقارالىق لۋشيان تاربيەسىن ءامالياتتا ايگىلەۋ بۇكىل ەل كولەمىندە جالپى بەتتىك قانات جايدىرىلىسىمەن، نىلقى اۋدانى ەكىنشى رەتكى پارتيانىڭ بۇقارالىق لۋشيان تاربيەسى امالياتتىق قيمىلىنداعى اۆتونوميالى رايوننىڭ بەلگىلەگەن سىناق اۋدانى، سونداي-اق ىلە وبلىسنىڭ وسى رەتكى قيمىلداعى ۇلگى كورسەتۋ اۋدانى بولىپ، وتكەن جىلدىڭ اياق شەنىنەن باستاپ قيمىلعا كىرىسە باستاعان ەدى.
2014-جىلدىڭ 1-ناۋرىزىنان باستاپ، پارتيانىڭ بۇقارالىق لۋشيان تاربيەسىىن ءامالياتتا ايگىلەۋ قيمىلىنىڭ تىرەكتى تۇلعاسى بولعان ءار ۇلت كادرلارى نەگىزگى ساتىعا ءتۇسىپ، «حالىق جاعدايىن ۇعىسپ، حالىقتى يگىلىككە كەنەلتىپ، جۇرت تىلەگىن توعىسترۋ» قيمىلىنا رەسمي اتقا قوندى. اۋدانعا قاراستى ءار قايسى مەكەمە ورىندارداعى تۇڭعىش رەتكى نەگىزگى ساتىعا بارىپ قىزمەت وتەيتىن ۇزدىك كادرلەردەن 443 كادر 89 گرۋپپاعا ءبولىنىپ، 13 اۋىل-فەرما، 75 اكىمشىلىك قىستاق، 6 الەۋمەتتىك رايون، 8 فەرما لياندارىنىڭ قاتىستى بايلانىس تۇيىندەرىنە ورنالاستى.
بۇل كۇندەرى قىزمەت گرۋپپاسىنداعىلار قىستاققا تۇسكەندەرىنە ۇزاق بولماسا دا وسى اراداعى ءارقايسى سەميالاردى ارالاپ، حالىق بۇقاراسىنىڭ ناقتىلى حال-جاعدايىن ۇعىستى.
نىلقى اۋدانى جاعا لاستاي اۋىلىنىڭ تاۋ لاستاي قىستاعىنا تىلشىلىك ساپارىمەن بارعانىمىزدا بۇل قىستاق پەن اۋىلدىڭ ارالىعى 12 كيلومەتر بولعانىمەن، قىستاق تاۋ ىشىندە بولعاندىقتان، جولى كۇدىر، جەرءتۇزىلىسى كۇردەلى، قۇبىرسۋى، تەلەفون قاتارلى حابارلاسۋ اسپابى جوق، بار بولعان قول تەلەفوننىڭ دا سەگنالى جاقسى تارتپايتىن ناشار ورتادا حالىقتىڭ ەكونوميكالىق تۇرمىسىنىڭ دا ناشار ەكەندىگىن كوردىك. بۇكىل قىستاقتا 505 وتباسى بولىپ، كوپشىلگى قازاق ۇلتى، كەدەي وتباسىنڭ وزىنەن 187 وتباسى بار ەكەن.
جاعا لاستاي اۋىلىنداعى «حالىق جاعدايىن ۇعىسىپ، حالىقتى يگىلىككە كەنەلتىپ، جۇرت تىلەگىن توعىسترۋ» قيمىلىنىڭ جاۋاپتىسى، ىلە وبلستىق سۋ يگىلىگى مەكەمەسى پارتگرۋپپاسىنىڭ مۇشەسى، قاس وزەن اڭعارى باسقارماسىنىڭ باستىعى لوحۋڭ ءوزى تۇرعان بۇل اۋىلدىڭ جالپى جاعدايىنان دا حاباردار بولىپتى.
ول بىزگە: «قازىرگى ءبىزدىڭ جالپى يەلەگەن جاعدايىمىزدان الىپ ايتقاندا، مۇنداعى بۇقارانىڭ اڭىس ەتكەن ەڭ ءتۇيىندى ماسەلەلەرى، ءبىرىنشى، اۋىز سۋى مەن مال سۋاتى، ەگىنشىلىككە ىستەتىلەتىن سۋ تاپشى، بۇل بۇرىننان شەشىلمەي كەلە جاتقان ماسەلەلەردىڭ ءبىرى. ەكىنشى، توراپ حابارلاسۋ ماسەلەسى ءالى دە شەشىم تاپپاي وتىر. ءۇشىنشى، تاۋ لاستاي قىستاعى كەدەي قىستاق بولىپ، بۇقارانىڭ تۇرمىس جاعدايى ناشار، سوندىقتان بۇقارانى قايتكەندە كەدەيلىكتەن قۇتىلدىرۋ كەزەكتەگى ماڭداي الدى ماسەلە بولىپ وتىر»،-دەدى. اياداي عانا قىزمەت كەڭسەسىمەن ەكى قاتار قويىلعان ەكى قابات توسەك، ءبىر ۇستەل، جانە ءبىر تەلەۆيزورى بار بولمە ولاردىڭ وسىنداعى تۇرار جايى ەكەن.
