- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ادەبيەت- كوركەمونەر قىزمەتكەرلەرىنىڭ اڭگىمە ءماجىلىسى اشىلدى
2014.04.01 14:21
ايماعىمىزداعى ادەبيەت- كوركەمونەر قىزمەتكەرلەرىنىڭ اڭگىمە ءماجىلىسى 24- ناۋرىزدا اشىلدى. ايماقتىق پارتكومنىڭ شۋجيى دىڭ جاڭ - ۋ ماڭىزدى ءسوز سويلەدى. ايماعىمىزداعى ادەبيەت- كوركەمونەر سالاسىنىڭ ۋاكىلدەرى ايماق باسشىلارىمەن بەتپە- بەت اڭگىمەلەسىپ، ايماعىمىزداعى ادەبيەت- كوركەمونەر ىستەرىن دامىتۋ جونىندە بەلسەنە اقىل- كەڭەس بەردى.
الدىمەن ءسوز كەزەگىن العان ايماقتىق ساياسي كەڭەس قىزمەت كوميتەتىنىڭ بۇرىنعى ورىنباسار باس حاتشىسى، جازۋشى قابدەش جانابىل ۇلى بىلاي دەدى: «جۋىرداعى جىلداردان بەرى ايماعىمىزدا قالىپتاسقان اقىن- جازۋشىلار قوسىنىنداعىلاردىڭ كوبى قاراپايىم ەگىنشى- مالشى بولعاندىقتان نەگىزگى ساتىدان شىققاندار ەسەپتەلەدى. وسى اقىن- جازۋشىلارىمىز كوپتەگەن ادەبي تۋىندىلار جاراتقانىمەن ءبىلىمى شەكتى بولعاندىقتان تۋىندىلارىنىڭ كوركەمونەرلىك قۋاتى مەن جەتەكشىلىك قۋاتى ءالسىز بولۋدا. سوندىقتان ولاردىڭ سىرتقا شىعىپ كوز اياسىن كەڭەيتۋىنە، ءبىلىمىن مولايتۋىنا شارت- جاعداي ازىرلەۋدى ءۇمىت ەتەمىن».
ايماعىمىزداعى اقىن- جازۋشىلاردىڭ شىعارمالارىن اناعۇرلىم كوپ ادامعا تانىستىرۋ ىسىنە ايىرىقشا نازار اۋدارعان التاي قالاسى قىزىلتاس قالاشىعىنىڭ ەمحاناسىنان زەينەتكە شىققان، اقىن- جازۋشى ءنۇريلا بىلاي دەدى: «جۋىرداعى جىلداردان بەرى ايماعىمىزداعى قازاق ۇلتىنان شىققان ادەبيەت اۋەسكەرلەرى كوپتەگەن سۇبەلى ادەبي تۋىندىلار جاراتقانىمەن اۋدارما قوسىنى ءالسىز بولعاندىقتان وسى تۋىندىلار اناعۇرلىم كوپ وقىرماندارعا تانىلماي وتىر. سوندىقتان ايماقتاعى قاتىستى تاراۋلاردىڭ اۋدارما دارىندىلارىن كوپتەپ جەتىستىرىپ، ايماعىمىزداعى اقىن- جازۋشىلاردىڭ شىعارمالارىن شينجياڭنان شىعارىپ بۇكىل ەلگە، ءتىپتى دۇنيەگە بەت الدىرۋدى ءۇمىت ەتەمىن. اڭگىمە جيىنىندا ادەبيەت- كوركەمونەر سالاسىنىڭ ۋاكىلدەرى جابال لەبىز ءبىلدىرىپ، ايماعىمىزداعى ادەبيەت- كوركەمونەر ىستەرىنىڭ اقاۋسىز دامۋى جونىندە سىندارلى ۇسىنىس- پىكىرلەرىن العا قويدى».
دىڭ جاڭ ۋ ادەبيەت-كوركومونەر سالاسىنداعى قىزمەتكەرلەردىڭ ءسوزىن مۇقيات تىڭداپ، ەگجەي-تەگجەيلى ەستەلىككە الدى. دىڭ جاڭ ۋ جيىن اياقتالاردا بىلاي دەدى: «قازىرگى كەز ايماعىمىزدىڭ قاۋىرت دامۋ، كەڭ كولەمدە قۇرىلىس جۇرگىزۋ، ەلەۋلى وزگەرىس تۋىلۋ ءداۋىرى ەسەپتەلەدى. اسىرەسە ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى ايماعىمىزدىڭ ءتۇرلى ىستەرىندە تىڭ ناتيجەلەرگە قول جەتكىزدىك. ادەبيەت- كوركەمونەر سالاسىنداعى قىزمەتكەرلەردىڭ جاعدايدى جەتە تانىپ، باعداردى دۇرىس يگەرىپ، ءداۋىر تالابىن بەينەلەيتىن اناعۇرلىم كوپ، اناعۇرلىم سۇبەلى تۋىندىلاردى جارىققا شىعارۋىن ءۇمىت ەتەمىن».