العاشىندا وسىندا كەلگەننەن بەرى وتباسىلارىن ارالاپ جاعداي ۇعىسۋمەن قوسا، ولاردىڭ ويعا العان تاعى ءبىر ءىسى كوكتەمگى ەگىس قاربالاستىعىنان بۇرىن وسىنداعى بۇقارالاردىڭ رۋحاني مادەني تۇرمىسىن بارىنشا جانداندىرۋ ەدى.
گو شياۋلي اۋداندىق تەاتر ۇيىرمەسىنىڭ ءبي ءارتىسى، ول قىستاققا تۇسكەننەن بەرى تابيعي تۇردە بۇل ارانىڭ ءبي مۇعاليماسى بولىپ كەتىپتى.
بۇندا كوپتەگەن قازاق ايەلدەر كەلىپ ءبي ۇيرەنەدى، ادەتتە ول قازاق ايەلدەرىمەن ارالاسۋدا ءتىل جاعىنان قينالاتىن ەدى، دەسەدە، بۇل رەتكى قىستاققا ءتۇسۋ گوشياۋليدىڭ ءتىل ۇيرەنۋىنە اسا ءتيىمدى بولىپتى.
قىستاقتاعى ديقاندار كىتاپ ءۇيى مەن راديو پۋنكتى دە جاندانا ءتۇسىپ، كۇندەلىكتى راديودا جاڭالىقتار بەرىلىپ، كىتاپ ۇيلەرى كۇندىز كەشكە دەيىن بۇقارالار ءۇشىن اشىق تۇراتىن بولىپتى. ال مۇندا شاڭ باسىپ تۇرعانىنا كوپ بولعان ۇستەل دوبىنا وسىنداعى جاستار دا ۇنەمى كەلىپ بىرنەشە قول بليارد وينايتىن بولعان، وسىلايشا وتكەنمەن سالىستىرعاندا، بۇل جەر الدە قايدا دۋماندى بولىپ جاتىپتى.
نىلقى اۋدانى جاعا لاستاي اۋىلىنا قاراستى جاعا لاستاي قىستاعى اۋىلدىق ۇكىمەت ماڭىنداعى قىستاق بولعاندىقتان جالپى جاعدايى جاقسىراق، دەسە دە قىستاقتاعى 450 باسءتۇتىننىڭ ۇشتەن ءبىرى ءالى دە كەدەي، قىزمەت گرۋپپاسىنداعىلار قىستاقتا قىزمەت ورىستەتۋدە بەلگىلى قيىندىقتارعا ءدوپ كەلىپ وتىر.
قىستاق قىزمەتىنەن الىنعان فوتو سۋرەتتەردى كورىپ تۇرعانىمىزدا، جۇزدەرىنە كۇلكى ۇيىرىلگەن ەكى بالانىڭ سۋرەتى ءبىزدىڭ نازارىمىزدى اۋداردى.
وسى قىستاققا تۇسكەن قىزمەت گرۋپپاسىنىڭ گرۋپپا باستىعى ۋاڭ كايچۋان بىزگە تانىستىرىپ: فوتو سۋرەتتەگى كىشكەنە بالانىڭ بىرەۋى ەرجان، ول بيىل جەتى جاستا، ۇيىندە ەڭبەك كۇشى جوق، ەرەكشە قيىنشىلىعى بار بالالاردىڭ ءبىرى. مۇندا ەرجان سياقتى وتباسىندا قيىنشىلىعى بار بالالاردان ءالى تالايى بار، ءبىز قىستاقتى ارالاپ سۇراستىرۋ ارقىلى بالالارعا بەتپە-بەت تۇيىندى تۇردە كومەك بەرۋگە ازىرلەنىپ جاتىرمىز.- دەدى. ول بىزگە: «قىزمەت گرۋپپامىز وسىندا كەلگەننەن كەيىن قىستاقتاعى ءار قايسى وتباسىلارىن ارالاۋ ارقىلى كەيبىر وتباسىلارىنىڭ وتە كەدەي ەكەنىن بايقادىق، وسى كەدەي وتباسىنداعى بالالاردىڭ رياسىز كۇلكىسى جۇرەك تۇكپىرىمىزدە قالدى، ۇستەگى جىلى مەن چاڭجوۋ قالاسىندا ۇيرەنۋدە بولعان ەدىم، ول جەردە كەدەي وتباسىنداعى بالالاردىڭ ۇيرەنۋىنە كومەك قولىن سوزاتىن ارناۋلى ۇيىم بار ەكەن، مەن سولاردىڭ كۇشى ارقىلى بۇل بالالارعا كومەكتەسۋدى ويلاۋدامىن، وتكەندە چاڭجوۋ قالالىق پروكۋراتۋرامەن سايكەسىپ وسى ۇيىمعا حات جازدىم، ول جەردەگى ليۋ اپاي دا حات قايتارىپ، مۇنداعى بالالارعا كومەكتەسۋ نيەتىن دە بىلدىردى»،-دەدى.
ارەدىك اڭگىمە ارالىعىندا ءبىز جانە مىناداي ءبىر جاعدايدى يەلەدىك، قىزمەت گرۋپپاسىنداعى قىزمەتشىلەر وسىنىڭ الدىندا قىستاقتاعى وتباسىلارىن ارالاۋ بارىسىندا وسى قىستاقتاعى ۇنەمى اراق ءىشىپ، سەمياسىنا قاراماي، وتباسىنىڭ بەرەكەسىن كەتىرگەنءبىر قىستاق تۇرعىنىنا ءناسيحات ايتىپ اراق قويعىزىپ، وسى وتباسىن اراق دەيتىن الاپاتتىڭ قۇرىعىنان قۇتىلدىرىپتى. ءبىز بارعاندا ول ءوز تىرشىلىگىمەن قاربالاس ەكەن.
نىلقى اۋدانى جاعا لاستاي اۋىلى جاعا لاستاي قىستاعىنا تۇسكەن قىزمەت گرۋپپاسىنىڭ باستعى ۋاڭ كايچۋان ويعا العان جوبا جوسپارلارىن تانىسترىپ بىلاي دەدى: «جاعا لاستاي اۋىلىن قامتىعان جاعا لاستاي قىستاعى باتىستاعى ءۇش اۋىلدا سۋ جەتىسپەۋ ماسەلەسى وتە اۋىر، قىستاعىمىزدا بۇقارا ارمانداعان سۋ شەشىم تاپسا ولاردىڭ وتباسى كىرىسى ارتىپ، مەينام اتىزداردى سۋلى اتىزعا اينالدىرىپ، مۇنداعى بۇقارالاردىڭ جەمىس باقشاسى باعىبانشىلىق، مالشىلىق كاسىپتەرى جاندانا تۇسەتىن ەدى»،-دەدى.
ءتىلشى ەستەمەسى:
تىلشىلىك جاساۋ مىندەتىن تاپسىرىپ العاندا، بىزدە قازىر بارىپ تىلشىلىك جاساعاندا وتباسىلارىن ارالاۋدان باسقا جارىق ەتكەن تاماشا تاقىرىپتاعى تارتىمدى مازمۇندى حابار شىعا قويار ما دەگەن الاڭداۋشىلىقتار دا بولدى. دەسە دە ءبىز نىلقى اۋدانى جاعا لاستاي اۋىلىنا بارعانىمىزدا، وسى قىسقا عانا ون نەشە كۇن ىشىندە تومەنگە تۇسكەن قىزمەت گرۋپپاسىنداعىلار جەرگىلىكتى حالىق جۇرتشىلىعىمەن ەتەنە بولىپ كەتكەندىگىن بايقادىق. ولار مۇندا كەلە سالىپ ساقتالعان ماسەلەلەردى تۇبەگەيلى شەشىپ كەتە الماسا دا،ءبىز ولاردىڭ قىزمەتكە دەگەن شوگەلدىگىن، ءار بىر قىستاققا، ءار ءبىر وتباسىنا دەگەن جاۋاپكەرلىك پوزيتسيالارىن ايقىن اڭعاردىق ءارى العى كۇندەردە قالىڭ حالىق بۇقاراسى ءۇشىن از دا بولسا ناقتى ءىس ىستەيدى دەگەن سەنىممەن قايتتىق.
اۆتوردىڭ قىزمەت ورنى: نىلقى اۋداندىق مادەنيەت دەنە تاربيە راديو تەلەۆيزيا مەكەمەسى
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