دىڭ جاڭ ۋ مىنالاردى اتاپ كورسەتتى: جۇڭحۋا مادەنيەتى مەن ۇلت مادەنيەتىنىڭ، وسىزامانعى مادەنيەت پەن ءداستۇرلى مادەنيەتتىڭ قاتىناسىن دۇرىس تانۋىمىز كەرەك. ۇزاق تاريحى بار، شۇلەن ويلى جۇڭحۋا مادەنيەتى ءار ۇلت حالقى بىرگە جاراتقان، ورتاق يگىلىكتەنگەن رۋحاني مەكەن ەسەپتەلەدى. ءار ۇلتتىڭ مادەنيەتى جۇڭحۋا مادەنيەتىنىڭ ماڭىزدى قۇرامداس بولەگى سانالادى. شەكارا وڭىردەگى از ۇلت رايونى بولعان التاي ايماعىندا جاساپ جاتقان ءبىز جۇڭحۋا مادەنيەتى جونىندەگى مۇراتتاستىعىمىزدى اناعۇرلىم كۇشەيتۋىمىز كەرەك. بايىرعى جىبەك جولىنداعى ماڭىزدى وتكەل بولعان ايماعىمىزدا ەجەلدەن بەرى كوپ ۇلت مەكەن ەتىپ، كوپ ءتۇرلى ءدىن قاتار ءومىر ءسۇرىپ، الۋان ءتۇرلى مادەنيەت توعىسىپ، سان- سالالى مادەنيەت اياسىن قالىپتاستىردى. جاڭا تاريحي داۋىردە قازاقتىڭ وڭىرلىك تۇلعالىق مادەنيەتىن بارىنشا ساۋلەلەندىرۋمەن قاتار باسقا ۇلتتاردىڭ دا تاڭداۋلى مادەنيەتىن كۇش سالا جاڭعىرتۋىمىز قاجەت. مادەنيەتتىڭ وزىق، اقاۋسىز جاعى دا، ۇنامسىز، مەشەۋ جاعى دا بولادى سوندىقتان وسىزامانعى مادەنيەتتى جەتەكشىلىككە الۋدان جازباي، قاۋىزىن تاستاپ ءدانىن الۋ ءتاسىلى ارقىلى ءداستۇرلى مادەنيەتتى جاڭالىق اشا دامىتىپ، وعان تىڭ ومىرشەڭدىك كۇش بىتىرۋگە كۇش سالۋىمىز كەرەك.
دىڭ جاڭ ۋ مىنالاردى باسا دارىپتەدى: ەلەۋلى وزگەرىستەر جارىققا شىعاراتىن ءداۋىر جاپپاي جاسامپازدىق جاراتاتىن ءداۋىر ەسەپتەلەدى. سوندىقتان ادەبيەت-كوركومەنەر سالاسىنداعى قىزمەتكەرلەر ءداۋىر اۋقىمىن مىقتاپ يگەرىپ، «تابيعات زاڭدىلىعىنا ۇيلەسەتىن باياندى دامۋ جولىمەن ءجۇرۋ» جانە «قوعام ورنىقتىلىعىن قورعاپ، باياندى تىنىشتىقتى ساقتاۋ» سىندى ءداۋىردىڭ نەگىزگى اۋەنىن اسقاقتاتۋى قاجەت. ايماعىمىز مادەنيەت قىزمەتىنە بولعان باسشىلىقتى جالعاستى كۇشەيتىپ، ادەبيەت- كوركەمونەرشىلەرگە اناعۇرلىم ويداعىداي قىزمەت شارت- جاعدايىن ازىرلەپ بەرۋ ارقىلى اقىن- جازۋشىلار قوسىنى، ءانشى- بيشىلەر قوسىنى جانە ءتۇرلى اقپارات قۇرالىنداعى قىزمەتكەرلەر سىندى ءۇش ءتۇرلى ادەبيەت- كوركەمونەر قوسىنىن ءتۇيىندى تۇردە باۋلۋعا كۇش سالادى. ادەبيەت- كوركەمونەر سالاسىنداعى قىزمەتكەرلەردىڭ كورىكتى دە بەرەكەلى، ىرىستى التايدى بارىنشا ۇگىتتەپ، ايماعىمىزدىڭ جىلدام دامۋىنا اناعۇرلىم كوپ كۇش- قۋات توپتاۋىن ءۇمىت ەتەمىن.
ادەبيەت- كوركەمونەر سالاسىنداعى قىزمەتكەرلەر ۋاكىلدەرى اڭگىمە ماجىلىسىندە مىنالاردى ءبىلدىردى: بۇدان كەيىنگى قىزمەت جانە تۇرمىس بارىسىندا بۇقارانىڭ جاعدايىن شىنايى ۇعىنىپ، بۇقارانىڭ تۇرمىسىنا ىشكەرلەي ارالاسىپ قۇندى ماتەريال توپتاپ، تارتىمدى تاقىرىپ قاراستىرىپ، اناعۇرلىم سارا تۋىندى جاراتۋعا كۇش سالىپ، ايماعىمىزداعى ادەبيەت- كوركەمونەر ىستەرىنىڭ گۇلدەنۋىنە اناعۇرلىم كەسەك ۇلەس قوسامىز.
ايماقتىق پارتكومنىڭ مۇشەسى، ۇگىت ءبولىمىنىڭ باستىعى رازبەك قامزا ۇلى ءماجىلىستى باسقاردى. ايماقتىق پارتكومنىڭ مۇشەسى، باس حاتشى جاڭ شيانچىڭ قاتارلى باسشىلار اڭگىمە ماجىلىسىنە قاتىناستى.
كەلۋ قاينارى: التاي تەلەۆيزياسى ـ التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
